يىتىم قىزنىڭ بەختى

bojanqak

	يىتىم قىزنىڭ بەختى             1- باب  ئاجرىشىش _ جېنىم قىزىم ،سىلىدىن خۇش بۇلاي، ئاجراشمىسىلا، قاراپ تۇرۇپ كىچىككىنە سەبى قىزلىرىنى يىتىم قىلىشقا كۆڭۈللىرى قانداقمۇ ئۇنايدۇ.. _ ياق،  زادى ئاجراشقىنىم ئاجراشقان. ماقۇل دىسىلە بالام، سىلە ئاجراشسىلا بارچە ئۇۋالچىلىق مۇشۇ سەبىيگە بولىدۇ، ھېچ بولمىغاندا ئالدىلىرىدىكى مۇشۇ نارىسىدىنى بولسىمۇ ئويلاپ قويسىلا... _ دىدىمغۇ ئاجرىشىمەن دەپ... تۇخان ئانا بىلەن سۈمەييەنىڭ ئاپىسىنىڭ ئوتتۇرسىدىكى سۆھبەت مانا مۇشۇنداق كۆڭۈلسىز ئاياغلاشتى.  ئەمدىلا 2 ياشنىڭ قارىسىنى ئالغان بۇ نارىسىدە قىز بولسا سۈمەييە ئىدى. دۇنيا غەملىرىدىن بىخەۋەر بۇ كىچىك قىز ئاتا-ئانىسنىڭ ئاجرىشىپ كېتىشى بىلەن قانچىلىك بەختسىزلىكلەرنىڭ ئۆزىنى كۈتۈپ تۇرغىنىدىن بىخەۋەر ئىدى. سۈمەييەنىڭ ئاپىسىنىڭ ئۆزىنىڭ قارنىدىن چۈشكەن بۇ سەبىيگە ئىچى ئاغرىيدىغاندەك ئەمەس. شۇنداق قىلىپ سۈمەييەنىڭ ئاپىسى ئاخىرى دېگىنىنى قىلىپ ئاجراشتى. سۈمەييەنى بولسا دادا تەرەپ مومىسى يەنە تۇخان ئانا ئېلىپ قالدى، تۇخان ئانا ئېلىپ قالمىغان تەقدىردىمۇ، سۈمەييەنىڭ ئاپىسىنىڭ سۈمەييەنى ئېلىپ قېلىشى ناتايىن ئىدى، چۈنكى، شۇ ئالدىدىكى سەبىيگە ئىچى ئاغرىماستىن، ئاجرىشىمەن دەپ چىڭ تۇرغان بۇ ئايال سۈمەييەنى ئۆزى ئالغان تەقدىردىمۇ،  بىچارە سۈمەييەنىڭ خارلىنىپ قېلىشى تۇرغانلا گەپ.. ھەي..نىمە دەيمىز؟ سۈمەييەنىڭ ئاپىسىنى ئازدى دەيلىمۇ؟ۋە ياكى ئۇمۇ ئېغىر تەڭچىلىكتە قالدى دەيلىمۇ؟ ئىشقىلىپ كىشىلىك ھايات ھەر خىل قىسمەتلەرگە تولغان بولىدىكەن، بەزىلەر كىچىكىدىن تارتىپ ئاتا-ئانىسى تەل، باي-باياشاتچىلىق ئىچىدە ياشاپ چوڭ بولسا، يەنە بەزىلەر ئەسىرىمىزنىڭ باش پېرسوناژى بولغان كىچىك سۈمەييەگە ئوخشاش يىتىملىك كوچىسىدا چوڭ بولىدىكەن. تۇرمۇشنىڭ ھەر خىل دوقاللىرىغا دۇچ كېلىدىكەن، ئاخىرىدا پىشقان، سەبىرلىك،  تەمكىن بولۇپ پىشىپ يېتىلدىكەن. بۈگۈنكى كۈنىمىزدە يەنە قانچىلىغان سۈمەييەلەر مۇشۇ خىل قىسمەتلەرگە دۇچ كېلىۋاتقاندۇ؟ ئەجىبا شۇ ئا-ئانىلار ئاجرىشىش ئالدىدا شۇ سەبىيلەرنى ئويلاپ قويمامدىغاندۇ؟ياكى ئۇلارمۇ ئامالسىز قالغاچقا شۇنداق قىلامدىغاندۇ؟..... ئەسلىدە سۈمەييەنىڭمۇ شۇنداق بەختلىك بىر ئائىلىسى بولغان، گەرچە ئائىلە شارائىتى دىگەندەك بەك ياخشى بولمىسىمۇ، بىر ئائىلە كىشىلىرىنىڭ ساداقىتى بۇ ئائىلىنى باياشاتلىق تۇيغۇسىغا چۆمدۈرگەنىدى. گۆدەك سۈمەييەمۇ ھېچ بولمىغاندا ئىككى ياشقا كىرگۈچىلىك بولسىمۇ ئەنە شۇ بەختتىن ھوزۇرلانغانىدى، ئەمدىلىكتە بۇ ئائىلىگىمۇ دەز كەتتى، سۈمەييەنىڭ ئاپىسى ئالدىراپ چىقىرىپ قويغان ئاجرىشىش قارارىنىڭ ئاخىردا ئۆزىگە قانچىلىك پۇشايمان ئېلىپ كېلىدىغانلىقىنى ئويلاپ قويمىدى، ئۆزىنىڭ ئانىسىغا ئوخشاش بولغان مېھرىبان قېيىن ئانىسى تۇخان ئانىنىڭ شۇنچە يالۋۇرۇشلىرىغا، يىغلاشلىرىغا پىسەنتمۇ قىلمىدى، ئانىنىڭ يىغىسىغا سەل قارىدى، شۇنداق قىلىپ ئەسىرىمىزنىڭ بېشىدا دەپ ئۆتكىنىمىزدەك ئاجرىشىپ كېتىپ كۆڭلى 《ئارام》تاپتى، بۇ《ئارامچىلىق》قانچىلىك داۋاملىشاركىن قېنى؟ سۈمەييەنىڭ ئاپىسى زادى نېمە سەۋەپتىن ئاجرىشىشتا شۇنچە چىڭ تۇردى؟ سۈمەييەنىڭ كىيىنكى تەقدىرى قانداق بولار؟ئەگەر بۇلارغا قىززىقسىڭىز دىققىتىڭىز ئەسىرىمىزنىڭ داۋامىدا بولسۇن.... داۋامى بار... مەنبە:قەلىمىم تۇنجى قېتىم مۇشۇنداق ئەسەر يېزىپ بېقىشىم بولغاچقا خاتالىقلاردىن خالى بولالمىغان بولۇشۇم مۇمكىن،تەكلىپ -پىكىرىڭلارنى ئايىمىغايسىلەر...ئالاھىدە ئەھۋال يۈز بېرىپ قالمىسىلا ئاللا خالىسا داۋامىنى ساقلاتماي يوللايمەن...بۇ بىر ھەقىقى ۋەقە...داۋامى ئىنكاس شەكىلدە يوللىنىدۇ... مەن تىلفوندا باسقاچقا جىقراق يېزىپ بولالماي قالىمەنكەن، توغرا چۈشەنگەن بولساڭلار..

kaysar123

	ئائىلىدىكى بۇ پاجىئەلەرنىڭ ھەقىقى قۇربانى يەنىلا شۇ سەبىلەر بولىدىكەن،ئائىلىنىڭ ئىجتىمائى ئورنىغا سەل قاراۋاتقان شۇ ئاتا -ئانىلارنىڭ سەبىلەرنىڭ يىغىسىغا قاراپ يۈرىكى «چىم»مۇ قىلمايدىكىنا............توۋا.........بىچارە سۈمەييەنىڭ كىيىنكى تەقدىرى نىمە بولا..........    ئەسەرنىڭ داۋامىغا يىقىندىن كۆڭۆل بۆلىمىز،تىزراق يوللارسىز،ئادەمنى ساقلاتماي

SawRi

	يېتىمنىڭ ئىغىزى ئاشقا تەگسە ، بىشى تاشقا تىگىپتۇ ... دەيدىكەن كونىلار . يېتىمنىڭ بەختى نەدىدۇ؟..

hujayin1

	ئانا بولغۇچىغا نىسپەتەن ھەرقانداق ئازاپ-ئوقۇبەت،قىيىنچىلىقلار ۋە ئېغىر كۈنلەرمۇ ،يولدىشىدىن ئاجىرشىپ ئۆزىنىڭ يۈرەك باغرى بولغان پەرزەنتىنى يىتىم قىلىشقا ئەرزىمەيدۇ. مەيلى ئانا ياكى دادا،ۋە ياكى قېيىنئانا،قېيىنئاتا قانداق سەۋەپلەر بولىشىدىن قەتئىي نەزەر، بالىنىڭ يىتىم بوپ ئانا ياكى دادا مىھرىدىن مەھرۇم بوپ قېلىشقا سەۋەپچى بۇلىدىكەن،ئاللاھ ئۇنداق بەندىنىڭ گۇناھىنى كەچۈرمەيدۇ، ھەي ئىنسان ئاتا-ئانىسى ھايات تۇرۇپمۇ يىتىملىكتە چوڭ بۇلىۋاتقان بالىلارنىڭ قەلبىدە قانچىلىك ئاچچىق ئىزتىراپلارنىڭ بارلىقىنى،ئاتا-ئانام يېنىمدا بولسىدى دىگەن ئارزۇنى قانچە قېتىم قىلغانلىقىنى سىلەر ھىس قىلىپ يىتەلەمسىلەر؟ ئاكام ،سىڭلىم ۋە مەن ئۈچىمىزنىڭ ئاتا-ئانىمىز بار تۇرۇپ يىتىم بوپ قېلىشىمىزغا سەۋەپچى بولغان بىر قىسىم 3-شەخىسلەرگە دوزاخ ئازابى تىلەيمەن.

bojanqak

	2- باب  بۇ تەڭچىلىكتە قالغانلىقمۇ ياكى ئازغۇنلۇقمۇ؟ سۈمەييەنىڭ ئاپىسى بۇرۇن بىر قېتىم توي قىلغان ئايال بولۇپ، سۈمەييەنىڭ دادىسى ئۇنىڭ ئىككىنجى قېتىم تەككەن ئىرى ئىدى. بۇلار توي قىلىپ سۈمەييە تۇغۇلغىچە بولغان ئارلىقتا، ئەر-خوتۇنلۇق تۇرمۇشتا بولىدىغان كىچىككىنە خاپلىقلارنى ھېسابقا ئالمىغاندا، بەختلىك تۇرمۇش كەچۈرگەنىدى. سۈمەييە تۇغۇلغاندىن كېيىن بۇ ئائىلىگە يەنە بىر خوشاللىق قوشۇلغان ئەلۋەتتە. لېكىن ئارىدىن ئىككى يىل ئۆتكەن بۈگۈنكى كۈندە بۇ ئائىلىگە بىر قارا قول سۇنۇلدى. بۇ قارا قول باشقا ئادەم بولماستىن، دەل سۈمەييەنىڭ ئاپىسىنىڭ بالدۇرقى يولدىشى ئىدى. سۈمەييەنىڭ ئاپىسى ئالتۇنگۈلنىڭ بىر ئۆگەي ھەدىسى بار بولۇپ، بۇ ئۆگەي ھەدىسى ئالتۇنگۈلنىڭ بۇرۇنقى ئېرى ئابدۇۋېلىنىڭ نەۋرە ئاكىسى بىلەن تۇرمۇش قۇرغانىدى. كىيىن مەلۇم سەۋەبلەر تۈپەيلى ئالتۇنگۈل بىلەن ئابدۇۋېلى چىقىشالمىغىلى تۇردى، بەدىنىگە تېگىۋاتقان قاتتىق تاياقلارغا بەرداشلىق بېرىپ بولالمىغان ئالتۇنگۈل ئابدۇۋېلىدىن ئاجراشتى. ھەمدە ئارىدىن ئۇزۇن ئۆتمەي ھازىرقى يولدىشى يەنى سۈمەييەنىڭ دادىسى ھەمزە بىلەن تۇرمۇش قۇردى. ئالتۇنگۈل ئۆزىمۇ ئىشچان، ئۆي ئىشلىرىغا پىششىق، قولىدىن سەيپۇڭلۇق ھۈنىرى كېلىدىغان چوكان ئىدى. ھەمزە ھەم ئۆي ئىشلىرىدا ئايالىغا يېقىن تۇرىدىغان كۆيىمى بار يىگىت ئىدى.ئابدۇۋېلىنىڭ بۇلارنىڭ بەختلىك تۇرمۇشىغا قاراپ كۆزى قىزاردى، ئۇلارنىڭ بەختلىك بولىشىغا چىدىمىدىمۇ ئەيتاۋۇر ئالتۇنگۈل بىلەن يارىشىۋېلىش تەلىپىنى قويدى، باشتا چىرايلىق گەپ قىلىپ باقتى، ئالتۇنگۈل ئۇنىڭ بۇ ياغلىما گەپلىرىگە ئېرىمىگەندىن كىيىن، ئۇ نەۋرە ئاكىسىنى ئىشقا سالدى، ئابدۇۋېلىنىڭ نەۋرە ئاكىسى ئالتۇنگۈلگە: ئەگەر ئابدۇۋېلى بىلەن ياراشمىساڭ،  ئاچاڭنىڭ تالىقىنى بېرىمەن دەپ تەھدىت سالدى. ئىككى تاشنىڭ ئارىسىدا قىسىلغان ئالتۇنگۈل ھەمزە بىلەن ئاجرىشىپ، ئابدۇۋېلى بىلەن يارىشىۋېلىشنى تاللىدى، دەرۋەقە ئالتۇنگۈنىڭ ئۆگەي ھەدىسىنىڭ ئابدۇۋېلىنىڭ نەۋرە ئاكىسىدىن تۆت بالىسى بار ئىدى، ئەگەر ئابدۇۋېلىنىڭ نەۋرە ئاكىسى راستىنلا ئالتۇنگۈلنىڭ ھەدىسنى قويۇپ بېرىۋەتسە تۆت بالا يىتىم بولاتتى. شۇ سەۋەپتىن ئالتۇنگۈل بۇ يولنى تاللىدى، لېكىن بۇ يەردە شۇنى ھەم ئەسكەرتىپ ئۆتىمىزكى، ئالتۇنگۈلنى پۈتۈنلەي ئۆگەي ھەدىسنىڭ مەنپەئەتىنى چىقىش قىلغان ھالدا بۇ يولنى تاللىدى دىيەلمەيمىز، ئەلۋەتتە، ئۆزىنىڭمۇ بۇرۇنقى ئېرى بىلەن يارىشىپ باققۇسى يوق ئەمەس. ئىنسان دىگەن شۇنداق نەرسىكەن، ئالدىدا بارىغا شۈكۈر قىلمايدىغان، ئۇنى يوقاتقاندا ئاندىن ئەسلەيدىغان. ئالتۇنگۈل ھەم كۆيۈمچان ئېرى بولغان ھەمزىنى، ئۆز ئانىسىنىڭ ئورنىدا ئۆزىگە كۆيۈنىدىغان مېھرىبان قېيىن ئانىسى تۇخان ئانىنىڭ ئۆزىگە قىلغان ياخشىلىقلىرىنى ئۇنۇتتى، ئەڭ ئاددىيسى كۆز ئالدىدىكى سەبىي سۈمەييەمۇ كۆزىگە كۈرۈنمىدى، بەلكىم شەيتان ئالتۇنگۈلنى ئازدۇرغان بولسا كېرەك، ۋە ياكى ئۇ راستىنلا تەڭچىلىكتە قالغاندۇ....شۇنداق قىلىپ ئالتۇنگۈل تۇخان ئانىنىڭ شۇنچە يىغلاپ يالۋۇرۇشلىرىغا قارىماستىن، ھەمزە بىلەن ئاجراشتى ۋە ئابدۇۋېلى بىلەن يارىشىۋالدى، ئىلگىرى يىگەن تاياقلىرى ،ئۇچرىغان خورلۇقلىرى ئېسىدىن كۆتۈرلۈپ قالغان ئالتۇنگۈل يەنە پات ئارىدا شۇ تاياقلارنىڭ ئۆزىنى يوقلاپ كېلىدىغانلىقىنى ئويلاپمۇ باقمىغان بولغىيتى بەلكىم.. سەبى سۈمەييە ئىككى يېشىدىلا ئانا مېھرىدىن مەھرۇم بولدى، ئاھ! بىچارە سۈمەييە، ئۇ تېخى كىچىك ئىدىغۇ؟ ئارانلا ئىككى ياشقا كىرگەن نارىسىدە ئىدىغۇ ئۇ! گەرچە سۈمەييە ئانىسىدىن ئايرىلغان بولسىمۇ《كۆزىدىن ئايرىغان خۇدا ھاسىىسىدىن ئايرىماپتۇ》دېگەندەك، ئۇنىڭ مېھرىبان رەببىدىن قالسا، يېنىدا ئۆزىگە ئەڭ كۆيىنىدىغان قەدىرلىك مومىسى بار ئىدى.تۇخان ئانىمۇ ئەللىك نەچچىلەرنىڭ قارىسىنى ئېلىپ قالغان،  چىرايىدىن مېھرىبانلىقى چىقىپ تۇرىدىغان ئايال بولۇپ، نەدە شۇنداق يىتىم بالىلار بولسا، شۇلارغا خەير-ئېھسان قىلاتتى، بەش ۋاق ناماز ئوقۇيدىغان، خوشنىلىرىغا يامانلىقى يوق مېھرىبان موماي ئىدى. تۇخان ئانا 12 نى تۇغقان، لېكىن بۇنىڭ ئارىسىدا ھايات بارى 6 بالىسى ئىدى، قالغان بالىلىرى كېسەل سەۋەبىدىن كىچىكلا ئۆلۈپ كەتكەن، ھازىر بار بالىلىرىنىڭ ئۈچى قىز، ئۈچى ئوغۇل بولۇپ، ھەمزە بالىلارنىڭ 3- ئىدى. ئەمەلىيەتتە ئالتۇنگۈل ئاجرىشىمەن دەپ تۇرۋالغۇدەك، ھەمزىمۇ ئۇنچە ئەسكى يىگىت ئەمەس. پەقەت بەزى ۋاقىتلاردا ئاچچىقچانلىق قىلىل ئالتۇنگۈلنى ئانچە-مۇنچە ئۇرغاننى ھېسابقا ئالمىغاندا، ئالتۇنگۈلگە كۆيۈنەتتى، ياردەملەشكىدەك ئىشلار بولسا ياردەملىشەتتى،ئالتۇنگۈلنى ياخشى كۈن كۆرگۈزۈش ئۈچۈن تىرىشىپ ئىشلەيتى. لېكىن ئەمدى بۇ بەختلىك ئائىلىگە كۆز تەگدى. كىچىك سۈمەييە يىتىملىك كوچىسىغا تاشلاندى، ئاتا-ئانىسى تىرىك تۇرۇپ يىتىم بولدى. ئەمدىكى دىققىتىڭلار سۈمەييەنىڭ بۇندىن كېيىنكى تۇرمۇش مۇساپىسىدە بولسۇن.... داۋامى بار....

hujayin1

	“：L?Kujgjgh黄金客户同仁堂"ojoyhui7

hujayin1

	ئەسەرگە بىرىلگەن تەنقىت، ۋە تەكلىپ-پىكىرلەر شۇ ئەسەرنىڭ تېخىمۇ مۇكەممەل چىقىشىغا تۈرتكە بولىدۇ،شۇڭلاشقا ئەسەردىكى بىر قىسىم يىتەرسىزلىكلەرنى ئاپتۇرغا كۆرسىتىپ قويماقچىمەن. بىرىنچىدىن بېشىنى ئوقۇۋېتىپ قانداق ئاياغلىشىدىغانلىقىنى بىلگىلى بولىدىغان كونا ئۇسلۇپتا يېزىلغان ئەسەركەن. ئىككىنچىدىن ئەسەردە ئارتۇق تەپسىلاتلار كۆپكەن،ئەسەردىكى ۋەقەلىككە زىچ مۇناسىۋىتى يوق شەخىسلەرمۇ خېلى كۆپ تىلغا ئېلىنىپتۇ،ۋە بىر ئاز مۇرەككەپلەشتۈرۈلۈپ،ئەسەر ئاساسىي ۋەقەلىكىنى چۈشۈنۈش قىيىن بۇلۇشتەك خاتالىقنى سادىر قىلىپتۇ. ئاپتۇرنىڭ يۇقارقى نۇقسانلارغا دىققەت قىلغان ئاساستا داۋاملاشتۇرىشىنى ئۈمۈت قىلىمەن. ئەسەرنىڭ ياخشى چىقىشى نۇقۇل ئاپتۇرنىڭ بىلىم سەۋىيەسى بىلەنلا مۇناسىۋەتلىك بۇلۇپ قالماي،يەنە ئوقۇرمەنلەرنىڭمۇ بايقىغان نۇقسانلارنى دادىل ئوتتۇرغا قۇيۇپ تۇرالىشىدا.

zubayda0997

	بىچارە سۇمەييەنى يەنە قانداق قىسمەتلەر كۈتۈپ تۇرغاندۇ ھەي............

.0102

	ئاۋۇ دىققىتىڭىز داۋامىدا  بولسۇننى يازماڭ،   قالتىس  بولسىڭىز خەق قاندادۇ  دىگەن  قىززىقىشتا  ئاياغلاشتۇرۇڭ.    ئاندىن شتا يېزىۋەرسىڭىز ھىكايىچى بولۇپ قالىسىز   .   ئەمما  ئويلاپ  كۈرۈڭ سىز نىمە مەخسەتتە قىلغان نىمىگە ئېرىشتىڭىز.   ۋاقىت  ئىسراپچىلىقى بولمىسۇن.    يېزىۋېرىڭ  ئارتۇق گەپ يوق  .   بۇ يەردە  مۇشتا نىمە بولسا دۈم چۈشۈپ  ئۇقۇيدىغانلار كۆپ.   ئاندىن  تىمىغا ئەھمىيەت  بىرىڭ  ئەگەر  مۇنۇ قىزنىڭ مۇھەببەت كەچۈرمىشى  بولسا  تىمىنى بۇراپلا  يىتىم قبزنىڭ مۇھەببىتى  دىۋەتسىڭىز  نۇرغۇن مۇھەببەت سىراپ كەتكەنلەر  سەلدەك  ئاقاتتى.    تىمىڭىز ئەسەرنىڭ  يېرىم جېنى بولسۇن

بانكىر

	ئاخىرى قىنى..............................