پۇل ئېلىش ماشىنىسدىن پۇل ئالغاندا توك توختاپ قالغان ئەھۋالدا

sanjay

	پۇل ئېلىش ماشىنىسدىن پۇل ئالغاندا  توك توختاپ قالغان ئەھۋالدا                                   5-ئاينىڭ 23-كۈنى كەچتە، بانكىنىڭ ئاپتوماتىك پۇل ئېلىش ماشىنىسىدىن پۇل ئالماقچى بولغان ئەر بانكا كارتىسىنى شۇنداق سېلىشىغا توك توختاپ قېلىپ كارتىنى چىقىرالماي قالدى. بانكىنىڭ مۇلازىمەت مەركىزىگە تېلېفۇن قىلىپ ياردەم تەلەپ قىلغاندا قارشى تەرەپ يېرىم كېچىدە نەق مەيدانغا بېرىپ قارشى تەرەپنىڭ مەسلىسىنى ھەل قىلىپ بېرىشكە ئۇنىمىدى، شۇنىڭ بىلەن پۇلىنىڭ ئوغرىلىنىپ كېتىشىدىن ئەنسىرىگەن ئەر كېچىچە يوغان بىر قۇلۇپنى سېتىۋېلىپ كېلىپ بانكا ئىشىكىنى ئېتىۋېلىپ پۇلىنى قوغدىدى، بىراق ئۇنىڭ بۇ قىلمىشى ساقچىلارنىڭ ئەيىبلىشىگە ئۇچىرىدى. يۇتىۋېلىنغان بانكا كارتىسىنىڭ ئىككىنچى كۈنى ئالغىلى بولىدىغانلىقىنى ئاڭلىغان ئەر دەرھال بانكا ئاپتوماتىك پۇل ئېلىش كۆزنىكىنىڭ ئىشىكىنى ئېتىۋالدى 5-ئاينىڭ 23-كۈنى كەچ سائەت ئوندىن ئاشقاندا، ليۇخې شەھىرىدىكى ۋاڭ فامىلىلىك ليۇخې شەھىرى لۇخۇجياڭ سودا سارىيىنىڭ يېنىدىكى بىر بانكىنىڭ ئاپتوماتىك پۇل ئېلىش ماشىنىسىدىن پۇل ئالماقچى بولۇپ، كارتىنى شۇنداق سېلىپ تۇرۇشىغا بۇ يەرنىڭ توكى توختاپ قالغان ھەم بانكا كارتىسى ماشىنىنىڭ ئىچىدە قېلىپ قالغان، ئۇ باشتا بۇلاڭچىلارغا ئۇچىرىغان ئوخشايمەن دەپ قورقۇپ كەتكەن، كېيىن توك توختاپ قالغانلىقىنى بىلگەندىن كېيىن دەرھال بانكىنىڭ مۇلازىمەت مەركىزىگە تېلېفۇن قىلىپ ياردەم تەلەپ قىلغان، چۈنكى شۇ كۈنى كېچىسى جىددى پۇل ئىشلەتمەكچى بولغاچقا بەك ئالدىراپ قالغان ئىدى. بىراق بانكىنىڭ مۇلازىمەت مەركىزىدىكى خادىم بۇ يېرىم كېچىدە بېرىپ بۇ مەسىلىنى ھەل قىلىشنى ئاۋارىچىلىق دەپ قاراپ ئەتە ئەتتىگەن بېرىپ ھەل قىلىپ بېرىشىنى، بانكا كارتىسىدىكى پۇلنىڭ يوقاپ كەتمەيدىغانلىقىنى، خاتىرجەم بولۇپ قايتىپ كېتىشىنى ئېيتىپ تېلېفۇننى قويۇۋەتتى. بىراق ۋاڭ فامىلىلىك كارتىسىدىكى پۇلدىن يەنىلا خاتىرجەم بولالماي سىرتىدىكى بىر دۇكاندىن يوغان قۇلۇپنى سېتىۋېلىپ كېلىپ بۇ بانكىنىڭ ئاپتوماتىك پۇل ئېلىش مەركىزىنىڭ ئىشىكىنى ئېتىۋالغان. ئۇ شۇندىلا خاتىرجەم بولۇپ ئۆيىگە قايتىپ كەتمەكچى بولغان، ئۇ مېڭىش ئالدىدا بانكا ئىشىكى ئالدىغا ئېسىپ قويۇلغان تىجارەت ۋاقتىنى كۆرۈپ بانكىنىڭ چۈشتىن بۇرۇن توققۇزدىن باشلاپ چۈشتىن كېيىن بەشكىچە ئېچىلدىغانلىقىنى كۆرۈپ ئەتىسى ئەتتىگەندە توققۇزدا كېلىپ بانكا ئىشىكىنى ئېچىپ بېرىشنى، شۇنداق قىلغاندا ھەم بانكا كارتىسىدىكى پۇلنى ساقلاپ قالغىلى ھەم بانكا خادىملىرىنىڭ خىزمىتىگە تەسىر يەتكۈزمەيدىغانلىقىنى ئويلاپ قايتىپ كەتكەن. ئۆيىگە قايتىپ كەلگەن ئەر ئۆزىنىڭ بانكا ئىشىكىنى ئېتىپ قويغانلىقىنى ئۇنتۇپ قېلىپ ئۇخلاپ قالدى ئەسلىدە ئادەتتە خىزمىتى جاپالىق بولغان ۋاڭ فامىلىلىك ئۆيىگە قايتىپ كېلىپ جىددى پۇل لازىم بولۇپ قالغان بولغاچقا نەچچە دوستىغا تېلېفۇن قىلىپ ئىشلىتىدىغان پۇلنى تەقلەپ قويۇپ، يېرىم كېچىدە ئاندىن ئۇخلاپ قالغان. ئۇ بەك چارچاپ كەتكەن بولغاچقا ئۆزىنىڭ بانكا ئىشىكىنى تاقاپ قويغانلىقىنى ئۇنتۇپ قېلىپ قاتتىق ئۇخلاپ قالغان. 5-ئاينىڭ 24-كۈنى چۈشتىن بۇرۇن تاتلىق چۈش كۆرۈپ ئۇخلاپ ياتقان ۋاڭ فامىلىلىك ساقچىلارنىڭ تېلېفۇنىنى قوبۇل قىلىپ ئۆزىنىڭ بانكا ئىشىكىنى تاقاپ قويغانلىقىنى ئەسكە ئالغان. ئۇ دەرھال بېرىپ بانكا ئىشىكىنى ئېچىپ ئۆزىنىڭ بانكا كارتىسىنى ئېلىۋالغان. بانكا خادىمىنىڭ تونۇشتۇرىشىچە، ئەگەر مۇشۇنداق توك توختاپ قېلىپ بانكا كارتىسى ئاپتوماتىك پۇل ئېلىش ماشىنسى ئىچىدە قالغان ئەھۋال ئاستىدا ھېچقانداق ئەنسىرىمەسلىكىنى، چۈنكى بۇ ۋاقىتتا توك توختاپ قالغانلىقتىن كىرگۈزۈپ بولغان مەخپىي نومۇر ئۆزلىكىدىن ئىناۋەتسىز بولىدىكەن، شۇڭا قەتئىي ئەنسىرىمەسلىكى كېرەكلىكىنى ئېيتقان. گەرچە ۋاڭ فامىلىلىك ئۆزىنىڭ بانكا كارتىسىدىكى پۇلدىن ئەنسىرەپ بانكا ئىشىكىنى تاقاپ قويغان قىلمىشى گەرچە قانۇنغا خىلاپلىق قىلغانلىق بولمىسىمۇ بىراق بانكىنىڭ نورمال تىجارىتىگە تەسىر يەتكۈزگەنلىكى ئۈچۈن ساقچىلاردىن تەنقىد ئاڭلىغان. ۋاڭ فامىلىلىكمۇ ئۆزىنىڭ بۇ قىلمىشىنىڭ بەك چەكتىن ئېشىپ كەتكەنلىكىنى ئېتىراپ قىلىپ بانكا خادىملىرىدىن كەچۈرۈم سورىدى.                                                 مەنبە :　زامانىۋى تېز خەۋەر گېزىتى

malika1234

	ياخشى  تىما ئەكەپسىز  رەخمەت

باشتۇغ

	بۇنىمۇ بىلىۋالايلى، ياخشى مەزمۇنكەن .

uyghur05

	قۇلۇپ سېلۋالغىنىنى كۆرەڭ ئەمدى توۋا

evir

	ئۇنداق كارتامنى يۇتۇۋالدى، بىر نېمنى چاينىۋالدى دېسە بانكا خىزمەتچىلىرى يېقىنمۇ يولىمايدۇ... ماۋۇ ماشىناڭلار 500 كوينى ماڭا جىق بېرىۋەتتى دەپ باقسۇنا،،، بەش مىنۇتتا كېلىدۇ... كەلگەندە ئاندىن بولغان ئەھۋالنى چۈشەندۈرسىمۇ بولىدۇ.

Uyghurbufet

	بۇ ئەھۋالدا كىرگۈزگەن مەخپى نومۇرمۇ ئىناۋەتسىز بولۇدىكەندە…… ئادەتتە كارتىنى يۇتۇۋالسىغۇ ، ۋاقتىدا بانكىغا خەۋەر قىلىش بەك مۇھىمكەن. بەزىدە كارتىدىن پۇل ئېلىش مەشغۇلاتى تاماملىنىپ، بىراق پۇل قىسىلىپ قېلىپ چىقمايدىغان ئىشمۇ بولۇدىكەن.

uyghari

	دىققەت قىلىشقا تىگىشلىك ياخشى تىمىنى يوللاپسىز، رەھمەت.

zulpukar

	بۇنداق ئەھۋاللار كۆپ جۇمۇ.............  مەنمۇ بىر ۋاقىتتا جىددى پۇل ئالماقچى بۇلۇپ كارتىنى سېلىپ ئەمدى پارولنى باساي دەپ تۇرسام مەشخۇلات مەغلۇپ بولدى دىگەن خەت چىقماسما...  كارتىنى ئېلۋالاي دەپ كارتا چىقىرىش كونۇپكىسىنى باسسام كارتا چىقماي تۇرۋالدى... بىر ئاز ساقلىسام  كارتىنى يۇتىۋالدى، ئامال يوق  بانكا خادىملىرنىڭ كېلىشىنى كۈتۈپ تۇردۇم، قىززىق يېرى شۇكى  قاراپ تۇرسام ئاشۇ ماشىنىدىن پۇل ئالىمەن دەپ كارتىنى سالغانلا كىشىنىڭ كارتىسىنى يۇتىۋەتتى بىردەمدىلا 4 ئادەمنىڭ كارتىسى يوق بولدى....   بانكا خادىملىرى ئىشقا چۈشكەندە بولغان ئەھۋالنى دىسەك ئۇلار كارتىنى ئېلىپ بەرگەن ئىدى.......

alzapar0302

	ھەجەپ ياخشى قىپتۇ مەن بولساممۇ شۇنداق قىلاتتىم .

musilina

	نېمە دېگەن قاپ يۈرەك بۇ ۋاڭ دېگەن،قورقماي تۇرۇپ بانكىنى تاقاپ قويغىنىنى.....