BBC:ئالەم چوڭ پارتىلاشتىن ئىلگىرى نىمە ئىش يۇز بەرگەن؟

توقماق

	BBC:ئالەم چوڭ پارتىلاشتىن ئىلگىرى نىمە ئىش يۇز بەرگەن؟ BBC之宇宙大爆炸前发生了什么 http://v.youku.com/v_show/id_XNTQ4MDc2OTMy.html بۇ فىلىم ھازىرقى زامان ئالەمشۇناسلىغى ۋە فىزىكىسدىكى بىرقىسىم ئاۋانگىرات ئىدىيىلەرنۇقتىلىق تونۇشتۇرۇلغان فىلىم ئىكەن.فىلىمدە فىزىكا قانۇنلىرى ئەھمىيەتسىز بولغان"غەيرى نۇقتا"نىڭ مەۋجۈت ئەمەسلىكى؛كەڭ مەنىلىك نىسبىلىك نەزەريىسىنىڭ مۇكەممەل ئەمەسلىكى؛ چوڭ پارتىلاش ئالەم نەزەريىسىدىكى ئالەمنىڭ"يوقلۇق"تىن پەيدا بولۇش ئىدىيىسىگە بولغان تەنقىدى قاراش؛ئالەمنىڭ دەۋرىلىگى...قاتارلىقلارئوتتۇرىغا قويۇلۇپتۇ.بۇ قاراشلار شەكىل نەزەريىسىنىڭ ئالەم قارىشى بىلەن ئاساسەن بىردەكلىككە ئىگە ئىكەن .قىزىقىدىغان تورداشلارنىڭ فىلىمنى ئەستايىدىل كۇرۆپ چىقىشىنى تەشەببۇس قىلىمەن.فىلىم نەزەر دائىرىڭىزنى كېڭەيتىپ،دۇنيا ئىلىم ساھەسىدىكى بەزى قىززىق نۇقتا ئۇچۇرلىرى بىلەن ئۇچراشتۇرۇدۇ.

abaytarim

	مۇشۇنداق ئىلمىي ئەسەرلەر بىزگە ھاۋادەك زۈرۈر ، بەك خۇرسەن بولدۇم ، ئەجرىڭىزگە رەھمەت ، كۆپ تەشەككۈر ...

توقماق

	«چوڭ پارتىلاش ئالەمنىڭ باشلىنىش نۇقتىسى ئەمەس»_ مانا بۇگەپ تارازا باسىدىغان گەپكەن.چوڭ پارتىلاش دەۋرى ئالەمدىكى بىر پەيىت ۋە بىرئۇتكۆنچى ھالەت،دەپ قارالسا قىيىنچىلىق ھەل بولغىدەك.

Uyghurbufet

	ئالەمنىڭ ئۈزلۈكسىز كېڭىيىۋاتقانلىغىغا ئاساسەن ، 13.7 مىليارت يىل ئىلگىرى كائىنات <يوقلۇق>تىن پارتلاش ئارقىلىق بارلىققا كەلگەن……دىگەن پەرەز  ئوتتۇرىغا قويۇلۇپتىكەن…… ئەمما بۇ <يوقلۇق>نى قانداق چۈشىنىش كېرەك؟

فىزىك

	Uyghurbufet يوللىغان ۋاقتى  2014-7-19 12:08 PM ئالەمنىڭ ئۈزلۈكسىز كېڭىيىۋاتقانلىغىغا ئاساسەن ، 13.7 مى ... ئەسسالامۇ ئەلەيكۇم ياخشىمۇسىز ، ئالەمنىڭ چوڭ پارتىلاشتا پەيدا بولغان دىگەن بۇ قاراش كۈچلۈك دەلىل ئىسپاتلارنىڭ قوللىشىغا ئېرىشىدۇ ، ھەرگىزمۇ سىز ئويلىغاندەك پەرەزگە تاينىپ ھۆكۈم چىقارمايدۇ . ئالەمنىڭ ھەقىقەتەنمۇ باشلىنىشى بار ، بىز تېردونامىكىنىڭ 2- قانۇنىغا تەببىقلاپ چۈشەندۈرسەك ، ئالەم ئاستا-ئاستا ئەمما ئەسلىگە كەلتۈرگىلى بولمايدىغان ھالدا قالايمىقانچىلىققا پېتىپ قالىدۇ . ئەگەر بارىلىق تەبئىي ھەركەتلەرنىڭ ھەممىسى تېخىمۇ كۆپ تەرتىپسىزلىكنى كەلتۈرۈپ چىقىرىدۇ دىيىلسە ، ئۇنداقتا ئالەم جەزمەن ئەسلىگە كەلتۈرگىلى بولمايدىغان ھالدا ئۆزگۈرۈپ بارىدۇ ، چۈنكى ئالەمنى ئىلگىرىكى ھالىتىگە قايتۇرۇش ، تەرتىپسىزلىكنى ئىگىرىكى سەۋىيىگە تۆۋەنلىتىشتىن دېرەك بېرىدۇ . لىكىن بۇ نۇقتا تېردونامىكىنىڭ 2- قانۇنى بىلەن سىغىشالمايدۇ . ئەگەر ئالەمدە ھەقىقەتەن بىر چەكلىك تەرتىپلىك مىقدار بار ، ئۇنىڭ ئۈستىگە ئۇ ئەسلىگە قايتۇرغىلى بولمايدىغان تەرتىپسىزلىككە قاراپ ئۆزگىرىپ ، ئەڭ ئاخىرى تېردونامىكىلىق تەڭپۇڭلۇققا يىتىدۇ دىيىلسە . ئۇنداقتا ، بۇنىڭدىن مۇنداق ئىككى خۇلاسە چىقىرىشقا بولىدۇ .   بىرىنچى خۇلاسە شۇكى ، ئالەم ئاخىرقى ھېسابتا ۋەيران بولۇپ ، ئۆزىنىڭ ئىنتىروپىيىسى ئىچىدە يوقىلىدۇ . بۇ خۇلاسىنى ئالىملار ئىسسىقتىن ئۆلۈش دەپ ئاتايدۇ . ئىككىنچى خۇلاسە ، ئالەمنىڭ چەكسىز ئۆتمۈشىنىڭ بولىشى مۇمكىن ئەمەس ، ئەگەر راستىنلا بار بولسا ، ئۇنداقتا ئالەم چەكسىز يىراق ئۆتمۈشتىلا ئەڭ ئاخىرقى تەڭپۇڭلۇق ھالىتىگە يەتكەن بۇلاتتى . ئالەم ئىزچىل تۈردە مەۋجۇت بولغان ئەمەس . مەسلەن ، يەرشارىنىڭ چەكسىز ئۆتمۈشىنىڭ بولىشى مۇمكىن ئەمەس ، ئەگەر يەرشارىنىڭ چەكسىز ئۆتمۈشى راستىنلا بار بولسا ، ئۇ چاغدا يەر يادروسى چەكسىز يىراق ۋاقىت ئىلگىرىلا سوۋۇپ بولغان بۇلاتتى . قۇياش بولسا جەزمەن توختىماستىن نۇر چېچىۋەرمەيدۇ ، ئۇنىڭ يىقىلغۇسى ئاخىرقى ھېسابتا ئىشلىتىلىپ تۈگەيدۇ . ئەكسىچە خۇلاسە چىقارغاندا ، قۇياش جەزمەن بىر بۆلەك ۋاقىتتىن ئىلگىرى ئاندىن يېنىشقا باشلىغان ، چۈنكى ئۇنىڭ چەكسىز ئىنىرگىيە مەنبەسى يوق . ئەگەر يادرو تەكشۈرىشىدىن يەرشارىنىڭ يېشىنى 4 مىليارد 500 مىليون يىل دەپ بېكىتسە ، بىزنىڭ ئۇنى 10 مىڭ يىل ياكى100 مىڭ يىل بولدى دەپ تالاش-قىلىشىمىزنىڭ قىلچە ئەھمىيىتى يوق ، ئالەم چوڭ پارتىلاشتىن ئىلگىرى پەيدا بولغان دىگەن قاراشمۇ ھەم شۇنداق . چوڭ پارتىلاش ياراتقۇچى خۇدانى چەتكە قاققىنى يوق ، پەقەتلا ئۇنىڭ قايسى ۋاقىتتا ئالەمنى يارىتىشتىن ئىبارەت بۇ خىزمەتنى قىلغانلىقىغا قارىتا ۋاقىت چەكلىمىسى بېكىتىپ بەردى خالاس

توقماق

	Uyghurbufet يوللىغان ۋاقتى  2014-7-19 12:08 PM ئالەمنىڭ ئۈزلۈكسىز كېڭىيىۋاتقانلىغىغا ئاساسەن ، 13.7 مى ... ھەقىقى بوشلۇق،مۇتلەق ماكان،دەپ چۈشەنسەك بولىدۇ.فىلىمدىمۇ 2خىل يوقلۇق ھەققىدە توختۇلۇپتۇ.بىرى،ھىچنەرسە، مەۋجۈت بولمىغان دىگەن مەنىدە.يەنە بىرى ماددىدىن باشقا بىر رىياللىق دىگەندەك مەنىدە.

didil223

	ئالەمنىڭ ئىشلىرىدىن ئېغىز ئېچىلسا كاللام قايمۇقۇپلا قالىدۇ مىنىڭ