ھەققانىي: شاگىرتىم (ساتىرا)

akkani

	شاگىرتىم                                    (ساتىرا ) ئاپتۇرى: ئابدۇۋەلى راخمان ھەققانىي                                                                   (پېشقەدەم ئۇستاز تىلىدىن )                      يول كۆرسەتسە ئۇستازى،دايىم ئازغان شاگىرتىم،                    جاپا ئەيلەپ ۋاپاغا چوماق ئاتقان شاگىرتىم،                    ئاش بەرگەنگە مۇشت تەڭلەپ گۇناھ قاتقان شاگىرتىم،                    ۋۇجۇدىدىن كەمتەرلىك بەدەر قاچقان شاگىرتىم،                    مەنمەنچىلىك دۆڭىدىن پاناھ تاپقان شاگىرتىم.                      ئۇستازىدىن پەن-بىلىم،ھۈنەر-تېخنىك ئېگەللەپ،                    ھوقۇق تاپتى،پۇل تاپتى كۆرۈڭ تۈمەن-تۈمەنلەپ،                   يۈز تاپقانچە ئىنساپنىڭ گېرادۇسى تۆۋەنلەپ،                   مېڭىشلىرى ئۆزگۈرۈپ كەتتى قالتىس كۆرەڭلەپ،                   بولدى بۈگۈن يۇلى كەڭ،لەۋزى يالغان شاگىرتىم.                    باش سىلىغان قوللارنى كەتتى ئەپسۇس ئۇنتۇلۇپ،                  كۆرمەس بولدى ئۇچراشساق كۆزلىرىگە ياغ تولۇپ،                  ئىزدەپ كەلسەك گاھىدا ھاجەت بولۇپ يالۋۇرۇپ،                  قويماس ھەتتا دوتەيدەك كىرىسلودىن قوزغۇلۇپ،                  روھى زەئىپ،ئۈزى پەس،تۇرقى ئاسمان شاگىرتىم.                   سۇ ئىچكەندە قۇدۇقنى قازغانلارنى ئەسلىمەي،                 ۋاپادارغا-ياخشىغا ياخشىلىقنى نەخلىمەي،                 ۋاھ ! نىمانچە غاپىللىق ئۆز ھالىنى پەملىمەي،                 ( مەڭگۈ ئۇچقان قۇش نەدە،ئاخىر بىركۈن پەسلىمەي)                  تۇزىنى يەپ تۇزلۇقنى ئۇرۇپ-چاققان شاگىرتىم.                   چىقسا بوۋاق مەنسەپكە دەيدۇ ئۇ : پىر-ئۇستازىم                   پېشقەدەمگە ھۆرمەت يوق ياكى رەخمەت ياتازىم،                 دەمدىكىن ئۆز كۆڭلىدە ئەمدى نىمە مۆھتاجىم،                 لەنەت سەندەك تۇز كورغا يول بەرمىگەي دەۋرانىم،                 باشپاناھقا پۇت ئاتقان پەيلى ھايۋان شاگىرتىم.                  خۇددى دان-دان گۈرۈچنىڭ بولغىنىدەك سوكلىرى،                ھەر جايدا بار ئادەمنىڭ يولسىز ئۈششۈق كۆكلىرى،                چىقىپ قالۇر ئاز ساندا شاگىرتنىڭمۇ دۆتلىرى،                ئۇستازىغا سادىقتۇر لېكىن يەنە كۆپلىرى،                تەنبىھ قىلدىم ئوڭلانغاي قىڭغىر ماڭغان شاگىرتىم.

tamken

	ئاپىرىن  .ئىلھاملىرىڭىز دولقۇنلاپ تۇرسۇن.

زەردار007

	رەھمەت سىزگە بەك ياخشى يىزىپسىز......

m@jnun

	ئاللا ئاللا   بەك ياىشى يازىسىز جۇمۇ..

kok-sultan

	ئىنسانغا شاگىرتىنىڭ ۋاپاسىزلىقىدىن ئېغىر ھاقارەت بولمايدۇ.

uqkun134

	ئاپىرىن  .ئىلھاملىرىڭىز دولقۇنلاپ تۇرسۇن

arka1

	ياخشىكەن

rabbey

	نىمە دىيشىمنى بىلەلمىدىم ھەققانىي لىكىن ئىنكاس يازمايمۇ تۇرالمىدىم