دىۋانە بۇۋاينىڭ ئويلىرى

ئامانسا

	چاچلىرىم پاخپايغان،نۇرسىز كۆزلىرىم ياشاڭغۇرغان،كىيىملىرىم يىرتىلىپ جۇلجۇل بۇلۇپ كەتكەن ھالدا كىتىۋاتىمەن،يانۋارنىڭ سوغوق شامىلىدىن تەنلىرىم جۇغۇلداپ،چىشلىرىم جاقىلداپ ،قەدىمىمنى ئاران دىگەندە يۆتكەپ،بىرقەدەم يەرگە ئىككى قېتىم دەسسەپ مېڭىۋاتىمەن. توۋا... ئادەم قېرىغاندا شۇنداق بۇلۇپ قالىدىغان ئوخشايدۇ.ياش ۋاخلىرىمدا ئەمگەك دىسە تالىشىپ تۇرۇپ قىلدىغان چەبدەس يىگىت ئىدىم،ئەمدى يولنىمۇ جايلاپ ماڭالمايدىغان بۇلۇپ قالدىم.جۆرەمدىن ئايرىلىپلا كىسەل چىرمىۋالدى،ئۇزۇن ئۆتمەي دۇنيالىقتا بىردىن-بىر ئوغلۇمنى باشقىلار قەسلەپ ئۆلتۈرۋەتتى.يۈركۈم دەرت-ھەسرەتتىن تىتما-تىتما بۇلۇپ كەتتى.ماغدىرۇمدىن كەتتىم،تۇلا يىغلاپ كۆزلىرىمنىڭ نۇرىمۇ تۈگىدى.كۈن ئالمىقىممۇ تەس،مەندەك بىر پۇتى گۆرگە ساڭگىلىغان قېرىنى كىممۇ خىزمەتكە ئىشلەتسۇن،ئەينى چاغدا ئاشۇ مىھرى ئىسسىق جۆرەمنىڭ گىپىگە كىرىپ شەھەرگە يېنىپ كىرىپتىكەنمەن،مانا ئەمدى تېراي دىسەم ئالقانچىلىك يېرىممۇ يوق،ھەي ..... نېمە ؟ ھۆكىمەت ياردەم بىرىدۇ دەمسىز؟ جاھاننىڭ ئىشلىرىنى كىممۇ بىلگەن؟ بىزدەك ئاجىزلارغا ياردەم بىرىدىغان تۈۋەن تۇرمۇشنىڭ 60يۇەن ياردەم پۇلىنى يۇلى بار باي غۇجاملا ئېلىپ بۇلۇپ بىزگە كەلگەندە تۈگەپ كىتىپتۇ . سەۋەبىنى سورىسام بالدۇر كىلىپ ئېلۋالمىغان گۇناھ مەندىكەن،بوپتۇ دەپ لىۋىمنى چىشلەپ يېنىپ چىقتىم. ئەمدىلىكتە خۇدايىم بەرگەن ئىككى قولۇمنى ئېگىز كۆتۈرۈپ كىشىلەرنىڭ ئىشىكى ئالدىغا بېرىپ نان تىلەپ يەيدىغان ھالغا چۈشۈپ قالدىم.چۈنكى ماڭا كىرەكسىز بولسىمۇ جېنىم تاتلىق-تە. مېڭىۋىرىپ پۇتلۇرۇم ئاغرىپ كەتتى،بىر دۇكاننىڭ يېنىدىكى تام تۈۋىدە تۈگۈلۈپ ئولتۇردۇم،يولدىن ئۆتكەن كەچكەنلەرگە خۇددى نىجات يۇلتۇزۇمغا تەلمۈرگەندەك تەلمۈرۈپ قاراۋاتىمەن،ماڭا سەل ئىچى ئاغرىغانلىرى يانچۇقىدىن پارچە پۇللىرىنى ئېلىپ ئالدىمغا تاشلاپ قويۇپ ئۆتۈپ كىتىدۇ،قولۇمنى ئېگىز كۆتۈرۈپ ئۇلارنىڭ قارىسى يۈتكىچە دۇئا قىلىپ كىتىمەن.....‹خۇدايىم،شۇلارنىڭ بەختىنى بىرەسىز...ئامىن›...  شۇ ئەسنادا بىر ئۇماق قىز كىچىك سومكىسىنىڭ يانچۇقىدىن بىر يۇەن پۇلنى ئېلىپ ئالدىمغا تاشلاپ قۇيۇپلا يۈگۈرۈپ ئاپىسىنىڭ قېشىغا بېرىۋالدى،‹چىرايىم شۇنچە قورقۇنۇشلۇق بۇلۇپ كەتكەن بولسا كىرەك،بۇقىزمۇ قورقۇپ كىتىۋاتىدۇ..›دەپ ئويلىدىم ئىچىمدە،شۇلارنى ئويلىغاچ قولۇمنى ئېگىز كۆتۈرۈپ بۇ ئۇماق قىزغا دۇئا قىلدىم،تۇساتتىن پۇزۇر كىينىۋالغان ئاپىسىنىڭ قىزىغا نەسىھەت قىلغان سۆزلىرى قۇلقۇمغا كىرىپ قالدى،‹بالام قارا ماۋۇ ئادەمگە،نىمدىگەن بىچارە؟ كىيىملىرىنىڭ مەينەتلىكىگە قارا،ھازىر ياخشى ئوقۇمىساڭ باغۇ،كىيىن مۇشۇ ئادەمدەك كۈنگە قالىسەن،شۇڭا ياخشى ئوقىغىن جۇمۇ ئاپپاق بالام ...› شۇنداق دىگەچ يەرگە چىڭ-چىڭ دەسسەپ ئالدىمدىن ئۆتۈپ كەتتى،بۇگەپنى ئاڭلاپ ئىچىم ئاچچىق بۇلۇپ،بوغۇزۇمغا بىرنەرسە كەپلىشىپ قالغاندەك بولۇپ كەتتى،ياشاپ يۈرگىنىمنىڭ ئۆزۈمۇ گۇناھمۇ نىمە؟ دەپ ئويلاپ قالدىم. مەنبە:ئۆز ئىجادىيتىم

باشتۇغ

	ياخشى ئۇقۇسىلا باي-باياشات ياشامدا ؟ بەك مەزمۇنلۇق تېمىكەن ، ئەجرىڭىزگە رەھمەت .

oygurum

	مەزمۇنى بەك  چوڭقۇركەن .      تېما  يوللىغان  قېرىنداشلار     ئېغىز تىلىدا  ئىشلىتىلدىغان    « يۈرۈكۈمنى  »     يېزىغىمىزدا    ئىشلەتمىسەڭلا   بەكلا  ياخشى  بولاتتى  ..    تېما  يوللىغان   90  پىرسەنت   ئادەملەر   يۈرۈكۈم  دەپ   ئالىدىكەن  ..  توغرىسى   « يۈرىكىم  »    مۇشۇ  تەرەپكە  دىققەت   قىلساق   ياخشى  بولاتتى ..

sanjay

	ياخشى يازمىدىن بىرنى ئەكەپسىز    مۇشۇنىڭ بىلەن يوقاپ كەتمەي    داۋاملىق  يېزىپ تۇرۇڭ جۇمۇ       بولمىسا بىلىسىزغۇ   رېھىم قاننى

ئامانسا

	sanjay يوللىغان ۋاقتى  2014-7-15 10:33 PM ياخشى يازمىدىن بىرنى ئەكەپسىز    مۇشۇنىڭ بىلەن ي ... ھەماقۇل  ئاللا خالىسا  ئۈزۈپ قويمايمەن.ئىلھام بەرگىنىڭلارغا رەھمەت

mehriya

	تەربىيىۋى ئەھمىيىتى بار ئەسەر ئىكەن . نېمە دېگىلۇك ، كۈچ مادارى بار چاغدا كېيىنكى مۇشۇ كۈنگە قالماي دەپ ئويلىغان بولساق ، قۇرساقنى بېقىش ئۈچۈن تېرىشىپ باققان بولساق بەلكىم كوچا -كويلاردا بىچارىلەرچە يۈرمىگەن بۇلار ئېدۇق . كىم دەيدۇ ئادەمنى تۇغۇلىشىدا باي ھەم نامرات دەپ زۇۋۇلىسىنى ئۈزۈۋەتكەن دەپ ! گەپ ئۆزىمىزدە ! تېرىشقان تاپار دەپتىكەن ، ھالال يەپ ، ھارام كۈچىمىزنى ھالال ئىشلارغا سەرىپ قىلىپ ھاياتنىڭ دوقمۇش دوقمۇشلىرىدا مۈدۈرلۈسەكمۇ ،تىز پۈكمەي ، بوشاشماي ئالغا قاراپ ماڭغان بولساق ، بەلكىم تېمىدىكى پېرسۇناژدەك ھالغا قالمىغان بۇلاتتۇق . ئاتا -ئانىسىنى ئاشۇنداق كوچىغا تاشلاپ قويغان پەرزەتنلەردىنمۇ ئاغرىنىپ يۇرمىدىم . چۈنكى ئالا قويرۇقنىڭ بالىسى چالا قويرۇق دەپتىكەن . تەربىيە ھەي تەربىيە ...

yagaqqi

	بۇ دۇنيا بىر ئۆتەڭ ، بۇ ئۆتەڭگە بايمۇ كىلىدۇ ، نامراتمۇ كىلىدۇ .

uyghari

	تەربىيىۋىي ئەھمىيەتكە ئىگە بولغان ياخشى تىمىنى يوللاپسىز، قەلىمىڭىز توختاپ قالمىسۇن.

99sahrayi99

	بىر دەمدىلا تۈگەپ قالدىمۇ؟.. نىمانداق تېز!.. ئەمدى ئوقۇي دەپ تۇرۇشىمغىلا! .. ياشانغاندا بېرىدىغان 60 يۈۋەن پۇلنىمۇ يەنە شۇ پۇلى بار، يولى بار باي غۇجاملار ئېلىپ بوپتۇ. سەۋەبىنى سورىسام......

mastana888

	mehriya يوللىغان ۋاقتى  2014-7-15 10:50 PM تەربىيىۋى ئەھمىيىتى بار ئەسەر ئىكەن . نېمە دېگىلۇك ، كۈ ... ھازىرقى بىر قىسىم ياشلىرىمىزغا نىمە دىسەك بولاركىن