ھېيت كۈنىدە يىغلىما ئانا

326ayixa

	(ئانامغا بېغىشلايمەن . ئانىلار ،پەرزەنتىڭىزلەر چوڭ بولدى.ئايىمىڭىزلەرگە مۇبارەك بولسۇن ! ) ئەنسىرىگەن ئىدىم سېنىڭدىن ، ئۇشبۇ ھېيىتتا يىغلىمىغاي دەپ . ئەنسىرىشىم يەنە توغرىكەن ، ھېيت كۈنىدە يىغلىدىڭ ئانا . كۈنلەر ئۆتۈپ ھەش-پەش دىگۈچە ، 25يىل توشۇپ كېتىپتۇ . سېنى بىزگە تىرەك قالدۇرۇپ ، مومام سېنى تاشلاپ كېتىپتۇ . شۇنچە يىللار جاپا چەكسەڭمۇ ، ۋايسىمىدىڭ بىز ئۈچۈن ئانا . بۇ ھاياتتىن نەچچە كەچسەڭمۇ ، بىزلەر ئۈچۈن ياشىدىڭ ئانا . مانا ئەمدى ئەجىرىڭ بىرلە ، بىزلەرمۇ ھەم چوڭ بوپ قاپتىمىز . قېرىنداشلار قول-قول تۇتۇشۇپ ، ئۈستۈڭدىكى يۈكنى ئالىمىز . ھەر ھېيت كەلسە ئېسىمنى بىلسەم ، بەك يىغلايتىڭ جانىجان ئانا . سېغىناتتىڭ ئانامنى ھەردەم ، چۈشەندۇق بىز چوڭ بولدۇق ئانا . ئەمدى كۆڭۈل بۇزمىغىن ئانا ، مومام ئۈچۈن دۇئا قىلايلى . پەرزەنتىڭ بىز پەخىرلەنگۈدەك ، بۇرچىمىزنى ئادا  قىلايلى . ھېيت كۈنىدە يىغلىما ئانا ، ئازاپلىنىپ تۆكمە ھەسرەت ياش . بىز قوغدايمىز سېنى ئەي ئانا ، يىمىرىلمەس بۇلۇپ ئۇيۇل تاش . 2014.07.29(تۇرپان) شىرىن ئىلاۋە: ئەسلىدە سەن سۆزىنىڭ ئورنىغا سىز سۆزىنى ئىشلەتمەكچى ئىدىم ، لېكىن بەزى سۆزلەر باغلاشماسلىق كېلىپ چىقىدىكەن . توغرا چۈشەنگەيسىزلەر .

326ayixa

	نېمىشقا تېمامنى بېزىيەلمەيمەن ؟ ئاستىغا رەسىم كىرۈشتۈرەلمىدىم ، ناخشىمۇ كىرىشتۈرەلمىدىم .

Gvlbargi0999

	ياخشى چىقىپتۇ،ئاتا-ئانىلارنىڭ ككڭلىنى ئېلىش بىز پەرزەنتلەرنىڭ بۇرچى، بولۇپمۇ مۇشۇ ھېت-بايراملاردا. ئانىڭىزنىڭ تېنى سالامەت بولسۇن!

sargarda

	ئانىللىرىمىزغا    يازغان    لىرىكىڭىز   ياخشى  چىقىپتۇ .

bojanqak

	ياخشى يېزىپسىز...

tograkmalikisi

	ھېيىت كۈنى ئاناممۇ يىغلىغان ئىدى..... كۆڭلۈم بەكمۇ بۇزۇلدى. ئىھ جاپاكەش ئانا، سىزنىڭمۇ ھېيىت كۈنلىرىدە پەتىلەپ باردىغان ئاتا- ئانىڭىزنىڭ ئۆيى بولغان بولسا (ئۇلار ھايات بولغان بولسا) پەتىلەپ بېرىپ بىزگە ئوخشاش خوشال كۈلۋالار ئىدىڭىز.... جاپادىن بىر دەم بولسىمۇ قۇتۇلۋالار ئىدىڭىز.

xahzada100

	ياخشى يېزىپسىز  ھارماڭ  يەنە  بىر  قېتىم ئانامنى  ئەسلەپ  قالدىم ............

musilina

	ئاپامنىڭ غەمكىن تۇرقىنى كۆرۈپ كۆڭلۈم شۇنداق بۇزۇلدى تۆنۈگۈن...... ئىنىم نى كۈندە ئۆيدىن ئايرىلدى ئاپامنىڭ كۆزىدىن ياش قۇرىمىدى...... شېئىرىڭىزنى ئوقۇپ  كۆڭلۈم تېخىمۇ يېرىم بولدى....

پەرى

	ئەسسالامۇ ئەلەيكۇم   ئايىشە گۈلۈم ، تېما بىزىگەندە  ئامال بار بىزەك رەسىملەرنى ئالبۇمغا قاچىلىۋىلىپ ئاندىن ئۇلىنىش ئادرىسىنى  رەسىم كۆزنىكىگە قىستۇرۇپ بولغاندىن كىيىن  ھەر بىر كۈبلىت ئارلىقىغا رەسىمنى  چىكىپ قويسىڭىز بولدى . بىۋاستە كومپىيۇتىردىن  يوللىماقچى بولسىڭىز شېئىرىڭىز قانچە كۈبلىت بولسا  بىزەك رەسىمنىمۇ  شۇنىچىلىك يوللاپ قىستۇرۇڭ شۇندىلا رەسىملەر كام چىقمايدۇ.  ...... بىر پارچە رەسىمنى ھەر بىر كۈبلىت ئارلىقىغا قىستۇرسىڭىز تېمىڭىزدىكىدەك ئەھۋال يۈز بىرىدۇ. مۇزىكا يوللاش كۆزنىكى نورمال مەشغۇلاتنى توغرا قىلالمىغان ئوخشايسىز ...قايتا سىناپ بېقىڭ چوقۇم ئۇتۇقلۇق بولىدۇ.

پەرى

	ھەر بىر ھېيىت كەلگەندە بوينۇم قىسىلىدۇ ..... سىزگە ھەۋەس قىلدىم .اللە ئانىڭىزغا ئۇزۇن ئۆمۇر ۋە خاتىرجەملىك ئاتا قىلسۇن . شېئىرىڭىز ياخشى چىقىپتۇ، بۇنىڭدىن كىيىنمۇ  مۇشۇنداق  يىقىشلىق يىزىلغا ئەسەرلىرىڭىزنى داۋاملىق ھۇزۇرىمىزغا يوللاپ تۇرغايسىز ...ھېيتىڭىزغا مۇبارەك بولسۇن.