ئاشكار

axkar

	ئەسسالامۇ ئەلەيكوم: نۇرغۇن پارچە -پۇراتلارنى يازغىم بار ئىدى ،  يازاي دىسەم پارچە-پۇرات مىنى يېزىۋىتىدىغاندەك تۇرىدۇ . قېتىشقان قولنىڭ خۇمارىنى   قاملاشمىغان شېئىر بىلەن  قالدۇرۇپ قويدۇم ،    كونا -يىڭىلارغا يەنە بىر قىتىم سالام. ھەممە ئارتۇقچە ، پەقەت ئۆزۈمنى تاپساملا بولدى ، سورايمەن ، ئىيتقىنا كۆڭلۈم ؟! كۆڭلۈم كۆڭلۈمنى نەگە قويدى. * ياش ئوتتۇزغا بارغاندا ، ھىلىقى تەنتەكلىك مۆكىۋالدىغۇ ، ھارغىچە قايناملار قاينىغان باشقا ، بۇ ھايات غەلۋىسنى تۆكىۋالدىغۇ. بەيگىدە شاش تۇلپار بولۇپ چاپساممۇ، ‹ ئاقساق ئات›  ‹ يورغىلاپ› ئۆتىۋالدىغۇ. ھاياتقا قەرزىم يوق ياشاۋاتىمەن، ھاياتقا ئەرزىم يوق ياشاۋاتىمەن. * بىلىپ دەمدۇ ۋە ياكى بىلمەي، چاقىرىپ قالىدۇ بالام دادا دەپ. بىر ياشلىق بالىنىڭ دادا دىگىنى ، بىر تاتلىق سېزىم ھە ،كۆيىدۇ ھەجەپ. مەيلى ئەمەسمۇ بىلمەي دىسىمۇ، ئەتىراپىم ياسالما ، بالام چىن پەقەت . * ياش ئوتتۇزغا بارغاندا ، ئاتا-ئانامنى ئەسلەيمەن پات-پات ، شۇ ئىللىق قولىنى تۇتقۇم كىلىدۇ ، ئەسلىدە شۇ ئىدى ئەڭ تاتلىق ھايات. ئىھ ،دادامنىڭ موخۇركا پۇراق تېنىقى ، ھايات ئوت، دادام زىخ ، مەن يۇمشاق كاۋاپ. ھاياتقا ۋىلىقلاپ كۈلگۈم كىلىدۇ ، قولىنى چىڭ تۇتۇپ يۈرگۈم كىلىدۇ. * ياش ئوتتۇزغا بارغاندا ، باھارنى ئۇزاتتىم ، ئەمدى ئوت يېزىم ، مەيىن شامالنى قويدۇم مەيلىگە ، كۆيەي دەپ خالىدى ئاپتاپنى تېنىم . چىڭقى چۈش بېشىمدا قاتقان قوياشنى، سالامەت كۆرۈشمۇ بەك تاتلىق سېزىم . ھاياتتىن بادناشقا نىمە باھانە؟ ھايات ‹ نان › بىرىدۇ دانە-دانە. * ياش ئوتتۇزغا بارغاندا ، باغلاردا گۈل پۇراش ئارتۇقچە قېلىق، ھويلامدا باغچە بار ، قەلبىمدە بىر گۈل . بەخىت شۇ ، قاراڭلا مۇھەببەت لىق - لىق . شۇمۇدۇ ئۆمۈرنىڭ ئەڭ تاتلىق پەسلى ، ئىككى كىشىدە ئوخشاش بىر تېنىق . ھاياتتا كۈلكە جىق ، بىز ‹ھايات› بولساق، ھاياتتا ئۆتنە جىق ، بىز ناباب بولساق . * ئارقامغا قارىسام  يىللارنىڭ ئېزى ، ئوتتۇز يىل چېچىمغا ئاق سالدىمۇ يوق ؟ قەلبىمدە قانچىلىك مۇھەببەت- نەپرەت، تېنىمگە تەگدىكىن نەچچە پىچاق، ئوق . مۇھەببەت دىلىمدە يەنىلا يالقۇن، يۈرەككە خىتاب بار :‹ ئىنساب بىلەن سوق› . ھاياتقا نەپرەتلىك باقمىغىن زىنھار، ھاياتقا گۈل قىسقىن ، ساپ ياشاپ ئاشكار.   ئاشكار

b1a2g

	ياش ئوتتۇزغا بارغاندا ، باغلاردا گۈل پۇراش ئارتۇقچە قېلىق، ھويلامدا باغچە بار ، قەلبىمدە بىر گۈل . بەخىت شۇ ، قاراڭلا مۇھەببەت لىق - لىق . شۇمۇدۇ ئۆمۈرنىڭ ئەڭ تاتلىق پەسلى ، ئىككى كىشىدە ئوخشاش بىر تېنىق . ھاياتتا كۈلكە جىق ، بىز ‹ھايات› بولساق، ھاياتتا ئۆتنە جىق ، بىز ناباب بولساق . باشقا مىسرالارمۇ يارىدى، لېكىن ماۋۇ مىسرالار ھەممىدىن بەك يارىدى، تەبىي چىن چىقىپتۇ، لېكىن مەن ئوتتۇزغا كىرگىلى يەنە سەككىز يىل ۋاقىت بار ،شۇڭا تېخىچەباغلاردا گۈل پۇراپ يۈرۈۋاتىمەن قارىغاندا خېلى پىشقان شائىر ئوخشايسىز، تىلىمۇ پىششىق ، شۇنداق راۋان……

99sahrayi99

	مەزمۇنى چوڭقۇر،  يېقىشلىق شېئىر بوپتۇ!...ھارمىغايسىز!

yagaqqi

	ئادەمنى ئويغا سالىدىغان تىمىكەن .

قورغان

	شىئېرىڭز ھەقىقىتەن ياخشى چىقىپتۇ

kamiljantohti

	مۇكاپاتلىق ئەسەرگە يوللىسىڭىز بوپتىكەن ئەسلى. كۆپ ماختىماي.ھەممە ئادەم كۆڭلىدە قايىل.

musilina

	ياشنىڭ چوڭىيىشىغا ئەگىشىپ تۇرمۇشنىڭ ئاچچىق -چۈچۈكلىرىنى،تۇرمۇش ھەقىقەتلىرىنى بارغانسېرى چوڭقۇر چۈشىنىدىغان گەپ..... ياش چوڭايغانسېرى ياشلىقتىكى شاشلىقلار ئاستا -ئاستا يوقايدۇ ..... ھايات مەنالىرى مۇجەسسەملەنگەن ساپ ھېسيات...

UYGUR==DOLAN

	بەخىتنىڭ نىمىلىگىنى بىلگەن ئادەمگە، ئۆز ئائىلىسى ناھايتى كاتتا بىر جەننەت  ،پەقەت شۇنى ھىس قىلالىغان ئادەملا، بەخىتلىك ئائىلىسدىن ھۇزۇر ئالىدۇ. ئەمما بىلمىگەن  ئادەمگە بەرىبىر  ،ئۆمۈر بۇيى  ئائىلىسىدىن  زارلىنىپ يۈرگىنى يۈرگەن. . قوللىرىڭىزغا  دەرت كەلمىسۇن ، ئاجايىپ  پاساھاتلىك يېزىپسىز  ،

uyol

	بىر-بىرىدىن ئېسىل پارچىلاركەن

nazigul8

	ھىكايىدىلا ئەمەس، شېئىردىمۇ قەلىمىڭىز بەك كۈچلۈككەن. ھاياتتىن بادناشقا نىمە باھانە؟ ھايات ‹ نان › بىرىدۇ دانە-دانە. ھاياتتا كۈلكە جىق ، بىز ‹ھايات› بولساق، ھاياتتا ئۆتنە جىق ، بىز ناباب بولساق . ئۈستىدىكى تۆت مىسرادا، پۈتۈن شېئىرىڭىزنىڭ مەركىزى ۋەخۇلاسىسى بوپتۇ. مەزمۇنى چوڭقۇر، گەپ ئىچىدە گەپ باردەكلا... ئاخىرىدا ھاياتقا نەپرەت بىلەن ئەمەس، مۇھەببەت بىلەن قاراش، كۈلۈپ قاراش ۋە مەدەتلەر بىلەن بەكلا ياخشى ئاخىرلاشتۇرۇپسىز.