سەھرادا باھار

YALPUZ

	خاسىيەت ساملاق (يالپۇز) قارا جېنىم قارا سەھرادىكى تاتلىق باھارغا يىڭى ھاياتقا قارا جېنىم !سەھرايىمنىڭ باھارىنى كۆرمىگىلى ساڭا ئۇزۇن بولغاندۇ ھە... سەھرا ئېرىمەكتە خۇددى قىزىق چايدىكى ناۋاتتەك ،باھار ئۇچقۇنلىرى تەپتىدە مۇز بولغان يۈركۈم ئاستا -ئاستا ئىللىماقتا خۇددى سەن قۇياش بولۇپ يىنىمغا كىلىدىغاندەك قەلبىم بىر ھاياجان ئىلكىدە شادلىققا تولاتتى . قارا ئۆگەن دەرياسىغا پارچە -پارچە مۇزلار ئارىسىدا بىر كۈي ياڭرىماقتا ،ئانامنىڭ ئەللەي ناخشىسىدەك تاتلىق بىر ئاھاڭدا تاغ ھىدىنى ئىلىپ تارىمغا سىڭمەكتە ،تۇمۇر -تۇمۇرلىرىدىن سەھراغا يىڭى بىر قان بولۇپ تارىماقتا .خۇددى سەھرانىڭ كۇيۇمچان ئانىسىدەك سەھرانىڭ باغرىغا سېڭمەكتە،كەل جېنىم سەھرانىڭ باھار پەيتىدە ۋىسال شادلىقىغا جور بولايلى . چوڭ ئۆستەڭ ،كىچىك ئۆستەڭلەرباھارنىڭ تاتلىق كۇلكىسىدىن ئويغىنىپ ئويناقشىپ قاغجىراق زىمىنغا ئالدىراش چىپىشماقتا ،كىچىك -كىچىك ئېرىقلاردا باھار تولغۇنۇپ- تولغۇنۇپ ئاقماقتا ...ئىسىڭدىمۇ سەن بىلەن ئېرىق بويىدا تاتلىق ۋەدىلەرنى بىرىشكىنىمىز ؟ ئاڭلا جېنىم ئېقىنلارنىڭ شىۋىرلاشلىرى مىنىڭ تىۋىشلىرىمنى ،پىنھان سىرلىرىمنى شۇنداقلا يىڭى بىر كۈينى ئەنە ساڭا ئېيتىپ بىرىۋاتىدۇ ...بەلكىم چۈشلىرىڭدە ئايان بولغۇسى . قۇلاق سال جېنىم باھار ئەلچىسى شوخ شامال زىمىننى سىپاپ ئۆتمەكتە ،يىقىملىق سۆيۈشلىرى بىلەن سەھراغا باھارنى باشلاپ كەلدى .ئەجىبا سەن ھەجەپ بىللە كەلمەپسۇنغۇ ؟ھىچ بولمىسا ھىدلىرىڭنى ئاشۇ شوخ شامالدىن ماڭا ئەۋەتسەڭچۇ ئەركەم ؟ يۈركىڭنىڭ تىۋىشىنى ئاڭلا جېنىم مەن تاتلىق كۇلۇشلىرىم بىلەن شوخلىقمنى ساڭا ئەۋەتتىم ،يۇزلىرىڭنى ئەركىلىتىپ ،چېچىڭنى سىلاپ قاچقان شوخ شامالنى قوغلىما ئۇ مەن جېنىم ... باھار شاماللىرىدىن سېغىنىچلىرىمنى بىر ساڭا ئەۋەتتىم . ئىللىق بىر ئوت سەھرانى قۇچاقلايتتى ،قار- مۇزلار ئېرىپ دەرەخلەر باشلىرىنى سىلكىپ باھار دەپ شىۋىرلايتتى.مەنمۇ ئىختىيارسىز باھارغا ئەگەشتىم ئەمما مەن بىر قەترە كەلسەڭچۇ جېنىم دەپ شىۋىرلايتتىم ،قارا جېنىم باھار جىمى جانلىقلارنىڭ يۈركىنى ئەكەپتۇ لىكىن سىنىڭ ئاشۇ قەلبىڭنى ماڭا ئەپ كېلىشنى ئۇنتۇپ قالدىمۇ يە ؟ياكى سەن ماڭا تەئەللۇق ئاشۇ يۈركۈڭنى باھاردىن ماڭا يادىكار قىلىپ سۇنۇشنى ئۇنۇتتۇڭمۇ ؟يۈركۈڭگە قارا جېنىم ئۇ نىمە دەپ سۆزلەۋاتىدۇ ؟ باغلاردا ئۆزگىچە مۇڭ ئۆزگىچە ھاياتلىق ئەۋج ئالاتتى باھار تىۋىشىنى سەزگەن ئالما،ئۇرۇك ،نەشپۇت ،شاپتۇللار ھۇزۇر بىلەن كۇلەتتىكى كۇلگەنسىرى ھالرەڭ ،ئاق چىچەكلەر ئېچىلىپ خۇشبۇي ھىدلىرى باغنى بىر ئالاتتى ...؟قاراجېنىم چېچەك پەسلى كىلىشى بىلەن ئېرىق بويىدىكى جىگدىلەر يەنە مىنى خىياللار قاينىمغا ئىلىپ بىرىپ تاتلىق ئەسلىمىلەر ئىچىگە تاشلايدۇ ...سەنمۇ ئاشۇ بىغۇبار ئۇنتۇلغۇسىز ئەسلىمىلەرنى سۇيۇنۇش ئىچىدە ئەسلەپ باقتىڭمۇ ؟چېچەك پەسلى رەڭدار قىزغىنلىققا تولغان پەسىل بىزنىڭ بەخىت پەسلىمىز بولۇپ قالسىچۇ جېنىم ھە ؟باھارغا يۇشۇرۇنغان خىياللىرىمنى باھارغا ئۇنسىز سۆزلەپ بىرىۋاتىمەن ئۇ ئاشۇ خىياللىرىمنى ساڭا ئېلىپ بارسۇن دەپ ... سەھرادا باھار باشقىچە ، ئۇنىڭ يۈرەكلەرنى لەرزىگە سالغۇچى چىچەك پەسلى ئۆزگىچە .... زىمىن كۆزىنى ئاچماقتا قىشلىق ئۇيقىسى قانسا كېرەك سەھرانىڭ ساپ ھاۋاسىدىن زەمزەم كەبى سۇلىرىدىن جان ئىلىپ باغرى رەڭدارلاشماقتا ،مانا قارا ئالدىراش ئىشلەۋاتقان دىھقانلارغا ئۇلار نۇرۇز تەنتەنىسىدە يىڭى بىر يىلغا مەدىھيە ناخشىسىنى تېرىۋاتىدۇ .مانا قارا دىھقانلارنىڭ تەرىدىن يىڭى كۈي ،يىڭى بىر ناخشا سەھرا باغرىدا يىتىلمەكتە .مەنمۇ قەلبىمگە بىرتال باھار ئۇرقى تىرىپ قويدۇم ئۇنى ۋاپا ،ئىشەنچ مۇھەببەت سۇيىدە سۇغورۇپ ،پەپىلەپ پەرۋىش قىلىۋاتىمەن سۆيگۈ گۈلى بولۇپ ئېچىلسۇن دەپ ....بىلىۋاتامسەن جېنىم باھارغا سىڭىپ كىتىۋاتقان سۆيگۈمىزنى ،بىلىپ بىلمەي يىتىلىۋاتقان مۇھەببەت ئىتىزىمىزنى بىللە تېرىيلىچۇ جېنىم... نەم تۇپراقتىن يەر ھىدى ،ياق ياق ئانا زىمىن ئانا يەر ھېدى كېلىۋاتىدۇ ئانام كۆكسىدىن تارىغان ئىللىق سۇت ھېدىدەك ... ئىسىڭدىمۇ يەرگە ئۇرۇق سالغاندا يالاڭ ئاياق ئۇرۇق سېلىش ماشىنىسىنىڭ كەينىدىن ساددىلارچە يۇگۇرۇشكىنىمىزنى ،چوڭ شەھەرلەردە يۇرۇپ ئاشۇ سەھراچە قىلىقلارنى ئىسىڭگە ئالالىدىڭمۇ ؟ئاشۇ پاك تۇپراق ھىدى سىڭگەن مۇھاببىتىمىزگە پەقەت ناپاكلىق ئارلاشمىسىكەن دەيمەن .... تۇنجى باھار يامغۇرى سەھرانى يۇماقتا ، باھار قۇياشىدا كىرلەشكەن قەلىپلەر ئاستا -ئاستا سۇزۇلمەكتە ... قارا جېنىم تۇنجى باھار يامغۇرىغا ئۇ كائىناتىنى يۇماقتا بارچە مەينەتچىلىك،نەسچىلىكنى يۇماقتا ،ئىنسانلارنىڭ روھىنىمۇ پاك - پاكىز يۇيىۋاتقان بولسىچۇ ھە ؟ قاراجېنىم سىمىلداپ يىغىۋاتقان يامغۇرغا قارا مىنىڭ تەنھالىقىمغا ئىچى ئاغىرغاندەك مەن بىلەن تەڭ يىغلاۋاتىدۇ ،سىزىۋاتامسەن جېنىم يامغۇردىكى ئاچچىق نىدايىمنى . يۇزلىرىڭگە تىنماي چۇشىۋاتقان يامغۇردىن قاچما مىنىڭ ساڭا بولغان سېغىنىشىم سىنىڭ لەۋلىرىڭدە تىنەشنى ئىستىگەن چاڭقاق سۆيگۈم ئەنە لىۋىڭدە دەقىقە توختاپ قالسۇن ، سىنىڭ باغرىڭغا سىڭىپ كەتسۇن .لەۋلىرىڭدىكى يامغۇر تامچىسىنى سۇرۇتمىگىن جېنىم ئۇ مىنىڭ باھاردىكى سۆيگۈم ... ئۇيقىدىكى يۈرەكلەر ،ئۇيقىدىكى ھاياتلىق سەگەكلىشپ باھار باھار دەپ يىڭى بىر يىلغا ،يىڭى بىر سەھەرگە، يىڭى بىر ئەتىگە قاراپ قۇچاق ئاچماقتا . سەھرادا باھار باشقىچە كىلىدۇ ئۇ بارچە دىللارنىڭ ،تەبىئەتنىڭ خەۋەرچىسى ،مۇزلىغان زىمىننىڭ ھارارەتلىك قۇياشى ،بارچە پەسىللەرنىڭ ئەركىسى نەۋرۇزنى بىللە باشلاپ كىلىدۇ ... نەۋرۇزغا ئەگەىشىپ سەنمۇ بىللە كەلسەڭچۇ جېنىم نۇرۇز تەنتەنىسىدە يۇرتىمىزنىڭ نۇرۇز ئېشىنى بىللە ئىچەيلى ،كۆك ئېشىنى سېغىنمىدىڭمۇ ؟ماڭا يەنە تۆت قۇلاق ئىزدىشىپ بەرگىن ؟نۇرۇز بىلەن تەڭ ۋاپا گۈلزارلىقىمىزدا سۆيگۈ گۈلى چىچەك ئاچسۇن ،سەن بىلەن خوشاللىق ناخشىسىنى بىرگە ئېيتقۇم بار جېنىم ... سەھرادا باھار باشقىچە ، ئۇ چالغان ھاياتلىق سىمفۇنىيىسى ئۆزگىچە ... سەھرادا ياشىمىغانلار سەھرانىڭ بۇنچە نازۇك ،بۇنچە يىقىملىق بۇنچىلىك لىۋەن ھەمدە بۇنچىلىك تاتلىق پىچىرلايدىغانلىقىنى بىلمەيدۇ .سەھرادا شۇنچىلىك ساپ ،شۇنچىلىك سەبى سۆيگۈلەرنىڭۇ بىخ سۇردىغانلىقىنى بىلمەيدۇ ،سەھرادا باھار تاتلىق پىنھان سۆيگۈلەرنى بىرگە ئىلىپ كىلىدۇ ،ئۇياتچان سەھرا قىزلىرىدەك... سەھرادا باھار شۇنچىلىك رايىشلىق ئىلكىدە كىلىدۇ خۇددى مۇلايىم قىزچاقتەك ... سەھرادا باھار بىر شادىيانە كۈيگە ئەگىشىپ كىلىدۇ خۇددى لەرزان ئۇسۇلچى قىزدەك ... سەھرادا باھار ئىللىق ھارارەتنى بىرگە ئېلىپ كىلىدۇ خۇددى چوغدەك يىنىۋاتقان ،سەھرا ئۈچۈن كۇيىۋاتقان ئىشچان سەھرا قىزلىرىدەك ... ۋاھ سەھرادا باھار باشقىچە ، ئۇنىڭ ئۇيقىدىكى ھاياتلىقنى ئويغاتقۇچى سېھرى ئۆزگىچە ... يالپۇز تىۋىشلىرى

sardor0908

	نەسىركەن ھە ......مەن خەنچە ئوقىغان بولساممۇ ئۇيغۇرچە شىئىرنى ئوقۇپ چۈشىنەلەيمەن ،لىكىن مۇشۇ نەسىرنى پەقەت چۈشىنەلمەيمەن .ياكى مەن ئانا تېلىمنى ياخشى ئۆگىنەلمىدىممۇ ياكى نەسىر ھەقىقەتەن تەس چۈشىنىشلىكمۇ ئۇقمايمەن .

ئالمىچى

	sardor0908 يوللىغان ۋاقتى  2014-6-30 03:40 PM نەسىركەن ھە ......مەن خەنچە ئوقىغان بولساممۇ ئۇيغۇرچە شى ... سىز ئۇيغۇرچىنى تازا ئوبدان چۈشۈنەلمىگەن ئىكەنسىز، مىنىڭچە سىز ئۇيغۇرلارنىڭ ھەقىقى  تارىخىنى چۈشەنمەيسىز ياكى باشقىلارنىڭ مەقسەتلىك  ئويدۇرۇپ چىقارغىنى بويىچە چۈشىنىسىز، ئىسلام دىنىنىڭ تارىخىنىغۇ ئەسلا،،،،، ئۇيغۇر تىلىنىمۇ ئۈگۈنۈپ قويۇڭ، بولمىسا مۇشۇنداق چىنىپ قالىدىغان گەپ، بەزى ئىنكاسلىرىڭىزغا قاراپ ئادەم سىزنى ئۇيغۇرچىغا پىششىق باشقا مىللەتتىن بولغان مۇنبەر ئەزاسىمىكىن دەپ قالىدىكەن. ئۇيغۇر تۇرۇپ ئۇيغۇرچە مەزمۇنلارنى چۈشەنمىسىڭىز يۇقارقى پەرەزلەر توغرا چىقىپ قىلىشى مۇمكىن، شۇنداق بولۇپ قىلىشتىن ساقلىنىش ئۈچۈن، ئۇيغۇرچە كىتاپلارنى كۆپرەك ئوقۇپ بىرىڭ، شۇ چاغدا تىمىنى چۈشەنمەي تۇرۇپ ئىنكاس يىزىپ سىلىشتىن ساقلىنالايسىز، سەمىمى تەكلىپ،،،،،،،

sardor0908

	ئالمىچى يوللىغان ۋاقتى  2014-6-30 04:50 PM سىز ئۇيغۇرچىنى تازا ئوبدان چۈشۈنەلمىگەن ئىكەنسىز، مى ... مۇنبەرداش مەن نەدىن سۆزلۈدۈم سىز نەدىن سۆزلەۋاتىسىز ؟ئىشىنىمەنكى تارىخىمىز توغۇرلۇق بىلىم سىزدىن كەم ئەمەس .مەندە تارىخى بىلىشكە نىسبەتەن سىزدىن بەكرەك بىلىش ،ئوقۇش ،تەتقىق قىلىش مۇھىتى بار شۇڭا ......... سىزدەك دىن ئانداق -مانداق ئېماندىن گۇمان قىلىدىغانلاردىن مۇنازىرە بىھاجەت . قىرىندىشىم .تېمىغا قاراپ ئىنكاس يىزىڭ .باشقا تېمىدىكى ئىشنى يەنە بىر تېمىغا سۆرەپ ئەكىرمەڭ .يەنە كىلىپ ئۇيغۇرچە سۆزلۈكنى بىلىمەن .سىزمۇ بىلىسىز لىكىن ئۇيغۇر تېلى پاساھەتلىك تېل بولغان .ئىپادىلەش كۈچىمۇ زور شۇڭا بەزى چۈشىنىشمەسلىكنى بولىشى ھەيران قالارلىق ئەمەسقۇ ؟

fatima

	يالپۇزنىڭ لىرىك نەسىرلىرنى ئۇقۇمىغىلى ئۇزۇن بۇپتىكەن.نەسىردە گۈزەل سەھرانىڭ قەلىبلەرنى نەقەدەر  سۈيۈندۈردىغان تەرەپلىرىنى بەك ياخشى نامايەن قىلىپسىز.

مۇجاھىد5

	بەك ياخشى يېزىپسىز.

باشتۇغ

	مەن مۇشۇنداق ياخشى نەسىرنى كۆرمەپتىمەن ئەجەپ . ياخشى يېزىلىپتۇ .

ۆمۈتۋار

	بەك ياخشى يېزىپسىز.