ھىجران

Azizan

	ھىجران يارىم شەھلا كۆزۈڭگە بېقىپ، كۆرگەن ئۇندا سۆيگۈ سىماسى . قۇلىقىمنى كۆكسۈڭگە ياققان، كەلگەچ ماڭا ۋىسال ساداسى. يارىم گويا قۇياشتەك ئىسسىق ، ئېرىپ كەتسەم ھارارىتىڭدە . ئارزۇيۇمسەن ھاياتتا بىرلا ، ئۆتسەم مەڭگۈ پاراغىتىڭدە . يارىم ئۈمىد ئۈزۈلدى ئەمما ، پاك سۆيگۈگە چۈشكەن چاغدا داغ . زۇلمەت باستى شەھلا كۆزۈڭنى ، ئارىمىزنى توستى تىلسىم تاغ . كىچىك ئىشلار چوڭىيىدىكەن ، زەررە گۇمان بۇزدى ۋىسالنى . ياكى شۇنچە ئاجىزمۇ سۆيگۈ ، كۆزلىسەكمۇ شېرىن نىشاننى . چۈشەندۈرمەك تەس كەلدى ئەجەب ، شۇنچە يېقىن غەمگۈزارىمغا . قايتا يېتىش چۈش بولدى ئەمدى ، سېنىڭ ئىللىق پاك دىدارىڭغا . ئادەم دېگەن ھۆل نەرسە دەيدۇ ، كۆيمەس ئەرمىش كۆيەك ئوتىدا . كۆيدۈم كۆيدۈم گۈلخانچە ياندىم ، قىلدىم زەئىب ھىجراندىن نىدا . بىر خاتالىق بىر كۈنلۈك ئاچچىق ، دەسسەيدىكەن مېھىر ئۈستىگە . بىر كىشىدە قانچىلىك ئۆمۈر ؟ ئەمما كەتكەن يانماس كەينىگە . يانمىساڭمۇ يانمىغىن پەلەك ، ئۇن تاسقىغىن ئېزىپ يۈرەكنى . ئارزۇيۇم يار بەختلىك بولغىن ، سۆيمىگەنمەن سەندىن بۆلەكنى . يەنە بىر رەت ئىزھار قىلغۇم بار ، سۆيمىگەنمەن سەندىن بۆلەكنى . 2014-يىلى 16-ئىيۇل قەشقەر

99sahrayi99

	دۇتار بىلەن ناخشا قىلىپ ئوقۇۋالغان شېئىر بوپتۇغۇ! ياخشى يېزىپسىز،  ھارمىغايسىز!..

XAHZAD

	بىر خاتالىق بىر كۈنلۈك ئاچچىق ، دەسسەيدىكەن مېھىر ئۈستىگە . بىر كىشىدە قانچىلىك ئۆمۈر ؟ ئەمما كەتكەن يانماس كەينىگە . شىئىرىڭىزنىڭ بۇيەرلىرى مىنىڭ قىلغان پۇشايمانلىرىمنىڭ نەخ ئۈزۈكەن . ياخشى چىقىپتۇ . داۋاملىق ئالغا

alenur

	شەھلا كۆزۈڭگە باقتىم شەھلا دەيدىغۇ باشقا مۇنبەردىكى ئىسمىم شەھلاتى ھاھا

axek13999649893

	يايرىم گويا قۇياشتەك ئىسسىق ، ئېرىپ كېتەي ھارارىتىڭدە . ئارزۇيۇمسەن ھاياتتا بىرلا ، ئۆتسەم مەڭگۈ پاراغىتىڭدە

بەرگى

	گۇناھ ھىجرانلىرى ...........

TAXNAI2

	يانمىساڭمۇ يانمىغىن پەلەك ، ئۇن تاسقىغىن ئېزىپ يۈرەكنى . ئارزۇيۇم يار بەختلىك بولغىن ، سۆيمىگەنمەن سەندىن بۆلەكنى . يەنە بىر رەت ئىزھار قىلغۇم بار ، سۆيمىگەنمەن سەندىن بۆلەكنى . بەك ھىسياتلىق يېزىپسىز ...قەلەملىرىڭىز توختاپ قالمىغاي...

nazpari

	يايرىم = ياير+ىم يارىم = يار + ىم يايرىم ئەمەس يارىم...... بەلگىلىك تەسىر كۆرسىتىدىغان خەتلەردە دىققەت قىلغايسىز.

Azizan

	nazpari يوللىغان ۋاقتى  2014-7-16 06:29 PM يايرىم = ياير+ىم يارىم = يار + ىم ماقۇل

hokumran

	ئەزىزان ئەپەندى: شېئىرىڭىزدا ۋىسالدىن كېيىنكى ھىجران ئازابىدا پۇچۇلانغان، بىر يۈرەكنىڭ ئۆز يارىنى سېغىنىش ھېسسىياتى ناھايىتى ياخشى ئىپادە قىلىنىپتۇ.   ئايرىلغانغا بەخت تىلەپ بولغاندىن كېيىن، ئەمدى كەچكىچە شۇ يارنىڭ ئىشقىدا مەيدىنى زەي يەرگە چاپلاپ، كەچكىچە قوشاق توۋلاپ، يىغلاپ يۈرۈۋەرمەي ۋاپادار ھەمراھتىن بىرنى تاپىلى. بولمىسا ساقال يەرگە تېگىپ قېلىپ قىزلار ياراتماي قالمىسۇن يەنە.(چاخچاق) كېيىنكى ئىجادىيىتىڭىزگە تېخىمۇ زور ئۇتۇق تىلەيمەن.