بىرازىلىيە VS گېرمانىيە ( يېرىم ھەل قىلغۇچ خەۋەر)

xadlan.com

	ناھايىتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن ... ئەسسالامۇ ئەلەيكۇم ! بىرازىلىيە 7:1 گېرمانىيە بىرازىلىيە دۇنيا لوڭقىسى يېرىم ھەل قىلغۇچ مۇسابىقىسى ئۈرۈمچى ۋاقتى 9-ئىيۇل سەھەر سائەت ئىككىدە تۆت كۈچلۈككە كىرگەنلەردىن بىرازىلىيە بىلەن گېرمان ئوتتۇرىسىدا ئېلىپ بېرىلدى ، نەتىجىدە گېرمانىيە 7:1 نەتىجە بىلەن بەش يۇلتۇزلۇق ساھىبخان دۆلەتنى قىرغىن قىلدى . مۇسابىقە باشلىنىپ 11 مىنۇت بولغاندا گېرمانىيە تەرەپتىن توماس موللىر بۇلۇڭ توپ پۇرسىتىدىن پايدىلىنىپ نۇمۇر ئالدى ، 23 مىنۇت بولغاندا گېرمانىيە كاللا توپ شاھى كىلۇز ئۆزىنىڭ دۇنيا لوڭقىسىدىكى 16-توپىنى ئۇرۇپ بۇ تۈردىكى « تاشقى پىلانت ئادىمى » رونالدونىڭ 15 توپلۇق رىكورتىنى يېڭىلىدى ، شۇنىڭ بىلەن توپ ئۇرۇش جېڭى باشلىنىپ كەتتى ، مۇسابىقىنىڭ 24-26-مىنۇتلىرىدا تونى كىرۇس ، 29-مىنۇتىغا كەلگەندە سەمى ھەدىرا توپ ئۇرۇپ نەتىجىنى 5:0 قىلدى ، ئالدىنقى مەيدان شۇ نەتىجە بىلەن ئاياغلاشتى . كېيىنكى مەيدان باشلىنىپ بىرازىلىيە كوماندىسى جان-جەھلى بىلەن ھۇجۇمغا ئۆتتى ، بىراق بۇ ھۇجۇملار گېرمانىيە كوماندىسى مۇداپىئەچىللىرى ۋە قاپقاۋۇل نويېرنىڭ ئىسىل ئىپادىسى ئالدىدا بىتچىت قىلىندى ،   58-مىنۇتتا گېرمانىيە تەرەپتىن كىلۇزنىڭ ئورنىغا شۈرلى مەيدانغا چۈشتى ، 68-مىنۇتتا بىرازىلىيە كوماندىسىدىن دانتى سېرىق كارتا يەۋالدى ، بۇ كارتا پۈتكۈل مۇسابىقە جەريانىدا چىقىرىلغان بىردىنبىر كارتا بولدى ، مۇسابىقىنىڭ 69-ۋە 79-مىنۇتلىرىدا كىلۇزنىڭ ئورنىغا ئالمىشىپ چۈشكەن شۈرلى ئىككى توپ ئۇرۇپ نەتىجە پەرقىنى تېخىمۇ چوڭايتتى ، بىرازىلىيە كوماندىسى 90-مىنۇتتا ئوسكارنىڭ توپ ئۇرۇشى بىلەن بىر توپ قايتۇرىۋالدى ، مۇسابىقە ئاياغلاشتى ، گېرمانىيە كوماندىسى ھەل قىلغۇچقا كىردى ، ئۇنىڭ كېيىنكى رەقىبى ئارگېنتىنا بىلەن گوللاندىيەنىڭ ئوتتۇرىسىدىكى مۇسابىقىدىن ئۇتۇپ چىققىنى بولۇپ ھەل قىلغۇچ مۇسابىقە ئۈرۈمچى ۋاقتى 14-ئىيۇل سەھەر سائەت ئىككىدە ئوينىلىدۇ . ئالدىنقى يېرىم مەيدان: كېيىنكى يېرىم مەيدان: مەنبە:پۇتبول كۇلۇبى

amarjan911

	ئۇيقۇدىن ۋاز كەچكەنگە لايىق مۇسابىقە بولدى،ئەمما ساھىبخان دۆلەتنىڭ شۇنداقلا بىرازىلىيەدەك كۈچلۈك كوماندىنىڭ بۇنداق يۇقىرى نۇمۇر پەرقى بىلەن يىڭىلىپ قىلىشى كىشىنى ئەپسۇسلاندۇرىدۇ،گىرمانلار سەل ئاشۇرۋەتتى مۇسابىقىنى قىزىتىمىز دەپ

Uyghurbufet

	بېرازىيىلىكلەرنىڭ مۇسابىقە باشلىنىپلا ھۇجۇمغا ئۆتۈشى، گېرمانىيەلىكلەرنىڭ قايتارما ھۇجۇمىغا ئۆتۈشىگە پۇرسەت يارىتىپ بەردى……

azrat705

	بىرازىلىيە كوماندىسىدىكىلەر باشتىكى ئىككى توپنى يىگىچە خېلى ئىشەنچ بىلەن ئوينىغان ، ئارقا ئارقىدىن توپ يەۋىرىپ ئىشەنچىسى قالماي پىسخىكىسىدا مەسلە كۆرۈلدىمۇ بىلمىدىم مۇداپىيەنى پەقەتلا ياخشى قىلالمىدى ، ئىككى توپ ئۈستۈنلىكنى ئېگەللىگەن گىرمانىيە كوماندىسى ھۇدۇقۇش يوق ئالدىرماي پاسلىشىپ يامان چىرايلىق ماسلاشتى

akeram190

	نىمە دىيىشنى بىلەلمىگۈدەك مۇسابىقە بولدى بۇ ،گىرمان ساھىبخانغا ئازراقمۇ يۈز قىلمىدى دىسە،تارىختا ئاز كۈرىلىدۇ جۇمۇ بۇنداق نەتىجە ،بىرازىلىيە 8كۈچلىكتە شاللىنىپ كەتمىگىنىگە مىڭ پۇشايمان قىلىۋاتىدىغۇ دەيمەن....ھەي.....

baywatcha

	بىرازىلىيە بۇنداق ئېچىنىشلىق ھالغا چۇشۇپ قالارمەن دەپ ئويلاپمۇ باقمىغان ئىدى ، نېيماردىن ئايرىلىپ ئىشى تەس بولدى .............

مەشئەل520

	بىرازىلىيەنىڭ بۇ قېتىمقى مۇسابىقىدە تۆت  كۈچلۈككە كىرگىنىنڭ ئۈزى تەلىيى ،مەن ئۇلارنى سەككىز كۈچلۈككىمىۇ كىرەلمەسمىكىن دېگەن.

ehrami

	ئاھ خۇدا بىرەر توپ ئەمەس، يەتتە توپ؟؟؟ خۇدايا توۋا بۇ يىللىق پۇتبول مۇسابىقىسى ئەڭ قىزىقارلىق ھەم ئەڭ غەلىتە بولدى

مەشئەل520

	قارىغاندا چىمپىيۇنلۇقنى گوللاندىيە  بىلەن گىرمان تالىشىدىغاندەك ،گىرمان  چىپىيۇن  بۇلىدىغاندەك قىلىدۇ. ئەگەر  بۇنداق بولسا  گوللاندىيەگە يەنە  بىر  قېتىم  ئەلەم بۇلىدۇ.

nazigul8

	نېيمار يارىلانغاندىن كېيىن، بىرازىلىيەنى چوقۇم يېڭىلىپ قالىدۇ دەپ قارىغان ئىدىم، لېكىن بۇنداق سەت يېڭىلىپ قالىدۇ دەپ ئويلىماپتىمەن. بۇ مەغلۇبىيەت بىلەن 9-نومۇرلۇقنىڭ پۇتبول ھاياتى تۈگىشەرمىكىن. ئەسلى مەسىلە تېرنېرىدىمۇ بار ئىدى. توپچىلارنى لايىق ئىشلىتىشنى بىلمەيدىغان دۆت تېرنېر.