تېلېفون

پادىشاھ

	تېلىفون                                     (ھېكايە)                             پەرھات جەمشىت ئاپتوبۇسنىڭ بېكەتتە توختىشى بىلەن ئىككىيلەن چىقىپ كېلىشتى.ئۇلارنىڭ  بىرى  كىرلىشىپ كەتكەن كۆينەكنىڭ ئۈستىگە رېڭى ئۆچۈپ  كەتكەن كونا كاستىيوم،پۇتىغا ياماق چۈشكەن  شىبلىت كىيگەن ، قولىدا كونا خالتا كۆتۈرۈۋالغان، بەدىنىدىن ئاچچىق تەرنىڭ ھىددى كېلىپ تۇرىدىغان، ئوتتۇرا ياشلىق قاڭشارلىق،چاچلىرىغا ئارىلاپ ئاق سانجىغان،قارامتۇق،ئۇرۇق بىچارە چىراي كىشى ئىدى.ئۇنىڭ چىقىپ كېلىشى بىلەن بەزىلەر ئارقا تەرەپكە مېڭىشسا يەنە بەزىلەر،بۇرۇنلىرىنى ئىتىشىپ نېمىلەرنىدۇر پىچىرلاشقا باشلىدى،ئۇ قولىدىكى خالتىنى ئورۇندۇق يېنىغا ئاۋايلاپ قويغاندىن كېيىن،قورۇنغان قىياپەتتە نۇرسىز كۆزلىرىنى ئاپتۇبۇستىكىلەرگە تىكتى.يەنە بىرى پۇزۇر كېيىنگەن ئاق پىشماق،قاڭشارلىق،قۇرسىقى سەل پومپىيىپ چىققان كىشى بولۇپ ،ئوڭ  قولىدا قارا رەڭلىك خىروم سومكا كۆتۈرۈۋالغاندى، قارقماققا بىرەر ئىدارىنىڭ خىزمەتچىسىدەك قىلاتتى. خىزمەتتىن چۈشىدىغان چاغ بولغاچقا  ئاپتۇبۇستا بوش ئورۇن يوق ئىدى. شۇنداق قىلىپ بۇ ئىككىيلەن  ئادىلغا يېقىنراق كېلىشىپ  تۇرۇشتى.ئادىل شەھەردىكى مەلۇم بىر ئىدارىنىڭ خىزمەتچىسى بولۇپ كۈندە دېگۈدەك موشۇ ئاپتۇبۇسقا ئولتۇراتتى.ئىككىيلەننىڭ چىقىپ كەلگەنلىكىنى كۆرگەن ئادىل بىر نەچچە قەدەم ئارقىغا ياندى.چۈنكى ھەر قاچان ھېلىقى ئەسكى خالتىنىڭ  ئۇنىڭ شىمىگە  تېگىپ كېتىش ئېھتىمالى بارئىدى.ئۇنى ئاز دەپ بىر خىل ئاچچىق پۇراق ئۇنىڭ كۆڭلىنى ئاينىتىشقا باشلىغاندى،ئامال قانچە دەيسىز, ئادىلغا پەقەتلا بۇرنىنى ئېتىۋېلىپ بەرداشلىق بېرىشتىن باشقا چارە يوق-ئەلۋەتتە.   قۇياشنىڭ غەربكە قىيسىيىشقا باشلىشى بىلەن چىقىشقا باشلىغان سوغۇق شامال دېرىزىدىن كىرىشكە باشلىدى. دېرىزە يېنىدا ئولتۇرغانلار دېرىزىلەرنى ئېتىۋېتىشتى.      تۇيۇقسىز؛" چاتاق بولدى!ئاپلا تېلىفونۇم يوق تۇرىدۇ!"دېگەن ئاۋاز  بىلەن ئاپتۇبۇس ئىچىدىكى جىمجىتلىق بۇزۇلۇپ، ھەممىنىڭ نەزىرى ئۇ تەرەپكە ئاغدۇرۇلدى. _ مېنىڭ تېلىفونۇم يوق تۇرىدۇ،مېنىڭ ئۇنى سېتىۋالغىنىمغا ئانچە ئۇزۇن بولمىغاندى،ئۈچ مىڭ سومغا ئالغان"ئالما"ماركىلىقتى.تېخى باياتىنلا بار ئىدى،بىر دەمدىلا  يوقاپ كەتكىنىنى قارىمامدىغان؟"دېىدى ئادىل قوشۇمچە قىلىپ.    ئادىل نەزىرىنى يېنىدىكى ھېلىقى ئىككىيلەنگە ئاغدۇرۇپ خالتا كۆتۈرۈۋالغان كشىدىن گۇمان قىلىشقا باشلىدى.ۋە ئۇ كىشىنىڭ بېشىدىن،ئايىقىغىچە  بىر قۇر سەپ سالغاندىن كېيىن،_" تېلىفوننى سەن ئالدىڭ،ئەكىلە،بۇنى سەندىن كۆرمەيمەن،بىز ئۆزئارا كېلىشىۋالايلىى، تۇرمۇشۇڭنىڭ قىيىنچىلىق ئىكەنلىكى ماڭا  ئايان،لېكىن شۇنداقتىمۇ باشقىلارنىڭ نەرسىسىنى ئالماسلىقىڭ كېرەك ئىدى-دە!"دېىدى ئۇنىڭ سۆزى ئاياغلاشماي تۇرۇپلا ماشىنىدىكىلەرنىڭ نەزىرى گويا سەن ئوغرى دېيىشىۋاتقاندەك ھېلىقى خالتا كۆتۈرۈۋالغان بىچارە چىراي كىشىگە  ئاغدۇرۇلدى: __  "چىقىرە تېلىفوننى،سەنمۇ ئۇنى ئوغرىلىغان بولما،سېنىڭ قىيىنچىلىقىڭ بارلىقى بىزگە ئايان،شۇنداقتىمۇ باشقىلارنىڭ نەرسىسىنى ئالماسلىقىڭ كېرەك ئىدى-دە!"دېىيىشتى بىر ئېغىزىدن كۆپچىلىك. بەزىلەر ئۇنى" ساقچىخانىغا ئاپىرايلى"دەپ جار سېلىشسا"بەزىلەر "ئۇنى ئاختۇرايلى"دەپ سۈرەن سېلىشتى.ھەتتا بەزىلەر "ئۇنىڭ ئەدىپىنى بېرەيلى"دەپ ۋارقىراشقىلى تۇرۇشتى.   خالتا كۆتۈرۈۋالغان بىچارە چىراي كىشى پاتتىڭىغىچە قىزارغان ھالدا"ئىللا تەۋەرا مەن ئالمىدىم،راستلا مەن ئالمىدىم،گەرچە مەن نامرات بولساممۇ،كىچىكىمدىن تارتىپلا كىشىلەرنىڭ نەرسىسىنى ئالسا يامان بولىدىغانلىقىنى بىلىمەن،ھەرقانچە نامىرات بولۇپ كەتسەممۇ باشقىلارنىڭ نەرسىسىگە قول تەككۈزگەن ئەمەسمەن!"دېىدى  نۇرسىز كۆزلىرىنى ئەتراپتىكىلەرگە تىكىپ ئۆزىنى ئاقلىغان قىياپەتتە. __"ھە مېنىڭ يېنىمدا ئىككىڭدىن باشقا كىشى يوق،ئەمىسە ئۇ ئالغاندىمۇ؟مەنچە ئۇ ئوغرىغا ئوخشىمايدۇ.كىمنىڭ ئوغرىلىغانلىقى ئېنىققۇ!"دېىدى ئاچچىق كۈلۈپ تۇرۇپ ئادىل. __ مەن،مەن چوقۇم ئوغۇرلىمايمەن،مېنىڭ ئۇنداق قىلىشىمنىڭ ھاجىتىمۇ يوق."دېگىنىچە يانجۇقىنى تۇتۇپ قويدى ھېلىقى پۇزۇر كېيىنگەن كىشى.ئۇنىڭ سۆزى ئاخىرلاشقاندىن كېيىن كىشىلەر ئادىل كۆرسەتكەن كىشىگە يۇپۇرلۇپ كېلىشتى-دە،ئۇنىڭ يانجۇقىنى تۇتۇشتى،دەرۋەقە ئۇنىڭ يانجۇقىدا تېلىفون بار ئىدى. __ يانجۇقۇمدىكى تېلىفوننى مەن پۇل خەجلەپ سېتىۋالغان"دېىدى ئۇ. __"قىززىق سېنىڭ بۇنچىلىك قىممەت باھالىق تېلىفوننى سېتىۋېلىشقا كۆزۈڭ قىياتتىمۇ؟."دېگىنىچە مەسخىرە ئارىلاش  كۈلۈپ تاشلىدى ئادىل. __ مەن بۇنى ئالىي مەكتەپتە ئوقۇۋاتقان ئوغلۇم ئۈچۈن سېتىۋالغان،ئۇ "ئالما ماركىلىق"نى ئالىمەن دېگەندى. شۇنۇڭ ئۈچۈن مەن ئۇنى تېخى ھېلىلا سېتىۋالغان،مەن سىلەرنى ئالدىمىدىم دېىدى ئۇ كۆپچىلىككە يېلىنغان قىياپەتتە،شۇ تاپتا ئۇنىڭ  نۇرسىز كۆزىدىن مەن ئوغرى ئەمەس،ماڭا ئىشىنىڭلار دېگەن ئالامەتلەر چىقىپ تۇراتتى. __ "سەن ئۆزۈم  سېتىۋالغان دەيسەن،مەن تېلىفوننى كۆرۈپ باقسام بولامدۇ؟"سورىدى ئادىل.ئۇنىڭ سۆزىدىن  كېيىن  ئۇ تېلىفوننى ئادىلغا بەرمەكچى بولدى-يۇ،يالتىيىپ قالدى.چۈنكى ئۇ تېلىفوننى كوچا دوقمۇشىدىكى يايمىدىن سېتىۋالغانلىقنى،تېلىفون ساتقۇچىنىڭ ھەرىكەتلىرىنىڭ سەل غەلىتىلىكىنى سەزگەنلىكىنى، شۇنداقلا تېلىفوننىڭ كېلىش مەنبەسى دۇرۇس ئەمەستەك تۇيغۇمۇ بەرگەنلىكىنى، شۇنداقتىمۇ ئۇنىڭ دۇكاندىن سېتىۋالغۇدەك پۇلى بولمىغاچقا ئوغلىنىڭ رايىنى ياندۇرماسلىق ئۈچۈن ئۇنى سېتىۋالغان ۋە پۇل خەجلەپ سېتىۋالدىمغۇ دەپ ئۆزىگە تەسەللىي بەرگەنلىكىنى ئېسىگە كەلگەنلىكى ئۈچۈنلا تېلىفوننى ئۇنىڭغا بېرىشتىن يالتېيىۋالغاندى.بىراق ئەمدى  نەس باستى،قانداق قىلغۇلۇق؟ئۇ تەرگە چۆمۈلدى... ئۇنىڭ ئىككىلىنىپ قالغانلىقىنى كۆرگەن ئادىل،"نېمە كۆرسىتەلمەيۋاتامسىنا؟مېنىڭكىنى ئوغرىلىمىغان بولساڭ چىقىرىپ باقمامسەن..."دېىدى زەردە بىلەن. __ "مەن سېنىڭكىنى ئوغرىلىمىدىم،ئۆزۈم بىر مىڭ نەچچە يۈز سومغا سېتىۋالدىم،مەن ئوغرىلىمىدىم،راستلا ئوغرىلىمىدىم"دېىدى ئۇ ،ئۆزىنى ئاقلاپ. __ "بىر مىڭ نەچچە يۈز سومغا" ئالما"ماركىلىق تېلىفوننى بېرەمدۇ،نەدىن ئالدىڭ ؟قېنى مېنىمۇ باشلاپ بارە مەنمۇ بىرنى  سېتىۋالاي،تېز چىقار، ئەگەر قايتۇرۇپ بېرىدىغانلا بولساڭ  سېنى ئەيىبلىمەيمەن"دېىدى ئادىل ئۇلاپلا. ماشىنىدىكىلەرنىڭ ئاغزى يەنە ئېچىلدى،شۇ تاپتا ئۇلارنىڭ ئۇنى چايناپ پۈركۈۋەتكۈسى كېلىشەتتى... __ مەن سىنىڭ تېلىفونۇڭنى ئوغرىلىمىدىم،مەن ئۇنى ...ئۇنى ...ئىشقىلىپ مەن  ئوغۇرىلىمىدىم دېىدى ئۇ.دەل موشۇ پەيتتە بىرى: __ ئەگەر سىزنىڭ تېلىفونىڭىز ھەقىقەتەن ئاپتۇبۇستا يىتكەن بولسا،سىز مېنىڭ تېلىفونۇمدا تېلىفونىڭىزغا تېلىفون قىلىپ بېقىڭ،ئەگەر ئۇنىڭ قولىدىكى تېلىفون سايرىسا ياكى ئېتىك بولۇپ چىقسا ئۇنىڭ سىزنىڭ تېلىفونىڭىزنى ئوغرىلىغانلىقىنى  ئىسپاتلىنىدۇ.چۈنكى ئۇ تېلىفوننىڭ كارتىسىنى ئېلىۋەتكەن بولىدۇ،ئۇ چاغدا ساقچىغا ئېلىپ بارساقلا ئىش پۈتىدۇ دېىدى.   __ توغرا،ياخشى چارىكەن،ئېغىر كۆرمەي تېلىفونىڭىزنى بېرىپ تۇرسىڭىز دېگىنىچە ھېلىقى كىشىنىڭ تېلىفونىنى ئېلىپ ئۆزىنىڭ نومۇرىغا تېلىفون قىلدى،بارلىق يولوچىلار نەزىرىنى ئۇلار تەرەپكە  ئاغدۇرۇشتى."كەچۈرۈڭ سىز ئۇرغان تېلىفوننى ئالىدىغان ئادەم يوق"دېگەن ئاۋاز كەلدى .ئۇ قايتۇرۇپ ئۇردى يەنە شۇن ئاۋاز تەكرارلاندى. يولوچىلار نېمە دېيىشنى بىلەلمەي قېلىشتى،بىر قېتىملىق تېلىفون ئوغۇرلاش ۋەقەسىمۇ ئاخىرلاشتى،ئۇزۇن ئۆتمەي ئادىلمۇ ماشىنىدىن چۈشۈپ قالدى.   ئادىل ئۆيىگە قايتقاچ"تېلىفونۇم قانداقلارچە يىتىپ كەتكەندۇ،چوقۇم ئۇنى ھېلىقى خالتا كۆتۈرۈۋالغان كىشى ئوغرىلىۋالدى.بىراق ئىسپات يوق ھەي!ئادەمنى موشۇنداقمۇ قارا باسقان بارمۇ؟تېخى يېڭىلا سېتىۋالغان تېلىفوننى ئوغرىغا بېرىپ قويغىنىمىغا قارىمامدىغان ؟ئۇ ئىچى سېرىلغان ھالدا يولىنى داۋام ئەتتى.بىر ھازادىن كېيىن ئۇ ئىلاجىنىڭ يوقىدىن" بولدىلا باش –كۆزۈمنىڭ سادىغى بولۇر!"دەپ پىچىرلىدى ئىچىدە.   ھايال ئۆتمەي ئادىل ئۆيىگە يېتىپ كەلدى،خوتۇنى ئۇنىڭ كىرىپ كەلگەنلىكىنى كۆرگەندىن كېيىن: __ نېمانداق كېيىن كېلىسىز؟خىزمەتدېشىڭىز بىر نەچچە قېتىم تېلىفون قىلدى،ئۇ سىزنى تېلىفونىنى ئۈستەلدە ئۇنتۇپ قاپتۇ ،ئىشكىپىمنىڭ تاتمىسىغا سېلىپ قويدۇم،ئەتە ئېلىۋالسۇن دەيدۇ دېىدى. __ ھە،بولىدۇ...ئەسلى مۇنداق ئىش ئىكەندە!دېدى-دە،خۇددى چىۋىن يەۋالغاندەك بولۇپ،ياتاق ئۆيىگە كىرگىنىچە بېشىنى ئىككى قولىنىڭ ئارىسىغا ئالغىنىچە ئولتۇرۇپ قالدى، شۇ ئان ھېلىقى كەمبەغەل كىشى كۆز ئالدىدا پەيدا بولۇپ نۇرسىز كۆزلىرىنى  ئۇنىڭغا تىككەن قىياپەتتە: __ ھەي !بايۋەتچى تېلىفونۇڭنى كىم ئاپتۇ؟  مەن ھەرقانچە نامرات بولساممۇ باشقىلارنىڭ نەرسىسىگە كۆز قىرىمنى سالمايمەن . قاراپ تۇرۇپ ماڭا تۆھمەت چاپلىغانلىقىڭ ئۈچۈن نېمە دەپ جاۋاب بېرەرسەن؟دەپ مەسخىرىلىك كۈلدى...

mustafa123

	مۇشۇنداق ئىشلارغا بەك دىققىت قىلايلى . بىراۋغا تۆھمەت قىلىپ سورىقىدىن قۇتۇلۇپ  بوممايدۇ

axek13999649893

	بۇنداق  ئىشلامۇ  بوپ  تۇرىدۇ  جەمىيەتتە

dilbar

	كىشىنى ئۇيلاندۇرىدىغان ئىبرەتلىك ھىكايە ئىكەن

Rujak

	بۈگۈن چۈشتە ماشىنامنى ھايداپ ئۆيگە كىلىۋاتسام يولدا بىر تەتەي ماشىننى توستى ،ئەزەلدىن ماشىنامنى كىراغا ساممايتىم ،بۈگۈن نىمىشقىدۇر توختىغۇم كەلدى ،ماشىنام توختاپ بولغىچە  ئۇ تەتەي ماشىنامغا چىقىپ بولدى ،ھەيرانۇ ھەس قالدىم ، ھەيدە دىگەن گەپتىن باشقىنى قىلمىدى ،كىتىۋاتىمەن ،ماشىننىڭ ئۇنالغۇسىدا بولسا ئابدۇللا ئابدۇرھىمنىڭ قارا تۇپراق ناملىق ناخشىسى چىقىۋاتاتتى،بىر كەمدە توختا دىدى .توختىدىم ،ئۇ تەتەي ماشىندىن چۈشۈپ يول بويىدىن بىر نىمىلەرنى ھەدەپ ئىزلەۋاتاتتى ،كۈزلىرىدىن بولسا ياشلىرى تاراملاپ چۈشۈۋاتاتتى ،شۇ ئارلىقتا خىيالمىدىن ئۇنىڭ قىممەت باھالىق بىرە نەرسىسىنىڭ چۈشۈپ قالغانلىقى زاھىر بولدى . ئۇ تەتەي ئاچچىقىدائاللىكىملەرنى تىللايتى ،مەن نىمە بولغانلىقىنى سورىدىم ، ئۇ باياتىن تىخى مۇشۇ يەردە ئولتۇرغانتىم ،سامسۇڭ ماركىلىق تىلفۇنۇم چۈشۈپ قاپتۇ ،شۇنى ئىزلەۋاتىمەن دىدى، بۇ دىگەن 4 كوچا ئىغىزى تۇرسا تىلفۇنى تۇرامدۇ ،ئۇنىڭ ئۈستىگە سامسۇڭنىڭ ئەڭ ئالى تىپتىكىسى تۇرسا كىممۇ ئۇنى كۆرسە كۆرمەسكە سالسۇن، مەن ئۇنىڭغا تىلفۇن قىلىپ بىقىغشنى ئىيىتتىم .،ئۇ دەرھال -ۋاسسو .بۇ ئىش ئەجەپ ئىسىمگە كەلمەپتۇ ،تلفۇنۇڭنى بىرىپ تۇرە ،دەپ تىلفۇنۇمنى ئىلىپلا تىلفۇن قىلىۋىدى ،دەرۋەقە قارشى تەرەپ تىلفۇننى ئالدى ،ئۇ بىر نىمىلەرنى دەپ كالدىلاپ ماشىننى دەرھال ھەيدە قانچىلىك تىز بولساڭ شۇنچىلىك ياخشى دەپ بۇيرۇق قىلدى ،ئالدىمىزغا تەخمىنەن 10 نەچچە كىلومىتىر مىڭىپ ئاندىن توختىدۇق،بىر ياش بالا بىزنى قىزغىن كۈتۈۋالدى ،ئاندىن تىلفۇننى قايتۇرپ بەردى ،ئۇ تەتەي يانجۇقىدىن بىر مۇنچە قىزىل پۇلنى چىقىرىپ بولغۇچە ئۇ ياش كۆزدىن غايىپ بولدى ،كۆڭلۈمدە  گەرچە كاپىر بولساڭمۇ خىلى ئىنساۋىڭ بار گۇيكەنسەن دەپ  بىر خىل ھۆرمەت ئىچىدە ماشىنامىنڭ بىشىنى  ئاستا  ئۆي تەرەپكەقاراتتىم

unix212

	مۇشۇنداق توختىماي خەقتىن گۇمانلىنىپ يۇرۇيدىغان ئالىجانابلار ئەڭ بىخەتەر تۇيغۇسى يوق قورقۇنچاقلاردىن.بىچارە ،ھامان يۇرەك كىسىلى بىلەن ئۆلىدۇ دە.

donapandi

	باشقىلارغا قارا ساناشتىن خۇداھ ساقلىسۇن،

mastana888

	جەمىيتىمىزدە بۇنداق ئىشلار ناھايتى كۆپ

asma507

	Rujak يوللىغان ۋاقتى  2014-7-12 05:46 PM بۈگۈن چۈشتە ماشىنامنى ھايداپ ئۆيگە كىلىۋاتسام يولدا ب ... kayturup bargan baligiqa

wissal@131

	ئارتۇق گۇمانلخورلۇق ئادەمنى ئازدۇرار