بابارەھىم مەشرەپ غەزەللىرىدىن

oghuztekin

	شۆھرەت ئەيلەپكىم ئالاردەك خۇدنەمالارنى كۆرۈڭ زاھىرۇ شۆھرەتپەرەست نائاشنالارنى كۆرۈڭ يولنى بىلمەس ئۇمممىلەرنىڭ كۆزىگە ئارىف بولۇپ ئۆزى مەنزىلگە يېتەلمەي بىنەۋالارنى كۆرۈڭ بارچەگە ئەيلەر نەسىھەت ئۆزىنى دەنا ئېتىپ يولدا قالغان بىكەسۇ بىررەھنەمالارنى كۆرۈڭ كۇفرىۋۇ ئىماننى بىلمەسلەر    كەرامەت ئەيلەبان تائەتۇ تەقۋا بىلەن ساھىب رىيالارنى كۆرۈڭ ھەر كىشى سورسا نەسەبتىن دەم ئۇرارلار نەفس ئۈچۈن باتىنى فىرئەۋنۇ زاھىر ئەۋلىيالارنى كۆرۈڭ لاپ ئۇرارلەر ئارىفى يەكدىلەمەن دەپ خەلق ئارا خەلقنى گۇمراھ قىلىپ يۈزى قارالارنى كۆرۈڭ زاھىرىدە سۇفىمەن دەپ تەركى دۇنيا ئەيلەگەن باتىنى دۇنياغە مايىل بەختى قارالارنى كۆرۈڭ خەلقنىڭ كۆزىگە ھەردەم سۈرەتىن دىگەر قىلىپ نەفس ئۈچۈن شەيتان بىلەن يۈرگەن گەدالارنى كۆرۈڭ ئۆزىنىڭ ئەۋلادىنى خەلق ئىچىدە ئىفشا قىلىپ تەندە يوق مەئنا قۇرۇق نامى سەرالارنى كۆرۈڭ شۆھرەتىم ئافەت بولۇر دەپ مەشرەبىڭ قول ئالمادى كۆزدە ياشىم قەترەسى دۇررى بەقالارنى كۆرۈڭ ــــــــــــــــــــــــــــــــــــــــــــــــــــــــــــــــــــــــــــــــــــــــــ ھەر كىشىنىڭ دەردى بولسە يىغلاسۇن يار ئالدىدا قالماسۇن كۆڭلىدە ئەرمان بەلكى ئىزھار ئالدىدا ئەندەلىبى بىنەۋادەك نالەۋۇ ئەفغان ئىلە ئايلانىپ سايراپ يۈرۈرمەن ئەينى گۈلزار ئالدىدا مەنسۇرى ھەللاجىدەك ئىچىپ شەرابى ئەنتەھۇر چەرخ ئۇرۇپ يىغلاپ تۇرۇرمەن ئۇشبۇ دەم دار ئالدىدا ھەركىشى بىر قەترەئى نۇش ئەيلەسە ئول بادەدىن ئول قىيامەتدە قىلۇر ئەرزىنى جەففار ئالدىدا تەلبە مەشرەپ قىلماغىل سىررىڭنى زاھىدغە ئەيان ئايتىپ ئايتىپ يىغلاغىل سەن ئاشىقى زار ئالدىدا ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ- ئەگەر ھەر يەردە بولسام مەن  كۆڭۈل سەندىن جۇدا بولماس مەگەر مىڭ يىل نەۋا قىلسام سېنىڭ دەردىڭ ئەما بولماس تىلەرمەن ۋەسلىنى تىنماي نەچە يىللار يۈرۈپ سەرسان بارىپ ئەيتىڭ ئاشۇ يارغە جۇدالىقدەك بەلا بولماس خەلايىقلار ئەيتۇرلەر         بۇ دەردىڭگە دەۋا يوقمۇ ئۆزىدىن ئۆزگە ئەي دوستلار مەڭا ھېچبىر دەۋا بولماس

99sahrayi99

	كارامەت ياخشى قىلىپسىز، قېرىندىشىم. خەلقىمىز مەشرەبنىمۇ تۇنۇسۇن!.. بىزنىڭ كىلاسسىك شائىرلىرىمىزنى بىلسۇن!.. ئۇلار ئىشلەتكەن سۆز- ئىبارىلەرنىمۇ بىلسۇن!.. ئەمما سىز بىر قىسىم ئىبارىلەرگە ئىزاھات بېتىۋەتكەن بولسىڭىز ياخشى بولاتتى... مەسىلەن: ئەندەلىپ، خۇدنەما، بىناۋا، نائاشىنا، ئىفشا، ئالار دەك، سارا، دېگەندەك سۆزلەرگە. جەببار دەپ ئېلىنسا توغرا بولاتتى،  سىز جەپپار دەپ ئېلىپ قويۇپسىز. جەببار دېگەن اللەنىڭ توقسان توققۇز سىپاتىنىڭ بىرىدۇر. مېنىڭ بۇ ئاتىكاچىلىقمنى كەچۈرگەيسىز! ھەمكارلاشماقچى بولغانلىقىمىز ئۈچۈنلا!..

qaraxani

	ئوغۇزتېكىن، دۈنياۋى غەزەللەرنى مۇنبەرگە يوللاپ  زەكى شائىر مەشرەپنىڭ روھىنى خۇرسەند دىللارنى ھېيت قىلغان ئەجرىڭىزگە رامىزانلىق تەشەككۈر...

oghuztekin

	99sahrayi99 يوللىغان ۋاقتى  2014-7-21 06:14 PM كارامەت ياخشى قىلىپسىز، قېرىندىشىم. خەلقىمىز مەشرەبنى ... رەھمەت قېرىندىشىم.  جەببار سۆزىنىڭ ئىملاسىدا مەنمۇ ئىككىلىنىپ قالغان، شۇڭا جەففار دەپ ئالغان ئىدىم.

hujayin1

	شائىر بابارەھىم ئاپاق خوجا زامانىسىدا ياشىغان يەكەنلىك ئۇستاز شۇغۇ ھە؟ بابارەھىمنى دەھرىيلىكتە ئەيىپلەپ دارغا ئېسىپ ئۆلتۈرىدۇ ئاپاق خوجا مۇناپىق.

oghuztekin

	ئەندەلىپ: بۇلبۇل خۇدنەما:شۆھرەتپەرەس نائاشنا: يات، ناتونۇش ئىفشا:ئاشكارا قىلىش ئارىف: ئويغاق رىيا: ئىككى يۈزلىمىچىلىك بىكەس: يالغۇز بىررەھنەما:ھىمايىچىسىز سەرا:قەسىر؛دۇنيا ئالار: ئۇلار قەترە: تامچە ئەفغان: نالە قىلىش ئەنتەھۇر: پاك ، ساپ نۇش : ئىچىش بادە: مەي بىنەۋا: يوقسۇل، كەمبەغەل؛بەھرىسىز،مەھرۇم؛بىچارە

oghuztekin

	hujayin1 يوللىغان ۋاقتى  2014-7-21 06:30 PM شائىر بابارەھىم ئاپاق خوجا زامانىسىدا ياشىغان يەكەنلى ... بابارەھىم مەشرەپ نەمەنگاندا تۇغۇلغان. كېيىنچە قەشقەر-يەكەن تەرەپتە ياشىغان. ئافاق خوجىغا قول بېرىپ مۇرىت بولغان، ئۇنى ماختاپ نۇرغۇن شېئىرلارنى يازغان، كېيىنچە ئافاق خوجىنىڭ تىل-دىلى بىر ئەمەسلىكىنى سەزگەن. شۇجەرياندا ئۇنىڭ ھەرىمىدىكى بىر كېنىزەككە ئاشىق بولۇپ قالغان، ئافاق خوقا بۇنى بىلگەندىن كېيىن قاتتىق ئاچچىقلانغان ۋە تۆمۈر تامغىنى بوينىدىكى شەھۋەت تومۇرىغا بېسىۋەتكەن. بۇ شائىرغا چوڭ ھاقارەت ئىدى. شۇندىن كېيىن مەشرەپ ئافاق خوجا بىلەن ئۈزۈل-كېسىل بولۇپ، بۇرۇن سەزگەنلىكلىرىنى شېئىر قىلىپ پۈتۈپ چىقىپ، ئىشانلارنىڭ بەتبەشىرە قىياپىتىنى ئېچىپ تاشلىغان. ئاخىرى  بەلختە بەلخ ھاكىمى تەرىپىدىن دارغا ئېسىلغان.

.0102

	hujayin1 يوللىغان ۋاقتى  2014-7-21 06:30 PM شائىر بابارەھىم ئاپاق خوجا زامانىسىدا ياشىغان يەكەنلى ... شا  مەشرەپ   يەكەنلىك ئەمەس،   نەمەنگانلىقمىدۇ  ... ئىشقىلىپ  شىنجاڭ تەۋەسىدىن ئەمەس    ئۆزبەك زىمىنلىرىدىنغۇ دەيمەن ،    بۇرۇن ئۇيغۇر بىلەن ئۆزبەكنىڭ پەرقى يوق  زاماندا ياشىغان ئادەم.    شۇڭلاشقا يۇرتىدىن يامانلاپ قەشقەرغە كىلىپ  تىل ئۈگەنمەي ياشىيالىغان.    ھەجەپ يامانكەن  سىتالىن    بىزنى ئۇيغۇر قىلىپ  ئۇلارنى ئۆزبەك قىلىپ  ئايرىۋەتكەن.    بىر قەۋىمنى پاچىلاش ئۈچۈن  ئۇلارنىڭ پەرقىنى زورايتىپ  ...

oghuztekin

	hujayin1 يوللىغان ۋاقتى  2014-7-21 06:30 PM شائىر بابارەھىم ئاپاق خوجا زامانىسىدا ياشىغان يەكەنلى ... بابارەھىم دېگەن شائىرنىڭ ئاتىسىنىڭ ئىسمىغۇ دەيمەن.

uyol

	رەھمەت سىزگە ئېسىل ئەسەر ئېلىپ كەپسىز