ئېلانچى-ھەجۋى شېئىر

angar

	ئېلانچى ئەنگەر ساختا مالنى "ئېلىڭ" دەپ زورلاپ كەتكەن ئېلانچى، چەتنىڭكىنى ئەيمەنمەي داڭلاپ كەتكەن ئېلانچى، "سۇڭەك يىگەن ئىتلاردەك" قاۋاپ كەتكەن ئېلانچى، ئېلان بىلەن يېنىنى چىڭداپ كەتكەن ئېلانچى، پايدا ئۈچۈن كۆڭلىمۇ قارداپ كەتكەن ئېلانچى. ** ياخشى مالغا نە ھاجەت،ئېلان بېرىش-كۆپتۈرۈش، چەتتىن كىرگەن دەپ يەنە ،ماختاپ-كۆككە كۆتۈرۈش، شەرتىمىكىن ئېلاندا "بىزنىڭ"كىنى چۆكۈرۈش، كاملىق قىلار ئۇلارنىڭ يۇزلىرىگە تۈكۈرۈش، ئۆز خەلقىنىڭ كۆزىنى باغلاپ كەتكەن ئېلانچى. ** ۋەتەنسىزلىك تارايدۇ ئۆلارنىڭكى  سۆزىدىن، شۈملۈق ياغار سەپ سالساق ئېلانچىلار كۆزىدىن، "يۇرتۇڭ قەيەر،ئۆزۈڭ كىم؟"سورىمايدۇ ئۆزىدىن، پايدا ئۈچۈن ئېنىقلا يۈگرەپ چىقار گۆرىدىن، "چەتنىڭ"كىنى ئېسىل دەپ ماختاپ كەتكەن ئېلانچى. ** ئېسىل بولسا چەتنىڭكى،ئېيتىڭ بىزگە ئاشامدۇ؟! ئېلان بېرىپ بەس-بەستە تۆكمە قىلىپ ساتامدۇ؟! شىپا بەرسە دورىسى،دوختۇرخانا ئاچامدۇ؟! بىزنىڭكىمۇ ئۇلارغا بىلەمسىزكىن ياقامدۇ؟! ساختا سۆزدە خەلقىنى  ئالداپ كەتكەن ئېلانچى. ** ئالدىنىمىز بىزمۇ ھەم "ئېلانچى"لار ئالدىسا، چاپلىشىمىز سالجىدەك "چەتنىڭ"كى دەپ داڭلىسا، سۇ كىرمەيدۇ بۇرۇنغا،"بۈركۈت ئالساق،سا چىقسا"، غىڭ قىلمايمىز بىر قېتىم ،ئېلان بىلەن چايلىسا، بۇ  خۇيلارنى بۇرۇنلا پايلاپ كەتكەن ئېلانچى. ** تېلۋىزوردا، رادىئودا ئېلاندىن كۆپ نەرسە يوق، بىرى ماختار پىرەنىك ،-بۈگۈن باردۇر ئەتە يوق، بۇنى يىگەن جىمغۇرمۇ ،بوپ كېتىدۇ بەكمۇ شوق، دىيەلمەيدۇ ھېچكىممۇ ئەتە يەيچۇ،- قوساق توق، چەتنىڭكىگە ئاشىقتەك توۋلاپ كەتكەن ئېلانچى. ** پالان يەردىن كىرگەنمىش ،نامى ھەيۋەت ئىچىملىك، قۇۋۋەت بېرەر ئەرلەرگە ،ئالامەتتۇر –تېتىملىق، پەرى قىلار قىزلارنى ئىچىپ بەرسە رېتىملىق، (ھۆ قىلىدۇ ئىچكەنلەر ،پەقەت بىرلا قېتىملىق)، خائىنلارنىڭ خۇيىنى دوراپ كەتكەن ئېلانچى. ** بەزىلەرگە توتىيا تۇپىسىمۇ  چەتنىڭكى، لاي سۈيىمۇ ھەسەلدەك تېتامدىكىن چەتنىڭكى! كىيگىنى ۋە يىگىنى،مىنگىنىمۇ چەتنىڭكى، ئويلىمايمىز بىز نىچۇن ئۇ بەرىبىر خەقنىڭكى! ئۆز ئىلىنىڭ ھولىنى كولاپ كەتكەن ئېلانچى. * ئۆز يازمام

asrari

	ئىلانچىلار كۆرۈپ قويسىچۇ ، ئىلانغا چىقمىسىلا بولدى

zulpukar

	بەزى ئېلانلار دېمىسىمۇ سەل ئېشىپ كەتكەن........

بەيجان

	دىمىسۇ شۇ ، بەزى ئىلانلارنى فانتازىيەلىك قىلىپ نەچچە ھەسسە ئاشۇرۇپ ئىشلەيدىكەن ،

باشتۇغ

	ھازىر ئېلانلارنىمۇ كۆپ قىسىملىق قىلىپ ئىشلەيدىغان بۇلۇپ كەتتى .

99sahrayi99

	بىر قىسىم ئېلانلارغا ھۆ.. ھۆ.....

تىمتاس123

	ھەقىقى شىئىر بىر دۇنيا.ئۇنىڭدا يوقاپكەتسەم دەيمەن.

لازاx

	ياخشى ﻳﯧﺰﯨﻠﯩﭙﺘۇ

elanqi0998

	ئېلان دىگەن ئەسلى قاملاشتۇرالىسا شۇنداق ئسىل بىر سەنئەت، بەزى ئېلانلار بەلكىم ھېچكىممۇ خالىمىغان ئاساستا قۇيۇلۇشى مۇمكىن ،  ئەمما بەكلا قايناپ كىتىپسىز شائىر ئەپەندىم،،،،بۇ كەسىپكە ۋە  مۇشۇ كەسىپكە سەل ھۆرمەت قىلىڭ......مەن ئۆزەم ئېلان كەسپىدە ئوقايدىغان بولغانلىكىم ئۈچۈن شۇنى دىگۈم كېلۋاتىدۇ ، سىز دىگەندەك ئەھۋال مەۋجۇت  بۇنى تەن ئالمىساق بولمايدۇ،،،،،لىكىن بارغانچە ياخشىلىندۇ ،،،،،شىئىرىڭىزغا بىر قايىل بولغان يىرىم ھەقاندىغىم بولسا كەسىپنى تىللىماي بەزى ئىستىلى كەسپىساپاسى ناچار ئېلانكەشلەرنى سۆكىپسىز بۇ يىرى ياخشى ،،،،دىمىسىمۇ كەسىپنىڭ يۈزىگە داغ تەككۈزۈپ خەلىقنى كولدۇرلىتىۋاتقان ، ۋە مۇشۇ كەسىپنىڭ خەلىق قەلبىدىكى .وبرازىنى چۈشۈرۋاتقانلار بار....ئەمما شۇنى ئەسكەرتىش  زۆرۈركى: ئېلان دىگەنننىڭمۇ  ئۆزىگە خاس ئىپادىلەش ئۇسۇلى ئۇسۇتلۇبى بولدۇ ، بۇنى ئىنكار قىلماسلىقىڭلارنى سورايمەن . دىيارىمىزدا تەرەققىيات بوشلۇقى ئىنتايىن زور كەسىپ بۇ  ئىجابى كۆزدە قارايلى ، بارا بارا ياخشىلىندۇ ،  كىچىككىنە ئاساسىق پىكىر تېپۋالساق ھەممىنى ئىنكار قىلىپ ئېلانغا مۇناسىۋەتلىك ھەممىنى ئەخلەت دۆۋىسىگە ئىتتىرۋىتىشكە بولمايدۇ.........بۇ ئەخمەقىلىق ئېلان دىگەننىڭ نۇرغۇن تۈرى بولدۇ ، ھەممىنى بىرلا تىللاپ تىتىۋەتسەكمۇ بولماس قالغان گەپنى دىمەي، توغرا چۈشىنەمسىز چۈشەنمەمسىز ماڭا نامەلۇم

riqat

	ھەقىقەتەن ياخشى يېزىلىپتۇ، مۇشۇ ئېلانچىلارمۇ شۇنداقمۇ داڭلاپ كەتتى،خۇددى سىز كۆرۈپ سېتىۋالمىسىڭىز تۈگەپ كېتىدىغاندەك تېلىۋىزۇرمۇ ھازىر ئېلانچىلىق ساھەسى بولۇپ قالدى شۇڭا. ئارتىسلارمۇ چىققان مەھسۇلاتلىرىنىڭ قانداقلىقىنى بىلىپ چىقىشى ياخشى ئىدى