رامىزانلىق يەنە بىر سۆۋغات

wisal214

	ئەسسالامۇ ئەلەيكۇم! ئەزىز قىرىنداشلار مۇبارەك رامىزان يىتىپ كەلدى، شۇ مۇناسىۋەت بىلەن رامىزانلىق داستىخاننى مۇل قىلىش ئۈچۈن ئاز بولسىمۇ كۆڭۈل سوۋغامنى ئىپ كەلدىم، ئەجداتلىرىمىز ئەقىل پاراسىتىنى ئىشلىتىپ ھەر خىل مىۋە-چىۋە،كۆكتاتلاردىن ھەرخىل مۇراببا(ۋەرىنە)لارنى تەييارلاپ بىر تەرەپتىن يىمەكلىك ئورنىدا ئىستىمال قىلسا ،يەنە بىر تەرەپتىن ساقلىقنى ساقلاش ،كىسەل داۋالاش ئۈچۈن ئىشلەتكەن، بۇگۇن مەن ئاتا كەسپىم بولغان مۇراببا ياساش ھۈنىرىدىن ئائىلىلەردە تەييارلاشقا بولىدىغان بىر نەچچە تۈرلۈك مۇراببانىڭ تەييارلاش ئۇسۇلىنى سۆزلەپ ئۆتمەكچى، بۇنداق دىسەم تاللا بازارلاردا مۇراببا دىگەن توپا بىسىپ يىتىتۇ دەيسىز،ھەرگىز ئۇنداق ئويلىماڭ،ھازىر بازارلاردا ئوراپ قاچىلانغان مۇراببالاردىن سىتىۋىلىپ تىتىپ كۆردۈم ،بىراق بۇرۇن ئائىلىمىزدە تەييارلىنىدىغان مۇراببالارنىڭ ئىسىل تەمىنى تاپالمىدىم،سەۋەبىنى بىلىش ئۈچۈن نۇرغۇن ئىزلىنىپ ئاخىرى سەۋەبىنىمۇ تاپقاندەك بولدۇم، سەۋەبى شۇكى بۇرۇن ئائىلىمىزدە دادام رەخمەتلىك مۇراببا تەييارلاش ئۇچۇن ئەلا سورتلۇق ئاق شىكەر،شىخىدىن يىڭى ئۈزۈلگەن ھەر خىل مىۋىلەرنى تاللاپ تۈجۈپىلەپ تەييارلايتى،تەييارلانغان مۇراببالارنى ساقلاشقىمۇ ئالاھىدە ئەھمىيەت بىرەتتى،ئىسىمدە قىلىشچە بۇ يىل ئەنجۈر پىشقاندا سالغان مۇراببالا ھىچقانداق چىرىشتىن ساقلاش دورىسى ئىشلەتمەيمۇ كىيىكى يىلى ئەنجۈر پىشقانغا قەدەر رەڭگى تەمى سۈپىتى جەھەتتە يىڭى پىتى ساقلىناتتى،ھازىر بولسا بىر قىسىم كارخانىلار تەننەرقىنى تۆۋەنلىتىش،رەڭگىنى كۆركەم چىقىرىش ئۈچۈن ھەرخىل رەڭ،قويۇقلاشتۇرغۇچ(سۆڭەك يىلىمى) چىرىشتىن ساقلاش ماتىريالى ..... لارنى قوشۇپ قويىدىكەن،شۇڭا بازارلاردىكى مۇراببالارنى تاللاپراق سىتىۋالمىغاندا ئۇنى ئىستىمال قىلغان كىشىلەرگە بولۇپمۇ بالىلار بىلەن ياشانغان كىشىلەرگە ئوزۇق بولماقتا يوق ،ھەر خىل كىسەللەرنىڭ سەۋەپچىسى بوپ قىلىشى مۇمكىن، كۆپ سۆزلەپ ۋاختىڭلارنى ئىلىپ قويدۇم؛ گىلاس مۇرابباسىنى تەييارلاش ئۇسۇلى، كىتەرلىك خۇرۇشلار: يىڭى گىلاس بىر كىلوگىرام، ئاق شىكەر 1.5 كىلوگىرام،يىمەكلىك تۇزى ئاز مىقداردا، تەييارلاش ئۇسۇلى؛: ئالدى بىلەن %5 لىك تۇز سۈيى تەييارلاپ ساپاقلىرى تازلانغان گىلاسنى 30 مىنۇت چىلاپ قويمىز،سەۋەبى ھەر خىل دىھقانچىلىق دورىسىنىڭ قالدۇقىنى تازلاش ئۈچۈن، قازانغا شىكەر چىلاشقۇدەك سۇ قۇيۇپ شىكەرنى سىلىپ نۇرمال ئوتتا شىكەر قىيامى تەييارلايمىز تاكى قاينىغىچە چۆمۈچ بىلەن قوچۇپ تۇرمىز،قاينىغاندا ئوتنى پەسەيتىپ تۇرۇپ كۆپۈكلىرىنى پاكىز ئىلۋالىمىز،كۆپۈكلىرى تۈگەپ سۈزۈك ھالەتتىكى شىكەر قىيامى تەييار بولغاندا گىلاسنى پاكىز سۇدا قايتا -قايتا چايقاپ سۈيىنى پاكىز سۈزۈپ قايناۋاتقان شىكەر قىيامىغا سالىمىز،قازان مۆلچەردىكىدىن سەل چوڭ بولىشى كىرەك،چۈنكى مۇراببا تەييار بولغۇچە تىشىپ كەتمەسلىگى ئۈچۈن،گىلاسنى سىلىپ پەس ئوتتا 30 مىنۇت ئەتراپىدا قاينىتىمىز بۇ جەرياندا پات- پات كۆپۈكلىرىنى ئىلىپ تۇرمىز. شۇنىڭ بىلەن گىلاس  مۇرابباسى تەييار بولىدۇ، ساقلاش ئۇسۇلى:ئاغزى كەڭرەك كەلگەن ئەينەك قاچا ياكى سىرلىق قاچىلارغا ئىلىپ ئىككى-ئۈچ كۇن تۇرغۇزۇپ تەركىۋىدىكى سۇ پارغا ئايلىنىپ چىقىپ بولغاندا ،قۇرغاق،سالقىن جايغا قويۇپ ساقلايمىز، ئەسكەرتىش: ئىستىمال قىلىش جەريانىدا يۆل چۆمۈچ،يۆل قوشۇق سالماسلىقىڭىز كىرەك،بولمىسا بۇزۇلۇپ قالىدۇ

nazila998

	رامىزانلىق سوۋغىتىڭىزغا كۆپ رەخمەت ، مەنمۇ گىلاس مۇرابباسى سالاي دەپ يۈرگەنتىم ، بۇمۇ ئۆزگىچە ئۇسۇلكەن سىناپ باقسام بولغۇدەك

99sahrayi99

	رامىزانلىق سوۋغا دېسە قانداق يېڭى مەزمۇن يوللىغاندۇ دەپتىمەن. قارىسام يىمەكلىك تەييارلاش ئۇسيللىرى ئىكەنغۇ!..بوپتۇ،  بۇنىڭاىن يەنە باشقا نادىر تىمىلارنىمۇ يوللىشىڭىزغا تىلەكداشمىز!...

qiqakkiz

	سوۋغىڭىزغا رەھمەت .

kaqvr

	ئۆرۈك مۇرابباسىنىمۇ مۇشۇنىڭغا ئوخشاش تەييارلىساق بۇلامدۇ ؟

mihir

	ياخشى بىلىملەردىن بىزنى خەۋەردار قىلغىنىڭىزغا رەھمەت .

sawapkarkiz

	رامىزانلىق سوغىتىڭىزغا رەھمەت، مەن ئامراقتىم، سىناپ باقسام بولغۇدەك.

wisal214

	kaqvr يوللىغان ۋاقتى  2014-6-26 09:55 AM ئۆرۈك مۇرابباسىنىمۇ مۇشۇنىڭغا ئوخشاش تەييارلىساق بۇل ... ئۈرۈك مۇرابباسى بولغاندا يۆل ئۈرۈك بولسا مۇشۇ ئۇسۇلدا تەييارلىسىڭىز بولىدۇ،بىراق ئۈرۈكنىڭ بەك پىشىپ كەتكىنى ياخشى بولمايدۇ ،قۇرۇتقان گۈلە بولسا تەييارلاش ئۇسۇلى سەل پەرىق قىلدۇ، گۈلە مۇرابباسى قىلماقچى بولسىڭىز سۈپىتى ياخشى قۇرۇت چۈشمىگەن تەبى قۇرۇتقان گۈلىنى پاكىز يۇيۋىتىپ 3-4 سائەت سوغۇق سۇغا چىلاپ ئىتى يۇمشىغاندىن كىيىن شىكەر قىيامىغا سىلىپ بوش ئوتتا قاينىتىپ تەييار قىلسىڭىز بولىدۇ،

wisal214

	nazila998 يوللىغان ۋاقتى  2014-6-26 01:03 AM رامىزانلىق سوۋغىتىڭىزغا كۆپ رەخمەت ، مەنمۇ گىلاس مۇر ... ئەگەر گىلاس مۇرابباسى سالماقچى بولسىڭىز ئامال بار يۇرتىمىزنىڭ ئۆزىدىن چىققان گىلاسنى تاللاپ سىتىۋالسىڭىز ئەڭ ياخشى چىقىدۇ،ھازىر مىۋە-چىۋە دۇككانلىرىدا سىتلىۋاتقان گىلاسلار ئىچكىرى ئۆلكىلەردىن كىرگۈزگەن گىلاسلار ،تىتپ كۆرسىڭىز گىلاس تەمى يوق،سەۋەبى1-بالدۇر مەھسۇلات ئۈچۈن پارنىكتا ئۆستۇرلىدۇ،2- يۆتكەش سەۋەبلىك تولۇق پىشمىغان مىۋىلەر ئۈزۈلىدۇ،شۇڭا ھەر جەھەتتىن ئويلىغاندىمۇ يەنىلا دىيارىمىز مىۋىلىرى ئەڭ ياخشى

zumrettash

	ۋەھشىي ئېسىل سوۋغا بولۇپتۇ بۇ، ئۆزىمىز ياساپ ئىستىمال قىلساق ھەقىقەتەنمۇ ئىشەنچلىك، تەملىك بولىدۇ، شۇنداقلا خاتىرجەم ئىستىمال قىلىمىز، ئىلگىرى مەن ئۆرۈك مۇرابباسىنى ياساپ باققانىدىم، ئەمما تازا كۆڭلۈمدىكىدەك چىقمىدى. سىزنىڭ بۇ تەپسىلىي رىسالىڭىزدىن ئەمدى پايدىلىنىپ ئېسىل مۇراببا ياسىيالايدىغان بولدۇم دە. رەھمەت سىزگە.