شۇنداق ياشىدىم

باشتۇغ

	شۇنداق ياشىدىم نۇرجان ئابدىراخمان باشتۇغ بىركۈن يىغلاپ ، بىر كۈنى كۈلۈپ ، ئۆتتى ئايلار ، يىللارنى قوغلاپ . ھىجرانلاردا كەتمىدىم ئۆلۈپ . بولدى ئەمما يۈرەگىم زەرداپ . ياش تۆكسەممۇ پىنھاندا تۆكتۈم ، كۈلمىسۇن دەپ دۈشمىنىم قاراپ . بەزى شىرىن ھىسلارغا چۆكتۈم ، ئۆتكەن گۈزەل چاغلارنى ئويلاپ . ھەسرەت بىلەن سىقىلسا يۈرەك ، قىلدىم يەنە ۋىجدانغا خىتاپ . سەزگۈلىرىم تارتقاندا خورەك ، مەن دىمىدىم ئۆزەمنى بىتاپ . ئارسلان كەبى ياشىدىم مەغرۇر ، پىتنە-پاسات ، تۆھمەتكە چىداپ . يوقاتمىدىم قىلچىمۇ غۇرۇر ، داۋانلاردىن ئۆتسەممۇ ئاتلاپ . مەن ھاياتتا شۇنداق ياشىدىم ، ھەر تىنىقتا بۇلۇپ نىيەت ساپ . قىزىسىمۇ بەزىدە قېنىم ، ئوينىمىدىم دۈشمەن چالسا داپ . 2014-7-9 ئاۋاتتا يېزىلدى .

axek13999649893

	ئارسلان كەبى ياشىدىم مەغرۇر ، پىتنە-پاسات ، تۆھمەتكە چىداپ . يوقاتمىدىم قىلچىمۇ غۇرۇر ، داۋانلاردىن ئۆتسەممۇ ئاتلاپ

WOLKANII

	شېئىرلىرىڭىزغا باركاللا ! ئىلھاملىرىڭىز ئۆسىمىگەي !

TAXNAI2

	مەن ھاياتتا شۇنداق ياشىدىم ، ھەر تىنىقتا بۇلۇپ نىيەت ساپ . قىزىسىمۇ بەزىدە قېنىم ، ئوينىمىدىم دۈشمەن چالسا داپ . شىئېرىڭىز شۇنداق ئەركىن،ھېسياتلىق،مەزمۇنلۇق چىقىپتۇ....ياقتۇردۇم.......

بەرگى

	ئەڭ ئاخىرقى مىسراسىنى ياقتۇردۇم ،

HIRISTAL1

	شېئىرىڭىز بەك ياخشى چىقىپتۇ، مۇبارەك بولسۇن.

mehriya

	شېئىردىكى تىز پۈكمەس ئىرادىگە قايىل بولدۇم . ھارمىغايسىز

99sahrayi99

	بەك تاتلىق بىر شېئىر بوپتۇ بۇ!... ياش تۆكسەممۇ پىنھاندا تۆكتۈم، كۈلمىسۇن دەپ دۈشمىنىم قاراپ. بەزى شېرىن ھېسلارغا چۈمدۈم، ئۆتكەن گۈزەل چاغلارنى ئويلاپ... مۇ يەرلىرى بەك قاملىشىپتۇ!.. ھارمىغايسىز!..

oylun

	قىزىسىمۇ بەزىدە قېنىم ، ئوينىمىدىم دۈشمەن چالسا داپ .     بۇ مىسرا ماڭا بەك ياقتى...

musilina

	‹‹ياشايمەن شۇنداق،مەن تېخى ياپياش››دېگەن ناخشى ئېسىمگە كەلدى شېئىرىڭىزنى ئوقۇپ..... قەلىمىڭىز بەرىكەت تاپقاي....