شىنجاڭ كوماندىسى ساھىبخان مەيدان غەلبە قىلدى

KOKNURA

	2014- يىلى 7-ئاينىڭ 19-كۈنى ئۈرۈمچى ۋاقتى كەچ 5:00دە 2014-يىللىق جۇڭگو ئا دەرىجىلىك بىرلەشمىسى 15-ئايلانما مۇسابىقىسى ئوينالدى. شىنجاڭ تەڭرىتاغ يىلپىزى كوماندىسى ئۈرۈمچى ئەرگۇڭ تەنتەربىيە مەيدانىدا چىڭدۇ تىيەنچىڭ كوماندىسىنى كۈتىۋالدى. مۇسابىقە داۋاملىشىپ 92-مىنۇتتا شىنجاڭ كوماندىسىنىڭ چەتئەللىك ماھىرى جوننى توپ ئۇرۇپ چېڭدۇ تىيەنچىڭ كوماندىسىنى 1-0 بوغۇزلىدى. چىڭدۇ تىيەنچىڭ كوماندىسى مېھمان مەيدان بەش مەيدان ئۇتتۇرۇپ، ئۈچ مەيدان تەڭلەشكەن، ھازىرغىچە بولغان 14 مەيدان مۇسابىقىدە ساھىبخان مەيدان پەقەت بىر مەيدان غەلبە قىلغان، جۇڭگو ئا دەرىجىلىك بىرلەشمىدە 16-ئورۇندا تۇرىۋاتقان كوماندا. شىنجاڭ كوماندىسى تۆت مەيدان ئۇتۇپ، بەش مەيدان تەڭلىشىپ، ئالتە مەيدان ئۇتتۇرۇپ بىرلەشمىدە 14 نومۇرغا ئېرىشىپ جۇڭگو ئا دەرىجىلىك بىرلەشمىسىدە 11 ئورۇندا تۇرغان. شىنجاڭ كوماندىسىدىن 9- نومۇرلۇق چەتئەللىك ماھىر جوننى، 25-نومۇرلۇق بارى، 29-نومۇرلۇق يەھيا ئاساسلىق ئەزا بولۇپ مەيدانغا چىقتى. مۇسابىقە باشلىنىپ ئىككى تەرەپنىڭ ئىپادىسى ئىنتايىن ئاكتىپ بولدى. 4-مىنۇتتا شىنجاڭ كوماندىسىنىڭ 9-نومۇرلۇق ھۇجۇمچىسى جوننى قارشى تەرەپ قاپقىچىسى بىلەن يەكمۇ-يەك ھالەت شەكىللەندى، ئۇنىڭ ۋارتاغا تەپكەن توپى كۈچلۈك بولمىغانلىقتىن جاڭ يىنو توسىۋالدى، توپ قولىدىن چىقىپ كەتكەن بولسىمۇ، جاڭ يىنو تېزلىكتە ئىنكاس قايتۇرۇپ توپنى تۇتىۋالدى. ئارقىدىن شىنجاڭ كوماندىسى مۇسابىقە رىتىمىنى كونترول قىلىپ ئوينىدى. چىڭدۇ كوماندىسى قايتۇرما ھۇجۇم قىلىش ئارقىلىش ئارقىلىق ۋارتار ئالدىدا پۇرسەت كۈتتى، مۇسابىقە داۋاملىشىپ ئالدىنقى يېرىم مەيدان ئاياقلىشىدىغان ۋاقىتتا چىڭدۇ كوماندىسى ۋارتار ئالدىدا بىر قانچە قېتىملىق ياخشى پۇرسەتكە ئېرىشتى. 44-مىنۇتتا چىڭدۇ كوماندىسىنىڭ 11-نومۇرلۇق توپچىسى جاڭ جىچاۋ توپ ئېلىپ چەكلەنگەن رايونغا بۆسۈپ كىرىپ يىقىلىپ كەتتى، باش رېپىر يالغان يىقىلىش دەپ ھۆكۈم قىلدى. كېيىنكى يېرىم مەيدان مۇسابىقە داۋاملىشىپ 90-مىنۇتقا قەدەم قويغاندا ئەرگۈڭ تەنتەربىيە مەيدانىدىكى بارلىق توپخۇمارلار 0-0 تەڭلىشىپ مۇسابىقە ئاياقلىشىدىغان بولدى دەپ ئويلاپ تۇرغاندا، شىنجاڭ كوماندىسىنىڭ 7-نومۇرلۇق ماھىرى ۋان ۋېنخۇا ئوتتۇرا يولدىن توپ ئېلىپ مېڭىپ چەكلەنگەن رايونغا ئېسىپ پاس بەردى، جوننى تېزلىكتە مۇداپىئەچىدىن ئۆتۈپ توپنى ۋارتاغا قارىتىپ تەپتى، چېڭدۇ كوماندىسىنىڭ قاپقىچىسى جاڭ يىنو بىر پۇتىنى چىقىرىپ توسىۋالماقچى بولغان بولسىمۇ، ئەمما توپ دومىلاپ قاپقا ئىچىگە ماڭدى، چەكلەنگەن رايون سىزىقى ئۈستىدىكى جاڭ يوڭخەي توپنى توسىۋېلىشقا ئۈلگۈرەلمىدى، پەقەتلا توپنىڭ ئۆز ۋارتاسىغا كىرىپ كېتىشىگە قاراپ تۇردى. شىنجاڭ كوماندىسى 92-مىنۇتتا جوننىڭ بىر توپ كىرگۈزىشى بىلەن 1-0 نەتىجىدە رەقىبىنى بوغۇزلىدى. شىنجاڭ كوماندىسى يازلىق ئارام ئېلىشتىن كېيىنكى تۇنجى مەيدان ساھىبخان غەلبىگە ئېرىشتى. شىنجاڭ كوماندىسى تۆت مەيدان ئۇتۇپ، بەش مەيدان تەڭلىشىپ، ئالتە مەيدان ئۇتتۇرۇپ بىرلەشمىدە 17 نومۇرغا ئېرىشىپ ۋاقتىنچە دەرىجە چۈشۈش رايونىدىن قۇتۇلۇپ چىقتى. مۇسابىقە ئورۇنلاشتۇرۇش رەت تەرتىپى بويىچە 7-ئاينىڭ 26-كۈنى ساھىبخان مەيدان چېڭداۋ جۇڭنېڭ كوماندىسىنى كۈتىۋالىدۇ.

TAXNAI2

	شىنجاڭ كۇماندىسىنىڭ ئۇتۇپ چىقىشىنى ئۈمۈت قىلىمەن ....داڭلىق چولپانلار  ئارىمىزدىن چىقسا بولاتتى...

kudiratjan

	ھەرقېتىم بىرەر مەيدان ئۇتۇپ  ئىككى ئۈچ مەيدان ئۇتتۇرۇشنى ئادەت قېلۋالدى بۇ دابەنچىڭ ناخۇەن ھاراق كاماندىسى     بۇلاردىن ئۈمۈت كۈتمەيمەن    ئۇتامدۇ ئۇتتۇرامدۇ پەرۋايىم پەلەك

kudiratjan

	بۇلارنىڭ ئا دەرجىدىكى نەتىجىسىمۇ پەقەتلا ياخشى ئەمەس      يېقىندا مەملىكەتلىك مۇسابىقىگە شىنجاڭغا ۋاكالىتەن قاتنىشۋاتقان ئۈرۈمچى بەشىنجى باشلانغۇچ كاماندىسى قەشقەر 14-ئۇتتۇر باشلانغۇچ كاماندىسى  قەشقەر 1-ئوتتۇر كاماندىللىرىنىڭ خەۋىرگە نەزەر سالغايسىلەر      ئىچكىردە ھارماي بەسەي چاناۋاتىدۇ بۇ ئەزمەتلەر

iltebir

	ئۇيغۇرلارنى ئۆز ئىچىگە ئالغان تۈركىي خەلقلەرنىڭ ھەممىسى پۇتبولغا ناھايىتى قىزىقىدۇ ۋە ياخشى كۆرىدۇ. بولۇپمۇ تۈركىيە كوماندىسى تۈركىي تىللىق قېرىنداش خەلقلەر ئىچىدە ھەممىسىگە ئۈلگە ياراتتى. يەنى 2002 - يىلى دۇنيا لوڭقىسى پۇتبول مۇسابىقىسىدە 3 - بولدى. ئەپسۇس، ئۇنىڭدىن كېيىن تۈركىيە كوماندىسى دۇنيا لوڭقىسى مۇسابىقىسىدە شاللىنىپ قالدى. ئەمدى ئوتتۇرا ئاسىياغا كەلسەك، گەرچە ئۇلار مۇستەقىل بولغىلى 20 نەچچە يىل بولغان بولسىمۇ، لېكىن ئۇلارنىڭ كوماندىلىرى دۇنيا لوڭقىسى مۇسابىقىلىرىگە كىرەلمىدى. ئۆزبېكىستان كوماندىسى پەقەت بىر قېتىم ئاسىيا تەنھەرىكەت يىغىنىدا 2 - بولدى. ئۇندىن باشقا كۆرۈنەرلىك نەتىجە بولمىدى. ئەلۋەتتە، ئوتتۇرا ئاسىيادىكى تۈركىي تىللىق دۆلەتلەرنىڭ كوماندىلىرى دۇنيا لوڭقىسى مۇسابىقىلىرىدە ئۆزىنى كۆرسىتەلىسە، بۇ ئۇيغۇرلارغىمۇ زور بىر ئۈمىد بېغىشلايتتى. ھالبۇكى، يېقىن كەلگۈسىدە ئوتتۇرا ئاسىيا كوماندىلىرىنىڭ بۇ نەتىجىگە ئېرىشىش ئېھتىماللىقى ھازىرچە تۆۋەندەك تۇرىدۇ. چۈنكى پۇتبول بىر تەنتەربىيە ھەرىكىتىلا ئەمەس، بەلكى بىر ئەل ۋە خەلقنىڭ مىللىي روھى بىلەنمۇ مۇناسىۋەتلىك. ئۇندىن باشقا، دۆلەت تۈزۈلمىسى ۋە سىستېمىسىمۇ بۇنىڭغا خېلى زور تەسىر كۆرسىتىدۇ.

uyol

	مۇبارەك بولسۇن..... بۇنداق مۇسابىقىلەردە ياخشى نەتىجىلەرنى قولغا كەلتۈرىشىنى ئۈمۈد قىلىمەن

未来和田

	جوننينڭ بىر توپ ئۇرۇشى بىلەن مەن ئۇتىۋالدىم.

aygilas

	بۇ كوماندىغا قارىتا ئۆزگەرتىش ئېلىپ بارمامدىكەن؟ ئۇيغۇر ئەزىمەتلىرىمىزدىن كەم دىگەندە بەش نەپىرى ئاساسلىق ئەزا بولۇپ ئوينىسا شۇنداقلا چەتئەللىك ياخشىراق ھۇجۇمچىدىن ئالمىسا بۇ كوماندىنىڭ ئا دەرىجىدە ئالدىغا ئۆتۈشى  مۈشكۈل بولغىدەك،دەرىجە چۈشۈپ كېتىپ قالمىسىلا بولاتتىغۇ؟

ئامانسا

	ياخشى نەتىجىلەرنىڭ چىقىشىغا تىلەكداشمەن، ھەم تۆت كۈزۈم بىلەن كۈتىمەن. چۈنكى بىزدىنمۇ ياخشى توپچىلار چىقىدۇ....

nasrulla

	iltebir يوللىغان ۋاقتى  2014-7-20 08:05 PM ئۇيغۇرلارنى ئۆز ئىچىگە ئالغان تۈركىي خەلقلەرنىڭ ھەممى ... تۈركىيە پۇتبولىنىڭ شانلىق تارىخ كۆرۈنۈشلىرى( تۈركىيە پۇتبول مارشى)