چىڭگىزخاننىڭ قاشتېشى مۆھىرى

WWW.UYHQT.COM

	چىڭگىزخاننىڭ قاشتېشى مۆھىرى ئابلىكىم ئاۋۇت   قەدىمىي تاش قورال دەۋرىدىن باشلاپلا قاشتېشى جۇڭگۇلۇقلارنىڭ مەدەنىيەت تۇرمۇشىغا ھەمرا بۇلۇپ كەلگەن.قاشتېشى پادىشاھ ۋە شاھ جەمەتىنىڭ شاھانە بۇيۇملىرىنى ئۇيۇشتا كەم بولسا بولمايدىغان بىباھا گۈھەر سۈپىتىدە ھۇقۇقنىڭ،مەرتىۋىنىڭ،ئىسىلزادىلىكنىڭ.....سىموۋلى بولۇپ كەلگەن.جۇڭگۇ تارىخىدىكى تۇنجى پادىشاھ چىن شىخۇاڭ قاشتېشى مۆھۈر ئىشلەتكەندىن باشلاپ قاشتېشى مۆھۈر پادىشاھلىقنىڭ سىموۋلى بۇلۇپ كەلگەن.چىن شىخۇاڭدىن كېيىنكى دەۋرىدىكى پادىشاھلارمۇ مۇشۇ ئەنئەنىنى سىجىل ساقلاپ كەلگەن بولۇپ ،جۇڭگۇ تارىخىدىكى مەشھۇر ئىمپىراتۇر چىڭگىزخانمۇ بۇنىڭدىن مۇستەسنا بولالمىغان ھەم قاشتېشى مۆھۈر ئىشلەتكەن. 2009 -يىلى  بېيجىڭ مىللەتلەر مەدەنىيەت مىراسلىرى تەتقىقات جەمىئىتى ئىچكى مۇڭغۇل خۇخۇت شەھىرىدە ، يوقاپ كەتكىنىگە 700 يىلدىن ئاشقان چىڭگىزخاننىڭ قاشتېشى مۆھىرىگە تەقلىد قىلىپ ياسالغان ئەجدىرھا باشلىق مۆھۈرنىڭ پۈتكەنلىكىنى ئەل-جامائەتكە ئېلان قىلدى. ئاپتۇر:ئۇيغۇر قاشتېشى تورىدىن جىياڭسۇ ئۆلكىسى ۋۇشى شەھىرى 2014-يىلى 6-ئاينىڭ 26-كۈنى پايدىلانغان مەنبە:بەيدۇ تورى

WWW.UYHQT.COM

	(6)خوتەن قاشلىرىدىن ئۇيۇلغان بۇيۇملار جەمگاھى << خوتەن قاشتىن ئۇيۇلغان پۇللار>> ئابلىكىم ئاۋۇت تارىم ۋادىسىدىكى ئىنسانلار قەدىمىي تاش قوراللار دەۋرىدىن باشلاپلا خوتەن قاشلىرىنى بايقىغان ۋە ئۇنىڭدىن تۈرلۈك شەكىللەردە پايدىلىنىشنى بىلگەن . ئۇزاق تارىخى دەۋىرلەردىن دەۋرىمىزگىچە  خوتەن قاشلىرى ئوخشىمىغان ئۇسۇلدا ئىشلىتىلگەن ۋە ئىشلىتىش دائىرىسى كۈندىن-كۈنگە كېڭەيگەن دەۋرىمىزدە ھەم كېڭىيىۋاتىدۇ.لىكىن بىزنىڭ خوتەن قاش مەدەنىيىتىدىن خەۋەرسىز بىر قىسىم كىشىلىرىمىز ئاددىي ھالدا ‹‹ خوتەن قاشلىرىنى پەقەت بۇت ئۇيۇشقىلا ئىشلىتىدۇ....›› دەپ قاراۋاتىدۇ ھەم قاشگەرلىك كەسپىنىڭ ساغلام تەرەققىياتىغا باشقىچە كۆزدە قاراۋاتىدۇ. ئۇنداقتا خوتەن قاشلىرى راستىنلا بۇت ئويۇشتىن باشقا ئىشقا ئىشلىتىلمەمدۇ؟ خوتەن قاشلىرى-تېببىي دورىگەرلىك،گىرىم بۇيۇملىرى،زىننەت بۇيۇملىرى،مەدەنىيەت بۇيۇملىرى،تۇرمۇش بۇيۇملىرى ،سوۋغات بۇيۇملىرى........قاتارلىقلارغا ئىشلىتىلگەندىن باشقا يەنە تۇرمۇشىمىزنىڭ نۇرغۇن تەرىپىدە ئىشلىتىلگەن، ئىشلىتىلىۋاتىدۇ ۋە داۋاملىق ئىشلىتىلىش دائىرىسى كېڭەيمەكتە. خوتەن قاشلىرى دىيارىمىزنىڭلا ئەمەس ،جۇڭگۇنىڭ داڭلىق ماركىسى.شۇنداقلا دۇنيادىكى تەبىئىي قېزىلما بايلىقلار ئىچىدە ئالدىنقى ئون تۈرلۈك بايلىقنىڭ بىرسى .دىيارىمىزدا خوتەن قاشلىرىنىڭ زاپاس مىقتارى خېلە سالماقنى ئىگەللەيدۇ.دەريالاردىن چىقىدىغان زىرە قاشلار تۈگەش باسقۇچىغا كېلىپ قالغان بولسىمۇ ،تاغلىرىمىزدىكى كان قاشلىرىنىڭ زاپاس مىقتارى ناھايىتى مول بولۇپ ئېچىپ پايدىلىنىشىمىزنى كۈتمەكتە. دىيارىمىزدا بۇ كەسپ بىلەن شۇغۇللىنىۋاتقان كەسىپداشلارنىڭ سانىمۇ نەچچە يۈزمىڭغا يېتىدۇ....... خوتەن قاشلىرى جۇڭگۇنىڭ نۆۋەتتىكى مەبلەغ سېلىش بازىرىدىكى ئەڭ قىزىق نۇقتا بولماقتا.باھاسىمۇ تىك سىزىق ھالىتىدە ئۆسمەكتە .(مۇتەخەسىسلەرنىڭ دەلىلىگە ئاساسلانغاندا 1980-يىلدىن ھازىرغىچە خوتەن قاشلىرىنىڭ باھاسى 1300ھەسسە ئۆسكەن ). قانداق قىلىپ پەقەت دىيارىمىزدىنلا چىقىدىغان خوتەن قاشتىن ئىبارەت بۇ تەبىئىي بايلىق ئۈستۈنلىكىنى نەچچە مىڭ يىللىق ئەنئەنىگە ئىگە كۆھكەنلىك(ئويمىچىلىق) ھۈنەر تېخنىكىمىز بىلەن ئورگانىڭ ھالدا بىرلەشتۈرۈپ ئىقتىسادىي ئۈستۈنلىككە ئېرىشتۈرۈپ خەلقىمىزگە ئامەت ئېلىپ كېلىدىغان كەسىپكە ئايلاندۇرۇش ھەر بىر ۋىجدان ئىگىسى سالماقلىق بىلەن ئويلىشىدىغان جىدىدي ئىشلار جۈملىسىدىندۇر. تور بېتىمىز خوتەن قاشلىرىنىڭ تارىختىكى ۋە دەۋرىمىزدىكى ئىشلىتىلىش ئورنى ۋە پايدىلىنىش دائىرىسى بويىچە خوتەن قاشلىرىدىن ئۇيۇلغان بۇيۇملارنى ئۆز تۈرلىرىگە ئاساسەن تۈرلەرگە ئايرىپ ئاۋامغا سۇنىمىز. تۆۋەندە تارىختا ئىشلىتىلگەن ،قاشتېشىدىن ئويۇلغان  پۇللارنى ھۇزۇرۇڭلارغا سۇندۇق. خەن سۇلالىسى ئالتە بەگلىك چىڭ سۇلالىسى غەربىي خەن سۇلالىسى سۈرەتلەرنىڭ كېلىش مەنبەسى: <<中国出土玉器全集>> ناملىق ئالتە قىسىملىق كىتاب ئاپتۇر:ئەقىدە قاشگەرلىكى-ئۇيغۇر قاشتېشى تورى 2014-يىل 6-ئاينىڭ 20-كۈنى جىياڭسۇ ئۆلكىسى ۋۇشى شەھىرى

Abdul

	سىز ۋۇشىدا قاشتىشى سودىسى قىلىدىكەنسىز دە

kaxtexijan

	ھە، چىڭگىزخانمۇ دەل مۇشۇ قاشتېشىدىن تامغا ياسىتىپ ئىشلىتىپتىكەندە.

jangqi.

	قاشتېشېنىڭ شاھىدۇر خوتەن قاشتېشې

تەلقىنى

	مۆھۈر ئىشلىتىشنى چىڭگىزخان ئۇيغۇرلاردىن ئۈگەنگەن،تاتاتۇڭانى تۇتىۋالغان چاغدا قوينىدىن مۆھۈر چىققان شۇ باھانە بىلەن چىڭگىزخانغا مۆھۈرچى بوپ ئىشلىگەن

zebran

	بىر يەردە قاشتىشى بىر يەردە قاش؟؟ نىمە گەپلەر ئاكا بۇ؟ قاشتىشى دەپ يازسىڭىز ئىقىم مىقدارى جىق كىتىدۇ دەپ قىسقارتىۋاتامسىز؟

TAXNAI2

	مەن نەچچە يىل پۇل ساھەسىدە يۇرۇپ ئەجەپ قاشتېشىدا ئويۇلغان پۇللارنىڭ بارلىقىنى ئاڭلىماپتىكەنمەن....

TAXNAI2

	مەن نەچچە يىل پۇل ساھەسىدە يۇرۇپ ئەجەپ قاشتېشىدا ئويۇلغان پۇللارنىڭ بارلىقىنى ئاڭلىماپتىكەنمەن....

yulghun997

	TAXNAI2 يوللىغان ۋاقتى  2014-6-27 06:25 PM مەن نەچچە يىل پۇل ساھەسىدە يۇرۇپ ئەجەپ قاشتېشىدا ئويۇل ...     قاشتېشىدا ئىشلەنگەن ياكى ياسالغان پۇللار بار.     قانچە خىل پۇللارنىڭ بارلىقىنى، قايسى پادىشا، قايسى يىللاردا ئىشلەتكەنلىگىنى ئېنىق بىلمەيمەن. ئەمما مەن 1995- يىللىرى قاشتېشىدا ئىشلەنگەن قېلىچ شەكىللىك 2 تال بۇل كۆرگەن.     شۇ ۋاقىتتا ئۇ بۇلنى سېتىۋالغۇچى دانىسىنى 200 سومدىن ئالدىم دېگەن. مەن قانچە پۇلغا ساتىسەن دەپ شۇنچە چىڭ تۇتسام پەقەت گەپقىلغىلى ئۇنىمىغان ئىدى.