ئىس سېغىندى تۇرخۇنلىرىمىز

bahwanbiz

	ئىس سېغىندى تۇرخۇنلىرىمىز پىچىرلىشىش سۇندى تۇيۇقسىز ، مىجەزىمىز بولدى تاغ سۈيى . ئارلىقىمىز تۇغدى سوقما تام ، ئاچچىق ئىكەن ئىشەنچ يېغى . سېيرىتمىسى بۇزۇلغان ئازاب ، سايىمىزنى شامالغا كۆمەر . يەيدۇ بىزنى دوڭغاق كۆز قاراش ، رەسمىيەتلىك دومسىيىش كۈلەر . قىيسايماقتا ئۈمۈد مومىيى ، ئۇيقىسىغا كەتتى رىئاللىق . لاياقەتسىز بولۇپ يول قويۇش، ئىشەنچلەر ساقلىدى ئارلىق . تىرەجىگەن يالغانچى چۈشلەر ، نوقىماقتا سېغىنىشلارنى . تىل ھەجىلەر كاماك سېغىنىش ، كۆڭۈل كىرى يۇيار سىرلارنى. ئەر دەسسىگەن ئاياق ئىزىدا . ئايال خالاپ قورساق كۆتىرەر. چىن مۇھەببەت يازمىسا تارىخ، شەجەرىنى ئەر ئايال كۆمەر . يوغان –يوغان ساقلاش ئىچىدە ، قورساق سالدى نازۇك ئىنتىلىش . سوقۇلماقتا ئىككى سەييارە، ئۈمۈدلەردە بولمىدى سىلجىش. بىرىكىشتىن زېرىكتى ۋاقىت ، چىشلىمەكتە بىزنى ھاياجان ، جان ئۈزمەكتە ئارزۇ قۇشىمىز ، سۆيگۈ گۈلى بولماقتا سامان . دەرت ياسايدۇ قىيمىلىق تۇرمۇش ، ۋىسال دىگەن تەملىك سۇيۇقئاش . تاتلىق كېسەل بولىدۇ كۆڭۈل  ، مىجەزلەردە بولمىسا ياماش . كىرىشمەكتە ناتونۇش ھېسلار ، يۇمشاپ –يۇمشاپ كىرەيلى سۆزگە . ئىس سېغىندى تۇرخۇنلىرىمىز ، قايتايلى تىز قەلئەيىمىزگە . ئاپتۇرى : ئابلەت مۇھەممەت باغۋەن

99sahrayi99

	مانا ماېۇ شېئىرىڭىز بەك ياخشى چىقىپتۇ، باغۋەن. قايتا ئوقۇپ چىققىدەك.... مەزمۇنى چۇڭقۇر......

yagaqqi

kaqvr

	سىزنىڭ شېئىر يىزىش ئۇسلۇبىڭىزغا قايىلمەن . بەك ياخشى يازىسىز .

uyol

	ھەقىقەتەن ياخشى چىقىپتۇ بۇ شېئىرىڭىز. سىزنىڭ مۇشۇ خىل ئۇسلۇبىڭىزنى ياقتۇرىمەن باغۋەنكە

UYGUR==DOLAN

	ئاپىرىن ،  ئوخشىتىشىڭىز  ناھايتى  جايىدا !   ھازىرقى  يوقۇلىۋاتقان  مېھىر-مۇھەببەت ، ئىشەنچ،  ئۇنتۇلغان  ئىسىل ئەنئەنىلەر،    بەك  جايىدا تەسۋىرلەپسىز   .   قوللىرىڭىزغا   دەرت كەلمىسۇن   .

nazigul8

	ئۇيقىسىغا كەتتى رىئاللىق . ئىشەنچلەر ساقلىدى ئارلىق . مەن شېئىرىڭىزنى ئوقۇسام، مىسالغا يۇقۇردىكىدەك مۇشۇنداق بىر مىسرا-بىر مىسرادىكى ئوبرازلىق ئوخشۇتۇشلارنىلا چۈشۈنۈپ ماڭالايدىكەنمەن. ھەم بۇ ئوخشۇتۇشلارنى قاندا ئويلاپ تاپىدىغاندۇ دەپ ھەيران قالىمەن. قاچانمۇ بىر شېئىرىڭىزنىڭ پۈتۈن مەزمۇنى بويىچە چۈشەنگۈدەك بولارمەن. لېكىن سىزنىڭ بۇ خىل شېئىر يېزىش ئۇسلۇبىڭىزغا راستلا قايىلمەن.

evir

	پادىشاھ ئالىيلىرىنىڭ يېڭى كىيىمى ھەجەپ يارىشىپتۇ! كۆزلەرنى قاماشتۇرۇپ!

TAXNAI2

	ئاجايىپ ئوبرازلىق ،ھىسياتلىق يېزىپسىز ...قايىلمەن...

ئامانسا

	پىكىرلىرى بەك چوڭقۇركەن