تاپالمىدىم تېخى ھوشۇمنى

99sahrayi99

	تاپالمىدىم تېخى ھوشۇمنى ( ئۆزۈمگە ساتىرا) ئەسكىلىكنىڭ ھەممىنى قىلدىم، تاپالمىدىم تېخى ھوشۇمنى. ياخشىلىقنىڭ يولىنى ئەتتىم، تاپالمىدىم تېخى ھوشۇمنى. ياخشىلارغا قىل قۇرۇپ تۇردۇم، رەزىللىكنى شاخلىتىپ تۇردۇم، ھېلە-نەيرەڭ ئىشلىتىپ تۇردۇم، تاپالمىدىم تېخى ھوشۇمنى... ئاجىزلارغا قوش بوپ ئېسىلدىم، بەلكى دەھشەت ئوت بوپ يېقىلدىم، ئاخىر كۈل بوپ يەرگە چېچىلدىم، تاپالمىدىم تېخى ھوشۇمنى. ئەل- ئاۋامغا ساختىلىق قىلدىم، ياخشىلارنىڭ باغرىنى تىلدىم، گۆش چىقمىسا سۆڭەكنى شىلدىم، تاپالمىدىم تېخى ھوشۇمنى.... ئېغىزىمدا چاپتۇرۇپ ئاتنى، شەھەر ئالدىم كۈلدۈرۈپ ياتنى، ھېچ بىلمىدىم نۇمۇس-ئۇياتنى، تاپالمىدىم تېخى ھوشۇمنى!.. پۇلغا ساتتىم قۇرۇق باراڭنى، ئالداپ كەلدىم ئەلنى، ئاۋامنى، خەق يايسىمۇ چىتقا چاۋامنى، تاپالمىدىم تېخى ھوشۇمنى! باشقىلارنىڭ كۆزلەپ پۇلىنى، يىقىتتىممەن كولاپ ئۇلىنى، توسۇۋالدىم ماڭغان يولىنى، تاپالمىدىم تېخى ھوشۇمنى!.. ئاچكۆزلۈكتىن قىلمىدىم ھەزەر، نەپ قوغلۇشۇپ تارتتىم كۆپ زەرەر، كېچە-كۈندۈز يۇتتۇم قان-زەھەر، تاپالمىدىم تېخى ھوشۇمنى!... تۆرگە چىقتىم تۇتۇپ چوڭ ئەمەل، غۇنچىلارنى ئۈزدۈم بى مەھەل، ماڭا تېخى كەلمىگەچ ئەجەل، تاپالمىدىم تېخى ھوشۇمنى!.. مەغرۇرلاندىم سايەمگە قاراپ، باشلىقلىققا داۋام باش تاراپ، ئۆزگە ئەمەس، ئۆزگىگە ياراپ، تاپالمىدىم تېخى ھوشۇمنى!... مەنبە:  ئۆز ئىجادىيىتىم « تاپالمىدىم تېخى ھوشۇمنى» غا رەددىيە تېپىۋالغىن ئەمدى ھوشۇڭنى ئاچكۆزلۈكتىن ئەيلىگىن ھەزەر، يوقسۇزلىقتىن يۇتساڭمۇ زەھەر، نەپ قوغلۇشۇپ تارتقىچە زەرەر، تېپىۋالغىن ئەمدى ھوشۇڭنى!.. قانچە نامرات بولساڭمۇ گاداي، باشقىلارغا بولمىغىن مالاي، ئەي بارادەر ئۆتۈنۈپ قالاي، تېپىۋالغىن ئەمدى ھوشۇڭنى! بولمىغىن يات ئوۋچىغا تايغان، ياكى دۈشمەن قولىدا بازغان، بارمۇ سەندەك ئەقلىدىن ئازغان؟ تېپىۋالغىن ئەمدى ھوشۇڭنى!... ئوغۇرلىقچە قىلماي ئىشىڭنى، ھالاللاپ يە تاپقان نېنىڭنى، ئۇنىمىساڭ يەيسەن بېشىڭنى، تېپىۋالغىن ئەمدى ھوشۇڭنى. تۈلكە بەزەن ئالسىمۇ ھايان، تۇمشىقىدىن ئىلىنار ھامان، سەندەكلەرمۇ قالمايسەن ئامان، تېپىۋالغىن ئەمدى ھوشۇڭنى!... ئېرىشمەكچى بولساڭ ھۆرمەتكە، ئۈگەن، ئىزدەن، پاتما غەپلەتكە، قول ئۇزاتما نەپكە-ئەخلەتكە، تېپىۋالغىن ئەمدى ھوشۇڭنى!.. تىكلىمەكچى بولساڭ ئىناۋەت، توغرىنى قىل، ياقلا ئادالەت، ئەل ئۈستىدىن قىلما شىكايەت، تېپىۋالغىن ئەمدى ھوشۇڭنى!... رەزىللكتىن قول ئۈز ئەي نادان، بارچە ئەل-يۇرت بولسۇن تىنچ- ئامان، بۇ كىملەردىن قالمىغان جاھان!... تېپىۋالغىن ئەمدى ھوشۇڭنى!... ئەلنىڭ كۆزى ئەللىك قۇلاق سال، سۆزلىرىمدىن ئازراق ساۋاق ئال، مەيلى تىللا، مەيلى چاۋاك چال، تېپىۋالغىن ئەمدى ھوشۇڭنى!... ئىللەتلىرىڭ تۇرسا بىر يۈدۈم، باشقىلارغا ئارتىپسەن تۇقۇم، سەھرايى بۇ قايسى خىل ئۇقۇم، تېپىۋالغىن ئەمدى ھوشۇڭنى!..... مەنبە: ئۆز ئىجادىيىتىم

قورغان

	شىئېرلىرىڭىز ياخشى چىقىپتۇ،  تىللىرى شۇنداق يىنىك ،يىقىملىق ،ئاڭاڭدار... ئىلھاملىرىڭىزغا بەرىكەت تېلەيمەن

axek13999649893

	ئىللەتلىرىڭ تۇرسا بىر يۈدۈم، باشقىلارغا ئارتىپسەن تۇقۇم،

xaban010

aliptiken

	ياخشى چىقىپتۇ

تۆتتاش

	تاپالمىساڭ ئەمدى ھوشۇڭنى، تىرىك تۇرۇپ جىسمىڭمۇ ئۆلەر. خەلقى-ئالەم ئالدىدا سېسىپ، ئادىمىلىك نامىڭمۇ ئۆچەر. تاپالمىساڭ ئەمدى ھوشۇڭنى، زىمىن تىترەپ تۈكەر  يېشىنى. سەجدە قىلغان ئىللىق بىر قۇياش، نالە قىلىپ   ئىگەر  بېشىنى.

99sahrayi99

	تىمامنىڭ مەزمۇنىنى بېيىتىپ قويۇپسىز، اللە رەھمەت قىلسۇن قېرىندىشىم!.. يەنە باشقا قىممەتلىك تەكلىپ-پىكىرلەرنى بېرىشىڭىزنى قىزغىن قارشى ئالىمەن!..

花公主

	تۆتتاش يوللىغان ۋاقتى  2014-6-26 03:43 PM تاپالمىساڭ ئەمدى ھوشۇڭنى، تىرىك تۇرۇپ جىسمىڭمۇ ئۆلەر. ... ماقۇل مەن تاپاي ئاكا ھوشۇمنى، ئىللەت كەسمىسۇن ئەمدى پۇتۇمنى، ئەمدى چىڭ تۇتۇپ يېڭىدىن ياشاي، چوڭلاردىن قالغان ئېسىل ئۇدۇمنى. قاراپ ماڭىمەن ھەربىر يولۇمنى، يامان ئىشلارغا تىقماي قولۇمنى. يۈرسەم گەر قايتا تاپماي ھوشۇمنى، چوقۇم يارىدۇ توقماق تۇلۇمنى. ماڭا يول كۆرسەت ھەم ئوبدان باشقۇر، ئالمىغىن سەنمۇ  قولۇڭغا ئاپقۇر، شۇ پارلاق يولدا ياندىشىپ بىللە، بولايلى ئاخىر دۇلدۇلدەك چاپقۇر.                                قاملاشمىسىمۇ يېزىپ باقتىميا

jelwa

	花公主 يوللىغان ۋاقتى  2014-6-26 08:35 PM ماقۇل مەن تاپاي ئاكا ھوشۇمنى، ئىللەت كەسمىسۇن ئەمدى پ ... قاملاشقان  بولسا  يەنە قانداق  يازماقچىتىڭىز  ئۇماق  ......... ياخشى  يىزىپسىزغۇ  مانا  ....

jelwa

	ئىلھاملىرىڭىزغا  بەركەت  تىلەيمەن  ..  ... ياخشى  يىزىپسىز  ....