مۇساپىرغا ھېيىت بولمايدىكەن

abugazi123

	كەلسە ئايەم شادلىندىكەن ھەر بىر دىل، خوشاللىققا جۆر بولدىكەن ھەر بىر يىل. ھېيت قەدىرگە يېتەي دېسەڭ سەپەر قىل، بەرھەق مۇساپىرغا ھېيىت بولمايدىكەن. ئايەم كەلدى تۇتتى يىغا يالغۇزلۇق، ھەممە خوشال لېكىن بىزلەر قايغۇلۇق. بۇ ئايەمدە يەنە قانداق قىلغۇلۇق، بەرھەق مۇساپىرغا ھېيت بولمايدىكەن. ھەر چىرايدا ئايەم كۈلكە ساماسى، ئايەم دېگەن خوشاللىقنىڭ ماتاسى. مۇساپىرنىڭ ئايەمچىلىك تاماسى، بەرھەق مۇساپىرغا ھېيت بولمايدىكەن. ئاتا ئاناڭ يا بولمىسا قېشىڭدا، يېڭى كىيىم پۇزۇر دوپپا بېشىڭدا. يۈزۈڭ يۇيلار يالغۇزلۇقتا يېشىڭدا، بەرھەق مۇساپىرغا ھېيت بولمايدىكەن. ئايەملەردە باسار ئىكەن غېرىپلىق، كۆزلەرىمدىن يېشىم ئاقار ئازاپلىق. كىممۇ قىلار مۇساپىرغا ھېسداشلىق، بەرھەق مۇساپىرغا ھېيت بولمايدىكەن. ئاتا ئانا ئوت كۆرۈنەر كۆزىگە، كۈلكە كەلمەس غېرىبانە يۈزىگە. قۇلاق سالغىن مۇساپىرنىڭ سۆزىگە، بەرھەق مۇساپىرغا ھېيت بولمايدىكەن.                       ھەممە قىلسا بايرىمىغا تەنتەنە، يالغۇزلۇقتا تولغۇنۇمەن مەن يەنە. غېرىپ ئايەم بولۇپ قالدى ئەنئەنە، بەرھەق مۇساپىرغا ھېيت بولمايدىكەن. ئاپتور-سۈزۈك سۇ ئىلاۋە: ئۇلۇغ ئايەم دە يالغۇزلۇقتا ياشاۋاتقان،بارلىق مۇساپىرلانىڭ روازا ھېيتىنى مۇبارەكلەيمەن. ئايىمىڭلارغا مۇبارەك بولسۇن................. ئاللاھ ئايىمىڭلارنى خۇشال خۇرام ئۆتكۈزگىلى نىسىپ قىلسۇن. خوشاللىق سىلەرگە يار بولسۇن.

abugazi123

	مەنبە: ئۆزۈم ماقما  ........ سۈزۈك سۇ دېگەن مېنىڭ قويۋالغاب ئەدبى تەخەللۇسۇم ھى ھى

تەسەللى

	اللە ھېيىتنى خوشال ئۆتكۈزگىلى نىسىپ قىلسۇن! ياخشى يېزىپسىز. مۇساپىرنى ئۇنتۇپ قالغىنىمىز يوق جۇما .

xahzada100

	مەنمۇ  مۇشۇ  تاپتا  يالغۇز  ھېيت  ئۆتكۈزمەكچى بولۋاتمەن  3يىل  بوپتۇ  بۇ يىل  بىلەن   ھەقىقتەنمۇ  مۇساپىرغا  ھېي  بولمايدىكەن  كۆڭلى  يېرىملا  ئۆتىدىكەن   كۆڭلۈمدىكدەك  شىئېر  بوپتۇ    قولڭىزغا  دەت كەلمىسۇن  قېرىندىشىم

musilina

	بىر فىلىم بارتى ‹‹مۇساپىرغا ھېيت بولمايدىكەن››دەپ...... ئوغلۇمغا ئۈچ يىل بولدى روزا ھېيتنى ئۆيدە بىز بىلەن بىللە ئۆتكۈزىۋاتقىلى.... بارلىق قېرىنداشلىرىمنىڭ روزا ھېيتىنى تەبرىكلەيمەن.....

سەدەف

	abugazi123 يوللىغان ۋاقتى  2014-7-28 03:15 AM مەنبە: ئۆزۈم ماقما  ........ سۈزۈك سۇ دېگەن مېنىڭ قويۋالغاب ... بۇنىڭدىن 15 يىللار ئىگىرى پەيزاۋاتلىق ئوسمان ھاجىم ئات بەيگە مەيدانى ئەتراپىدا ‹‹سۈزۈكسۇ›› ئۇيغۇر مەكتىپىنى ئېچىپ،جەنۇپتىن چىققان  مۇساپىر قېرىنداشلىرىمىزنىڭ بالىلىرىنى ئەڭ تۆۋەن ھەق بىلەن،بەزىلىرىنى ھەقسىز ئوقۇتقان ئىدى. تەخەللۇسىڭىز شۇ مەكتەپنى ئەسلەتتى.

hujayin1

	مىسرانىمدا ھەر يىلى مۇساپىرلىقتا ئۆتىۋاتقان باللار،مۇنبەرگە دەرت تۆكىشىدۇ.

kaqvr

	xahzada100 يوللىغان ۋاقتى  2014-7-28 12:51 PM مەنمۇ  مۇشۇ  تاپتا  يالغۇز  ھېيت  ئۆتكۈزمەكچى بولۋاتمەن  ... كۆڭلىڭىزنى يېرىم قىلماڭ . مەنمۇ سىزگە ئوخشاش .

KOKNURA

	اللە ھېيىتنى خوشال ئۆتكۈزگىلى نىسىپ قىلسۇن!      ياخشى  يىزىپىز    .    مۇساپىرنى  ئۇنتۇپ  قالماسلىقىمىز  كىرەك

izdinish

	ھەي مەنمۇ شۇ ئۈرۈمچى تۇرپان ئارىلىقىدا قايسى ئۆيدە ھېيت ئۆتكۈزۈشۈمنى بىلەلمەي يۈرۈۋاتاتتىم ، ھەقىقەتەن مۇساپىرغا ھېيت ئادەتتىكى  يەكشەنبىدەكمۇ ئۆتمەيدۇ زادى ...