چىرايلىق گۈل

پادىشاھ

	چىرايلىق گۈل                                              (ھېكايە   )                                               پەرھات جەمشىت باھارنىڭ كېلىشى بىلەن جىمى مەۋجۇدىيەت بېشىنى لىككىدە كۆتۈرۈشتى،ئۇلار ئۆزئارا ئامانلىق سورۇشۇپ،باھار شامىلىدا لەرزان ئۇسۇلغا چۈشۈشكە باشلىدى؛مەخمەلدەك گەزەل يايلاقنىڭ ئۇيەر-بۇيېرىدە،ياۋا گۈللەرمۇ ئۆسۈپ خۇش پۇراق چېچىشقا باشلىدى،زۇمرەتتەك سۈزۈك سۇلىرى ئويناقلىشىپ ئېقىپ تۇرىدىغان ئېرىق بويىدىمۇ بىر تال ياۋا گۈل ئۈنۈپ چىقتى،ئۇ ئۆزىنىڭ خۇش پۇراقلىقى،گۈزەللىكى بىلەن ئەتراپتىكى بارلىق مەۋجۇدادلارغا خۇشاللىق ئاتا قىلىشقا باشلىدى.   كۈنلەرنىڭ بىرىدە،بىر قىزچاق ئانىسى بىلەن ئۆستەڭ بويىغا سەيلىگە كەلدى، قىزچاقنىڭ كۆزى دەل ھېلىقى چىرايلىق ياۋا گۈلگە چۈشتى ۋە ھەيرانلىق بىلەن: __   قاراڭ ئانا،بۇ گۈل نېمە دېگەن چىرايلىق ھە!دېدى. __ شۇنداق ھەقىقەتەن چىرايلىق ئىكەن!دېدى جاۋابەن ئانا قىزىغا. ئانا –بالا ئىككەيلەننىڭ ماختىشىدىن خۇشال بولغان چىقرايلىق گۈل دەرھال لەرزان ئۇسۇلغا چۈشتى._ ئەسلىدە مەن بۇ جايدىكى ئەڭ گۈزەل ئىكەنمەندە،نېمەدېگەن ياخشى دەپ ئويلىدى كۆڭلىدە.ئۇ مەمنۇن بولۇشقا باشلىغاندا: _ ئانا،گۈلنىڭ ئايىقىدىكى كالا تېزىكى نېمە دېگەن سېسىق دېدى قىزچەق ئانىسىغا. __ ھە،شۇنداقمۇ سەن ئۇيەردىن نېرى تۇر دېدى قىزچاقنىڭ ئانىسى.قىزچاق بىر ئاز ئويلانغاندىن كېيىن. __ ئانا مەن بۇ چىرايلىق گۈلنى ئەكىتىپ ئۆيىمىزدىكى چىرايلىق تاشتەككە تىكىپ قوياي،شۇندىلا ئۇ ئاپتاپتا سولاشمايدۇ،يامغۇردىمۇ قالمايدۇ. بولامدۇ دېدى ئانىسىغا ئىلتىجا قىلىغان ھالدا. __ بولمايدۇ،سىز مېنىڭ گۈللەرنى قالايمىقان ئۈزۈشكە بولمايدۇ دېگەنلىرىمنى ئۇنتۇپ قالدىڭىزمۇ؟گۈل غۇنچىسىنى شېخىدىن ئايرىۋەتسە گۈل شېخى "ئانا"نىڭ كۆڭلى يېرىم بولۇپ يېغلايدۇ قىزىم:_ئانا شۇنداق دېگىنىچە كۈلۈمسېرىدى. __ بولىدۇ دېدى قىزچاق سەل پەرىشان قىياپەتتە.شۇنداق قىلىپ قىزچاق ئانىسى بىلەن كېتىپ قالدى.ئۇلار كەتكەندىن كېيىن. __ ئانا بىز نېمىشقا كالا تېزىكىنىڭ يېنىدا تۇرىمىز؟ئۇنىڭ ھىددى ھەقىقەتەنمۇ سېسىق ئىكەن دېدى گۈل شېخى ئانىغا.دەرۋەقە ئۇ"سېسىق" پۇراقنىڭ نېمە ئىكەنلىكىنى بىلمەيتتى،پەقەت باياتىن ھېلىقى قىزچاق دېگەندىن كېيىنلا "سېسىق"دېگەن ئىبارىنى بىلگەندى.گۈل شېخى ئانا گۈلنىڭ سۆزىنى ئاڭلىغاندىن كېيىن. __ بالام ،مەن كالا تېزىكىندىن ئوزۇقلۇق قوبۇل قىلىپ، سېنى موشۇنداق چىرايلىق  چوڭ قىلىۋاتىمەن دېدى جاۋابەن. __ئىشەنمەيمەن،ئىشەنمەيمەن،ئانا سىز دەرھال مېنى بۇ نېجىس يەردىن ئېلىپ كېتىڭ،گۈل جېدەل قىلىشقا تۇردى. __ بالام،ئەگەر باشقا خايغا يۆتكەلسەك،كېسەل بولۇشۇم،ھەتتا ئۆلۈپ كېتىشىم،سېنى باقالماسلىقىم مۈمكىن دېدى - گۈل شېخى ئانا گۈلگە سەۋرىچانلىق بىلەن چۈشەندۈرۈپ. __ ئانا سىز كەتمىسىڭىز، كۈنلەرنىڭ بىرىدە ئامال قىلىپ بۇ نەس باسقان جايدىن كېتىپ كىشىلەرنىڭ ئىشىكىدىكى چىرايلىق تاشتەكلەردىن ئورۇن ئالىمەن دېدى، گۈل گۈل شېخى ئانىغا جاۋابەن. _ ئەخمەق بالام،بۇ جاي بىزنىڭ يۇرتىمىز،پەقەت يۇرتىمىزدىلا ساپ ھاۋادىن ئەركىن نەپەس ئېلىپ شاد-خورام ئۆسەلەيمىز.__ ئەگەر ئاناڭنىڭ ھىمايىسىدىن،تەبىئەتنىڭ ساپ ھاۋاسىدىن ئايرىلىپ قالساڭ ھاياتىڭغا دەخلى يېتىدۇ دېدى گۈل شېخى ئانا چۈشەندۈرۈپ گۈلگە. __ شۇنداق،شۇنداق سىز بۇ جايدىن ئايرىلىپ قالسىڭىز ئۆلۈپ كېتىشىڭىز مۈمكىن.كەتمەڭ،بىز ياخشى دوستلاردىن،سىز كەتسىڭىز مەن سىزنى سېغىنىپ كېتىمەن دېدى بايتىن ئانا-بالىنىڭ سۆزىنى ئاڭلاپ بىر چەتتە تۇرغان چۆپ دەرھاللا سۆزگە ئارىلىشىپ. __ كىم سېنىڭ دوستۇڭكەن،ئۆزۈڭنىڭ سەتلىكىگە قارا،مەن سەن بىلەن بىرگە تۇرۇشنى خالىمايمەن!مەندىن نېرى تۇر دېگىنىچە چۆپنىڭ مەيدىسىدىن ئىتتىرىۋەتتى،تۇيۇقسىز كەلگەن زەربىدىن چۆپ يېقىلىپ چۈشكىلى قىل قالدى.ئۇ بېشىنى چايقىغىنىچە ئۇلۇغ-كچىك تىندى. بۇ ھالنى كۆرگەن گۈل شېخى ئانا: __ سەن نېمىشقا تۇيۇقسىزلا موشۇنداق ئۆزگىرىپ كەتتىڭ؟كۆپچىلىك ئۆز ئارا ھەمكارلاشقاندىلا تۇرمۇش ئاندىن گۈزەل بولىدىغۇ دېدى پەرىشان ھالدا. __ مەن چوقۇم ياخشى ياشايمەن،بىراق بۇ ئىپلاس جايدا ئەمەس،بەلكى مەن چوقۇم بۇ يەردىن كېتىمەن دېدى ئانىسىنىڭ سۆزىنى ئارىلاپ. __ سەن بۇ جايدىن كەتسەڭ چوقۇم پۇشايمان قىلىسەن دېگىنىچە ئۇنىڭغا ئېچىنىپ كۆز يېشى قىلدى. __ مۈمكىن ئەمەس،كۈنلەرنىڭ بىرىدە مەن چوقۇم بۇ جايدىن كېتىمەن دېدى .ئۆزىگە ئېچىنىپ كۆز يېشى قىلىۋاتقان ئانىغا. __ ساڭا نېمە دىسەم بۇلۇر؟ دېگىنىچە كۆز يېشىنى داۋاملاشتۇرى گۈل شېخى ئانا.　 　  　 　　  　　  　 　　 　    كۈنلەر بىلىنەر،بىلىنمەي ئۆتۈشكە باشلىدى،چىرايلىق قۇياشنىڭ ئىسسىق ھارارىتىدىن ئاغرىنىشقا باشلىدى.ئۇ ھېلىقى قىزچاقنىڭ كۈنلەرنىڭ بىرىدە ئاسماندىن چۈشكەندەكلا پەيدا بولۇپ ئۆزىنى بۇ نەس باسقان جايدىن ئېلىپ كېتىشىنى تەقەززالىق بىلەن كۈتتى. سۈزۈك ئاسماندىكى يېنىك تەۋرنىپ تۇرغان ئاپئاق بۇلۇتلار ئۈستىدە ئەتىگەنلىك قۇياشنىڭ نۇرلىرى جىلۋىلىنىشكە باشلىدى .گۈل كۆزلىرىنى   ئېچىپ ئەتراپقا نەزەر سالدى-دە،ھېلىق قىزچاقنىڭ كېلىۋاتقانلىقىنى كۆرۈپ  گۈل- قەقەلىرى ئېچىلىپ كەتتى.ئۇ قىزچاقنىڭ ئۆزىگە يېقىنلا كېلىپ قالغانلىقىنى بايقىغاندىن كېيىن. __قىزچاق،قىزچاق ،ماڭا يېقىنراق كېلىڭ دەپ ئاستا شىۋىرلىدى-دە،قىزچاقنىڭ ئانىسىغا تەشۋىشلىك بىلەن قاراپ قويدى.چۈنكى ئۇ قىزچاقنىڭ ئانىسىنىڭ سۆزىنى ئاڭلىشىدىن ئەنسىرەيتى. __ گەپ قىلىۋاتقان كىم؟قىزچاق ھەيرانلىق بىلەن ئەتىراپقا نەزەر سالدى. __ مەن چىرايلىق گۈل،ھېلىقى چىرايلىق گۈل بولىمەن . __ سىزمىدىڭىز　　 مەندە بىرەر ئىشىڭىز بارمىدى؟دېدى قىزچاق. __ ئۆتۈنۈپ قالاي سىز مېنى بۇ جايدىن ئېلىپ كېتىڭ،مەن سىزنىڭ ئۆيۈڭىزدىكى تاشتەكتە سىزگە ھەمراھ بولاي،مەن سىزنىڭ ئۆيىڭىزنى  خۇش پۇراقلار بىلەن تولدۇرىۋېتىمەن. __ بىراق سىز كەتكەندىن كېيىن ئانىڭىزنىڭ كۆڭلى يېرىم بولمامدۇ؟ __ ھېچقىسى يوق كۈنلەرنىڭ ئۆتۈشى بىلەن ئۇنتۇپ كېتىدۇ،ھازىر ئانام ئۇخلاۋاتىدۇ،سىز مېنى دەرھال ئېلىپ كېتىڭ!ئۆتۈندى  گۈل قىزچاقتىن. __ پۇشايمان قىلمامسىز؟ __ ياق ھەرگىزمۇ پۇشايمان قىمايمەن دېدى گۈل قەتئىيلىك بىلەن.شۇنۇڭ بىلەن قىزچاق ئۇنى پەم بىلەن ئۈزۈۋالدى .گۈل بەدەنلىرىنىڭ ئاغرىۋاتقانلىقىنى سەزدى بىراق ئانىسىنىڭ ئۇيغۇنۇپ كېتىشىدىن ئەنسىرەپ ئۈن چىقىرىشقا پېتىنالمىدى. گۈل شېخى ئانا يۈرىكى سېقىلغاندەك بولۇپ كۆزىنى ئاچتى ۋە چىرايلىق گۈلنىڭ كېتىپ قالغانلىقىنى سېزىپ ئىختىيارسىز كۆز يېشى قىلىشقا باشلىدى. __ ئانا مەن سىزنى كۆرگىلى كېلىمەن،ئۇ شۇنداق دېگىنىچە قىزغا_ماڭايلى دېدى. گۈلنى ئۈزۈۋالغىنىدىن خۇشال بولغان قىزچاق ئانىسىنىڭ يېنىغا يۈگۈرگىنىچە يېتىپ كەلدى.قىزىنىڭ يېقىنلاپ كېلىۋاتقانلىقىنى كۆرگەن ئانا قىزىنىڭ قولىدىكى گۈلگە لاپپىدە بىر قارىغاندىن كېيىن. __ قىزىم بۇ نېمە قىلغىنىڭىز؟بۇنداق قىلسىڭىز گۈل شېخى ئانا يېغلىمامدۇ؟دېدى قىزىغا خاپا بولۇپ. __ ئانا چىرايلىق گۈل ماڭا ھەمراھ بولسۇن،بۇندىن كېيىن ھەرگىزمۇ گۈللەرنى ئۈزمەيمەن دېدى قىزچاق بېشىنى تۆۋەن سېلىپ . __ ھامىنى ئۈزۈپسەن ئەمدى ئۈزگەندىن كېيىن ئۆيگە ئېلىپ كەت!ھامىنى ئۇ ساڭا ئۇزۇن ھەمراھ بولالمايدۇ دېدى ئانا قىزىغا. __ نېمە ئۈچۈن قىز سوراشقا باشلىدى. __ ۋاقتى كەلگەندە بىلىسەن دېدى ئانا قىسقارتىپ.قىزچاق ئۆيىگە قايتىپ كەلگندىن كېيىن،تاشتىككە ئۇنى تىككەندىن كېيىن سۇ قويۇپ سالقىن جايغا قويۇپ قويدى. __ ئاھ!نېمە دېگەن راھەت،مەن ئەمدى راھەت كۆرىدىغان بولدۇم دەپ شىۋىرلىدى گۈل ئاستىغىنە. __ بىراق بۇ راھەت بەك قىسقا بولىدۇ دېدى تاشتەك گۈلگە ئېچىنغان قىياپەتتە. __ نېمە؟سىز مېنى نىمانداق قورقۇتىسىز ؟دېدى گۈل تاشتەككە. __ مېنىڭ سىزنى قورقۇتقۇنۇم يوق،ۋاقتى كەلگەندە بىلىسىز دېدى تاشتەك جاۋابەن. شۇندىن ئېتىبارەن گۈل تاشتەكتە تۇرۇپ شۇخ پۇراق چاچقاچ  راھەتلىك كۈلىرىنى باشلىدى.بىر كۈنى تۇيۇقسىز ئۇ بەدىنىنىڭ ئاغرىۋاتقانلىقىنى ھېس قىلدى شۇنىڭ بىلەن ئۇ بەدىنىگە قارىدى،دەرۋەقە بەدەنلىرى سېسىشقا باشلىغاندى،بۇ ھالدىن ئۇ چۆچۈپ كەتتى،ئاپلا قانداق قىلارمەن،بۇ نېمە ئىش ئەمدى دەپ شىۋىرلىدى ئۇ. __سىزگە كېسەل تەگدى دېدى تاشتەك ئۇلۇغ-كىچىك تىنىپ. __ماڭا بۇ جايدا شامال تەگمەيدۇ،يامغۇر چۈشمەيدۇ،يەنە نېمە ئۈچۈن كېسەل بولۇپ قالغاندىمەن.دېدى تىت –تىت بولۇپ  گۈل. __ چۈنكى سىەن تەبىئەتكە مەنسۇپ،سەن يۇرتۇڭدىن ئايرىلدىڭ.ئەڭ ئېسىل جاينىڭ سېنىڭ ئۆسۈپ –يىتىلىشىڭگە پايدىلىق جاي بولۇشى ناتايىن دېدى تاشتەك جاۋابەن. چىرايلىق گۈل تاشتەككە قايتا سەپ سېلىپ ئۆزىنىڭ قۇرۇپ قاقشال بولۇپ قېلىۋاتقانلىقىنى سەزدى ۋە ئۆزۈمنىڭ ھاكاۋۇر،ئاچۆزلۈكى ئۆزۈمگە بالا بوپتۇ دەپ كۆز يېشى قىلدى ۋە يۇرتىنى پەس كۆرگەنلىكىگە پۇشايمەنلار يىدى. شۇ كۈنى ئاخشىمى چىرايلىق گۈل چۈشىدە،زۇمرەتتەك سۇلىرى ئويناقلقشقپ ئېقىپ تۇرىدىغان ئېرىقنى،ئوت-چۆپلەرنى،كۆزلىرى ياش يۇقى ھالەتتە ئۆزىنى چاقىرىۋاتقان ئانا شاخنى كۆردى...

Azizan

	گۈزەل گۈل دەپ ئېلىشقا بولارمۇ ؟ چىرايلىق دېسە غەيرى ئاڭلىنىدىكەن ، ئۆسۈملۈكنىڭ چىرايى نەدىدۇ دەپ قالدىم .

nazigul8

	ئاپتور تېمىسىدا گۈل يېڭى ئېچىلغاندا مۇشۇنداق چىرايلىق دىمەكچىكەن. ئۈزۈۋېلىنىپ، تەشتەككە كۆچۈرۈلسە، قىسقا مەزگىل چىرايلىق تۇردۇ دىمەكچىكەن. ئەڭ ئاخىرىدا ئۆزى ئۆسكەن تۇپراقتىن، يېقىنلىرىدىن ئايرىلغان، تەشتەككە كۆچكەن گۈل ئاخىرىدا توزۇيدۇ دىمەكچىكەن. يەنى ھەر نەرسە ئۆز يېرىدە ئەزىز دىمەكچىمىكىن. (تېما مەزمۇنىنى خاتا چۈشەندۈرمىگەندىمەن )

ئۇزقىز

	گۈللەر نىمدا چىرايلىق؟

yasenm

	nazigul8 يوللىغان ۋاقتى  2014-7-25 05:58 PM ئاپتور تېمىسىدا گۈل يېڭى ئېچىلغاندا مۇشۇنداق چىرايلى ... ئۆزىڭىز يازغاندەكلا ياخشى چۇشەندۇردىڭىز ،ھى ھى  رەسىملەرنى كىرۇشتۇرۇپ خىلى جاپا تارتقاندەك قىلسىز .

sahiba33

	مەزمۇن ناھايىتى ئوبرازلىق ھەم جەلپ قىلارلىق چىقىپتۇ............

alenur

bojanqak

	مەنىسى بار تىما ئىكەن...

bojanqak

	مەنىسى بار تىما ئىكەن...

zulpukar

	كېچىكىپ قىلغان پۇشايمان ئۆزىگە دۈشمەن..........    شۇڭا ئويلىنىش كېرەك......