ئەرنىڭ بەختى نېمىدە ؟

.tuz.

	ئەسسىلامۇ ئەلەيكۇم سۇئال : بۇنىڭدىن 22يىل ئاۋۋال راۋۇرۇس تېپىشى بار يىگىت ئىدىم . بەخىتسىز ھادىسە سەۋەبىدىن مېيىپلىق نەپىقىسىگە تايىنىشقا مەجبۇر بولدۇم . گېزىت ۋە ژورناللاردىن مېيىپ ئەرلىرىگە قاراشنى خالىمايۋاتقان ئاياللار ھەققىدىكى خەۋەر ۋە ماقالىلەرنى ئوقۇپ ، ئۆز ئايالىمغا مىننەتدارلىقىم ھەم ھۆرمىتىم ئاشقەنچە ئېشىپ بېرۋاتىدۇ . نەچچە يىلدىن بىرى ئۇ ئەتراپىمدا پەرۋانە داۋالىتىمەن دەپ مېنى نۇرغۇنلىغان چوڭ  دوختۇخانىلارغا ئېلىپ باردى . قولىدىن كەلگىنىچە تخقارەت بىلەن شۇغۇللىنىدۇ . ئائىلىنىڭ چىقىمىنى قامداۋاتىدۇ ، قىزىمىزنى ئالى مەكتەپتە ئوقۇتىۋاتىدۇ! بەختلىك ئائىلە بولسا بىزچىلىك بولار . مېنىڭ ئايالىم رەناخانغا ئوخشاش سەۋرلىك ، مېھنەتكەش ، ئۆيۈم- جايىم دەيدىغان ئاياللارغا ئەڭ چىرايلىق تىلىكلىرىڭىزنى بىلدۈرسىڭىز . جاۋاب: مېنىڭ دۇئالىرىمسىزمۇ رەناخاننىڭ ياخشى كۈنلىرى تېخى ناھايتى كۆپ بولىدۇ ، ئىنشائاللاھ! سىزگە قىلغان خىزمەتلىرى ئۈچۈن بىر مۇكاپاتلانسا ، سىزنىڭ رازىلىقىڭىز ، دۇئالىرىڭىز ئۇنىڭغا ئون باراۋەر كۆپ مۇكاپات كەلتۈرىدۇ . ئەۋالىڭىزدىن نالە قىلماي ، « بىز بەختلىك ياشاۋاتمىز» دەپ خۇرسەن بولىشىڭىز ، ئايالىڭىزنى ئالقىشلاپ ، ئەزىزلەپ تۇرشىڭىزدىن ياخشى ئىنسان ئىكەنلىكىڭىزنىڭ دەلىلى . ياراتقۇچى بەخت سائادىتىڭىزنى بەرسۇن . ياخشى ئايال بۇ دۇنيا ئادەملىرىدىن كۆپ نەرسە سورىمايدۇ ، ئۆزىنى بەخىتلىك ھېس قىلىشى ئۈچۈن ، ئۇنىڭغا شۇغىنە قەدىرلىنىش يېتىدۇ ، ئايلىناي ! ئەر - خوتۇنلار ئىچىدە ئۆزىنى بېغىشلايدىغانلىرى كۆپ . ئەمما جۈپتىگە سەۋر ، ئىخلاس ۋە پىدايىلىق بىلەن مۇناسىۋەتتە بولۇشتا ئايال زاتىغا تەڭلىشىدىغىنى يوق . جۈملىدىن ، ياراتقۇچى ئاياللارنى باشتىلا رايىش ۋە قانائەتلىك قىلىپ ياراتقان . قايسى ئەركەك ياراتقۇچى قوشقان بۇنداق ياستۇقدىشى ، ئائىلىدىشىغا ھۆرمەتسىزلىك قىلىشنى باشلىسا ، بۇ ئۇنىڭ بىلىمسىزلىكى ، نادانلىقى ، ئىنسانچىلىق ، بەندىچىلىكنىڭ قەرز - پەرزلىرىنى بىلمەسلىكىدىندۇر. ئەل ئوتتۇرسىدا ياشىغانكەنسىز كېيىن تۈرلۈك - تۈمەن تارخ ۋە ھەر خىل مەسىللەرگە دۇچ كېلەر ئىكەنسىز . سۈرىتى ئادەم ، ئەمما ئۆزى ئادىمىيلىكتىن يىراق بولغان ئادەملەر قەدەمدە بىر ئۇچرايدۇ ۋە يېشىڭىزغا ياش قوشۇلۇپ چوڭايغانسىرى ئادەملەرگە باھا بېرىشتە ئىككىلىندىغان بولۇپ قالار ئىكەنسىز . مانا ھازىرمۇ كۆڭلۈمگە كېلۋاتىدۇ : سىز ساق بولۇپ ، ئايالىڭىز مېيىپ بولغىنىدا ، ئۇ كۆرسەتكەنچىلىك سەۋر ۋە ساداقەتتە بولالارمىدىڭىز ؟ چۆنتىكىدە تۆت تەڭگە پۇل كۆپەيسە ، دەرھال ياش خوتۇن ئالغۇسى كېلىدىغانلار ئازمۇ ! پات- پات كېلىپ تۇردىغان مانۇ بۇ تەرزدىكى ئۇچۇر - خەتلەرنى ئوقۇپ كۆرۈڭ : « مېنىڭ ئائىلەم ياخشى ، ئايالىم كۆڭلۈمدىكىدەك ، پەرزەنتلىرىم بار ، ھەممە نەرسەم يېتەرلىك ، ئەمما ياراتقۇچى رازىلىقى ئۈچۈن يەنى بىرىگە ئۆيلەنسەم بولارمىكىن؟ » بۇنداق بەختلىك ئائىلىگە ئېرىشكەن ئەركەك ، ياراتقۇچىغا شۈكۈرلەر ئېيتىپ رەھمەت ئېيتسا يارشماپتىمۇ ؟ بەختلىك بولغۇچە ئانىسى ئاز دۇئا قىلدىمۇ ؟ ئايالى ئاز تىلەك تىلدىمۇ ؟ياراتقۇچى شۇ ئايالى ۋە بالا- چاقىلىرىنىڭ رىزقى ئۈچۈن بېيتىپ قويغان بولسىچۇ ؟ بۇ ئەركەكنىڭ ئەقلى بىر نەرسىگە يەتمەي تۇرۇپتۇ : ئۇنىڭ يەنى ئۆيلىنىشى ھازىرقى بۇ بەىتلىك خوتۇنىغا خۇشاللىق كەلتۈرەمدۇ ، رىزقى قىيىلغان بالىلار بۇنداق ئاتىسىدىن رازى بولامدۇ ؟ بىراۋنىڭ كۆز ياشلىرىنى ئاققۇزۇپ تۇرۇپ ، ئۇ جانابى ھەق ئاللاھقا ياقىمەن دەپ ئويلامدۇ ؟! يەنى بىر ئۇچۇر_ خەت كەلدى : « مەن ئائىلەمنىڭ توققۇزىنى تەل قىلىپ بەرگەنمەن . ئەمما ئىچىمەن . خوش ، ئىچسەم نېمە بوپتۇ ، ياشاش ئۈچۈن ھەممە يوقىنى بار قىلىپ قويدۇمغۇ ؟ ! » كۆردىڭىزمۇ مەنىۋى جەھەتتىن شۇ قەدەر نامرات ، كەمبىغەللىك ! تىللا تاۋاقتا ئاش يەپ ، ئالتۇن كەش كېيىپ يۈرگەن بىلەن ئىنسان بەختلىك بولۇپ قالاتتىمۇ ؟! ئىشىنىڭ ، ساقايماس كېسەلگە ئۇچرىغان ئايالمۇ ، ھەتتا پەرزەنتىدىن جۇدا بولغان ئايالمۇ ئىچەرمەن ____ھاراقكەشنىڭ ئايالىدەك بىئارام بولۇپ سىقىلمايدۇ ، تۆكۈلمەيدۇ ! قازىنىڭدا پۈتۈن قوي قايناپ تۇرۇپمۇ دەيلى ، ئەمما ئېرىڭ كۆزلىرىگە قان تولۇپ ، ئادەم قىياپىتىدىكى مەخلۇققا ئايلىنىپ ساڭا ھەيۋە قىلىپ تۇرسا ! ئاغزىدىن چىقىۋاتقان يېقىمسىز گەپلەردىن ھەممە ئۇۋىلىرىغا كېرىپ كەتسە ! ئۇنىڭدىن تارقىلۋاتقان بەتبۇي سېسىق ھېدقا يېنىدا تۇرغىلى بولمىسا ! ياكى بالىلارنىڭ ئالدىدا ئۇنى ئۆلۈكنى سۆرىگەندەك ئېلىپ كىرسە ، شاھانە تامىقىڭ ساڭا قانداق ھەزىم بولسۇن ۋە ئۈستۇڭدىكى داڭلىق ماركىلىق كىمخابلىرىڭ كۆڭلۇڭگە قانداق سىغسۇن؟....ئەركەكلەرنىڭ ئىچىدە مۇنداقلىرى يوق دىيەلەمسىز ؟! يەنى بىر مىسال : ئۆزى دوكتۇر . ئايالى ئۇنىڭدىن كۆرە ئۆتكۈررەك دوكتۇر . يوللىرىدا يېتىۋىلىپ يۈرۈپ ، سايىدەك ئەگىشىپ يۈرۈپ ئۆيلەنگەن . ھەممە تەرەپتىن شۇنداق پاكىز ، تامىقى جايىدا ، كىيىمى رەتلىك . ئەمما كۈندە بىر باھانە تاپىدۇ - ھېچ بولمىسا « نېمىشقا ئۈندىمەيسەن؟» دېگەن يوق باھانە بىلەن خوتۇننى دۇمبالاشقا باشلايدۇ . ئاغزى - بۇرنىنى قان قىلىشتىن باشلاپ ، بوغۇشۇپ قىيما - ياما بولىدۇ «ئاناڭغا ئېيتساڭ ، خۇلۇم - قوشنىلارغا سازايى قىلساڭ ئۆلتۈرۋېتىمەن» دېگەن پوپۇزىسىنى ئېيتمامسىز ؟ ئايال بىچچارىمۇ دەل شۇنداق قىلىدۇ ، ھېچكىمگە نۇمۇس يۇزسىدىن ئۈندىمەيدۇ . بۇ ئەركەكنى روھىي كېسەلمىكىن دىسىڭىز بىر چىرايلىق ئىشلەپ كىلىدۇ . ئىجتىمايى مۇناسىۋىتى ياخشى . ساق دېسىڭىز ، پاپىرىسنى نەچچە تال چەككەن بولسا ، شۇنچە قېتىم ئايالىنى ئۇرۇۋېردۇ . بالىسى تۇغۇلغاندىن كېيىن بۆشۈكنىمۇ تېپىدىغان ، بالا يېغلۇغۇدەك بولسا « بۇ ئۆيدە تىچلىق - جىمجىتلىق بارمۇ - يوق ؟» دەپ بالىنىمۇ شاپىلاقلاپ قويدىغان بوپتۇ ! خوش ، ئەركەكلەر بۇنىڭغا نېمە دەيسىز ؟ بۇ ئەركەكنى زادى چۈشەنمىدىم ، ئەمما خوتۇنى بۇ ياشاشتا ئۇزۇنغا قالماي خامۇش ياكى ساقايماس بىرەر كېسەلگە گىرىپتار بولمايدۇ دېگىلى بولمايدۇ . ئۇنىڭ بالىلىرىچۇ ، ساق نورم،ال ساغلام چوڭ بولىدۇ دەمسىز ؟ .... ئېھ ! تالاي- تالاي زەنجىرلىك ئىشىكلەر ، پەردىلىرى زىچ يېپىلغان دېرىزىلەرنىڭ كەينىدە نى- نى ئاياللار شۇ تەرزدا تاش چىشلەپ ياش تۆكۈپ بۇقۇلداپ ئۆتۈپ كېتۋاتىدۇ . «مەن ئەركەك ئادەممەن ۋە مېنىڭ دىگىنىمنىڭ ھەممىسى ھېساب ، مېنىڭ ئېيتىقىنىم بويىچە ياشايسەن !» دىگەن شۇئارنى پەش قىلغانلا ئەركەكنى ، ياراتقۇچى ئۇرغان دەۋېرىڭ ! بۇ يورۇق دۇنياغا كېلىپ ، ۋايىغا يېتىپ ، ئائىلە دىگەن مۇكاپاتقا ئىگە بولۇپ ، لەززەت ئىلىشنى ، ھوزۇردىن شاتلىنىشنى ، مەززە قىلىشنى پەقەت ھاراق ئىچىشتە ، سىرىتلاردا مەخپى ئويناشتا ، ئۆيگە كەلسە خوتۇن ئۇرۇشتا ، بالىلارنى قورقۇتۇشتا ، ئاتا- ئانىنى لاغ - لاغ تىترىتىشتە دەپ بىلدىغان ئادەمدەك پەس ئادەم بارمۇ دۇنيادا ! ئۇكام ، خېتىڭىز باھانە بولۇپ ، دەردىمنى تۆكۈپ سالدىم .يىگىتنىڭ بەختى نېمىدە ؟ كېمىڭنى تولدۇرۇپ ، كۆكسۈڭنى تولدۇردىغان گەپ تېپىپ ، سەن ئارام ئالدىغان مۇھىت يارتىپ ، دەردىڭنى كۆزى بىلەن چۈشىنىپ ئۆزۈڭنى ھەم كۆز ئۈستىگە قويۇپ يۈردىغان ئايال بىلەن ياشاش ئەڭ ئالى بەخىتتۇر. سىز شۇنىڭغا يېتشىپسىز ، سىز مېيىپ ئەمەسسىز ، خۇدا پۈتۈنلىك بەرگەن دەپ سىزنى ئېيتىدۇ! مەنبە : قىز- يىگىتلەرگە مەسلىھەتلەر مۇنبەرگە يوللىغۇچى : تۇز 2014- يىلى 7- ئاينىڭ25- كۈنى ئەزىزانە شەھرىي قەشقەر

sahiba33

	نىمىدىگەن  ياخشى يازما بۇ؟؟ ماڭا شۇنداق تەسىر قىلدى. ئاخىرىمۇ ئىنتايىن ياخشى يەكۈنلىنىپتۇ........... سىزنىڭ يازمىلىرىڭىزنى بەك ياقتۇرۇپ ئوقۇيمەن،رەھمەت!

.0102

	قىز يىگىتلەرگە نەسھەت دەپ كىتاپ بارمۇ تۇزئاكا؟  ئۆزبەكلەرنىڭ  ئائىلە ئەخلاقى توغۇرلۇق كىتاپلىرىنى كۆرگەن    ...  ياكى سىز يېزۋاتامسىز؟

باشتۇغ

	ياخشى ئەسەرلەرنى يوللاپ تورداشلارغا سۇنۇۋاتقان ئەجرىڭىزگە رەھمەت .

.tuz.

	.0102 يوللىغان ۋاقتى  2014-7-25 12:51 PM قىز يىگىتلەرگە نەسھەت دەپ كىتاپ بارمۇ تۇزئاكا؟  ئۆزبەك ... ئەسسىلامۇ ئەلەيكۇم تالانتلىق ناتىق ، ئەخلاقشۇناس تۇرسۇنئاي سادىقۇۋانىڭ بىر يۈرۈش ئېسىل كىتابلىرىنى شىنجاڭ پەن _ تىخنىكا نەشىرياتى نەشىر قىلىپ كەڭ ئوقۇرمەنلەرنىڭ ئالقىشىغا ئىرشىۋاتىدۇ . ھەر بىر ئائىلىگە ئاشۇ بىر يۈرۈش كىتابلارنى سېتىۋىلىپ ، قىز - يىگىتلىرمىزنىڭ ئوقۇپ چىقىشنى تەۋسىيە قىلىمەن . قۇربىتىم يەتسە ، ھەر بىر ئۇيغۇرغا ھەقسىز تارقاتقان بولار ئىدىم ، قۇربىتىمنىڭ يېتىشچە مۇنبەرگە 30 نەچچە تېمىسىنى يوللۇدۇم ، ئاللاھ خالىسا ، داۋاملىق داۋامىنى داۋاملاشتۇرۇپ يوللايمەن . «ئۆمۈر بىر كېلۇر » «مېھىر قالۇر»  «سۆز مېھرى»  «قىز - يىگىتلەرگە مەسلىھەتلەر» «كېلىن بولۇش ئىلمى»  «ھايات دەرياسىدىن ساۋاقلار»  «يېنىڭدىكى بەخت» « مۇرەببى كىم »  قاتارلىق يۈرۈشلىك كىتابلىرى ئىخچام مېغىزلىق ئەدەپ - ئەخلاققا دائىر سۇئال - جاۋابلار ،قايىل قىلارلىق ئىسىل مەزمۇنلار  بىلەن تولغان دۇردانلەر ھەر بىر ئوقۇغۇچىنى قايىل قىلماي قالمايدۇ . كىتابلىرى ئەرزان ،مەزمۇنلىرى قىممەتلىك بۇ كىتابلارنى كىتابخانلىردىن 10 نەچچە يۈرىشىنى 100 يۈئەنگە بارماي سىتىۋالالايسىز .

sargarda

	arnig   bahtinig  hutunda  ikanlikini  kopinqimiz his kilalaymiz ajdatlirimizmu  ,   arni   ar  kilganmu  , yar  kilganmu  hutun dap   eyitkan . amma   tula   kitab   kuruxmu   adamni  kaymukturup  kiydikan .  ye bir      yigitlarga  nasihat  degan bir kitabni ukugan  .   U   kitabta  ,  ayal   kixinig   soygusini  yatlarnig kiga ohxax   otkunqi   dap  bil . hutun   bir  mazgil  muhabbatlik kurunsimu    mal   mulkig  azayganqa  sandin yuz  oruydu   dap   yeziliptu . lokman  hekimmu  ogliga  kilgan  nasihatlar   iqida   , ayal  kixiga   ziyada  ixanma dap  eyitkan  ikan .         Bazida   kitab  ukuxmu  ziyanlikmikin  dap  oylaydigan bolup    kaldim  .   Tawratta   eytilgandak  ,  bildiginig kop bolsa  azabigmu   kop  boldikan .

sargarda

	arnig   bahtinig  hutunda  ikanlikini  kopinqimiz his kilalaymiz ajdatlirimizmu  ,   arni   ar  kilganmu  , yar  kilganmu  hutun dap   eyitkan . amma   tula   kitab   kuruxmu   adamni  kaymukturup  koydikan .  yekinda       yigitlarga  nasihat  degan bir kitabni ukugan  .   U   kitabta  ,  ayal   kixinig   soygusini  yatlarnig kiga ohxax   otkunqi   dap  bil . hutun   bir  mazgil  muhabbatlik kurunsimu    mal   mulkig  azayganqa  sandin yuz  oruydu   dap   yeziliptu . lokman  hekimmu  ogliga  kilgan  nasihatlar   iqida   , ayal  kixiga   ziyada  ixanma dap  eyitkan  ikan .         Bazida   kitab  ukuxmu  ziyanlikmikin  dap  oylaydigan bolup    kaldim  .adamni  baxkilarga  ixanmaydigan  gumanhor  kilip kuydikan .   Tawratta   eytilgandak  ,  bildiginig kop bolsa  azabigmu   kop  boldikan . Kaquruglar   telfunda  hatni  nurmal  yazalmidim . Uyghurqini   kandak kilsa  nurmal  yazgili  bolidi  . Tuz   buradar    inkas  ikki   ketim  yollinip  ketiptu , ustidikini  uqurwatkan  bolsigiz , awara  kildim

ئاخۇنۇم

	sargarda يوللىغان ۋاقتى  2014-7-25 03:50 PM arnig   bahtinig  hutunda  ikanlikini  kopinqimiz his kilalaymiz ajdatlirimizmu  ,   arni   ar  kil ... قانداق ئىنكاس بۇ نىمە دىگەن قالايمىقان خەت يېزىش بۇ؟ئانا تىلنى قاچانمۇ ئىشلىتىسىز؟سىزنىڭ مۇشۇنداق ئىنكاسلىرىڭىزنى تولا كۆردۈم ،بىراق قارىساملا كۆڭلۈم ئېلىشىپ ئوقۇمايلا ئۆتۈپ كىتىۋاتىمەن.ئۇنداق قىلماي ئاتايىتەن ۋاقىت چىقىرىپ ياغاندىكىن ئۇيغۇر تىلىدا يازسىڭىز بولمامدۇ؟يا ئۇيغۇرچە يېزىشنى بىلمەمسىز؟ ياكى ئۇيغۇرچە يېزىش خوشياقمامدۇ؟ئەگەر ئۇيغۇرچە يېزىشنى بىلمەيمەن دېسىڭىز نۇمۇس قىلسىڭىز بولىدۇ،ھازىر ئۇنداق دەپ باھانە تېپىپ بولالمايسىز،پەقەتلا مۇستەھكەم بىر ئىرادىلا كەملىك قىلىۋاتىدۇ...يەنىلا تەكىتلەيدىغىنىم ئۇيغۇرچە يېزىڭ!

99sahrayi99

	ئېچىشقان يارگە تۇز سەپكەندەك تازا جايىدا ئېيتىلغان سۆز بوپتۇ. ئاڭلىسا ئاڭلا، ئاڭلىمىسا بىر يەرلىرى ئېچىشقۇدەك........ اللە بەرگەن نىئمەتنى خارلىغانلار ھامان بىر كۈنى ئېچىنىشلىق ئاقىۋەتكە قالىدۇ.. ئايال ئۈچۈن ئەر، ئەرلەر ئۈچۈن ئاياللار اللە ئاتا قىلغان نىئمەتلەردۇر!...

bagdowlat

	يىللارچە ياشاپتىمەن. چاقلىق ئورۇندۇقتا ئەرلەرنى ئولتۇرغۇزۇپ ئاياللار ئۇنى سۆرەپ كېتىۋاتقاننى كۆردۈم لېكىن تەمبەل ئەرلەرنىڭ ئاياللارنى ئولتۇرغۇزۇپ سۆرەپ كېتىپ بارغىنىنى كۆرۈپ باقماپتىمەن. نىمە ئۈچۈن؟ ئەجىبا ئەرلەر بۇ دۇنياغا ھۆزۇر سۈرگىلى كەلگەنمۇ؟ «ئايالىم دىيابىت كېسىلى، مېنىڭ ھۆددەمدىن چىقالمايدۇ»دەپ ياش خوتۇنلارغا قاش ئېتىپ يۈرگەنلەرنىمۇ كۆپىيىپ قالدى. شۇ ئايالنى نىكاھلاپ ئالغاندا شۇ كېسىلى بارمىتى؟ بىر ئۆينىڭ جەۋرى-جاپاسىدا شۇنداق ساقاياس كېسەلگە گىرىپتار بولۇپ قالغانمىدۇ دەپ ئويلايدىغان ۋاقتى يوق بۇ ئەرلەرنىڭ ؟