توي

ئامانسا

	بۈگۈن نەۋرە ئاچامنىڭ تويى بولغاچقا ئۆيدىكىلەر بىلەن بىللە رىستۇرانغا باردۇق.ئادەملەر بەك كۆپ ئىدى.   چوڭلار مىھمان كۈتكىلى چىقىپ كەتتى.مەن باشقا بىر ئۇستەلدە تونىمايدىغان ئاپاشلار بىلەن ئولتۇردۇم.بۇلار ئۆزلىرىنىڭ پاراڭلىرى بىلەن بەنىد ئىدى.بىرەرسىنىڭمۇ ماڭا قارىغۇدەك كۆزى يوق.ئۇلارغا تەپسىلى سەپ سالدىم.ئۇلارنىڭ بىردىنبىر ئورتاقلىقى ھەممىسىنىڭ ئالتۇن زىبۇ-زىننەتلىرى كۆزنى قاماشتۇراتتى.‹ئاللا،ماۋۇلارنىڭ ھەممىسى بەك بايمۇ نىمە؟ سەت تۇردۇ دىمسە كىيىملىرىنىمۇ ئالتۇندىن ياستىۋالار ئىكەن...›دەپ ئويلاپ قالدىم.ئۇلارنىڭ چىرايىدىكى قېنىق گىرىملىرى چىرايىغا ماس كەلمىگەن ھالدا پارقىراپ تۇراتتى.   بىردەم ئولتۇرغاندىن كىيىن زىرىكىش ماڭا چاڭگال سالدى.ئەتراپىمغا قارىدىم.رىستۇراننىڭ ئىچىنى توزدەك ياسنىۋالغان خانقىزلار،تۇلپار كەبى يىگىتلەر قاپلىغان ئىدى. بىزنىڭ ئۈستەلنىڭ يېندىكى ئۈستەلدىمۇ ئاپاشلار بار ئىدى.ئۇلارغا قارىدىم.ئۇلارمۇ مۇشۇ ئۈستەلدىكى ئاپاشلاردەك ئورتاقلىققا ئىگە ئىدى.توساتتىن كۈزۈم تونۇش بىر چىراينى كۆرۈپ قالدى.ھە....دەل ئۇ...ئۇ ئۈلۈشكۈن بىزنىڭ ئۆيگە كەلگەن،ئانام ئاخشام تېخى ئۇنىڭ گىپىنى قىلغان.ھە..توغرا، دەل شۇ...ھېلىقى ئانامنىڭ دوستى بۇخەلچەم ئاپاش...   ئۇنۇ تونىماي قالغىلى تاس قاپتىمەن.بوينىدىكى يوغان گىلاپكىلىق ئالتۇن زەنجىر،تۆت بارمىقىغا سېلىنغان يوغان گۈللۈك ئالتۇن ئۈزۈك،ئىككى قولىغا ئىككىدىن سېلىنغان يوغان ئالتۇن بىلەيزۈك،ئۇچىسىغا كەيگەن داڭلىق ماركىلىق كىيىم،يۈزىگە قىلىنغان قېنىق گىرىم ئۇنى باشقىچىلا ئادەم قىلىپ قويغان ئىدى.چۈنكى ئۇ ئادەتتە ئانچە بەك گىرىم قىلمايتى.يولدىشى بىلەن ئىككىلىسىنىڭ مۇقۇم خىزمىتى بولمىغاچقا ئائىلە شارائىتى ئانچە ياخشى ئەمەس ئىدى.تېخى ئۈلۈشكۈن بىزنىڭ ئۆيگە ئانامدىن پۇل سوراپ كەلگەن ئىكەن...‹توۋا،پۇلى بار ئادەم نىم قىلدىغاندۇ پۇل سوراپ؟› دەپ ئويلىدىم ئىچىمدە.ئۇنىڭغا قايتا سەپسالدىم،قولىقىدىكى ئۈچ يەرگە سېلىنغان ئالتۇن ھالقىغا قاراپ يەنە بىر قېتىم ھەيران قالدىم...‹بۇلار بىزگە بىلدۈرمىگەن بىلەن ھال ئەھۋالى ياخشىكەندە...›دەپ ئويلىدىم.   قۇيۇشماق قۇيلۇپ بولغاندىن كىيىن ئانامنىڭ يېنىغا چىقتىم.بايىقى تۇنۇش چىراينى يانا بىر قېتىم كۆردۈم.ئاپام بۇخەلچەم ئاپاش بىلەن پاراڭلىشۋاتاتتى.يۈگۈرۈپ ئانامنىڭ يېنىغا باردىم.كۆزلىرىم يانا شۇ بۇخەلچەم ئاپاشنىڭ ئۈستى-بېشىدا.ئۇنىڭ كۆزلىرىگە قارىغىنىمدا كۆزلىرىدىكى مەنسىتمەسلىك،ياراتماسلىق ئۇچقۇنلىرىنى كۈرۈپ قالدىم.ئانامغا قارىدىم،ئانامنىڭ ئۇنىڭكىدەك ئالتۇن جابدۇقلىرى يوق ئىدى.گىرىممۇ قىلمايتى.كىينىشى ئاددى ساددا ئىدى.بۇخەلچەم ئاپاشقا غەزىپىم قوزغالدى. ــــ مەن ماڭاي ئامىنەم،ئالدىرايتىم -دەپ ماڭدى بۇخەلچەم ئاپاش ئانام بىلەن خوشلىشىپ.ئۇنىڭ كۆزلىرىدىكى مەسخىرە تېخىچە يوقالمىغان ئىدى.ئۇنىڭغا نەپرەتلىك قارىدىم،قارىدىم يۇ كۈلگۈم كەلدى.داڭلىق ماركىلىق كىيمىنىڭ يوشۇرۇپ قويغان ماركىسى كۆينىكىنىڭ بوينىدىن چىقىپ قالغان ئىدى.شۇندىلا ھەممە ئىشنى چۈشەنگەندەك بولدۇم ۋە مەسخىرىلىك كۈلۈپ قويدۇم. مەنبە: ئۆز ئىجادىيتىم.

بەرگى

	شۇ گىرىم قىلغان ئاياللار باشقىلارنىڭ كۆز خوتىنى بولۇشتىن گۇناھكارلاردىن بولۇشتىن قوقمامدىغاندۇ ؟ مۇشۇنداق ئەھۋاللارنى ئۆزگەرىتسەك بولاتتى .

sargarda

	ياسانچۇق   خۇتۇنلارنىڭ   ئەرلىرى   چاتاقمىكىن ...

aa0998

	بەرگى يوللىغان ۋاقتى  2014-7-14 01:06 PM شۇ گىرىم قىلغان ئاياللار باشقىلارنىڭ كۆز خوتىنى بولۇش ... گىرىم قىلمسا ئەر ئالمايدىغاندەك گاھى قىزلار توي كۈنى بوياقچىنىڭ تۇڭدىن چىقاندەك بولۇپ كىتىدىكەن. ئادەمنىڭ چېرايلىقغا گىرىم كەتمەيدۇ،

nurjahan0997

	ماركىسى چىقىپ قالغان بولسا ئىجارىگە ئالغان كىيىممۇ نېمە ھە؟؟؟

باشتۇغ

	sargarda يوللىغان ۋاقتى  2014-7-14 01:29 PM ياسانچۇق   خۇتۇنلارنىڭ   ئەرلىرى   چاتاقمىكىن ... توغرا دەپسىز .مەنمۇ شۇنداق ئويلايمەن .

halisman

	نىمە كەپتۇ ياسانچۇقلۇق قىلىپ ، سولەتۋازلىق قىلىپ ،،،،،، ھەي توۋا

axek13999649893

	ماركىسىنى  ئىلۋەتمىسە  كىيىنكى  قىتىم  كىيگەندە  يىڭى  پىتى  تۇرا

ئامانسا

	nurjahan0997 يوللىغان ۋاقتى  2014-7-14 03:53 PM ماركىسى چىقىپ قالغان بولسا ئىجارىگە ئالغان كىيىممۇ نې ... ھەئە  ئىجارىگە ئالغان كىيىم...

666888

	توۋا شۇنداقمۇ ئادەملەر با ھە...ئاللاھ ئاتا قىلغان بىر ئوبدان چىراينى نىمە قىلدغاندۇ بۇزۇپ