ئۇيغۇر مەھەللىسى

تاڭنۇر

	ئۇيغۇر مەھلىسى ئاپتورى : خەيرۇللا قۇربان ‹ بورتالا › زەپ چىرايلىق پۇراقلىق بوستان ئۇيغۇر مەللىسى ، دىلغا ئارام ھاۋالىق سالقىن ئۇيغۇر مەللىسى ، پەرزەنتلىرى ياراملىق پاكدىل ئۇيغۇر مەللىسى ، گۈل گىياھسى جۇلالىق رەتلىك ئۇيغۇر مەللىسى ، ئەزان توۋلار جاراڭلىق ، ئۆزلۈك ئۇيغۇر مەللىسى . ھەر دوقمۇشتا خۇشچىراي تۇنۇش سىما چاقنايدۇ ، بىر بىرىنى قوغلىشىپ ئۇماق بالىلار يايرايدۇ ، ئۇيغۇر تىلىدا قۇشلارمۇ دىلغا ئارام سايرايدۇ ، قانمىغاندەك ئۇيغۇرغا ئاي يۇلتۇزمۇ پاتمايدۇ ، بۈك باراقسان باراڭلىق راھەت ئۇيغۇر مەللىسى . ئېرىقلاردا ئاقىدۇ  سۈزۈك سۇلار ئەجىرلىك ، ھۆرمىتى بار ئىنساننىڭ بارچە دىلدا قەدىرلىك ، ئەسلەپ ئۆتمۈش تارىخنى بوران چىقار قەھىرلىك ، سۆيىنىدۇ بۇ يۇرۇتتىن سەھرا ياكى شەھەرلىك ، بەزى ئۇچۇق تۇمانلىق سىرلىق ئۇيغۇر مەللىسى . تەڭ توۋلايدۇ ناخشىنى تەڭ ئىشلەيدۇ ئېتىزدا ، قېرىنداشلىق مىھرى بار بىر تال باشاق مېغىزدا ، ئەسسالامنىڭ ھۆرمىتى ۋەئەلەيكۈم ئېغىزىدا ، ئىجابەت بار تىلەك بار ، بىر ئاللاھدا خىزىردا ، پاك ھايالىق ۋاپالىق ئۆمجان ئۇيغۇر مەللىسى . نان سورىسا ھاجەتمەن ئايىمايدۇ جېنىنى ، ھەقىقەتكە ئاتايدۇ ھەتتا ئىسسىق قېنىنى ، ماياك قىلغان ئۆزىگە، ئۆتكۈر، تەۋپىق ئىزىنى ، يۇرۇق قىلىش نىشانى ئۇيغۇرلارنىڭ يۈزىنى ، قىسمىتى كۆپ جاپالىق كۆركەم ئۇيغۇر مەللىسى . تۆي – تۆكۈننىڭ ھۆرمىتى ئۇيغۇرلاردىن بىلىنەر ، ئايۋان – ساراي ئۆيلىرى مىللى روھتا بىزىلەر ، بولسا بىرەر ھازىدار بارچە يۈرەك ئىزىلەر ، بەركەت خۇددى ئۈرۈكتەك مېھمان ئۈچۈن تۆكىلەر ، سەۋرىسى بار ساپالىق رەڭدار ئۇيغۇر مەللىسى . ئىسسىق تاماق سۇنىدۇ ، قۇلۇم – قوشنا ئۆزئارا ، ئاغرىق سىلاق كۆپ ئەمەس داۋا بولغاچ ساپ ھاۋا ، قىز – ئاياللار ھايالىق ھۆرمىتى بار ئەتىۋا  ، ئەركەكلىرى مەردانە ئەمەس تۇزگور ، بىۋاپا ، ئۈزۈلمەيدۇ قانداشلىق ئۆتەڭ ئۇيغۇر مەللىسى . ھېيىت – ئايەمدە پەتىلەپ ، يوقلاپ تۇرار مىسكىننى ، پەرىشتىدەك كۆرىدۇ  ئىشىك چىكىپ كىرگەننى ، ساۋاق بىلەن تەربىيلەر  يامان يولدا يۈرگەننى ، قەدىرلەيدۇ ، قوللايدۇ ، شەرەپ بىلەن كۈلگەننى ، ئادەملىرى ساۋاتلىق ، ئاۋات ئۇيغۇر مەللىسى . بازارلىرى ئاۋاتتۇر قوغۇن – تاۋۇز ، چارۋىدا ، مەنگەن سامان چىگىت بار ئاتقا قوشقان ھارۋىدا ، لازىمەت بار مۇھتاج بار  دېھقان ئاكام تاغرىدا ، خۇشاللىق بار ھەسرەت بار ، ساپايىدا ، ناغرىدا ، رەستىللىرى قايناغلىق قايناق ئۇيغۇر مەللىسى . بۇ مۇخەممەستىكى مەھەللىسى دېگەن سۆزنى بۆرتالادا ‹‹مەھلىسى›› دەپ ئالغان.بوغۇم ئېتىبارى بويىچە مەھەللىسى دەپ ئالساق ئاھاڭدارلىق بۇزۇلىدىكەن.شۇڭا‹‹ مەللىسى›› دەپ تۈزىتىپ قويدۇق.

iltebir

	ئۇيغۇر مەھەللىسىمۇ ؟ياكى بۇ مەھلىسى دېگەن  باشقا مەنىدىكى سۆزمۇ؟

sirikbuya

	iltebir يوللىغان ۋاقتى  2014-7-2 12:39 PM ئۇيغۇر مەھەللىسىمۇ ؟ياكى بۇ مەھلىسى دېگەن  باشقا مەنىد ... توغرا ئېملا خاتالىقىمۇ ياكى مەھلىسى دىگەن ئۆزىنىڭ ئاتالغۇسىمۇ ئەسلىدە ( ئۇيغۇر مەھەللىسى دىسە بىر خىل چىرايلىق چىقاتتىكەن تىمىنىڭ مەزمۇنىدىنغۇ ئۇيغۇر مەھەللىسى دىگەن مەنا  باردەك

شرئەلى118

	ئىملا خاتالىقىمىكىن دىسەم تەھرىرلەپ بولغان تېمىكەن ، چۈشىنەلمىدىمغۇ مەھلە دىگەن سۆزنى

kaxtexijan

	مەنمۇ يۇقارقى تورداشلارنىڭ پىكىرىدەك پىكىردە مەھەللە بىلەن مەھلە

zulpukar

	ئادەتتە يەرلىك شىۋىلەردە ( بىر قىسىم جايلاردا ) مەللە دەپلا ئاتايدۇ،،، يېزىقتا بولسا مەھەللە دەپ يېزىلىدۇ،،،،  شۇڭا يوقاردا تۈزۈتۈپ بولغان سۆز بولسا  مەللىسى دەپ ئېلىنىپتۇ...........  بۇنى يەنە چۈشەنمىگەنلەر خېلى كۆپكەن دىسە

kaqvr

	يېزا تۇرمۇشى جانلىق ئەكىس ئىتىپتۇ . ياخشى يىزىپسىز .

sardor0908

	شىئىر ئىنتايىن ياخشى چىقىپتۇ .شىئىردىكى يىزا،شىۋە پۇرىقى ئىنتايىن كۈچلۈك .لىكىن،مىسرانىم بولسا ئاممىباپ تور بولۇش سۈپپىتى بىلەن ئورتاق ئۇيغۇر تېلىنى قوللىنىشىمىز كىرەك .ئەلۋەتتە ‹ئۆزتەم›نىڭ بولىشىمۇ بىزنىڭ تېلىمىزنىڭ رەڭدارلىقى .مۇۋاپىق بىرتەرەپ قىلايلى .

TAXNAI2

	بازارلىرى ئاۋاتتۇر قوغۇن – تاۋۇز ، چارۋىدا ، مەنگەن سامان چىگىت بار ئاتقا قوشقان ھارۋىدا ، لازىمەت بار مۇھتاج بار  دېھقان ئاكام تاغرىدا ، خۇشاللىق بار ھەسرەت بار ، ساپايىدا ، ناغرىدا ، رەستىللىرى قايناغلىق قايناق ئۇيغۇر مەللىسى . ئۇيغۇر مەھەللىسىنى  ناھايىتى  ئوبرازلىق تەسۋىرلەپ بېرىپسىز ......قەلمىڭىز ھېرىپ قالمىغاي... مەن بەك ياقتۇردۇم...

qaxmazulal

	مەھەللىسى دىگەننى ئېغىز تىلىدا مەللىسى دەپلا ئېلىۋېرىپتۇ....ئەسەردىكى ئىچكى مەزمۇن ،بىزنىڭ مەھەللىلەر يېقىملىق كۆرۈنگەندەك ئىشلەتكەن مەللىسى دىگەن گەپمۇ شۇنداق يېقىملىق بىلىندى.