مىكرولار

maymah

	كۆزئەينەك ھەممەيلەن دىگۈدەك كۆز ئەينەك تاقىۋېلىشقانىدى. ئەلۋەتتە بۇ ئۇلارنىڭ ئەركىنلىكى، خۇددى مېنىڭ كۆز ئەينەك تاقىماسلىق ئەركىنلىكى بولغىنىدەك. لېكىن مەن يەنىلا كۆز ئەينەك تاقاشقا مەجبۇر بولدۇم. ياق..ياق..مېنى ھېچكىم مەجبۇرلىمىدى. بۇ پەقەت باشقىلار بىلەن شەيئىلەرنى ئوخشاش كۆرۈش ئۈچۈن ئىدى. مانا..مانا..كۆز ئەينەكنى تاقىغاندىن بېرى قىزىل رەڭ ماڭا باشقىلارغا ئوخشاش كۆك كۆرىنىدىغان بولدى. قۇلاق سۈزگۈچى بىر توپ كىشى ئۇنى بولۇشىغا دۇمبالاۋاتاتتى. ئۇ توختىماي: <<مېنى ئۇرماڭلار!!!مەن ياخشى ئادەم!!>> دەپ توۋلايتتى. ئۇنىڭ نالىسى شۇنچىلىك ئېچىنىشلىق بولۇپ، گەپلىرى ھېچ يالغاندەك قىلمايتتى. دەرھال بېرىپ ئۇنى دۇمبالاۋاتقانلارنىڭ ئالدىنى توسۇپ: <<توختاڭلار، توختاڭلار!، ئۇ مەن ياخشى ئادەم دەۋاتسا يەنە ئۇرۇۋاتىسلەرغۇ؟>> دېدىم غەزەپ بېلەن. دۇمبالاۋاتقالار بىر-بىرىگە قارىشىپ، مېنى ئىما قىلغىنىچە كۇسۇرلىشىۋاتاتتى. دەل شۇ چاغدا يېقىنلىرىمدىن بىرى دەرھال چىقىپ، يېڭىمدىن تارتىپ: <<ئاداش، سۈزگۈچنى تاقىماپسەن، مۇشۇنداقمۇ بىخەستىلىك قىلامسەن؟>> سۈزگۈچنى ماڭا سۇندى. مەنمۇ كىچىك بالىدەك قىلىق قىلىپ قويغۇنىمدىن خىجىل بولۇپ دەرھال سۈزگۈچنى قۇلىقىمقا سالدىم. دۇمبالاش قايتا باشلاندى......ئۇ توختىماي كۈلگەچ توۋلايتتى: <<مەن رەزىل!!!مەن ئىپلاس!!مېنى ئۇرۇڭلار!! كۆڭلۈم ئازىراق بولسىمۇ ئارام تاپسۇن!!!>>.......مەنمۇ ئۇنىڭ شادىيانە ئىقرارىنى ئاڭلىغاچ، ئادەم دۇمبالىغاننى باشقلار بىلەن بىرلىكتە قانغىچە تاماشا قىلدىم.   مەيدىنىڭ تۈكى بۇ كۆز يەتكۈسىز قۇملۇقتا ناھايىتى جاپادا يۈرۈپ كېتىۋاتاتتۇق. ئېيتىشلارغا قارىغاندا مۇشۇ قۇملۇقتىن كېزى ئۆتسەك، ئاندىن بىر دېڭىزغا ئۇچرايدىكەنمىز. بۇ دېڭىزىن ئۈزۈپ ئۆتسەك ئاندىن مەنزىلگە يېتىدىكەنمىز.... كۈن چىڭقى چۈش بولغاندا ھاۋا ئىسسىپ، ماغدۇر تۈگەپ، ھەممەيلەن ئارام ئېلىشنى قارار قىلدۇق. ئارىمىزدىكى بىرەيلەن توختىماي قاخشايتتى. <<مەن بۇ مەنزىلدى زېرىكتىم!!!...بۇ قۇمدىن!! بۇ قۇياشتىن!! سىلەردىن ھەممەيلەندىن زېرىكتىم!!!!>> ئۇ شۇنداق دېگەچ ئەسەبىلىشىپ، ئۆزىنىڭ مەيدىسىدىكى تۈكلەرنى يۇلۇشقا باشلىدى.....بىزدە ئۇنى بەزلىگۈدەك، ئۇنى تۇتۇۋالغۇدەك ماغدۇر يوق ئىدى. ئاخىرى ئۇ مەيدىسىدىكى تۈكنى پاكىز يۇلۇپ تاشلىغاندىن كېيىن، ھېرىپ قۇملۇققا زوڭلا ئولتۇرۇپ قالدى.... چۈشتىن كېيىن يەنە يولغا چىقتۇق. ھەيران قالارلىق ئىش....ياق..مۆجىزە!....ئاباي مەيدىسىدىكى تۈكنى پاكىز يۇلۇۋەتكەن ھەمرايىمىز قۇملۇقتا خۇددى شامالغا ئوخشاش تېز يۈرەتتى. ئۇ شۇنداق يۈرۈپ بردەمدىلا بىزدىن ئۇزاپ، كۆزىمىزدىن يۈتتى. بۇنى كۆرگەن سەپەرداشلاردىن بىرى ئۇنى دوراپ مەيدسىدىى تۈكلەرنى يۇلۇپ تاشلىۋىدى ئۇمۇ شۇنداق يۈرۈپ كەتتى. شۇنىڭ بېلەن ھەممەيلەن تۇشمۇ-تۇش مەيدىسىنىڭ تۈكىنى يۇلشقا باشلىدى. ھەممەيلەن ئۇزاپ قۇملۇقتا مەن يالغز قالدىم. قولۇم نەچچە مەيدەمگە باراتتىيۇ تۈكۈمنى يۇلغۇم كەلمەيتتى. چۈنكى مېنىڭ مەيدەمدە ئارانلا بەش تال تۈك بار ئىدى. بۇرۇن دائىم باشقىلارنىڭ مەيدىسىدىكى مويدەك تۈكلەرگە قاراپ ھەۋەس قىلىپ، بىچارە تۈكلۈرۈمنى سىپاپ قوياتتىم. جىق سىلىۋەتكەچكە مېھرىم چۈشۈپ قالغان بولسا كېرەك. شۇنداق قىلىپ يۇلايمۇ؟ يۇلمايمۇ دېگەن ئىككىلىنىش بېلەن نەچچە يىل يۈرۈپ، تاقىتىم توشقاندا ئاخىرى دېڭىز يىراقتىن كۆزۈمگە كۆرۈندى. يېقنلاشقانسىرى مەندىن ئۇزاپ كەتكەن ھەمراھلىرىمنىڭ ھەممىسى بىر-بىرلەپ كۆزۈمگە چېلىقىشقا باشلىدى....ئەجىبا ئۇلار مېنى ساقلاپ تۇرغانمىدۇ؟ ياكى بۇ بىرنەچچە يىلدا ئۇلار مەنزىلگە برىپ قايتقانمىدۇ؟.....ئۇلار مېنى كۆرۈپلا ھەممەيلەن ئۇقۇپ بولغان مەخپىيەتلىكتىن مېنى بەھىرلەندۈردى...<<بۇ بىر توزاقكەن...يالغانكەن...بۇ دېڭىزدا ئۆلۈكمۇ لەيلىمەيدىكەن، بۇدېڭىزدا سۇ ئۈزگىلى بولمايدىكەن...مەنزىل يالغانكەن!!>> دېيىشەتتى ئۇلار غەزەپ بىلەن تۇشمۇ تۇشتىن......لېكىن مېنى دېڭىز..ياق..مەنزىل يېنىغا چاقىرىۋاتاتتى. ئۇلارنىڭ سۆزىگە پەرۋا قىلماي، ئىختىيارسىز يۈگۈرۈپ، دېڭىزغا ئۆزەمنى دېڭىزغا ئاتتىم. بۇ ھېسيات بەكلا قالتىس ئىدى. دېڭىزغا شۇڭغۇشۇمغىلا مەيدەمدىكى بەش تال تۈك بېلقنىڭ پالاقچىسىدەك پالاقچىغا ئۆزگىرىپ، سۇدا خۇددى بېلىقتەك ياق بېلىقتىنمۇ تېز ئۈزۈشكە باشلىدىم. قانچىلىك ئۈزدۈم بلمەيمەن ئاخىرى دېڭىز تۈگەپ، شۇنچىلىك گۈزەل...يېقىملىق...ھەيۋەتلىك...ئىۋەنسىز مەنزىل كۆزۈمگە كۆرۈندى. مەنزىلدە مەن يالغۇز ئەمەس ئىدىم. بۇ يەردە مەندىن بۇرۇن كەلگەنلەر خېلى كۆپ بولۇپ، مېنى قۇچاقلاپ تۇرۇپ، مەنزىگە كەلگەنلىكىمنى قۇتلۇقلاتتى. كەينىمگە قارىسام يەنە نۇرغۇن كىشى ناھايىتى تېز ئۈزۈپ كېلىۋاتاتتى. قارىسام مەنزىلگە يېتەلىگەنلىرىمىزنىڭ ھەممىسنىڭ مەيدىمىزدە تۈكىمىز بار ئىدى. مايماق ئىجادىيىتى بۈگۈن ئۈرۈمچىدە يېزىلدى

TAXNAI2

	ھېچكىم دىققەت قىلمىغان تىما ئۈستىدە ئىزدىنىپسىز .....ئويلىنىشقا تېگىشلىك چوڭقۇر مەزمۇنلۇق ئىكەن...

axek13999649893

	نەچچە  قىتىم  .ئوقۇپ  ئاران  چۈشەندىم مۇنبەردىكى  ئىسمىڭىزمۇ   خىلى  يىقىملقكەن ھە

uyghari

	چوڭقۇر مەنىلىك ياخشى تىما ئىكەن.

rabbey

	مەن بەك تەس چۈشەندىم....  ئىسمىڭىز قالتىسكەن

ئاسانەت

	مەنمۇ  نەچچە  قېتىم  ئوقۇسام  بولغۇدەك....

ئاسانەت

	چۈشەندىم....

kamiljantohti

	ئۆزگىچىكەن!

بەرگى

	ھەقىقەتەن ياخشى يىزىلىپتۇ ، بۇرۇن بەك ۋەھىمىلىك ھىكايىلەرنى يازاتتىڭىز ، مۇمكىن بولسا مۇنبەردىن ئۈزۈلۈپ قالمىسۇن ،

ana

	ھەجەپ تەستە چۈشەندىم ، مەنىلىك مىكرولاركەن.....رازۋېتكا ھىكايىلىرىنىمۇ يوللاپ قۇيۇڭ مۇنداق،ئۇزۇن بولدى  پ بىر گە ئوخشاش ئەسەرلەرنى ئوقۇمىغىلى.....