|
|
|
|
شەپەرەڭلەر قەلئەيىمگە شاھ ،
ئۇۋا سالدىم چۆل جەزىر تاشقا .
سۆيگۈ ھارۋام شوپۇرسىز قالغاچ،
تۇرمۇش گېنرال قىينايدۇ يارغا .
سۈزۈك ئاسمان ئېتەكلىرىدە ،
تېنەپ يۈردۈم كاككۇك ئاتالدىم .
نەپەس بولغاچ سېغىنىشلىق گاز ،
ئۆز يۈركۈمگە مىخ بوپ قادالدىم.
جىمجىت كېچە گۈللۈكلىرىدە ،
يىلتىز تارتسام يارچۈن ئەبەدىل .
شەبنەم كەبى تامساڭ لېۋىمگە ،
يەملىنەتتى يېرىلغان بۇ دىل .
نەۋ باھارنىڭ چېچەكلىرىدە ،
ئوراي نىگار ساڭا ئاق لىباس .
پىلانلارغا بېسىپ بەر تامغا ،
چىن يۈرەكتىن سۇندۇم ئىلتىماس.
ھەر بىر كۈتۈش بىر سالام خەتتۇر،
سۆيۈش ،ئەسلەش قەغەزدۇر قەلەم .
ھەر بىر نەپەس بىر كۆڭۈل ئىزھار ،
نەپەسلەرگە قوشۇل ئەي سەنەم .
باغراش كاككۇكى !
2014.07.20
گۈزەل دىيار- باغراش
|
|
|
|
|
|