تۇرمۇش دوقاللىرىدا

99sahrayi99

	تۇرمۇش دوقاللىرىدا تىنەپ تۇرمۇش دوقاللىرىدا، چاپتىم بولۇپ گۇياكى كارۋان. گاھى چاغدا ئۇتۇق قازاندىم، ئاشتى لېكىن بىر تالاي ئارمان. سۆزلىرىممۇ راس ئەمەس تولۇق، ئانچە-مۇنچە ئارلاشتى يالغان. گاھى تەقۋا، نامازخان بولسام، بەزىدە باش كۆتەردى ئىسيان!.. دوستلىرىمدىن دۈشمەنلىرىم كۆپ، ھارماي  ماڭا قورىدۇ قاپقان!. .. بىراق ئىگەم ساقلىغاچ مېنى، خەتەرلەردىن قالدىم تىنچ-ئامان. قەستلىگەنگە پەسلەپ كەتمىدىم، ئۈمىد ھەمرا ماڭا ھەر قاچان. ئېزگۈلۈككە تەشنا يۈرىكىم، تومۇرۇمدا ئاقىدۇ ۋىجدان!.. جېنىمنى جان ئېتىش كويىدا، گاھى بولدۇم شىر يۈرەك پالۋان. بەزى ياۋاش تۇردۇم شۈمشىيىپ، ھېچنىمىنى چۈشەنمەس گالۋاڭ!.. ئۆتتۈم شۈكرى، قانائەت بىلەن، يوقسىزلىقتىن ئىچسەممۇ تالقان. پۇل تاپقاندا ئېشىۋالمىدىم!..   ھامان ئوچۇق ئەل ئۈچۈن ئالقان. كېلىپ- كېتەر بارچە مەخلۇقات، لېكىن كۆپكۆك تۇرىدۇ ئاسمان. پىلمۇ، كىتمۇ يوقىلار ھەممە، تۈگىگەندە بېرىلگەن ئىمكان!.. شۇنداق، ھايات بەكلا قىسقىكەن، پۇت- قولۇمدا قالمىدى دەرمان!. ئەجەل ئەگىپ يۈرەر بېشىمدا، كۈتۈپ ئاللاھ ئىگەمدىن پەرمان! مەنبە:  ئۆز ئىجادىيىتىم

vukux

	‏‏ھە ياخشى چىقىپتىغۇ .

nazigul8

	قەستلىگەنگە پەسلەپ كەتمىدىم، ئۈمىد ھەمرا ماڭا ھەر قاچان. ئېزگۈلۈككە تەشنا يۈرىكىم، تومۇرۇمدا ئاقىدۇ ۋىجدان!.. ئېزگۈلۈككە دىگەن سۆزنى ھىساپقا ئالمىغاندا،  يۇقۇرىدىكى ما بىر كوبلىت شېئىرىڭىز ماڭا بەك ياقتى، بۇ بىر كوبلىت بەك ياخشى چىقىپتۇ. لېكىن، ئۆتتۈم شۈكرى، قانائەت بىلەن، يوقسىزلىقتىن ئىچسەممۇ تالقان. دىگەن مۇنۇ ئىككى مىسرانى يەنە ئىشلەپ باقسىڭىز قانداكىن، چۈنكى ئارمان تالقىنى ئانچە ئەزانمۇ ئەمەس ھازىر، شۇڭا شېئىرىڭىزدىكى «مەن» كۈندە تالقان ئىچكەن بوسا، يوقسۇل ئەمەسكەنغۇ.

99sahrayi99

	باشتىن- ئاخىرى ئوخشاش قاپىيە كەلتۈرىمەن دەپ شۇنداق بولۇپ قالغان چېغى، سىز دېگەن ئارمان تالقىنى بولماستىن،  ئەينى چاغلاردىكى تېرىق تالقىنى كۆزدە تۇتۇلغان. توغراچۈشىنىشىڭىزنى ئۈمىد قىلىمە! ...

باشتۇغ

	ياخشى يېزىلىپتۇ ، داۋاملىق يوللاپ تۇرغايسىز . ئاپتۇر دىگەن ‹ تالقان › ھازىرقى ئارمان تالقىنى بولماستىن بەلكى بىز تۇغۇلمىغان ۋاقىتلاردا كەمبىغەللەر يەيدىغان بىرخىل يىمەكلىك .

nazigul8

	مەن بۇ شېئىرىڭىزنى ھازىرقى ۋەقەلىكنى يازغان ئوخشايدۇ دەپ قاپتىمەن، ئەينى ۋاقىتلاردىكى تالقانلارنى بىلمەيدىكەنمەن. شۇڭا خاتا چۈشەنگەن خاتالىق مەندىن ئۆتۈپتۇ. ياخشى ئەسەرلىرىڭىز بوسا داۋاملىق يېزىپ تۇرۇڭ ئەمىسە.

uyol

	قاپىيە قوغلىشىپ قاپسىز، ئىجادىيىتىڭىزگە ئۇتۇق تىلەيمەن

Samira120

	جېنىمنى جان ئېتىش كويىدا، گاھى بولدۇم شىر يۈرەك پالۋان. بەزى ياۋاش تۇردۇم شۈمشىيىپ، ھېچنىمىنى چۈشەنمەس گالۋاڭ!. ناھايتى مەزمۇنلۇق يېزىلىپتۇ تۇرمۇشنى يىزىپسىز

mehriya

	قەلەم كۈچىڭىزگە قايىلمەن . ئۆتتۈم شۈكرى، قانائەت بىلەن، يوقسىزلىقتىن ئىچسەممۇ تالقان. پۇل تاپقاندا ئېشىۋالمىدىم!..   ھامان ئوچۇق ئەل ئۈچۈن ئالقان. بۇ قۇرلارنى تولىمۇ ياقتۇردۇم ، ئادەم دېگەن باي بولغاندا ئاۋامنى ئۇنتۇپ قالماسلىق كېرەك .

99sahrayi99

	ياقتۇرغىنىڭىزغا رەھمەت!..