پۇشايمان ئىلكىدە نىدا قىلىمەن!

ئۇزدىل

	پۇشايمان ئىلكىدە نىدا قىلىمەن! ھەر دائىم نەسىھەت قىلغاندا ئانام، تېرىكىپ، ئالىيىپ جىم تۇر دېگەنتىم. ئەقىل ھەم تەجىربە تاۋلىماي تۇرۇپ، كۆڭۈلگە يۈگەنسىز بالدۇر مىنگەنتىم. قەددىڭنى جاپالار ئەگكەن بولسىمۇ، شەيتانغا جور بولۇپ ئويناپ يۈرگەنتىم. كېيمىڭگە ياماقلار ھۇجۇم قىلىسىمۇ، قوغدىماي مەن سېنى، مودا كىيگەنتىم. بارچىلار زامانغا لايىق كېيگەندە، ئۇنۇتتۇڭ زاماننى كېچىپ ئۆزۈڭدىن. باشقىلار باچكا ھەم پاقلان يېگەندە، ئاچلىقىڭ بىلىندى مەيۈس يۈزۈڭدىن. پۇشايمەن ئىلكىدە نىدا قىلىمەن ، قايتىپ كەل جان ئانا نەسىھەت قىلغىن. ئالايسام ھۈرپەيسەم قىلچىلىك ساڭا ، ئاتىما ئىسمىمنى ھايۋان دەپ بىلگىن . جان ئانا قايتىپ كەل سېغىندىم سېنى، كۆرسەتمەڭ ئالدىدا بېشىمنى ئىگەي، جاپانىڭ ئوقلىرى قىيما قىلسىمۇ ، تەۋرەنمەي ئالدىڭدا قالقان بوپ بېرەي. ئويلاندىم بۇ تىلەك دانالىق ئەمەس، سەن كەلسەڭ يەنىلا ئازاب سالۇرمەن. ئۆزۈممۇ تارتالماي ھارغان ھالىمدىن، ھالسىراپ كەينىڭدە ئۇزاپ قالۇرمەن. يەنىلا قەبرەڭدە تىنىچ يات ئانا ، ئاڭلىماي دۇنيانىڭ تىۋىشلىرىنى . تىرىكلەر ئىبلىسنى دائىم شاد ئېتۈر، خوپ كۆرۈپ ئۆزىگە مىنىشلىرىنى. مەنبە : قەلىمىم .

بەرگى

	پۇشايماننىڭ ئۆزى ياخشىلىققا باشلايدۇ ، گەرچە كېچىككەن بولسىمۇ ئەمما شۇ ئاچچىق ساۋات ئارقىلىپ كىشىنى تەكرار سادىر قىلىشتىن ساقلاپ قالدۇ ،.

كەمتەرى

	تەربىيىۋى ئەھمىيىتى كۈچلۈك شېئىركەن ،ياخشى يېزىپسىز، مۇشۇنداق ئەھمىيەتلىك شېئىرلارنى كۆپلەپ يېزىشىڭىزغا تىلەكداشمەن.

musilina

	تىرىكلىكىمدە ئەتمىدىڭ ياد،ئۆلگىنىمدە چەكمىگىن پەرياد. ئاتا -ئانىلارنىڭ تىرىكىلكىدە قەدرىگە يېتەيلى....

izqel

	پۇشايماننىڭ دورىسى يۇق.تىرىكمەڭ.ھاياتنى قەدىرلەيلى.پۇل،جەمىيەت،موناسىۋەت دىگەنلەر ئاتا ئانا قەدرى ئالدىدا ھىچ نەرسە ئەمەس.مەن شۇنداق ئويلايمەن.

تىمتاس123

	تەپەككۇر دۇنياسىغا ھەقىقى شۇڭغىغان شائىرلار دەپتەر يۈزىگە ھەقىقى ئۈنچە تىزالايدۇ. يۈرىكىڭىزگە شۇڭغۇپ باقتىم ھەقىقى قەلىپ نىدايىڭىزنى تىڭشاپ باقتىم لىكىن سىز تىخى ھەقىقى قەلىپ ناخشىڭىزنى تولىقى بىلەن نامايەن قىلالمىغان ئوخشايسىز. شىئىر بىر دۇنيا...بۇ دۇنياغا شۇڭغۇڭ لىكىن يوقاپ كەتمەڭ ..

bojanqak

	ھەي...ھايات بار ۋاقتىدا قاقشىتىمىزكەن شۇ ئانىلىرىمىزنى...

izdinish

	ئانىسىنى قاقشىتىپ ئەمدى زار بولۇۋاتقانلارنىڭ ۋە ئەيدىز پاتقىقىغا پېتىپ ساغلاملىققا زار بولۇۋاتقانلارنىڭ پۇشايمىنى بەك قاتتىق !

باشتۇغ

	ئانا بىر بۈيۈك ئىنسان ، پەرزەنت ئۈچۈن بارلىغىنى بېغىشلىغان . بىزنىڭ ئانىلىرىمىزغا بەرگىنىمىز-ئانىمىزنىڭ بىزبەرگەن بىر كۈنلۈك ئەجرىگە تەڭ بۇلالمايدۇ . ئانا رازى - خۇدا رازى .

326ayixa

	بار ۋاقتىدا قەدرىنى بىلمەيدىكەنمىز ئەشۇ ئۇلۇغ ئانىلىرىمىزنىڭ، نىمە قىلساق كۆرەركەنمىز بىزمۇ بىر كۈنى بالىلىرىمىزدىن . ئويلىماپتۇق كېلەرمۇ دەپ بىزگىمۇ شۇ بالا دەردى ، كېچىكمەيمىز يېتەيلى بىز قەدىرىگە شۇ جاپاكەش ئانىلىرىمىزنىڭ .