ئۇيغۇرۇمنىڭ چوڭلىردىن-مۇھەممەد سالىھقا ئاتاپ

arbabbiz

	ئۇيغۇرۇمنىڭ چوڭلىرىدىن-ئەللامە شەيىخ، مۇھەممەد سالىھقا ئاتاپ. ناھايىتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن. ئالىم بولدۇڭ مىللەتتە سالىھ ئوغلى مۇھەممەد، مەشئەل بولدۇڭ زۇلمەتتە سالىھ ئوغلى مۇھەممەد. بىز قالغاندا غەپلەتتە سالىھ ئوغلى مۇھەممەد، سېنىڭ غېمىڭ ئۈممەتتە سالىھ ئوغلى مۇھەممەد. بىز تۇرىمىز ھۆرمەتتە سالىھ ئوغلى مۇھەممەد. دەستۇرىنى ئۈممەتنىڭ ئۆزلەشتۈرۈپ يەشتىڭغۇ، ئىلىم ئېرپان دېڭىزدا مەنزىل تامان كەشتىڭغۇ. تاغ بولسىمۇ مۈشكۈلۈڭ ئاسان بىلىپ تەشتىڭغۇ، ئالىم بولۇش مىللەتنىڭ خوشاللىقىڭ بەختىڭغۇ. قالدۇق بىزلەر ھەيرەتتە سالىھ ئوغلى مۇھەممەد. يىشىپ قۇرئان مەناسى ئاچتىڭ تالاي سىرلارنى، كالامىغا ئاللاھنىڭ مەپتۇن قىلدىڭ دىللارنى. ئىلىم ئېرپان بېغىدا كەزدىڭ نۇرغۇن يىللارنى، ئۆز تىلىدا سايراتتىڭ نۇرغۇن مەسۇم تىللارنى. ياشاپ كەتتىڭ غەيرەتتە سالىھ ئوغلى مۇھەممەد. پاساھەتلىك زەر تىلىڭ قامۇسۇڭدا چاقنايدۇ، قامۇسۇڭدىن بۇ دىللار شادلىنىدۇ ياشنايدۇ. ئالىم بولۇپ ئەۋلادىڭ ئەل كۆكىدە پارلايدۇ، ئىلىم ئەھلى ئىلمىڭگە سېغىنىدۇ قانمايدۇ. سېنىڭ تىلىڭ لۇغەتتە سالىھ ئوغلى مۇھەممەد. رۇقىيەلەر مىللەتنىڭ شىپا بولدى قەلبىگە، سېنىڭ بىلەن بۇ مىللەت كۈلۈپ باقتى ئەتىگە. ئون ئالىمنىڭ بىرىسەن يەتسەك تېگى تەكتىگە، ئالىم بولۇپ يارالدىڭ بۇ ئۈممەتنىڭ بەختىگە. ھەمراھ بولدۇڭ قىسمەتتە سالىھ ئوغلى مۇھەممەد. يۈسۈپ مەھمۇد بوۋاملار قۇياشىدۇر مىللەتنىڭ، ئابدۇقادىر خالىقلار قۇربانىدۇر قىسمەتنىڭ. ئاپئاق غوجا خائىنلار مەھسۇلىدۇر زۇلمەتنىڭ، سەن قەۋىمنىڭ ئالىمى ساھىبى سەن ھۆرمەتنىڭ. ئاللاھ بەرگەن نىئمەتتە سالىھ ئوغلى مۇھەممەد. كەزدىڭ نۇرغۇن جاھاننى ئىلىم بولدى مەقسىتىڭ، ئوقۇ ئوقۇتۇش ئىشلىرى ئالى بولدى خىزمىتىڭ. ئاشتى كۈندىن كۈنىگە ئەل ئالدىدا ئىززىتىڭ، ئەمەللەردە ئەزەلدىن رەب رىزاسى ئىزلىدىڭ. ئورنۇڭ بولسۇن جەننەتتە سالىھ ئوغلى مۇھەممەد. شەيىخ بولدۇڭ سەبىيدىن نەتىجەڭ بار ۋە لېكىن، سەندەك ئالىم كۆپەيسە نۇسرەت بىزگە بەك يېقىن. ياشنىپ قالدىڭ ئۆزۈڭمۇ ھايات شۇنداق تېز ئېقىن، ئاللاھىمدىن تىلەيمەن ساڭا جەننەت ھۆر ئەيىن. بولالمىدۇق خىزمەتتە سالىھ ئوغلى مۇھەممەد. ئاپتور:سۈزۈك سۇ ئىلاۋە: ئەللامە شەيىخ مۇھەممەد سالىھنىڭ، ئۆمرىنىڭ ئۇزۇن بولشىنى ئاللاھدىن تىلەيمەن. ئىشلىرغا ئاسايىشلىق،خىزمەتلىرگە ئۇتۇق تىلەيمەن. ھەم بارلىق ئىلىم سۆيەر، ئوقۇغۇچىلار نامىدىن، ئۇستازغا چەكسىز ھۆرمىتىمنى بىلدۈرمەن.   ئاللاھ ھەممىمىزنى ياخشىلىقتا بىللە قىلغىن. ھەق يولىدا مۇستەھكەم قىلغىن، ھەممىمىزگە مۇۋەپپىقىيەت ئاتا قىلغىن.......... ئامىن! ! !

arbabbiz

	باشقۇرغۇچىلارنىڭ تېمىغا  داموللامنىڭ رەسىملىرنى قىستۇرۇپ قويشىنى ئۈمۈد قىلمەن. ھەم شېئىرنى ئوتتۇرغا ئەكەپ قويغان بولساڭلار. ئاللاھ رازى بولسۇن.

axek13999649893

	خىلى  بىر كىشىلىك ھۆرمىتىم  با بۇ كىشىكە 2يىلنىڭ  ئالدىدا ئۈرۈمچىدە بىر تويدا  دىدارلاشقانتىم ئىككى ئىغىز ھەق گەپ قىلىۋىدى   ئۇسۇل ئوينىغان چوكانلا يغىغا چۈشتى ھەقىقەتەن قايىلمەن بۇ كىشىگە اللە  تىننى  سالامەت    ئۆمرىنى ئۇزۇن قىلسۇن

XAHZAD

	ئۇلۇغ ئاللا ئىگەم ئۆز پانايىدا ساقلىسۇن

471918300

	ئاللا  تېنىنى سالامەت  ئۆمرىنى  ئۇزۇن قىلسۇن .

musilina

	ناھايىتى ياخشى يېزىپسىز.... مۇھەممەد سالىھ  داموللامنىڭ ئۆمرىنىڭ ئۇزۇن بولشىنى ئاللاھدىن تىلەيمەن.....

dolanlik11

	ئاللاھتىن ئالىمىمىزغا ئۇزۇن ئۆمۈر،سالامەتلىك تىلەيمەن!!!!!!!!!!!!!!!!

kurax099

	ھەقىقەتەن ھۆرمەتكە سازاۋەر ئالىم. اللە سالامەت قىلسۇن.

afifa520

	ياخشى يىزىپسىز ئاللاھ رازى بۇلسۇن