زىيادە ئىشلەش جۇڭگودا ئىتراپ قىلىنمايدۇ

tohotur

	شياڭگاڭ «نەنخۇا سەھەر گېزىتى» نىڭ 22- ئىيۇلدىكى سانىدا ئېلان قىلىنغان ماقالە، ئەسلې تېمىسى «جۇڭگودىكى نۇرغۇنلىغان ياش ئىشچىلار كېچىدە ئۇخلاۋىتىپ سىرلىق ھالدا ئۆلۈپ قالماقتا»، نۇر تورى تەرجىمىسى: تەتقىقاتتىن بايقىلىشچە، ئۆتكەن 10 يىل ئىچىدە، جۇڭگونىڭ ياساش سانائىتى مەركىزى بولغان دۇڭگۈەن شەھىرىدە، ھېچقانداق كېسەللىك تارىخى بولمىغان ياش ئەر ئىشچىلار ئۇخلاۋاتقان چاغدا تۇيۇقسىز  ئۆلۈپ قالىدىغانلارنىڭ سانى تېز سۈرئەتتە كۆپەيمەكتە. دۇڭگۈەن شەھەرلىك جامائەت خەۋپسىزلىكى ئىدارىسىنىڭ ماتېرىيالىدا كۆرسىتىلىشچە، 2001- يىلى 1- ئايدىن 2013- يىلى 10- ئايغىچە، نامەلۇم سەۋەب تۈپەيلىدىن كېچىدە ئۇخلاۋاتقاندا تۇيۇقسىز ئۆلۈپ قالىدىغان دېلولارنىڭ سانى 893 كە يەتكەن. 1990- يىلى 1- ئايدىن 1999- يىلى 12- ئايغىچە بولغان مەزگىلدە، بۇ سان ئاران 231 ئىكەن. جۇڭشەن ئۇنىۋېرسىتېتىنىڭ تەتقىقاتچىسى ئۆتكەن 20 يىلدىن بۇيان ساقچى تەرەپنىڭ خاتىرىسىنى ئانالىز قىلىش نەتىجىسىنى ئېلان قىلىش ئارقىلىق، كىشىلەر يۇقىرىقى كېسەللەرنىڭ سانىنىڭ تېز ئېشىۋاتقانلىقىنى بىلەلىدى. «سەۋەبى نامەلۇم كىچىدە ئۇخلاۋىتىپ تۇيۇقسىز ئۆلۈپ قېلىش يىغىندا كېسىلى» گە گىرىپتار بولغان كىشىلەر توپى كېچىدە ئۇخلاۋاتقاندا تۇيۇقسىز ئۆلۈپ قالىدۇ، ئۇلارنىڭ ھەممىسى ساغلام كىشىلەر، جەسەت تەكشۈرۈشتىن بايقىلىشچە، ئۇلارنىڭ بەدىنىدە يۇشۇرۇن ئەجەللىك كېسەللىك ياكى زەخمە بايقالمىغان. تەتقىقاتتا ئېنىقلىنىشچە، بۇ تۈردىكى كىشىلەر تۇيۇقسىز ئۆلۈپ قېلىشتىن ئىلگىرى تۇيۇقسىزلا نەپىسى قىيىنلىشىدىكەن، ئەمما ئەجەللىك كېسەللىك سەۋەبى ھازىرغىچە ئېنىق ئەمەس. بۇ خىل كېسەللىك ئالامىتى ئاساسلىقى تايلاند، ۋېيتنام، فىلىپپىن قاتارلىق شەرىقى جەنۇبىي ئاسىيا ئەللىرىدە تارقالغان. تەتقىقاتتا بايقىلىشچە، دۇڭگۈەن شەھىرىدىكى تۇيۇقسىز ئۆلۈپ كەتكەنلەرنىڭ %90 تىدىن كۆپرەكى جىسمانىي ئەمگەكچىلەر ئىكەن. ئۇزۇن مۇددەت ئىشلەش، ناچار تۇرالغۇ مۇھىتى، بىر قەدەر ناچار بولغان شامال ئۆتۈشۈش شارائىتى بۇنداق كېسەللىكنىڭ خەۋپىنى ئاشۇرۇۋەتكەن. گۇاڭدۇڭدىكى ئەمگەكچىلەرنىڭ ھوقۇق- مەنپەئەتىنى قوغداش تەشكىلاتى دېھقان ئىشلەمچىلەرنىڭ تۇيۇقسىز ئۆلۈپ قېلىش مەسىلىسىگە ئىزچىل تۈردە ئىنتايىن كۆڭۈل بۆلمەكتە، ئۇلارنىڭ قارىشىچە زىيادە ئىشلەش بۇنىڭ سەۋەبى ئىكەن. گۇاڭدۇڭ فەنيۈ ئىشلەمچىلەرگە مۇلازىمەت قىلىش ئورنىنىڭ مەسئۇلى زېڭ فېيياڭ مۇنداق دېدى: زىيادە ئىشلەش دېگەن ئۇقۇم جۇڭگونىڭ قانۇنىدا ئېتىراپ قىلىنمايدىغان بولغاچقا، زىيانكەشلىككە ئۇچرىغۇچىلارنىڭ مۇناسىپ تۆلەمگە ئېرىشمىكى تولىمۇ قىيىن. زاۋۇت خۇجايىنلىرى بۇنىڭغا ئاسانلا رەددىيە بىرىپ، زىيانكەشلىككە ئۇچرىغۇچىنىڭ خىزمەتدىشىمۇ ھەر كۈنى ئوخشاش ئىشلەيدۇ، ئەجىبا ئۇلارنىڭ ھەممىسى ئىنتايىن ساغلامغۇ، دېيىشىدۇ. ئانالىزدا ئېيتىلىشچە، 20 ياشتىن 40 ياشقىچە بولغان ياشلار ئادەتتە ئائىلىنىڭ ئىقتىسادىي تۈۋرۈكى، ئۇلارنىڭ پسىخىك ۋە جىسمانىي يۈكى بىر قەدەر چوڭ بولغاچقا، زىيادە چارچاپ ئۆلۈپ كېتىش ئەھۋالى ئاسانلا يۈز بېرىدۇ. مەسىلەن، 2001- يىلىدىن 2006- يىلىغىچە، «سەۋەبى نامەلۇم كىچىدە ئۇخلاۋىتىپ تۇيۇقسىز ئۆلۈپ قېلىش يىغىندا كېسىلى» گە گىرىپتار بولۇپ ئۆلۈپ كەتكەن 328 كىشى ئىچىدە، %80 تىن كۆپرەكى 21 ياشتىن 40 ياشقىچە بولغان كىشىلەردۇر، بۇنىڭ ئىچىدىكى %90 تى ئەرلەردۇر. http://www.nur.cn/news/2014/07/178451.shtml

ATAMAN25

	دۆلىتىمىزدە ئەمگەكچىلەرنىڭ ھوقۇق مەنپەئەتىنى قوغداش قانۇنى تېخى مۇكەممەللىشىپ بولالمىدى شۇنداقلا ئەمگەكچىلەرنىڭ مۇناسىۋەت دائىرىسى ئىنتايىن تار بولغاچقا مۇشۇنداق ئەھۋاللار داۋاملىق چىقىۋاتىدۇ. قۇرۇلۇش ھۆددىگەرلىرى ۋە باشقا بەزى نائىنساپ خوجايىنلار ئۆزىنىڭ يانچۇقىدىكى پۇلغا تايىنىپلا مۇناسىۋەت سېتىۋېلىپ ئىشلەمچىلەرنى بولۇشىغا ئىشلىتىپ يەنە كېلىپ تېخى ئىشلىگەن پۇلىنىمۇ بەرمەي دېگۈدەك بوزەك قىلىۋاتىدۇ. بۇنداق ئەھۋالنى ئۆزگەرتىشنىڭ بىردىنبىر يولى پارىخورلارنىڭ ھەممىنى قىرىپ تاشلاش. مۇشۇ پارىخورلار يوقالمىغۇچە جەمئىيەتنىڭ تۆۋەن قاتلىمىدىكى ئىشلەمچىلەرنىڭ ھوقۇق مەنپەئەتىنى قوغداشتىن سۆز ئېچىش مۇمكىن ئەمەس. ئارام ئېلىش شارائىتى 0 + تاماق شارائىتى (بىر موما، سۇ بىلەن قورۇلغان كۆكتات) 0 = قۇللۇق.

kamiljantohti

	بىچارىلەر! پۇل تاپمىسا ئائىلىسىنى باقالمىغان. پۇل تېپىش ئۈچۈن تىرىشسا قان چىقىپ كېتىپ بارغان. شۇ ئېغىر «ئۇھ» تارتىشتىن باشقا نىمىمۇ قىلالايتتۇق. ئۇلار يات مىللەت بولسىمۇ يەنىلا ئۇلارغا تەزىيە بىلدۇرىمەن. ئۇلار زادى نىمىنىڭ قۇربانى؟ بىزلەرچۇ؟

nijatkurban

	جېنىمىز تۆمۈر ئەمەس، سەل ئاياپ ئشلىتىلى، جان بولسا جاھان، ئاش بولسا قازان، چاي بولسا نان دەپتىكەن كونىلار.

musilina

	مۇشۇ قېتىم ئاغرىپ قالغاندىن كېيىن سۆيۈملۈك مەكتەپ مۇدىرىمىزنىڭ ماڭا بولغان پوزىتسىيىسىدىن بۇ گەپنىڭ نەقەدەر توغرىلىقىنى يەنە بىر قېتىم چوڭقۇر ھېس قىلدىم.....

xirali120

	ATAMAN25 يوللىغان ۋاقتى  2014-7-25 11:20 AM دۆلىتىمىزدە ئەمگەكچىلەرنىڭ ھوقۇق مەنپەئەتىنى قوغداش  ... ahiridiki formula sal exip kattimu nima

mastana888

	قارىغاندا مەنمۇ دىققەت قىلسام بولغۇدەك يىقىندىن بىرى بەكلا چارچاپ كەتتىم

ئايچىن

	راس جۇمۇ ... بەزىدە زىيادە خىزمەت بېسىمى كىشىنى تولىمۇ چارچىتىپ قويىدىكەن... بىر گەپ تولىمۇ توغرا دىيىلىپتىكەن ... خىزمەت  كادىرنى قېرىتىدۇ .. كادىر خىزمەتنى قېرىتالمايدۇ...

ablimitt

	ATAMAN25 يوللىغان ۋاقتى  2014-7-25 11:20 AM دۆلىتىمىزدە ئەمگەكچىلەرنىڭ ھوقۇق مەنپەئەتىنى قوغداش  ... پۇل+ھۇقوق= پادىشاھ

uyghari

	دۆلىتىمىزنىڭ «ئەمگەك قانونى»دا بارلىق جىسمانى، ئەقلى ئەمگەكچىلەرنىڭ ئىشلەش ۋە دەم ئېلىشىغا دائىر ئېنىق بەلگىلىمە چىقىرىلغان. بىراق، ئاساسى قاتلاملاردا بۇ قانون كۆپۈنچە ھاللاردا قورۇق قەغەزگە ئايلىنىپ قېلىۋاتىدۇ. خىزمەت بىلەن دەم ئېلىش ئۆزئارا بىرلەشتۈرۈلمىسە، ئەمگەكچىلەرنىڭ سالامەتلىكى زىيانغا ئۇچراپ، مانا مۇشۇنداق يامان ئاقىۋەت كېلىپ چىقىدۇ.