ئەمـدى ئـەقـلـىـمـنـى تـاپـتـىـم

mehriya

	40 ياشنىڭ قارىسىنى ئالدىم ، يېشىم چوڭايغانسېرى ئەقلىممۇ توشۇپ ھايات يولىنىڭ گۈدەك قەلبىمدە  ئويلىغىنىمدەك ئەگرى -بۈگرىسىز ئەمەسلىكىنى ھېس قىلدىم . شۇنداقلا سەل قورقۇشمۇ ھېس قىلماقتىمەن ، چۈنكى يېشىم چوڭايغانسېرى ، يېنىمدىكى يىقىن كىشىلىرىم كۈندىن -كۈنگە ئازلاپ كېتىۋاتماقتا ... ئاتا -ئانا بۇلۇپ ئاتا -ئانامنىڭ قەدرىگە ھەقىقىي يەتكەن بولدۇم ، ئىلگىركى تەنتەكلىكلىرىم نەلەرگىدۇ يۇقۇلۇپ ، تولىمۇ ئېغىر -بېسىق ، تەمكىن بىر ئادەمگە ئايلاندىم ... ئىلگىركى نېمىلا بولسا ئۆزەمنىڭ توغرا دەيدىغان ئۇشۇق مىجەزلىرىم ئۆزگىرىپ تولىمۇ كەڭ قورساق ، ئەپۇچان بۇلۇپ قالدىم . ئاپامنىڭ ئېتىكىگە چىقىۋېلىپ ئەركىلەشلىرىمنىڭ ئورنىغا ئۇماق بالىلىرىمنى ئېتىكىمگە چىقىرىپ قانماي سۆيۈپ كېتىمەن ، بۇ سۆيۈش ئەركىلەش بولماستىن سۆيۈنىش ئېدى . ئىلگىركى ‹پۇل تاپسام  چىرايلىق كىيىم ئالىمەن › دېگەن خىياللىرىمنىڭ ئورنىغا پۇل تاپسام جەمىيەتتىكى ياردەمگە مۇھتاج بۇلىۋاتقان قېرىنداشلىرىمغا ئاز تولا بولسىمۇ ياردىمىنى قىلىۋالسام دەپ ئويلايدىغان ، كوچىدا يۈرگەن مەينەت قاسماق كىشىلەردىن داجىپ ئۆتمەستىن ،ئۇلارغا ھېسداشلىق نەزىرىمدە قارايدىغان بولدۇم . ئىلگىركى ئائىلىدىكى ئىقتىساد ماجراسىدىن يەنى ، يولدۇشۇم بىلەن ‹ئاپىڭىزغا مەندىن يۇشۇرۇپ پۇل بېرىپسىز ، ئۇنى ئېلىپ بېرىپسىز ، بۇنى قىلىپ بېرىپسىز › دەپ ، چاچلىرىمنى يۇلۇپ توختىماي كۆتولداشلىرىمنىڭ ئورنىغا بۈگۈنكى كۈندە ‹ئاپامغا پۇل بېرەيلى ، ئاپامغا كىيىم -كېچەك ئېلىپ بېرەيلى ، ئاپامغا ئاتاپ بۇ تاماقنى ئەتتىم ، ئىسسىقىدا ئاپىرىپ بېرەيلى › دەپ ئاغزى -ئازغىمغا تەگمەي ئاپـــا دەيدىغان بولدۇم . ئىلگىرى دوستلۇرۇمنىڭ ئالدىدا تاقىۋالغان ئالتۇن زىبۇ-زىننەتلىرىم بىلەن ماقتانسام، ھازىر پەرزەنتلىرىمنىڭ ياخشى نەتىنجىسىدىن ماقتىنىدىغان بولدۇم . ئىلگىرى يولدۇشۇمنىڭ ماڭغان -تۇرغىنىنى سوراپلا يۈرەتتىم ، مانا ئەمدى ‹ۋاي بېرىپ كىلىڭ ، سىزنى ئۆيدە ساقلايمەن › دەپ تولىمۇ كەڭ قۇرساق بۇلۇپ كەتتىم ، ئەمما شۇنى ھېس قىلدىمكى شۇندىن بېرى يولدۇشۇم ئۆزلىگىدىن ئۆيگە بالدۇر كىلىدىغان ، بۇرۇنقىدىنمۇ ماڭا بەكرەك كۈيۈنىدىغان بۇلۇپ كەتتى . دېمەك ئىلگىركى ئىشەنچىسىز قەلبىمنىڭ ئورنىغا ئىشەنچنىڭ ئۇرۇقى بىخ سۈرۈپ يىلتىزمۇ تارتىپ مىۋىمۇ بەرگىلى تۇردى . ئىلگىرى دوستلۇرۇم بىلەن چايلاردا كىيىم -كېچەك ، مودا توغرۇلۇق ئازغى -ئاغزىمىزغا تەگمەي سۆزلەشسەك ، ئەمدىلىكتە ئاشۇ چاي پۇلىمىزنى جەمىيەتتىكى ئوقۇشسىز قالغان بالىلار ئۈچۈن قانداق يەتكۈزۈپ بېرىش توغرۇلۇق مۇنازىرە قىلىشىدىغان ، توغرا دۇئا -تىلاۋەت ، خەيرى -ساخاۋەت ئىشلىرى ئۈچۈن باش قاتۇردىغان بولدۇق . دېمەك مەن ئەقىل تاپتىم ، باي بولدۇم . ئادەمنىڭ بايلىقى مال -دۇنيا بولماستىن بەلكى باشتىكى ئەقىل ئىكەن ! گەرچە ئىلگىركى ئەقىلسىزلىقلىرىمگە ئۈكۈنسەنمۇ ئەمما ، رەنجىشىم يوق . چۈنكى ئادەم مەلۇم جەريانلاردىن كېيىنلا ئاندىن ئۆز ئەقلىنى تاپىدىكەن ئەمەسمۇ ؟! مەنبە : ئۆزەم

donapandi

	ياخشى تىما بوپتۇ بىر ناخشا بولىدىغان ئۆتكەن كۈنلەر قەدرىنى،يۈرەكىڭنىڭ سەۋرىنى بىلەرسەن 40 ئۆتكەندە دەپ شۇ ئېسىمگە كېلىپ قالدى ھارمىغايسىز

بەرگى

	ئاللاھ خالىسا مەنمۇ ئەقلىمنى تاپقىلى 2 يىلدەك بولدى . ئىلگىركى ئۆزۈمنى ھازىر ئويلىسام بەكلا ئەپسۇسلىنىمەن

99sahrayi99

	ئەقىل ياشتا ئەمەس، باشتا دەيدىغان بىر تەمسىل بارغۇ بىزدە، بىر ئادەمنىڭ ئەقلىنى تېپىشىنىڭ ياش چەكلىمىسى بولمىسا كېرەك دەپ ئويلايمەن. بولسا قىرىق ياشقا كىرگىچە ئويناپ كۈلۈپ بىھۇدە ئۆمۈرنى زايا قىلماي بالدۇرراق ئەقلىمىزنى تاپقىنىمىز تۈزۈك... مەنمۇئڭلىغان ئۇ قىرىقتىن ئۆتكەندە دېگەن ناخشىنى!.....

HAWSI

	ئ‍اللاھ رەھمەت قىلسۇن ! دىمەك ئ‍ىنسان ئ‍ۆز مەجبۇرىيىتىنى تۇنۇپ مەسئ‍ۇلىيتىنى ئ‍ادا قىلسا بەختىنى تاپىدىكەن ئ‍ەمەسمۇ !؟

aisadap

	ئەقىل ياشتا ئەمەس. ‏ھەربىرىمىزنىڭ بالدۇر ئەقلىمىزنى تېپىۋېلىشىمىزغا تىلەكداشمەن.

سەدەف

	ئۆزگىچە ئۇسلۇپتا يېزىلىپتۇ.

قورغان

	ھامان ئەقىل تاپىدىكەنمىز، ئەمما  كىچىكىپرەك...

باشتۇغ

	ئويلىنىشقا تېگىشلىك ياخشى يازما يوللاپسىز . مىنىڭمۇ ئەقلىمنى تاپىدىغان كۈنلىرىم كېلىپ قالار بىر كۈنى .

باشتۇغ

	بەرگى يوللىغان ۋاقتى  2014-7-12 12:11 AM ئاللاھ خالىسا مەنمۇ ئەقلىمنى تاپقىلى 2 يىلدەك بولدى . ئ ... ئەپسۇسلانماڭ ، ئۆتكەننى ئويلاپ ئەپسۇسلانغاندىن ،كەلگۈسىنى ئويلاپ ياشىغان ياخشى .