ئابلىكىم كەلكۈن ئەپەندىگە

rustorahbar

	كەتسە مەيلى رۇستەم قاراسۇ كەتسە كەتسۇن بىۋاپا كەتسۇن، شۇ كەتكەنچە قەدرىڭگە يەتسۇن، ۋاپاسىز نە دەردىڭگە يەتسۇن، كەتسە مەيلى قېرىندشىڭ بار. تاشلاپ كىتەر شۇنداق باغرى تاش، بۈگۈن ئازاپ سەن بىلەن يولداش، يېشىڭ تېخى يېگىرمە بەش ياش، كەتسە مەيلى ئوتتۇز يېشىڭ بار. يالغان سۆيگۈ ھامان كۈل بولا، تۆگەپ كەتمەس باغدا گۈل تولا، ئەتە ئۆرۈك بۈگۈنكى غورا، كەتسە مەيلى باھار قىشىڭ بار. كۈلۈپ ياشا قايغۇرمىغىن ھەم، ئۆمۈر يەيدۇ ئازاپ قايغۇ غەم، يارسىز بولۇپ قالماس رىزقىڭ كەم، كەتسە مەيلى رىزىق ئېشىڭ بار. رۇستەم قاراسۇ ئاتۇشتا يېزىلدى

WIJDAN..?

	ناخشىسى بولىدىكەن....

rustorahbar

	نىساگۈل رۇستەم قاراسۇ سىزگە چۆشتى پىقىر كۆزى نىساگۈل، گۈلزاردىكى گۈلنىڭ ئۆزى نىساگۈل. قاراسۇدىن تاللىۋالغان يارىم سىز، دانە-دانە تاتلىق سۆزى نىساگۈل. ئەنسىرەيمەن سىزدىن كېچە-كۈندۈزى، سىز بەختىمنىڭ نۇرانە بىر يۇلتۇزى، گۈزەللەرنىڭ گۈزەلى ھەم ئەڭ ئۇزى، ئويماق لەۋلىك ئانار يۈزى نىساگۈل. ئايرىلمايمەن بولۇڭ مەڭگۈ ھەمرايىم، سىزدىن باشقا يوقتۇر مېنىڭ يات يارىم، بەختىممۇ سىز ئامرىقىم ھەم باھارىم، بېغىمدىكى گۈلنىڭ ئۆزى نىساگۈل. رۇستەم قاراسۇ 2014.يىل 8.ئاي 27.كۈن رىزۋانگۈل بىلەن رېھىمگۈلنىڭ دوستلۇقىغا رۇستەم قاراسۇ دوستلۇق رېشتى داۋام قىلسا كۆڭۈل توق، دوستى يوقنىڭ مادارى يوق كۈچى يوق. چىن دوستلارغا ھەسەت قىلما ھەۋەس قىل، ھەقىقى دوست دوستى ئۈچۈن يەيدۇ ئوق. تۇمۇز-يازدا دوغ سۇنىدۇ دوست دىگەن، زېمىستاندا چوغ بولىدۇ دوست دىگەن. بۇ ھاياتنىڭ داۋانىدا ئىگىز-پەس، تەڭ يېقىلىپ تەڭ تۇرىدۇ دوست دىگەن. پۇرەكلىسۇن چىن دوستلۇقنىڭ گۈللىرى، ئۈزۈلمىسۇن ساداقەتنىڭ كۈيلىرى. كەم بولسىمۇ مەيلى بولسۇن مال-دۇنيا، كەم بولمىسۇن ھەر كىمنىڭ چىن دوستلىرى. رۇستەم قاراسۇ 2014.يىلى8.ئاي 27.كۈنى

ئاشقىن1

	izqel يوللىغان ۋاقتى  2014-7-7 02:57 AM مەن سەنئەت كىچىلىكىگە ئائىت ئۇچۇردىن بەك رايىم يوق ئىد ... مېنى ئۇ پلاستىنكىدىن بىرنى ئالدۇرىدىغان بولدىڭىزدە.

XAHZAD

	كىچىك قىزىمۇ بەكلا ئوماق بالىكەن بالىسى بىلەن كىچىلىكمۇ قىززىپتۇ

rustorahbar

	ئاتۇشتا رۇستەم قاراسۇ سۇتۇق بۇغرا ئىزى ئاتۇشتا، ئەلانۇرخان قىزى ئاتۇشتا. مەرىپەتنىڭ ئاشىقى تەۋپىق، ياققان مەشئەل نۇرى ئاتۇشتا. قايتۇرما ئاتۇش ئاتۇش گۈزەل يۇرت ئاتۇش، كۈندىن كۈنگە ئۆرلە بولۇپ قۇش. كۈيلىرىمنىڭ تۆرىدە سەن بار، تىلىكىم شۇ كۇر مىڭ زەپەر قۇچ. تاش ئۆستىگە قۇرۇلغان شەھەر، ئويغانغان ھەم ھەممىدىن سەھەر. جەڭ سەپەردە ئاتلىق كارۋىنى، قۇچۇپ كەلگەن قەدەمدە زەپەر. رۇستەم قاراسۇ ئاتۇشتا يېزىلدى ئاتۇش رۇستەم قاراسۇ ئانام مېنىڭ يۈرىكىم ئاتۇش، دادام مېنىڭ يۈلىكىم ئاتۇش. ئەركەكلىكنى بەرگەن ھەم ماڭا، كۈچ-مادارىم يېلىكىم ئاتۇش. باغلىرىدا ئەنجۈرى پىشقان، ئوغول-قىزى شۇنچىلىك ئىشچان. زەم-زەم كەبى ھەر تامچە سۈيى، بىر جېنىمغا قۇشىدۇ مىڭ جان. بۇلبۇل قۇنۇپ باقمىغان گۈلدۇر، شەرمى ھايا ئاتۇش قىزىدا. جاھان كىزىپ تېجارەت قىلغان، يېگىتلىرى ئەجداد ئىزىدا. رۇستەم قاراسۇ ئاتۇشتا يېزىلدى

rustorahbar

	پەدەم بار رۇستەم قاراسۇ ئاتۇش يولى بويىدا، بەش مۇ يەردە بىدەم بار. ئەھۋالىمنى سورىماڭ، يۈرۈكۈمدە زىدەم بار. مەھەللىسى بەك يىراق، كۈندە بىر رەت پەتەم بار. بۈگۈن يارنى كۆرمىدىم، كۆرەي دەيمەن ئەتەم بار. خەخ چالغانغا چالمايمەن، ئۆزەم تۈزگەن پەدەم بار. كىتەلمەيمەن ئايرىلىپ، ئايرىلماسقا ۋەدەم بار. رۇستەم قاراسۇ ئاتۇشتا يېزىلدى نىكاھ مۇھاببەت رۇستەم قاراسۇ ئاتا-ئاناڭ ئۆتەپ بۈگۈن قەرزىنى، ئادا قىپتۇ ھەق ئىسلامنىڭ پەرزىنى. نىكاھ بىلەن ھالال جۈپتۈڭ يار بولدى، تەبرىكلەيدۇ ئاسمان-زىمىن ئەل سېنى. قولىقىڭغا قىسقان گۈلۈڭ ئەزىزدۇر، ئاللاھ بەرسە پەرزەنىتلىرىڭ ئىزىڭدۇر. ئوغلۇڭ بولسا ئۆچۈپ قالماس چىراغىڭ، ئۆيۈڭنىڭكى تۈرىدە گۈل قىزىڭدۇر. كۆيگەن ئەمەس نىكاھ ئەسلى مۇھاببەت، بىر جۈپلەرنى سىنار جاپا-مۇشاققەت. ئايالىڭنى قەدىرلىگىن بىر ئۆمۈر، ئاجىزە ئۇ بولما ھەرگىز بىشەپقەت. بۈگۈن قۇتلۇق كۈندۇر كۈلسۇن ھەممىلەر، بىر جۈپلەرگە بەخىت تېلەڭ يۈرەكلەر. قول كۆتۈرسەك ئەل-جامائەت يا رەب دەپ، ئىگىسىگە يەتسۇن ياخشى تېلەكلەر. رۇستەم قاراسۇ :قاراسۇدا يېزىلدى

xahzada100

	ھەقىقەتەن  ئادەمنى  يىغا باسدىكەن

rustorahbar

	مېنىڭ مىللىتىم رۇستەم قاراسۇ نەپرىتىمدىن ئۆركەشلەر دىڭىز، نەدە قالدى ئەجداد سالغان ئىز. شەرمى-ھايا ئۆلدىمۇ ۋىجدان، مال-دۇنياغا سېتىلغان ئەي قىز. تۆگەشتۈردى ئەركەكنى كەيىپ، كىمدىن كۆرەي كىملەردە ئەيىپ. ئاچچىق تولغاق يەيدۇ ئويغاقلار، نادانلىرى ئەقىلدە مېيىپ. تۆگىمىدى يۇرتۋازلىق تېخى، بايلار كۆپتۇر كەمدىن-كەم سېخى. دەرەخ بولسا مېنىڭ مىللىتىم، بىر-بىرىنى ئۇرىدۇ شېخى. يۈرەك-باغرىم يىغلار تۇرماس جىم، مېنىڭمۇ بار بەلكىم ئىللىتىم. مەرىپەتتىن ئايرىلغان قەۋىم، مەڭگۈ زۇلمەت ئىچىدە يېتىم. رۇستەم قاراسۇ ئاتۇشتا يېزىلدى

rustorahbar

	كېرەك ئەمەس ئەمدى باشقىسى رۇستەم قاراسۇ بەخىت ئىزدەپ بەختىمنى تاپتىم، كىرەك ئەمەس ئەمدى باشقىسى. گۈل قولۇمدا قەدرىمنى تاپتىم، كىرەك ئەمەس ئەمدى باشقىسى. كىپىنەككە ئوخشاپ قالغۇم يوق، يارنى سۆيدۈم كۆڭلىدە غۇم يوق، يارىم ياندا شۇڭا باغرىم توق، كىرەك ئەمەس ئەمدى باشقىسى. ۋەدەم بولسۇن دوسلۇرۇم،ئەلگە، ھەۋىسىم يوق باشقا گۈللەرگە، بىر گۈل يىتەر ھەقىقى ئەرگە، كىرەك ئەمەس ئەمدى باشقىسى. ساڭا بېغىشلايمەن گۈلۈم ئاتۇشتا يېزىلدى 2014.يىلى 9.ئاينىڭ 12.كۈنى جۈمە