گۈلۈمسەن....(پىروزە)

پىروزە

	گۈلۈمسەن....(پىروزە) مۇھەببەت دېگەن بۇ سۆزنى تېخى نۇرغۇن-نۇرغۇن ئادەملەر چۇشەنلمەسلىكى مۇمكىن، بەزى بىر كىشىلەر نەزىرىدە مۇھەببەت بەك ئۇلۇغ نەرسە، بەلىكىم ئۇلارغا مۇھەببەت بولمىسا، بۇ دۇنيادا ياشىيالماسلىقى مۇمكىن، بەزىلەرگە نىسپەت مۇھەببەتنىڭ ھېچقانداق مەنسى يوق، مۇھەببەت دېگەن بۇ سۆز ئۇلارنىڭ ھايات لوغىتىدە يوق، بەزىلەرگە نىسپەتەن مۇھەببەت، ھاياتنىڭ ئۆزلىرىگە بەرگە بىر سوغىسى خالاس، ھاياتنىڭ بىر قىسمى. يەنە بەزىلەرگە نىسپەتەن مۇھەببەت دېگەن پەقەت بىر ئويۇن، تاماششا......... تۆۋەندىكىسى تۆت ئەتراپى تاغ بىلەن قورشالغان، ھاۋاسى ساپ، گۈزەل بىر كىچىك ناھىيەدىكى ئاددى مۇھەببەت ھېكايسى! 1) گۈزەل بالىلىقتىكى شېرىن ھايات - ئەسسىلاممۇ ئەلەيكۈم شەرۋان ئاپا، مۇھەممەت ئۆيدە بارمۇ؟- ئەمدىلا 6ياشقا كىرگەن گۈلنەزەر دادىسى بىلەن يەسلىدىن قايتىپ كەپلا، ئۆيىگىمۇ كىرمەي ساۋاقىدىشى مۇھەممەتنى ئىزدىدى، چۈنكى بۈگۈن مۇھەممەت يەسلىگە بارمىغان بولۇپ، كۈندە مۇھەممەت بىلەن بىللە يۇرۇپ كۆنۈپ قالغان گۈلنەزەر بىر كۈن مۇھەممەتنىڭ بولمىغىنىغا ئىچ پۇشۇپ كەتكەن ئىدى. - بار، قىزىم بار، ئۆيدە ئويناۋاتىدۇ، سىزمۇ كىرىڭە، بۈگۈن سىزنى كۆرمەي تازا جىدەل قىلىۋاتاتتى بۇ بالا، - ماقۇل، شەرۋانە ئاپا،-گۈلنەزەر شۇنداق دەپ مۇھەممەتنىڭ ھۇجۇرا ئۆيىگە كىردى. - ۋۇي، گۈلۈم مەن بۇ يەردە،-تاماق ئۇستىلىنىڭ كەينىگە يۇشۇرنىۋالغان مۇھەممەت گۈلنەزەرنى كۆرۈپ، ئۇنى چاقىردى. - مۇھەممەت، ئۇستەلنىڭ كەينىدە نىمىش قىلىۋاتىسە. - شۇ زېرىكىپ، ئۆزۈم يالغۈز ئوغىرى ساقچى ئويناۋاتاتتىم، سەن كىرىپ قالدىڭ. - ھى، ھى ئۆزى يالغۈزمۇ ئوغىرى ساقچى ئوينىغىلى بۇلامدىكەن؟ - ھەئە، ئىشەنمىسەڭ ئويناپ بېرەي ھە، قاراپ تۇر. - ھەي بولدى، بولدى، بۈگۈن يەسلىگە نىمىشقا بارمىدىڭ؟ - شۇ ئاپام بۈگۈن مېھمانغا بارىمىز، يەسلىگە ئەتە بار دېگەنتى. - مېھمانغا بارىمىز دەپمۇ، يەسلىگە بارمىغان بارمۇ، بۈگۈن سەن يوق، سىنىپىمىزدىكى مەردان قېشىمغا كېلىپ ئولتۇرۋېلىپ مېنى بەكلا بوزەك قىلدى. - مەردانما، خەپ ئەتە يەسلىگە باراي، تازا بىر ئەدىۋىنى بەرمىسەم. - ئۇچۇ سەندىن ئىگىز، ئۇرۇشۇپ قالساڭ چوقۇم سېنى ئۇرۋېتىدۇ، ئا قېتىممۇ سېنى تامغا تاقاپ تۇرۇپ بېشىڭغا سۇپۇركىنىڭ كەينى بىلەن ئۇرۇپ قانىتىۋەتكەنتىغۇ. - ئۇ چاغدا مەن تېخى مەشىق قىلمىغان ئىدىم، ھازىر تازا مەشىق قىلدىم، قارا مۇسكۇلۇمغا، ئەتە ئۇنى كۆتۈرۈپ ئالدىڭغا تاشلىۋەتمەن. - ھى ، ھى ئاپامچۇ، سېنى دادىسىغا ئوخشاش بەك پوچى دېگەنتى، راسىت پوچىكەنسەن، ئەمدى مەن سېنى پوچى دەپ چاقىرىمىسام. - مېنىڭ داداممىچۇ، غولجۇلۇق دېگەن ئاشۇنداق پوچى بالام، پو ئاتساڭ ھېچنىمە بولمايدۇ دېگەن، شۇڭا پو ئاتىمەن تازا........... بۇ ئىككى ئۇماقنىڭ ئۆينى بىر تاملا ئايرىپ تۇرىدىغان بولۇپ، كىچىگىدىنلا بىللە چوڭ بولغان، گۈلنەزەرنىڭ ئاتا-ئانىسى ئۇنى گۈلۈم دېگەچكە، مۇھەممەتمۇ شۇلارنى دوراپ گۈلنەزەرنى گۈلۈم دەپ چاقىرىدۇ، بۇ ئىككىلىسى بىرلا بالا بولغاچقا، ئۇنىڭ ئۇستىدە مەھەللىسىدە ئۇلاردىن باشقا تۈزۈك كىچىك بالا بولمىغاچقا، ئىككىسى دايىملا بىللە، مۇھەممەت گۈلنەزەردىن 5ئاي بۇرۇن تۇغۇلغان بولۇپ، ئىككىسىنى يەسلىگە بېرىدىغان چاغدا، ئايرىم-ئايرىم سىنىپقا كىرگۈزۈپ قويسا يىغلاپ ئۇنىماي مەجبۇرى بىر سىنىپقا كىرىپ بىر پارتىدا ئولتۇراۋالغان، بۇلارنىڭ ئاتا-ئانىسىمۇ بىر-بىرسىنىڭ بالىلىرىنى ئۆز بالىلىردەكلا كۆرىدۇ، گۈلنەزەرنىڭ ئاتا-ئانىسى قىزنىڭ يالغۈز بولۇپ قالغىنىغا، قېشىدا مۇھەممەتتەك بىر  بالىنىڭ بولىشىدىن خۇشال، ھېچ بولمىسا مەكتەپتە مۇھەممەتنى گۈلنەزەرنى قوغدايدۇ دەپ ئويلايدۇ ھەم خاتىرجەم.... بالىلىقتىكى چاغلار بەكلا گۈزەل جۇمۇ، بۇ ئۇماقلارغا نىسپەتەن تېخىمۇ شۇنداق، ئەگەر گۈلنەزەر ئاپىسىنى ئىككى كۈن كۆرمىسە ھېچقانداق  جىدەل قىلمايدۇ، يۇ لېكىن مۇھەممەتنى بىر كۈن كۆرمىسە، يىغلاپ ئاتا-ئانىسىڭ بېشىنى يەيدۇ. مۇھەممەتمۇ ھەم شۇ يەسىلىدىمۇ شۇنداقتى مانا ئەمدى مەكتەپكە كىرىپمۇ، گۈلنەزەرگە ھېچقانداق بىر ئوغۇل بالىنى يامان كۆزدە قارىتىپ باقمىدى، مۇھەممەت  سىنىپىدا ھەممىدىن كىچىك پاكار بولسىمۇ، بەك قىززىقچى، يۈمۈرىستىك مىجەزى بىلەن ھەممىنىڭ مەستىلىكىنى كەلتۈرۈدۈ، گۈلنەزەرمۇ، بەكلا ئۇماق تاتلىق قىز بولۇپ، بۇلارنىڭ بەكلا يېقىنلىقىنى كۆرگەن ئوقۇتقۇچىلارمۇ ئۇلارغا بىر نەرسە دىيەلمەيدۇ، ئۇلارنىڭ ساۋاقداشلىرىمۇ ئۇلارنى بەزىدە بىر تۇققانمىكىن دەپ قالىدۇ، ئۇلار باشلانغۇچنىڭ ئەڭ ئاخىرقى يىللىقىدا ئوقۇيدىغان چاققۇ دەيمەن، ئۇلارنىڭ سىنىپىدىكى ساجىدە سوراپ قالدى: - ھەي مەن ئىككىڭلارنى ئاكا-سىڭىل دەپ يۇرەتتىم، لېكىن سىلەرنىڭ داداڭلارنىڭ ئىسمى ئوخشىمايدىكەنغۇ، بىرىڭلارنىڭ داداڭلارنىڭ ئىسمى ياسىن يەنە بىرڭلارنىڭ جۈرەت مەن پەقەتلا چۇشۇنەلمىدىم، ئىككىڭلار يا بىر نەۋرىمۇ زادى قانداق مۇناسىۋەتتە؟-ساجىدەنىڭ بۇ سۇئالىغا گۈلنەزەر نېمە دەپ جاۋاپ بېرىشىنى بىلەلمەي قالدى، ئانغىچە مۇھەممەت شوخلۇق قىلىپ: - ساراڭمۇ سەن كىم بىزنى بىر تۇققان ياكى بىر نەۋرە دېدى، بىز دېگەنچۇ سەن مەڭگۈ بىلىپ بۇلالمايدىغان مۇناسىۋەتتە، سەن بۇخىل مۇناسىۋەتنى ھەتتا چۇشۇڭدىمۇ ھېس قىلىپ بۇلالمايسەن...-مۇھەممەتنىڭ قاش-كۆزىنى ئوينىتىپ ئېيىتقان بۇ سۆزىدىن ساجىدە بىر نەرسىنى چۇشەنگەندەك سەت ھېجاراپ كەتتى، ئەنە شۇنىڭدىن باشلاپ، تاكى تۇلۇقسىزنى پۇتتۇرۇپ، تۇلۇققا چىققۇچە ساۋاقداشلار ئوتتۇرسىدا بۇ ئىككى ئۇماق توغۇرسىدا ھەرخىل گەپلەر چىقىپ تۇردى.   لېكىن بۇ ئىككىسى بىر-بىرسىگە پەقەت بۇ توغۇرلۇق گەپ قىلىپ باقمىغان ئىدى (مۇھەممەتنىڭ بەزىدە شوخلۇقى تۇتۇپ قېلىپ چاخچاق قىلغىنىدىن باشقا) دېمىسىمۇ ئۇلار ناھايتتى كىچىكتە، گۈلنەزەرنىڭ ئاتا-ئانىسى گۈلنەزەرگە مۇھەممەتنى نەچچە قېتىم ئاكا دەپ چاقىرىشنى ئېيتقان بولسىمۇ، لېكىن گۈلنەزەر پەقەتلا ئۇنى ئاكا دەپ چاقىرالمىدى، گۈلنەزەرنىڭ خىيالىدا ئۇ مۇھەممەتنىڭ گۈلى ھەرگىز سىڭلىسى ئەمەس، ئەگەر مۇھەممەت بىرەر قېتىم ئۆزىنى گۈلۈم دەپ چاقىرماي ئىسمىنى چاقىرىپ سالسا، مۇھەممەتنىڭ چىرايىغا نەچچە كۈن قارمايدۇ، لېكىن بۇلار بىر-بىرسىدىن پەقەتلا ئايرىلالمايدۇ، بۇنىڭ سەۋەبىنى بىلىپ بولغىلى بولمايدۇ، بەلكىم بۇلار بىر-بىرسىگە بەكلا كۆنۈپ قالغان بولسا كېرەك.......... شۇنداق قىلىپ بۇلارنىڭ ئەڭ گۈزەل بالىلىقى ئاخىرلاشىپ تولۇق ئوتتۇرغا چىقتى، شۇنىڭدىن باشلاپ ئۇلارنىڭ مۇھەببەت ھېكايسى ھەققى باشلاندى.... (2) دوسلۇقتىن باشلانغان مۇھەببەت داۋامى بار....... مەنبە: پىروزە

yaprak2012

	يەنە بىر مۇھاببەت ھىكايىسى باشلىنىپتۇدە

arbabbiz

	ھەممە مۇنبەرگە تەڭ يوللىدڭىزما؟

tirikjassat

	بەك ياخشى چىقىپتۇ. ئەمما چۈشىنەلمىگەن يېرىم 6ياشلىق بالا يەسلىدە ئوقۇماس؟ باشلانغۇچ مەكتەپنىڭ يېشىغا تىشىدىغاندۇ ؟    كۆپ سۆزلەپ قويغان بولسام ئەپۇ قىلارسىز

oygurum

	يەنە  ياخشى ھېكايىدىن  بىرنى   ئۇقۇيدىكەنمىزدە  ،   ئەمما  مەزمۇنى  بەكلا  ئاز  .    مەن  مىسرانىمغا   ئەزا   بولغىلى   بەك ئۇزۇن بولدى   .  مۇنبەر  سىرتىدىنلا   تېما  كۆرەتتىم   سىزنىڭ   « تىلامچى  قىز » ماۋزۇلۇق   ھېكايىڭىزنى   تۇلۇق   ئۇقۇپ   چىقتىم     بەكلا  ياخشى   يازغان  ئىدىڭىز .    بۇ  ئەسىرىڭىزنىڭمۇ   ياخشى  چىقىشىغا   تىلەكداشمەن .     بايا  ئەلكۈيىدە  « مېنى تاشلىۋەتكىنىڭگە   رەھمەت  جېنىم »  ماۋزۇلۇق   ئەسەرنى   ئۇقۇپ   قاتتىق   ئاچچىقىم  بىلەن  چىققان  بۇ يەرگە     نىمىلا  بولمىسۇن  ياخشى   ھېكايىنى  ئۇقۇشقا       مۇشەرەپ   بوپتىمەن . داۋامىغا  تەشمەن  .   باش سۆرىتىڭىزنى    ئىسمىڭىزغا    پەقەتلا ماس كەلمىگەندەك  ھېس قىلدىم !

sanjay

	tirikjassat يوللىغان ۋاقتى  2014-6-30 07:59 PM بەك ياخشى چىقىپتۇ. ئەمما چۈشىنەلمىگەن يېرىم 6ياشلىق با ... 7 ياشتىن باشلاپ ئاندىن  باشلانغۇچقا  كىرەر     ،     شۇنداق بولغاندا    15 ياشتا تۇلۇقسىزنى  ،  18 ياشتا  تۇلۇقنى  پۈتتۈرەر   .                      ئەسەرگە  قايتىپ كەلسەك   .        يېڭى ئەسىرىڭىز  باشلىنىپتۇ     كۆپ قىسىملىق   .                  بۇ ئەسەرنى تاماملاشتىمۇ  غەيرەت قىلىڭ   ،      سىز بۇ ئەسەرنى يېزىپ تاماملاپ بولغان ھامان ،  مەنمۇ سىزگە ئاتاپ ،بىر تاققا تۇققا  يېزىۋىتەي دېدىمغۇ  .

tirikjassat

	sanjay يوللىغان ۋاقتى  2014-6-30 08:22 PM 7 ياشتىن باشلاپ ئاندىن  باشلانغۇچقا  كىرەر     ،     شۇندا ... چۈشەندۈرگىنىڭىزگە كۆپ تەشەككۈر..

پىروزە

	arbabbiz يوللىغان ۋاقتى  2014-6-30 07:58 PM ھەممە مۇنبەرگە تەڭ يوللىدڭىزما؟ ھەممە مۇنبەر دېگىنىڭىزنى چۇشنەلمىدىمغۇ،  مەن پەقەت ئىككى مۇنبەرگىلا ئەزا، شۇڭا قانداق تېما يازسسام ئىككى مۇنبەرگە تەڭ يوللايمەن.

diyarm

	سىز‹‹گۈزەلنۇر››بىلەن‹‹مۇھەممەت››دىگەن ئىسمگە بەك ئامراقمۇ ھە؟ ‹‹تىلەمچى قىز›› ھىكايسدىمۇ شۇنداق؟ بۇ ھىكايمۇ شۇنداق باشلىپتۇ؟ مىنىڭ پەرەز قىلشمچە سىزنىڭ ئىسمڭىز‹‹گۈزەلنۇر›› ئوخشايدۇ، ‹‹مۇھەممەت››مۇ چوقۇم........... ئەسەرنىڭ ياخشى چىقىشغا تىلەكداشمەن،

sanjay

	tirikjassat يوللىغان ۋاقتى  2014-6-30 08:26 PM چۈشەندۈرگىنىڭىزگە كۆپ تەشەككۈر..    ئەرزىمەيدۇ        مەنمۇ ئىسىمدە تۇرۇپتۇ    6 ياشقا توشقاندا   باشلانغۇچقا  ئالمىغان مىنى يېشى كىچىك دەپ          نەخ  7 ياشقا توشقاندا ئاندىن  كىرگەن باشلانغۇچقا         لىكىن ھازىر قانداقكىن مەنمۇ بىلمەيمەن         ھازىر ئوخشىمايدۇ بەلكىم        مىنىڭ نەۋرە ئاچامنىڭ  12 ياشقا كىرگەن بالىسىمۇ   تۇلۇقسىز دا  ئوقوۋاتىدۇ  شۇنىڭغا قارىغاندا     ئوخشىمايدىغان ئوخشايدۇ