كېسەلخانىدىن چىقىش

پادىشاھ

	كېسەلخانىدىن چىقىش                                                          (ھېكايە)                                                    پەرھات جەمشىت ھەي،موشۇكۈن –موشۇ ئايلاردا كېسەلخانىدا يېتىشمۇ قيىن،ياتقاندىن كېيىن چىقماق تېخىمۇ قىيىن بولۇپ كەتتى.نېمىشقا دەمسىز؟دوختۇرخانا سىزنى بىر كۈن ئارتۇق تۇتۇپ قالسا،بىر كۈلۈك پۇلنى ئارتۇق ئالىدۇ،دوختۇر-سېستىرالارنىڭ مۇكاپاتىمۇ كۆپۈيىدۇ ئەمەسمۇ.     ئەسلى قائىدە بويىچە،ئوپىراتسىيە قىلىنغاندىن كىين يەتتىنچى كۈنى يىپ سۆكۈلىدى،يىپ سۆكۈلگەن ھامان كېسەلخانىدىن چىقىپ كېتىشكە بولىدۇ.ئەپسۇس مەن بىلەن بىر كېسەلخانىدا ياتقان بىمار مەندىن سەككىز كۈن ئىلگىرى ئوپىراتسىيە قىلىنغان ئىكەن.يەتتىنچى كۈنى،يارا ئېغىزىمۇ قېتىشىپ خېلىلا ياخشى بولۇپ قالغان بولسىمۇ، دوختۇرلار تۈرلۈك باھانا- سەۋەبلەر بىلەن يىپنى سۆكۈشكە ئۇنىماي، ئونىنچى كۈنى يىپنى سۆكتى. ئۇ بىچارە ئامالسىز بىر نەچچە يۈز سومنى ئارتۇق خەجلەپ چىقىپ كەتتى...        كېسەلخانىدىن چىقىشتا ئىككى ئادەمنىڭ دېگىنى دېگەن.بىرى مەسئۇل دوختۇر،يەنە بىرى سېستىرالار باشلىقى،چۈنكى دوختۇر قوشۇلغان ھامان سېستىرالار باشلىقى بالنىستتىن قىچىش ھېسابات تالونىغا قول قويىدۇ ،ئىككىدىن بىرى كەم بولسا بولمايدۇ. ماڭا مەسئۇل دوختۇر بىر ساۋاقدېشىمنىڭ ئاكىسى،سېستىرالار باشلىقىمۇ يەنە بىر ساۋادېشىمنىڭ نەۋرە ھەدىسى شۇنداق بولغاچقا مەسئۇل دوختۇر كۈندە بىر نەچچە قېتىم  كېسەلخانىغاكىرىپ ئەھۋالىمنى ئىگىللەپ تۇرىدۇ.سېستىرالا باشلىقىمۇ بۇنىڭ سىرتىدا ئەمەس.ھەي،موشۇكۈنلەردە بىرەر ئىشقا يولۇققىنىڭدا تونۇش-بىلىشلىرىڭ بولغان بىلەن بولمىغاننىڭ ئاسمان-زىمىن پەرقى بار-دە. بۈگۈن ئەتىگەن مەن كېسەلخانىدىن چىقىپ كېتىش خىيالىنى قىلىپ ياتاتتىم. مەسئۇل دوختۇر كىرىپ كەلدى،ئۇ بۈگۈن  مېنىڭ يارامنى تەكشۈرمىدى ۋە چىرايىغا كۈلكە يۈگرۈتۈپ تۇرۇپ: _ سىز بۈگۈن ياتاقتىن چىقىپ كەتسىڭىز بولىدۇ دېدى.ئۇنىڭ گېپىدىن گۈل قەقەلىرىم ئېچىلىپ،قۇلاقلىرىمغا ئىشەنمەيلا قالدىم. _ بۈگۈن بەشىنچى كۈنى تۇرسا!ئوپىراتسىيە قىلىنىپ يەتتىنچى كۈنى يىپ سۆكۈلىدىغۇ دېدىم ئۇنىڭغا . __ ھېچقىسى يوق يارا ئېغىزى پۈتۈپ بوپتۇ،ئىككى كۈن ئاز ياتسىڭىز ئىككى كۈنلۈك خىراجەت تېجىلىدۇ،بىر دەمدىن كېيىن تەكشۈرۈش ئۆيىگە بېرىڭ يىپنى سۆكۈۋېتەي دېدى ئۇ.تونۇشۇڭ بولسا نېمىدىگەن ياخشى مەن ئۇنىڭ قارىسى يىتكەنگە قەدەر قاراپ تۇردۇم.مانا مەن بۇ زېرىكىشلىك جايدىن ھازىرلا كېتىدىغان بولدۇم،شۇلارنى ئويلىغىنىمدا ساۋاقدېشىمنىڭ ئاكىسى ۋە نەۋرە ھەدىسىگە بولغان ھۆرمىتىم ئېشىشقا باشلىدى. نەرسىلىرىمنى يۇغۇشتۇرش ئۈچۈن كارىۋاتتىن چۈشۈپ ئەمدىلا   ئىڭىشىشىمگە، ئوپىراتسىيە قىلىنغان جاي ئاغىرىپ كەتتى،كېسەل كېيىمىنى پەم بىلەن قايرىپ تۇرۇپ يارا ئېغىزىغا سەپ سالدىم، ئويلىمىغان يەردىن يارا ئېغىزى قىزىرىپ، سارغۇچ بىر خىل سۇييۇغلۇق چىقىۋېتىپتۇ.دەل شۇ چاغدا   سېستىرالار باشلىقى كىرىپ كەلدى-دە،تەبەسسۇم بىلەن: __ مۇبارەك بولسۇن! سىز بۈگۈن  كېسەلخانىدىن چىقىسىز،مەن ھېسابلاش ئورنىغا ھېسابات تالونىنى يوللاپ بەردىم دېدى. ئۇنىڭغا تەشەككۈرۈمنى ئېيتقاچ،ئۆزۈمنىڭ سەل ئەنسىرەپ قالغانلىقىمنى ئېيتتىم. __ ئەگەر خاتىرجەم بولالمىسىڭىز يىپنى ھازىرچە سۆكتۈرمەي تۇرۇڭ،ئاۋال چىقىش رەسمىيىتىنى بېجىرىڭ. چىققاندىن كېيىن ئائىلىدە بىر نەچچە كۈن كۈزىتىپ بېقىپ .ئاندىن كېيىن سۆكتۈرسىڭىزمۇ بولىدۇ.__ بىر نەچچە يۈزسوم تېجىلىپ قالىدىغانلىقىنى ئۇنتۇپ قالماڭ دېدى ئۇ. ئادەملەر موشۇنداق تەتۈر بولىدىغان ئوخشايدۇ،چىقىشقا ئۇنىمىسا چىقىمەن،چىق دىسە چىقمايمەن دەيدىغان،مەن قانداق قىلىشىمنى بىلەلمەي قالدىم.بېشىمنى تۆۋەن قىلىپ يارا ئېغىزىغا قايتا سەپ سالدىم ۋە يەنە بىر نەچچە كۈن يېتىش قارارىغا كەلدىم.شۇ پەيتتە بىر ئەر ،بىر ئايال بالنىستقا كىرىپ كېلىشتى،ئايالنىڭ چىرايى تامدەك سارغىيىپ كەتكەندى،ئەر بىر قولىدا سومكا يەنە بىر قولىدا،چايدان قاتارلىق لازىمەتلىكلەرنى كۆتۈرۈۋالغان بولۇپ.ئايال ئىشىكتىن كىرىپلا  يېنىمدىكى كارىۋاتقا ئۆزىنى يەڭگىل تاشلىدى.ئەر ئىشكاپقانەرسىلىرىنى سالغاندىن كېيىن،داس،ساپماكەش قاتارلىقلارنى كارىۋاتنىڭ ئاستىغا قويغىنىچە ئۆرە تۇردى.بىر ھازادىن كېيىن ئۇ: __سىز قاچان چىقىسىز ؟ دېدى سەل ئوڭايسىزلىنىپ.بىر نەچچە كۈندىن بېرى يالغۇز يېتىپ زېرىكىپ كەتكەنلىكىم ئۈچۈن ھەمراھتىن بىرى كەلدى دېگەن خىيال بىلەن قىزغىن پاراڭ سېلىشقا باشلىدىم. __ دوختۇر بىلەن سېستىرا تونۇش بولغانلىقتىن،ئازراق بولسىمۇ پۇلۇمنى يېنىمدا قالسۇن دەپ، مېنىڭ چىقىپ كېتىشىمنى ئېيتقاندى.بىراق  يارا ئېغىزى تېخى ساقىيىپ كەتمىگەندەك قىلىدۇ،ئازراق پۇلنى دەپ،ئۆزۈمگە ئىش تېپىۋالماي دېگەن خىيال بىلەن يەنە بىر نەچچە كۈن ياتايمىكىن دەپ قالدىم دېدىم جاۋابەن. ئۇ ئەر بېشىدىكى "شاپاق"دوپپىسىنى ئاستا قولىغا ئېلىپ بېشىنى بىر نەچچە قېتىم قاشلىغاندىن كېيىن: __ بۇ ياتاقنى بىزگە بەرگەندى دېدى جاۋابەن. __ نېمە؟ھەيرانلىق بىلەن سورۇدۇم مەن. ئايالىمنىڭ كېسىلى ئېغىر بولغاچقا ئۇزۇنراق يېتىپ داۋالىنىشقا توغرا كېلىدىكەن.ئۇنىڭ ھالىدىن خەۋەر ئالمىسام بولمايدۇ،قوشۇمچە كارىۋات يوق ئىكەن مەن  پۇلنى سەل كۆپرەك تۆلەشكە قوشۇلدۇم،شۇنداق قىلىپ بۇ ياتاقنى بىزگە بەردى  ئۇ جاۋابەن. شۇندىلا مەن مەسئۇلا دوختۇر بىلەن سېستىرالار باشلىقىنىڭ مىنى چىقىپ كېتىشكە ئالدىراتقىنىنىڭ سەۋەبىنى چۈشىنىپ يەتكەندەك بولدۇم.شۇئان مەندە يارا ئېغىزى بارغانچە چوڭىيىۋاتقاندەك، ئاغرىۋاتقاندەك تۇيغۇ پەيدا بولۇپ بېشىم قېيىپ كۆڭلۈم ئېلىشىقا باشلىدى. ئۇيان ئويلا –بۇيان ئويلا يەنە ھېلىقى ئىككى ساۋاىدېشىمغا تېلىفون قىلىش قارارىغا كەلدىم-دە، دەرھاللا تېلىفونۇمنى ئېلىپ ئۇلارغا مەقسىدىمنى ئېيتتىم. ھايال ئۆتمەي ساۋاقداشلىرىمدىن تېلىفون قايتتى.ھەر ئىككىلىسى ئامال قىلىشالمىغانلىقىنى ئېيتىشتى_ ھەي! شۇندىلا مەن بۈگۈنكى جەمئىيەتتەكىشىلەر تونۇش-بىلىش،ئۇرۇغ-تۇغقاننى ئەمەس بەلكى پۇلنىلا تونۇيدىغانلىقىدىن ئىباراەت بىر ھەقىقەتنى تونۇپ يەتتىم...

alvasti

	ھازىر كۆپۇنچە ئادەم پەقەت ‹‹ ماۋزېدوڭ››نىلا تونۇيدۇ !      ئاتا -ئانىسى ياكى دوس- بۇرادەرلىرىنى  چىرايىنى قىزىل بۇياپ قويسا ئاندىن تۇنۇيامىكىن !

alzapar0302

	چىرايلىق گەپلەر بىلەن يولغا سالغان بىلەن كىيىن چاتاق چىقسا رەسمىيەتكە ئۈزىڭىز قول قۇيۇپتىكەنسىز دەپ مەسئولىيەتنى ئۈزىگە قويىشىدۇ شۇ !

بانكىر

	بۆلۆم باشلىقى( جۆرۈن ) بولغان دوختورلارنىڭ قولىدىن كۆپ ئىش كىلىدىغانلىقىنى بىلىمەن. ئۇلارنىڭ ھىكايىدە تىلغا ئىلىنغان ئىشلىرىدىن تارتىپ، بالنىسىتتا ياتمىغان ئۇرۇق - تۇققانلىرىنىڭ كىملىك، داۋالىنىش كىنىشلىرىنى تىپىپلا، ئۇلارنىڭ كىسەللىك تارىخىنى پۈتتۈرۈپ، مەسئۇل دورىخانا باشلىقى (جۆرۈن ) بىلەن كىلىشىپلا نۇرغۇن پۇل تاپالايدۇ. چىرايلىق، كىلىشكەن يىزا ئاياللىرى كەلسە، تىخى ھەقسىز، ياخشى داۋالاپ قويالايدۇ ھەم ھەددىدىن زىيادە كۆيۆنەلەيدۇ يەنە تىخى سۆيەلەيدۇ. ئۇلارنىڭ ئىچىدىغان سوغوق ئىچىملىكلىرى ھەقسىز. داپەنجىلەر ھەقسىز، موتسىكىلىت، ماشىنا پىراۋىسى تەكشۈرۈلمەيدۇ ياكى تونۇش چىقىپ قىلىپ ئۆتكۆزىۋىتىلىدۇ.

bojanqak

	ئويلىنىشقا تىگىشلىك تېما بوپتۇ...

KOMUX

	alvasti يوللىغان ۋاقتى  2014-7-22 08:09 PM ھازىر كۆپۇنچە ئادەم پەقەت ‹‹ ماۋزېدوڭ››نىلا تونۇيدۇ !   ... ئەگەشتىم ..بەك توغرا گەپ

aluqa

	ياخشى يېزىلىپتۇ، مەنمۇ قېرىندىشىمنىڭ كىسىلى تۈپەيلى ئايدا بىر قېتىم بالنىسىتقا كىرىپ چىقىپ يۈرۈۋاتىمەن، بۇ جەرياندا مەنمۇ كىسەللەرنىڭ مەن ساقايدىم ئەمدى بالنىستىن چىقىپ كىتىمەن دېگەنلىرىگە ئۇنماي دوختۇرلارنىڭ زورلاپ نەچچە كۈن ئارتۇق ياتقۇزغان ئەھۋاللىرىنى ئۇچراتتىم.

nawa02

	ياخشى يىزىپسىز .بۇنداق ئەھۋاللارمۇ يوق ئەمەس.ھازىر پۇل بەزى  ئادەملەردىكى مىھىر مۇھەببەتنى سۇسلاشتۇرۇپ قويۇۋاتقان ئەھۋاللارمۇ بار.مىھېر مۇھەببەتلىك ياشايلى !

kamiljantohti

	تۈزەلمىكى تەس جاھان بۇ!