ساراڭ قىزنىڭ پۇشايمىنى ھىكايە

tirikjassat

	ساراڭ قىزنىڭ پۇشايمىنى                                           ھىكايە                         بۇ قاراڭغۇ يامغۇرلۇق كېچىدە،بىر چاچلىرى چۇۋۇق دەلدەڭشىپ كېتىۋاتقان بىر قىز بىرنىمىلەرنى دېگېنىچە بىردەم كۈلۈپ بىردەم يىغلاپ كېتىۋاتاتتى.«ھا ھا ھا....ئۇنى مەن ئۆلتۈرمۈدۈم.ھا ھا ھا..ھۈ ھۈ ھۈ ئۇنى راس مەن ئۆلتۈرمىدىم،مەن قەستەن قىلمىدىم...ھا ھا ھا،ياق ئۇنىڭغا خوپ بولدى،ساڭا خوپ بولدى،خوپ بولدى...ھا ھا ھا...»بۇ ھالەتنى كۆرگەنلا كىشىنىڭ قورقىسى كېلەتتى.ئۇنىڭ ئۈستىگە بۇ مۇھىت بىرخىل سۈرلۈك ئىدى.قاپقاراڭغۇ تۈن،يامغۇرنىڭ چۈشىۋاتقان ئاۋازى،ئەتراپتىكى يوغان-يوغان دەرەخلەر،مۇشۇكنىڭ ئىڭرىغان ئاۋازى،بۇلارغا قوشۇلۇپ ئۇنىڭ يىغا ئارىلاش كۈلكە ئاۋازى،ئادەمنى ئويلىسىلا سۈر باساتتى.بۇ قىز دەل ئامىنە.     بۇ قاراڭغۇدىن قورقىدىغان،قاراڭغۇ چۈشسىلە يولغا چىقالمايدىغان قىز بۇگۈن قانداقلارچە بۇنداق سۈرلۈك كېچىدە تالاغا چىقىپ قالغاندۇ؟    بۇلارنىڭ سەۋەبىنى بىلمەكچى بولساق ۋاقىتنى بىر كۈن بۇرۇنقى ۋاقىتقا توغۇرلاشقا توغرا كېلىدۇ.    بۇنۇڭدىن بىر كۈن بۇرۇن ئامىنە يىگىتى ئادىل بىلەن قېچىپ كېتىپ باشقا يەردە تۇرمۇش كەچۈرۈشنى پىلانلاپ،كەچ سائەت 8دە خەلق باغچىسىدا كۆرۈشۈپ ئاندىن بىللە كېتىدىغاننى دېيىشىپ ئۆيلىرىگە قايتىشتى.      ئامىنە ئۆيگە قايتىپ كېلىپ نەرسى-كېرەكلىرىنى يىغۇشتۇرۇپ ئاتا-ئانىلىرى بەرگەندە يىغى پ قويغان پۇللارنى ،تۇغۇلغان كۈنلىرى قىلغان سوۋغاتلىرى ،ئالتۇن زىبۇ-زىننەتلىرىنى ،ئىشقىلىپ پۇلغا يارىغۇدەك نەرسىلىرىنى ھەممىنى ئېلىپ ماڭدى.بۇ چاغدا سائەت 5بولغانىدى. ئامىنە ئاستا پۇتىنىڭ ئۇچىدا دەسسەپ چىقىپ كەتمەكچى بولدى.ئەمما بۇنى ئۇنىڭ ئانىسى بىلىپ قالدى.    «نەگە ماڭدىڭىز بالام؟نىمە نەرسە كېرەكلىرىڭىزنى يۇغۇشتۇرۇپ ماڭدىڭىز؟»دەپ سورىدى ئانا مىھرىبانلىق بىلەن.«نەگە ماڭسام نىمە كارىڭىز،ئۆز يولۇمغا ماڭدىم،مېنى توسىمەن دەپچۇ خام خىيال قىمماڭ.»«نىمىلەرنىمۇ دەپ يۈرۈيدىغانسىز قىزىم،يەنە شۇنىڭ بىلەن قېچىپ كېتىشنىڭ كويىدىمۇ؟بالام  ئۇ بىز قىمارۋاز  تۇرسا؟زادى نەرى ياخشى ئۇنىڭ ،پۇشايمان قىلىپ قالىسىز قىزىم،پۇشايمان »دېدى ئامىنەنىڭ قولىنى تۇتقىچە.«ئۇنى بۇنداق ھاقارەتلىشىڭىزگە يول قويمايمەن،ئۇ مېنى ياخشى كۆرىدۇ،شۇلا ماڭا كۇپايە باشقىسى كېرەك ئەمەس..»ئۇ مۇشۇ گەپنى دەپ بولۇپ ئۆيدىن چىقىپ كېتىش ئۇچۇن ئىشىكنىڭ يېنىغا كەلدى.«نەگە ھە نەگە ،مەن ھەممە گەپنى ئاڭلىدىم،ھىچ قەيەرگە بارمايسەن ئۇخۇپ قوي،مەن سېنى شۇنداق ھارامتاماقلار بىلەن بىللە قېچىپ كەتسۇن دەپ باققانما،كىرە ماڭ ياتاق ئۆيۈڭگە».ئامىنەنىڭ دادىسى ئۇنى ياتاق ئۆيىگە ئىتىرىپ ئەكىردى ۋە ياتاق ئۆيىنى قۇلۇپلاپ قويدى.ئامىنە ياتاق ئۆيىگى كىرىپلا چىرقىراپ يىغلاشقا باشلىدى،ئالاھىزەل خېلى ۋاقىتلاردىن كىيىن ئامىنەنىڭ يىغا ئاۋازى توختاپ قالدى.ددا-ئانا قىزىنىڭ بىرەر نەرسە بولۇپ قېلىشىدىن ئەنسىرەپ ياتاق ئىشىكىنى ئاچتى.بۇ چاغدا ئامىنە شىردەك ئېتىلىپ چىقىپ دادىسى بىلەن ئانىسىنى يىقىتىۋەتتى دە قاچماقچى بولدى.دادىسىنىڭ پۇت قايرىلىپ كەتكەچكە ئورنىدىن تۇرالمىدى.ئانىسى دەرھال بېرىپ ئامىنەنى توسۇۋالدى،ئامىنە شۇنچە قىلسىمۇ قاچالماي قولىغا تاماق ئۈستىلىدىكى پىچاقنى ئالدى-:«ماڭا يېقىن كېلىشمە بولمىسا ئۆزۈمنى ئۆلتۈرۋالىمەن نېرى كېلىشمە ،ئامىنەنىڭ ئاپىسى ئۇنىڭ قولىنى تۇتىۋالدى.ئۇلار بىردەم تىركىشە تىركەشمەيلا دادىسى ئۇلارنىڭ قېشىغا بېرىپ بولغىچە«ئا...»دېگەن ئاۋاز بىلەن پىچاق ئانىنىڭ قورسىقىغا كىرىپ كەتتى.ئامىنە ئەمدى سەل ھوشۇنى تاپقاندەك بولدى،ئۇنىڭ كىيىملىرى قانغا تولۇپ كەتتى.«مەن نىمە قىلىپ قويدۇم،مەن نىمە قىلىپ قويدۇم،ئانا مېنى كەچۈرۈڭ،مەن قەستەن قىلمىدىم،مېنى توسماسلىقىڭىز كېرەك ئىدى»،ئۇ شۇنداق دېگىنىچە چاچلىرى چۇۋۇق ھالدا ئۆيدىن يۈگۈرۈپ چىقتى-دە ئادىل بىلەن دېيىشكەن يەرگە قاراپ يۈگۈردى.بۇ چاغدائادىل ئاللىقىچان  كېلىپ بولغانىدى. ئادىل ئامىنەنىڭ  تۇرقىغا قاراپ ھاڭ-تاڭ قېلىپ گەپمۇ قىلالماي قالدى.ئامىنە قان قوللىرى بىلەن ئادىلنىڭ قولىنى تۇتقاچ ئاۋال گەپ باشلىدى:«ئادىل يۈرۈڭ كېتەيلى بۇ يەردىن تېزرەك كېتەيلى،مەن ئاپامنى ئۆلتۈرۈپ قويدۇم»ئۇ بۇ گەپلەرنى قىلغىچە بۇقۇلداپ يىغلاپ كەتتى.«نىمە »،ئادىل كۆزلىرىنى چەكچەتكىنىچە ئامىنەنىڭ قولىنى سىلكىۋەتتى ۋە ئارقىغا قاراپ كېتىشكە تەمشەلدى.ئامىنە ئادىلنىڭ بۇ قىياپىتىگە قاراپ تۇرۇپلا قالدى :«ئادىىل،مېنى ياخشى كۆرەتتىڭىزغۇ،مەن بۇ ئىشلارنى سىزنى دەپ قىلدىم ئادىل»«نىمە دېدەڭ مەن ئۈچۈنما؟ ھەي ئەخمەق،ئۆزەڭچە مېنى راس ياخشى كورىدۇ دەپ قالدىڭما؟ھا ھا ھا پۇلۇڭنى دېمىسەم ئاتا-ئاناڭنىڭ بايلىقىنى دېمىسەم  سەندك ئۆزۇمدىن چوڭ قىزنى ياخشى كۆرەمتىم مەن،يوقالغىنە،سەن مەن بىلەن قېچىپ كەتكەن تەغدىردىمۇ ئاتاڭنىڭ بىردىن-بىر قىزى بولشاندىكىن كىيىنچە دادا-ئاناڭدىن كەچۈرۈم سورىساڭ سېنى كەچۈرۋېتەتتى-دە بايلىق يەنە بىزگە مەنسۇپ بولاتتى.بولمىسا شۇنچە چىڭ تۇرىدىغان بالىمۇ مەن ھېي يوقالغىنە كۆزدىن»ئۇ شۇنداق دېگىنىچە كەينىگىمۇ قاراپ قويماي كېتىپ قالدى.ئامىنە يەردە ئولتۇرۇپ قالدى.ئەمدى ئۇ  قالايمىقان كۈلۈشكە باشلىدى...        «ھا ھا ھا....ئۇنى مەن ئۆلتۈرمۈدۈم.ھا ھا ھا..ھۈ ھۈ ھۈ ئۇنى راس مەن ئۆلتۈرمىدىم،مەن قەستەن قىلمىدىم...ھا ھا ھا،ياق ئۇنىڭغا خوپ بولدى،ساڭا خوپ بولدى،خوپ بولدى...ھا ھا ھا...»...    خاتىمە       ئامىنەنىڭ ئانسى ۋاقىتىدا دوختۇرخانىغا ئېلىپ بېرىلغىنى قوتقۇزۇپ قېلىندى،ھەم بىر يىلدىن كىيىن سەللىمازا ساقىيىپ كەتتى.ئامىنەنى بولسا دادىسى تېپىپ كېلىپ داڭلىق دوختۇرلارغا كۆرسەتتى،ئانىسىمۇ ئانىلىق مېھرى بىلەن ئۇنىڭ يارىدار قەلبىگە زەم-زەم سۈيى سەپتى.ئامىنەنىڭ كەيپىياتىمۇ خېلى تۇراقلىشىپ ياخشىلىنىشقا يۈزلەندى،ۋە چوڭلارنىڭ گىپىنى يىرمايىغان بولدى.ئۇ خېلى ياخشى بولۇپ قالغاندىن كېيىن ئانىسىغا قىلغان ئىشلىرىنى ئويلىسىلا پۇشايمەن ياشلىرىنى تۆكەتتى،ئەمما پۇشايمان قىلغان بىلەن ئورنىغا كەلمەيدۇ-دى.شۇڭا ئۇ گۇناھىنى يۇيۇش ئۇچۇن دادا-ئانىسىنىڭ گېپىنى يىرمەيدىغان بولدى .ئادىل بولسا قىمار ئويناپ تۇتۇلۇپ قېلىپ مۇددەتلىك قاماق جازاسى بۇيرۇلدى..    دادا-ئانا مۇھاببىتى پۈتۈن دۇنيادىكى ئەڭ ئۇلۇغ مۇھاببەت.ئۇ مۇھاببەت مەڭگۈ ئۆزگەرمەيدۇ.شۇڭىلاشقا دادا-ئانىمىزنىڭ مۇھاببىتىنى قەدىرلەيلى...        تۈگىدى.

aa0998

	بۇنى شېئىر قىلىپ يازغان بولسىڭىز ياخشى بولىدىكەن.... ئۈمۈد بىلەن كۈتمىگىن مىنى. قۇياش چىققان ئاسانغا قاراپ، ھەم قويمغىن تۈگىمەس سوئال. ھەر ئاخشامدا يۇلتۇزلار ساناپ. ئۈنۇد مىنى  ئەسلمە مىنى، قىينلىسەن ھەر كۈندا شۇنداق. ئەسلى ئازاپمەن بۇلسەڭ مىنى، ئۇنۇد ئالىقاچان ئۆلدى دەپ ئويلاپ.

sumayya3

	بەك ياخشى تەربىيىۋې ئەھمىيەتكە ئىگە ھىكايىكەن شۇ ئازغۇن ياشلىرىمىزغا ئاللاھ ئىگەم مۇستەھكەم ئىمان ئاتا قىلسۇن

tirikjassat

	aa0998 يوللىغان ۋاقتى  2014-7-7 01:39 PM بۇنى شېئىر قىلىپ يازغان بولسىڭىز ياخشى بولىدىكەن.... ئۈ ... بەلكىم شۇنداقتۇر...         ئەپسۇس مەن شېئىر يازالمايمەن.

tirikjassat

	sumayya3 يوللىغان ۋاقتى  2014-7-8 03:25 PM بەك ياخشى تەربىيىۋې ئەھمىيەتكە ئىگە ھىكايىكەن شۇ ئازغ ... راس دەيسىز قېرىندىشىم..

musilina

	ھېكايا مەزمۇنى ئىبرەتلىك،تەربىيىۋى ئەھمىيەتكە ئىگە ئىكەن.... بىراق ئامىنەنىڭ ئانىسىغا پىچاق تىققان مەزمۇنى زورلاپ يېزىلغان.... ھېكايە  مەزمۇنى قايىل قىلارلىق ئەمەس..... ئاتكاچىلىقىمنى كەچۈرۈڭ....

tirikjassat

	musilina يوللىغان ۋاقتى  2014-7-8 03:52 PM ھېكايا مەزمۇنى ئىبرەتلىك،تەربىيىۋى ئەھمىيەتكە ئىگە ئ ... ياقاي،شۇ يەرنى شۇ قانداق يېزىشنى بىلەلمەيراق يازغان كەمچىلىكىمنى كورسىتىپ بەرگىنىڭىزگە كۆپ رەھمەت.

بەرگى

	ئايالدا ھايا ئەردە ۋىجدان دىن ئەسەرمۇ يوقكەن .

sanjay

	مەزمۇنى  ياخشى  ئىبرەتلىك ھىكايە بوپتىكەن  بىراق     « ئانىسىغا پىچاق تىقىۋەتتى   »  مۇشۇ  بۆلىكى   ئارتۇق كېتىپتۇ           ئازراق  يۇغۇرۇپ كۈچەپ بەرسىڭىز       تېخىمۇ ياخشى  چىققۇدەك      يەنە بىرسى    ئاۋۇ قىز   ئاتا ئانىسىغا شىردەك   ئېتىلىپ ئانىس ۋە دادىسىنى يىقىتىۋەتتى  دادىسىنىڭ پۇتى قايرىلىپ كەتتى     ۋۇييۇ   ئالامەت كۈچلۈك  قىلىپ تەسۋىرلىۋېتىپسىز ھە          شىردەك ئېتىلىپ ئەمەس  ئۇلارنى بار كۈچى بىلەن  ئىتتىرىپ     دەپ ئالسىڭىز   بولغۇدەك                مىنىڭ تەكلىبىم

tirikjassat

	sanjay يوللىغان ۋاقتى  2014-7-8 04:22 PM مەزمۇنى  ياخشى  ئىبرەتلىك ھىكايە بوپتىكەن  بىراق     « ئ ... ئە  بولىدۇ