ئارام ئالغىن ئەمدى جان ئاتا

HIRISTAL1

	ئارام ئالغىن ئەمدى جان ئاتا قەلبىنۇر ئۇبۇل ھەسەن (يېتىپ كېلىش ئالدىدا تۇرغان روزى ھېيت مۇناسىۋىتى بىلەن جەمىيەتنىڭ ھەر قايسى ساھەلىرىدە جاپالىق خىزمەت قىلىۋاتقان مۇھتەرەم ئاتىلارغا سالام يوللايمەن.) ئارام ئالغىن ئەمدى جان ئاتا،    گەر يارالغان بولساڭ جاپاغا ئۇچاڭدىكى توپىنى قېقىپ، مەرھەمەت قىل تۆرگە سارايغا. ئارام ئالغىن ئەمدى جان ئاتا، خامانلاردا ئۆتمىسۇن كۈنۈڭ. يەر سېلىنجا،ئاسمان يېپىنجا، سۇ ياقىلاپ ئۆتمىسۇن تۈنۈڭ. ئارام ئالغىن ئەمدى جان ئاتا، سەرسان بولۇپ يۈرمە ھەر يەردە. بىزلەر ئۈچۈن سەكپارە بولۇپ، دەم ئالماستىن يۈرمە سەپەردە. ئارام ئالغىن ئەمدى جان ئاتا، ئۈستەللەردە تالمىسۇن بېلىڭ. ئۆزۈڭمۇ كىي قېلىنراق كىيىم، بوپ قالمىسۇن ئۇچاڭ بەك يېلىڭ. ئارام ئالغىن ئەمدى جان ئاتا، كۆزلىرىڭنىڭ نۇرى ئۆچمىسۇن. كېچىلەردە ئۇيقۇسىز مېڭىپ، رول قولۇڭدىن چىقىپ كەتمىسۇن. ئارام ئالغىن ئەمدى جان ئاتا، جاڭگاللاردا يۈرمە تەمتىرەپ. ئاچچىق سوغدا،پىژ-پىژ ئاپتاپتا، يۈرمە ئەمدى توڭۇپ ھەم تەرلەپ. ئارام ئالغىن ئەمدى جان ئاتا، زاۋۇتلاردا يۈرمە ئاچ قورساق. تاپشۇر بىزگە ئارمانلىرىڭنى، ئەنسىرەمسەن يەنە بىز تۇرساق. ئارام ئالغىن ئەمدى جان ئاتا، تۇتايلى بىز كەلگىن بېلىڭنى. ئەقىل كىرىپ سەپكە قېتىلدۇق، ئاغرىتمايمىز نازۇك دىلىڭنى. ئارام ئالغىن ئەمدى جان ئاتا، راھەت كۆرگىن تۆت كۈن بولسىمۇ. چىشلىرىڭنىڭ قالمىدى سېقى، لېۋىڭ بىزگە كۈلۈپ تۇرسىمۇ. ئارام ئالغىن ئەمدى جان ئاتا، مۇڭدىشىۋال ئانام بىلەن كۆپ. تەشنالىقتا ئۆتتى كۈنلىرى، چۈشلىرىدە سېغىنىپ جۆيلۈپ. ئارام ئالغىن ئەمدى جان ئاتا، ئوقۇۋالغىن كىتاپلىرىڭنى. ئەنسىرىمە ئۇخلىغىن تاتلىق، بىز قىلىمىز ھىساپلىرىڭنى. ئارام ئالغىن ئەمدى جان ئاتا، ئۆمرۈڭ بويى كۆيدۈڭ شام بولۇپ. سەن يورۇتقان شۇ يولنى بويلاپ، ماڭىمىز بىز زور كۈچكە تولۇپ. 2014.   7     قاراماي

kell

	تېمىڭىزغا تەشەككۈر . بەك جىق بەك جىق ئىشلارنى ئىسىمگە سالدىڭىز . مۇشۇ شىئىرىڭىزنى ساقلىۋالاي .

HIRISTAL1

	مۇنبەر باشقۇرغۇچىلار خەت شەكلىنى تۈزەتمەيلا  يوللاپ قويۇپسىلەرغۇ؟ مۇشۇ مۇنبەرگىلا خەت توغرا چۈشمەيدۇ زادى

ARKZAT

	ئانىلار ئارام ئېلىشى كېرەك ئىدى، ئەمما ئارام ئالمايدۇ، ئارام ئالالمايدۇ. ھەتتا ئەجەل يەتكەندىمۇ كۆزى پەرزەنتلىرىنىڭ بەخت مەنزىلىگە ئارمان بىلەن تىكىلىدۇ...    مۇشۇ شېئىرنىڭ ھۆرمىتى، ئانىلىرىمىزنىڭ  قەدىر-قىممىتى ئۈچۈن بولسىمۇ، ئانىلىرىمىز  ئۈچۈن بۈگۈن بىر ئەمەلىي ئىش قىلايلى. ھېچ بولمىسا، تېلېفون ئارقىلىق بولسىمۇ ئەھۋال سورايلى.    شېئىرىڭىزنى ياقتۇردۇم.

alzapar0302

	ھەر ساھە ، ھەر كەسىپتىكى پەرزەنت ئۈچۈن تەر ئاققۇزىۋاتقان جاپاكەش ئاتىلىرىمىزنىڭ ئۆمرىنىڭ ئۇزۇن تىنىنىڭ سالامەت ئىشلىرىنىڭ ئۇتۇقلۇق بولىشىنى ، بىزدىن ۋاقىتسىز خوشلاشقان رەھمەتلىك ئاتىلىرىمىزنىڭ روھىنىڭ ئازابتىن ساقلىنىشىنى ، جەننىتىدىن ئۇرۇن بىرىشىنى ئۇلۇغ ئاللاھتىن تىلەيمەن .

hekmat110

	خەت....

musilina

	شېئىر ياخشى چىقىپتىكەن.... ئاتا -ئانىلارنىڭ جاپاسىنى ئاتا -ئانا بولغاندا ئاندىن بىلىدىكەنمىز...... شېئىرنى ئوتتۇرىغا ئەكىلىپ توغرىلاپ قويسىڭىز بوپتىكەن.....

zulpukar

	ئاتا- ئانىسى بېقىپ چوڭ قىلىپ قويسىمۇ،،،، ئاتا- ئانىسى بىلەن كارى يوق كىشىلەرگە ئويلانغۇدەك تېما بوپتۇ بۇ........ باشقۇرغۇچىلار ماۋۇ تېمىنى ئوڭ تەرەپتە كۆرۈندىغان قىلىپ قويۇڭلار....... توردىشىمىز يېڭى بولغاچ بىلەلمەي قالغان ئوخشايدۇ......

بەرگى

	بەكلا ياخشى يېزىپسىز . پەرزەتلەرنىڭ ئاتا-ئانا ئۈچۈن ھىچ نىمە قىلىپ بىرەلمەيدىكەن ، بەزىدە شۇ باللارنىڭ تىلفۇننى ساقلاپ بىر كۈن قىلماي قالسا ئەنسىرەپ ئۆتىدۇ . ئەمما بەزى باللار دوستلىرى ۋە توربىلەن بولۇپ ئۇلارنىڭ كۆڭلىنى چۈشەنمەيدۇ .

musilina

	قەلبىنۇر ئۇبۇل ھەسەن (يېتىپ كېلىش ئالدىدا تۇرغان روزى ھېيت مۇناسىۋىتى بىلەن جەمىيەتنىڭ ھەر قايسى ساھەلىرىدە جاپالىق خىزمەت قىلىۋاتقان مۇھتەرەم ئاتىلارغا سالام يوللايمەن.) ئارام ئالغىن ئەمدى جان ئاتا، گەر يارالغان بولساڭ جاپاغا ئۇچاڭدىكى توپىنى قېقىپ، مەرھەمەت قىل تۆرگە سارايغا. ئارام ئالغىن ئەمدى جان ئاتا، خامانلاردا ئۆتمىسۇن كۈنۈڭ. يەر سېلىنجا،ئاسمان يېپىنجا، سۇ ياقىلاپ ئۆتمىسۇن تۈنۈڭ. ئارام ئالغىن ئەمدى جان ئاتا، سەرسان بولۇپ يۈرمە ھەر يەردە. بىزلەر ئۈچۈن سەكپارە بولۇپ، دەم ئالماستىن يۈرمە سەپەردە. ئارام ئالغىن ئەمدى جان ئاتا، ئۈستەللەردە تالمىسۇن بېلىڭ. ئۆزۈڭمۇ كىي قېلىنراق كىيىم، بوپ قالمىسۇن ئۇچاڭ بەك يېلىڭ. ئارام ئالغىن ئەمدى جان ئاتا، كۆزلىرىڭنىڭ نۇرى ئۆچمىسۇن. كېچىلەردە ئۇيقۇسىز مېڭىپ، رول قولۇڭدىن چىقىپ كەتمىسۇن. ئارام ئالغىن ئەمدى جان ئاتا، جاڭگاللاردا يۈرمە تەمتىرەپ. ئاچچىق سوغدا،پىژ-پىژ ئاپتاپتا، يۈرمە ئەمدى توڭۇپ ھەم تەرلەپ. ئارام ئالغىن ئەمدى جان ئاتا، زاۋۇتلاردا يۈرمە ئاچ قورساق. تاپشۇر بىزگە ئارمانلىرىڭنى، ئەنسىرەمسەن يەنە بىز تۇرساق. ئارام ئالغىن ئەمدى جان ئاتا، تۇتايلى بىز كەلگىن بېلىڭنى. ئەقىل كىرىپ سەپكە قېتىلدۇق، ئاغرىتمايمىز نازۇك دىلىڭنى. ئارام ئالغىن ئەمدى جان ئاتا، راھەت كۆرگىن تۆت كۈن بولسىمۇ. چىشلىرىڭنىڭ قالمىدى سېقى، لېۋىڭ بىزگە كۈلۈپ تۇرسىمۇ. ئارام ئالغىن ئەمدى جان ئاتا، مۇڭدىشىۋال ئانام بىلەن كۆپ. تەشنالىقتا ئۆتتى كۈنلىرى، چۈشلىرىدە سېغىنىپ جۆيلۈپ. ئارام ئالغىن ئەمدى جان ئاتا، ئوقۇۋالغىن كىتاپلىرىڭنى. ئەنسىرىمە ئۇخلىغىن تاتلىق، بىز قىلىمىز ھىساپلىرىڭنى. ئارام ئالغىن ئەمدى جان ئاتا، ئۆمرۈڭ بويى كۆيدۈڭ شام بولۇپ. سەن يورۇتقان شۇ يولنى بويلاپ، ماڭىمىز بىز زور كۈچكە تولۇپ. 2014.   7     قارامايبۇ مۇنداق يوللاپ قويدۇم،ئوڭغا كەلتۈرۈپ شېئىرىڭىزنى.....