نەسىرلەر: چوقان

چوقان

	نەسىرلەر سىدىقجان غوپۇر گۇگۇمدىكى ئايال... سەھەردە تاڭ ئەمدىلا كۆتۈرۈلگەندە چەكسىز ئېتىز قىرلىرىنى بويلاپ ماڭسىڭىز، سۈبىھىدىكى چىرايلىق شەبنەملەر، ئاياغلىرىڭىزغا تۈكىلىدۇ. ئۇ شۇنچە ھارارەتلىك ۋە ساپ.قەلبىڭىز بەجايىكى ئەشۇ شەبنەمدەك سۈزۈك.... مېھرىڭىز، ئاناكۆكسىدىن تېمىۋاتقان ئوغۇز. ئوغۇزنىڭ رەڭگى مۇھەببەتكە ھامىي. چىھرىڭىز، گۇگۇمدىكى چىرايلىق شەپەقنى تىمسال قىلىپ،زىيادەك ئۆسكەن يۇمران مايسىلارغا تەققاستۇر... سىز چەكسىزلىككەسىڭگەن روھ، سىز مۇھەببەتكە تولغان ھايات. سىز بىر ئاددىي قەلىبنىڭ، نازۇك دەرىزىسىنى چەككەن ئايال... قولىڭىزنى ئىلكىمگە ئېلىپ مۇھەببەتكە قەدەر باشلاپ بارماقنى ئىستەيمەن. سىز ھەقىقەتنىڭ رەڭگىدە كۆكلەيسىز. باغرىڭىزدا باھار ئاپتىپى ناخشا ئېيتىدۇ. تۇرمۇشنىڭ سانسىزغۇۋغالىرىدا سىزنىڭ ئەسەبلەرگە ئەگەشكەن تۇيغىڭىز ئوتتەك لاۋۇلداپ يانىدۇ. قولىڭىزدىن سىڭگەن ھارارەت، مېھرىڭىزدىن تامغان ھەقىقەت مېنى يۈرىكىڭىزگە قەدەر چۆكتۈرۈپ بارىدۇ. ئەمدى بۇ ھاياتنىڭ تىمتاسلىقىدا بىز داۋاملىق يېڭى- يېڭى ھېكايىلىرىمىزنى يازايلى. كېلىڭ بىز ئەڭ پاكىز مۇھەببەتكە سىڭىپ كېتەيلى.... ئېھ گۇگۇمدىكى ئايال باغرىڭىزدىن مەڭگۈلۈك مېھىر ئېقىپ چۈشسۇن....

musilina

	تىلى يېقىشلىق چىققان نەسىرىڭىزنى ھېسياتلىق دېكىلماتسىيە قىلىپ ئوقۇۋەتتىم....

akilsiz

	ئۇكام بۇ يەردە  نەسرىڭىزنىڭ  قەدرىنى بىلگۈدەك ئىنسانلار ئاز ئىدى

چوقان

	ھەسرەت يۈتكەن قىز بەدەنلىرىڭنىڭ تىتىرەۋاتقىنىنى، نېىمىلەرگىدۇر نەپرات كۆزلىرىڭ بىلەن بېقىۋاتقىنىڭنى، قولىرىڭنىڭ ماجالسىزلا چاچلىرىڭنى يۇلۇشلىرىنى، ئېقىۋاتقان ياشلىرىڭغا قېتىلىپ باقماق نەقەدەر قېيىن، ھە!... يوللارغا چۆكۈۋاتاتتىڭ. قانداقتۇر بۇ يوللارنىڭ ئايىغىنىڭ چىقماسلىقىنى، سېنى مەڭگۈلۈك توپىلىرى بىلەن قېتىپ تەكتىگە چۆكتۈرۈپ كېتىشىنى تىلەيتىڭ. غۇۋا ئەسلىمىلەر ئىلكىدە ھەسرەتلىك تېنىشلىرىڭ سېنى بىئارام قىلاتتى. ئۇنى ياخشى كۆرەتتىڭ. ياخشى كۆرۈش بارلىقىڭنى ئېگىلىۋالغان ئىدى. ئۇنى سۈيەتتىڭ، پۈتكۈل ئەس-يادىڭ بىلەن، بارلىقىڭ بىلەن ئۇنىڭغا مەستانە ئىدىڭ. قىزلىق قەلبىڭنىڭ نازۇك ھېسلىرى ئۇنىڭغا قىتىلاتتى. ئۇنى پۈتكۈل خىيالىرىڭ بىلەن باغرىڭغا چۆۆكتۈرەتتىڭ. قىزلىق قەلبىڭدە ئويغانغان مۇھەببەت سېنى ئەسىر قىلغان ئىدى. ئاخىرى ئۇنىڭ بىلەن پىچىرلىشىش، قول تۇتۇشۇپ مېڭىش تۈگمەس پاراڭلارغا جۆر بۇلۇشقا نائىل بولدۇڭ.  ۋىسالنىڭ كەڭرى باغلىرىدا ئۇنىڭ بىر جۈپ كۆزلىرىگە تىكىلىپ ئولتۇرۇشنى بەخىت دەپ بىلەتتىڭ. مۇھەببەت بارلىقى بىلەن سېنى قوينىغا ئالغان ئىدى. قانچە ئۇزۇن ۋاقىت، قانچە ئۇزۇن كۈنلەر ئىتتىكلا ئۆتۈپ كەتتى.ئۇنىڭغا مايىل بۇلۇشلىرىڭ سېنى ئارامسىزلاندۇردى. ئۇ سېنى سۈيۈۋاتاتتى. ئاشۇ كۈنى ئۇ تىقىلغان بەدەنلىرىڭنى چەكسىز ھوزۇرغا باشلاپ، ئەڭ ئولۇغ قىممىتىڭنى بېرىشىڭنى ئۈتۈندى. ھېسىياتنىڭ قارىغۇلىقى سېنى كور قىلىپ، ئەقىلىڭنى كەستى. سەن ھەممە- ھەممىنى بەردىڭ... تالاي نەرسىلەردىن مەھرۇم قالغۇچى يەنىلا ئىنسان. بىز ھەممىدىن مەھرۇم قالىمىز، ھەممىگە ئىرىشمەك قېيىن. لېكىن ھەممىدىن مەھرۇم قالماق بەكلا ئۇڭاي. سەن ئەڭ ئۇلۇغ ئەڭ قىممەتلىك نەرسەڭنى تۇپا پۇرقىراپ تۇرغان ئەشۇ يەردە ئۇنىڭغا بېرىۋەتتىڭ، قەلىب ئاسمىنىڭدىكى نۇرانە سىما كۆزلىرىڭنى كور، كۆڭلۈڭنى تار قىلدى. مۇھەببەت راستىنلا قارىغۇ ئىكەن...        مۇھەببەتنىڭ تارتىش كۈچى تارتىپ كەتكەن چاغدا ئۆزۈڭنى شۇنچە تارتىپمۇ تارتىپ بۇلالمايدىكەنسەن... ۋاقىت شۇ پېتىلا ئۆتۈپ كەتتى. سېنى مەست قىلغان، ساڭا ئۇلۇغ ۋەدىلەر بەرگەن ھېلىقى ساختا يۈرەك سېنى شۇ قېتىمقى «سوۋغات» بېرىش بىلەن تەڭلا ئۇنتۇپ قالدى، ياق! تاشلىۋەتتى... تاشلىنىپ قالغىنىڭدىن يىغلاۋاتامسەن، بۇ بەكلا قاراڭغۇ، بەكلا يۇشۇرۇن ئىش ئىدى... ئەشۇ چەكسىز يوللارنىڭ ئاياغلاشماسلىقىنى تىلەۋاتىسەن. مۇھەببەت كور قىلغان ۋۇجۇدۇڭنى دەسسەپ- دەسسەپ ۋەيران قىلغۇڭ كېلىۋاتىدۇ. كېتىپ بارىسەن قىزچاق. ئازغۇن كۇچىلارنى كېزىپ كېتىپ بارغان چېغىڭدا گەجگەڭنى ئازاب ئېگىلىۋالدى. قىزلىق ھۆرمىتىڭنى دەپسەندە قىلغان غايىپ بىر قولنىڭ ئىسكەنجىسى سېنى بۇغۇۋالدى. ئاشۇ يىراق، بەك يىراق جايغا قەدەم بېسىپ كېتىپ بارىسەن. شەپەق سېنى قوينىغا ئېلىپ، كېچىگە يۇشۇرماق بۇلىۋاتىدۇ. دولقۇنلاپ تۇرغان دەريا سۈيىگە قاراپ، نەپرەتلىك كۆزلىرىڭنى كەينىگە بۇراپ، ئىستھزالىق كۈلدۈڭ-دە، جىمجىتلا ھەسرەت قوينىغا ئۆزۈڭنى ئاتتىڭ. ئاھ، ھەسرەت سېنى قوينىغا يۈتۈپ كەتتى. خەير بىچارە قىز قەلبىڭنى دەريا سۈيى پاكلاپ، چىرايلىق بىر مەنزىلگە يولغا سالسۇن. شۇ يەردىلا خاتىرجەم ئۇخلىغىن... شۇ يەردىلا ئارام تاپقىن...

چوقان

	akilsiz يوللىغان ۋاقتى  2014-8-4 04:06 PM ئۇكام بۇ يەردە  نەسرىڭىزنىڭ  قەدرىنى بىلگۈدەك ئىنسانلا ... چىقىپمۇ قالا، ئەڭ ئاۋال ئۆزۈم سۆيسەم كۇپايە...

چوقان

	ئاۋاز شاماللارغا تەلپۈنۈۋاتقىنى سېنىڭ ئاۋازىڭ، كۆزلىرىڭگە بېقىۋاتقىنى مېنىڭ ھالىتىم. دەرەخلەرگە پىچىرلاۋاتقىنى مېنىڭ روھىيىتىم، تەنگە يېقىن سۈرىلىۋاتقىنى سېنىڭ قاراڭغۇلۇقۇڭ. مەن شاماللارنى يېرىپ كېلىمەن. شاماللار چاچلىرىم ئارىسىدىن چىقىدۇ. چاچلىرىم ئارىسىدىكى نەرسە يوقلۇققا ئايلىنىدۇ. مېنىڭ سۈيۈۋاتقىنىم كەچمىش بولغىنىدا، سېنىڭ چەكسىزلىكىڭ مېنىڭ پاناگاھىم... كۈيلىرىمدە ئېقىۋاتقىنى سېنىڭ كۆز يېشىڭ، دولقۇنلارنى كۈتۈۋاتقىنى مېنىڭ سېغىنىشىم. سېنىڭ ئاياغ ئىزلىرىڭ قالىدۇ، مەن ئىزلىرىڭغا ئەگىشىپ ئاۋازىڭ تەرەپكە سۈرىلىمەن، ئۇ يەردە بىر چىكىت پەيدا بولىدۇ. ئاۋاز ئىچىمگە ئېقىپ كىرىدۇ، لەۋدىن لەۋگە تەگكىنى مۇھەببەتنىڭ شېرىنلىكى بولىدۇ. قولدىن- قولغا ئۆتكىنى ھەممە نەرسىنىڭ غىرىبلىقى بولىدۇ. مەندىن ساڭا قالىدىغىنى پۇچۇلانغان يۈرەك... مەن ساڭا يېقىن سۈرۈلدۈم... ئاۋازىڭ تەرەپتىن ئۈنسىزلىك يالتىرىماقتا. سەن ھەققىدىكى خىيالىرىمنى ساڭا سۆزلەپ بېرىش ئۈچۈن ئاۋازىمنى قويۇۋەتتىم. سېنىڭ ئاۋازىڭ يالتىرايدۇ، مېنىڭ ئاۋازىم سۈكۈتكە پاتىدۇ. بارغانسىرى سەندىن يانغان ئاۋاز چىكىتكە ئايلىنىپ، ئاخىرىدا يوقاپ كېتىدۇ...