ئاخشام سىزنى سېغىنىپ ياتسام

kok-sultan

	ئاخشام سىزنى سېغىنىپ ياتسام، ھۈۋلاپ چىقار باغرىمدىن شامال. كۆپكۈك مۇزلۇق تاغلاردىن ھالقىپ، ئىستەر قېنىپ كۆرۈشكە ئامال. ئاخشام سىزنى سېغىنىپ ياتسام، يېنىپ ھەربىر تۇمۇردا قۇياش. ئېرەر شىرىن ھاياجان تەندە، تەملىك پىشقان كاۋاپقا ئوخشاش. ئاخشام سىزنى سېغىنىپ ياتسام، قېچىپ ياشلىق كۆزلەردىن ئۇيقۇ. سىڭىپ كېرەر بەختسىز جانغا، كۆچكەن قۇمدەك ئازابلىق تۇيغۇ. ئاخشام سىزنى سېغىنىپ ياتسام، قۇيۇپ سوغۇق ياستۇققا باشنى. چۈشەر پەسكە كۆڭۈلسىز يوتقان، يامغۇر پەسلى قۇچقاندەك تاشنى. ئاخشام سىزنى سېغىنىپ ياتسام، خىيال بىلەن چۆمۈلۈپ تەرگە. بولار قاچان ۋەسلىڭىز نىسىپ، مەندەك غېرىپ سەۋدايى ئەرگە.

sanjay

	شېئىر  ياخشى چىقىپتىكەن   بىراق خەت شەكلى نورمال ئەمەسقۇ    ،    يەنە كىلىپ   شېئىرىڭىز  سۈرۈلۈپ يان تەرەپكە كىتىپتۇ.

alzapar0302

	تېخى مىنىڭ كومپىيوتىرىمدا شۇنداق كۈرىنىۋاتقان ئوخشايدۇ دەپتىمەن .

باشتۇغ

	ئۇستازنىڭ ياخشى بىر مۇھەببەت لىرىكىسى بىلەن بىزگە مەنىۋى زوق ئاتا قىلغىنىغا رەھمەت . ئاپتۇر شىئېرنى ؛ بۇلار قاچان ۋەسلىڭىز نىسىپ ، مەندەك غېرىپ سەۋدايى ئەرگە ؟ دەپ ئاياقلاشتۇرۇش ئارقىلىق ۋىسالغا تەشنا بۇلۇپ تۇرغان بىر يۈرەكنىڭ سېغىنىشلىق ئىچكى ھىسياتىنى ناھايتى ياخشى ئىپادىلىگەن .

mastana888

musilina

	ئۇزۇن بوپتىكەن تىلى يېقىملىق چىققان شېئىرلىرىڭىزدىن ھوزۇرلانمىغىلى....

hekmat110

	ئاخشام سىزنى سېغىنىپ ياتسام، يېنىپ ھەربىر تۇمۇردا قۇياش. ئېرەر شىرىن ھاياجان تەندە، تەملىك پىشقان كاۋاپقا ئوخشاش.

mehriya

	ئاخشام سېنى سېغىنىپ ياتسام ، كىرمىدىڭغۇ چۈشۈمگە ئەجەپ . تاش ئەمەستۇ باغرىڭ سېنىڭكى ، ياكى مېنى قويمامسەن ئەسلەپ .

axek13999649893

	ئاخشام سىزنى سېغىنىپ ياتسام، قېچىپ ياشلىق كۆزلەردىن ئۇيقۇ.

uyol

	ئاخشام سىزنى سېغىنىپ ياتسام، يا تېلغۇنمۇ قىلىپ قويمىدىڭ، باغرىڭ شۇنچە تاشمۇ سېنىڭ، بەلكىم تېلغۇننىڭ تۇكى يوقتۇ،،،،،،،،،،