ئەپۇ قىل ۋە ئەپۇ سورا

HY@Li

	ئەپۇ قىل ۋە ئەپۇ سورا بۇ ئۇلۇغ ئاي،ئۇلۇغ كۈنلەردە،تاشتەك قاتقان قەلبىمىزگە قاراپ باقىلى،ئاندىن ئەتراپىمىزغا، تۇرمۇشىمىزغا قاراپ باقىلى.كىملەردىن رەنجىپ،كىملەردىن يىراقلىشىپ،يەنە كىملەرنى يوقتۇپ قويدۇق. ئىنسان بىر-بىرىگە كۆيۈمچان،مېھرىبان ،سىلە-رەھىم قىلىشقا،ئەپۇچان،قانائەتچان بولۇشقا،بىر-بىرىگە ئادىل بولۇشقا بۇيرۇلغان. شەيتان دەل مۇشۇلارنىڭ ئەكسىنى بىزلەرگە چىرايلىق كۆرسۈتۈپ،قېرىنداشلىرىمىز،دوسلۇرۇمىز ئارىسىدا ئۆچ-ئاداۋەت ئۇرقىنى تېرىپ،بىر-بىرىمىزنى يامان كۆرسىتىپ،جىدەل-ماجىرا تۇغدۇرغاننىڭ ئۈستىگە،قېرىنداشلىرىمىز ،دوسلۇرىمىزدىن ئادا-جۇدا بولۇشىنى ئىستىمەكتە. بىز بىلىپ -بىلمەي شەيتاننىڭ سەنىمىگە دەسسەپ قېلىپ،ئۇرۇق-تۇققانلىرىمىزدىن،دوسلۇرىمىزدىن يىراقلاشماقتىمىز ھەم ئىزدىمەس ھالغا كېلىپ قالماقتىمىز. شۇنداق بولغاندا شەيتان بىزگە تېخىمۇ ۋەسۋەسە قىلالايدۇ،سەنىمىگە دەسسىتىپ پىرقىرتالايدۇ. ئەي قېرىنداشلار، قايسى سەۋەپتىن بولسۇن،قېرىنداشلىرىڭىزدىن،دوسلۇرىڭىزدىن رەنجىپ ياكى رەنجىتىپ،بىر-بىرىڭلارغا تەتۈر قارىشىپ تۇرغان بولساڭلار،بۇنىڭ شەيتان تەرەپتىن ئىكەنلىكىنى بىلىشىڭلار،ھەمدە مۇشۇنداق ئۇلۇغ ئاي،ئۇلۇغ كۈنلەردە بىر-بىرىڭلارنى ئەپۇ قىلىشىپ،ياخشىلىق يولىغا مېڭىشىڭلار ئەڭ ئاقىلانىلىكتۇر. رەنجىگەن بولسىڭىز،ئەپۇ قىلىڭ،رەنجىتكەن بولسىڭىز،ئەپۇ سوراڭ.چۈنكى ئەتە كىم بار،كىم يوق؟…بۇنى ھېچقايسىمىز بىلمەيمىز. ياندا بارىدا  قەدىرى يوق دېگەندەك،ئايرىلغاندا قەدىرى ئۆتۈلىدۇ.بىز يالغۇز كېلىمىز،يالغۇز كېتىمىز،ئەمما يالغۇز ياشىيالمايمىز.پەقەت ئەر-ئاياللىق مۇھەببەتلا تۇرمۇشىمىزنى مەنىلىك قىلمايدۇ،بەلكى،قېرىنداشلىق،دوسلۇق مېھرى-مۇھەببەت بولغاندىلا،ئاندىن بۇ ھاياتنىڭ مەنىسىنى،لەززىتىنى ھېس قىلىمىز. ئەپۇ قىلىش ۋە ئەپۇ سوراش شۇنچە تەسمۇ؟ ياق،تەس ئەمەس،ئەمما شەيتىنىڭىز ۋەسۋەسە قىلىپ،سىزنى كىبىرلىك بولۇشقا ئۈنداۋاىدۇ. ئىنساندا قىلچە كىبىر بولىدىكەن،جەننەتكە كىرەلمەيدۇ. بىز قاچانغىچە كىبىرىمىز بىلەن،چوڭچىلىكىمىز بىلەن بويۇنتاۋلىق قىلىپ،بىر-بىرىمىزگە ئۆچ-ئاداۋەت ساقلاپ يۈرىمىز؟ ئەگەر مۇشۇ ھالەتتە ئەجىلىمىز توشۇپ كېتىپ قالساق،قەبىرىدىكى ۋە ئاخىرەتتىكى ھالىمىز نە بولۇر؟ مەن كۆڭلىنى ئاغرىتقان قېرىنداشلرىمدىن، دوستلىرىمدىن  ئەپۇ سورايمەن.ئىنسان سەھۋەنلىكلەردىن خالى بولالمايدۇ،شۇ سەھۋەنلىكلەردىن ئەپۇ سورايمەن. دوستۇم بۇ قىسقىنا ھاياتتا  قاچانغىچە بىر-بىرىمىزنى كەچۈرمەيمىز؟رەنجىگەن بولساڭ ئەپۇ قىل،رەنجىتكەن بولساڭ ئەپۇ سورا! بىز ئىنسانغۇ ئاخىر… ئۆلۈم كەلگەندە پۇرسەت يوق. خىيالى   2014.07.17    [

TAXNAI2

	كۈنلەردە،تاشتەك قاتقان قەلبىمىزگە قاراپ باقىلى،ئاندىن ئەتراپىمىزغا، تۇرمۇشىمىزغا قاراپ باقىلى.كىملەردىن رەنجىپ،كىملەردىن يىراقلىشىپ،يەنە كىملەرنى يوقتۇپ قويدۇق. ھەقىقەتەن ياخشى گەپلەر ئىكەن ...بولسا مۇشۇ ئۇلۇغ ئايلاردا ئاداۋەتنى يۇيۇش ئەڭ ياخشى ئىش...

mehriya

	ياخشى تېما يوللاپسىز ، ئەمما خەتنىڭ رەڭگى ئادەمنىڭ كۆزىنى بىئارام قىلىپ قۇيىدىكەن . قايتا تەھرىرىلەپ قويسىڭىز بوپتىكەن . مۇشۇ ئۇلۇغ ئاي كۈنلەردە ، كۆڭلىڭىزدە قانچە ئۆچمەنلىك بولسىمۇ ، بۇ ئۆچمەنلىكلەرنى ئاشۇ قەلبىڭىزدىن سۈپۈتۈپ تاشلىۋەتسىڭىز ، بەلكىم ئاللا ئېگەم سىزنىڭ بۇ قىلمىشىڭىز ئۈچۈن ، كىيىنكى كۈنلىرىڭىزنى خاتىرجەم ، خوشاللىق ئىچىدە ئۆتىشىڭىزگە مەدەت بېىرىشى مۇمكىن . چۈنكى كىشىنىڭ قەلبىدە نەپرەت بۇلسا ، ئەركىن نەپەس ئالغىلىمۇ بولمايدۇ . ‹ئېگىلگەن باشنى قېلىچ كەسمەپتۇ › دەپتىكەن ، باشقىلارنى ئەپۇ قىلىش ، ۋە خاتا قىلغىنىنى تۇنۇپ ، باشقىلاردىن ئەپۇ سوراش ، ئىنساننىڭ ئەڭ ئېسىل خىسلىتىدۇر .

Rujak

	ھەممەيلەن ئەپۇچان ۋە كەڭ قۇرساق بولساقلا بۇ جاھان رەڭگارەڭ گۈللەر بىلەن تولغۇسى

abaytarim

	ئەپۇ كىشىلىك ھاياتتىكى ئەڭ بېباھا گۆھەر . تەشەككۈر ..

hujayin1

	ۋاي كۆزلىرىم ئەجەپ ئىمىر-چىمىر بولدىيا،خەتكە مىختەك قادىلىپ ئولتۇرۇپ ئاران تۈگەتتىم. مەزمۇنى شۇنداق ئىسىلكەن.مەنمۇ مۇشۇ ئۇلۇغ كۈنلەردە بۇرۇن ئاداۋەتلىشىپ قالغان كىشىلەردىن ئۆزەم ئاكتىپ بۇلۇپ كەچۈرۈم سورىدىم.ئەپۇ سوراش خىجىل بولغۇدەك ئىش ئەمەس.

yaprak2012

	بەك ياختۇردۇم ،ئەپۇچان بولسلا ھەممە ئىشلار ياخشى بۇلۇپ كېتىدۇ .

mercury

	بۇ مەزمۇنلار پۈتۈنلەي مىسرانىم مۇنبىرىدىن كۆچۈرۈلگەن دىگەن گەپلەرنى ئۆچۈرىۋىتىپ تەھرىرلەپ قويسىڭىز بولغۇدەك

musilina

	تەربىيىۋى ئەھمىيەتكە ئىگە يازمىكەن....

mastana888

	كۈنلەردە،تاشتەك قاتقان قەلبىمىزگە قاراپ باقىلى،ئاندىن ئەتراپىمىزغا، تۇرمۇشىمىزغا قاراپ باقىلى.كىملەردىن رەنجىپ،كىملەردىن يىراقلىشىپ،يەنە كىملەرنى يوقتۇپ قويدۇق. ئويلىنىشقا تىگىشلىك مەزمۇنلار