ئايتۇغ - ئۇنتالىسام سېنى ناۋادا

Aytugh

	ئۇنتالىسام سېنى ناۋادا سائادەت ساتتار ئايتۇغ ئۇنتالىسام سېنى ناۋادا، ئۇنتىلاتتى بارچە – ئازاب – دەرد. يېزىلمايتتى مىسكىن مىسرالار، ياش تۆكمەيتتى ساڭا يازغان خەت. ئۇنتالىسام سېنى ناۋادا، بىر ئالمايتتى ئالەمنى ۋولقان. سانالمايتتىم بىچارە ئاشىق، ئۆز يارىنى ئۇنتۇلۇپ قالغان. ئۇنتالىسام سېنى ناۋادا، ئۆلۈم ماڭا ئاچىدۇ قۇچاق. ھايات ئېغىر تىنىپ قالىدۇ، كۆز يېشىمنى باغاشلاپ ئۇزاق. ئۇنتالىسام سېنى ناۋادا، بىر ناتونۇش سۆيۈلەر بەلكىم. روھىم لەيلەپ قالار ھاۋادا، ئۆلگۈم كېلەر باغرىڭدا جېنىم.

XAHZAD

	شىرىن كەچمىشلىرىمنى ئەسلىتىپ قويدىڭىز يىڭى تىمىڭىزغا مۇبارەك بولسۇن

تاڭنۇر

	ئۇنتالىسام سېنى ناۋادا، ئەسلىمەسكە بىرەتتىم ۋەدە . ئازاپلارنى قىلمايتىم ھەمرا ، قايتا باسقان سۆيگۈ سەپرىدە . ئۇنتالىسام سېنى ناۋادا، ساڭا بەخىت ئامەت تىلەيتىم . قەلبىمدىكى سۆيگۈ ھىدىنى ، تەنھالىققا چوڭقۇر كۆمەتتىم . ئۇنتالىسام سېنى ناۋادا، تەنھالىققا قەدەم باساتتىم . مۇڭ تۆكۈلگەن ھوجرامدا يالغۇز ، تەنھا ئايغا سىرلىق قارايتىم . تاڭنۇر يازمىسى

ئەزىزىم

	ئەجەپ بىر..................

ئەلرام

	ياخشى چىقىپتۇ، ئوقۇپ ياقتۇردۇم.

alakap

	ئۇنتالىسام سىنى ناۋادا، خۇشال ئويناپ كۈلۈپ يۈرەتتىم. سىغىنىشلار بولمايتى مىھمان، ھايات پەيزى سۈرۈپ يۈرەتتىم. ئۇنتالىسام سىنى ناۋادا، شارابلاردىن خالى يۈرەتتىم. گۈناھلارغا بولمايتىم شىرىك، ئارمانىم شۇ سالىھ يۈرەتتىم . ئۇنتالىسام سىنى ناۋادا، ئۆز يۈرتۈمدا مەغرۇر يۈرەتتىم. شۇ كوچاڭدىن ئەگىسەم ھەر چاغ، گەر ئاتاڭدەك جەسۈر يۈرەتتىم. ياخشى يىزىپسز قەلىمىزگە بەركەت تىلەيمەن ...

fathullah

	ئۇنتالىساڭ مېنى ناۋادا، ئىزدىمەيتىڭ،سۈرۈشتۈرمەستىڭ. بارمۇ يوقمۇ؟نەدە؟نىمىشقىپ؟ ماڭا كۆڭۈل بۆلۈپ يۈرمەيتىڭ. ئۇنتالىساڭ مېنى ناۋادا، ئاڭلىماستىم ئازابلىرىڭنى. دىمەس ئىدىڭ قايتىلاپ ماڭا، ۋاقتى ئۆتكەن جاۋابلىرىڭنى. ئۇنتالىساڭ مېنى ناۋادا، قىينالمايتىڭ ئۆتمۈشنى ئەسلەپ. چاندۇرمايتىڭ ھەمسۆھبەتلەرگە، گاھى ئۆكسۈپ گاھىدا پەسلەپ. جىقراق يازماقچىتىم.ھالالىمدىن تېلفون كەپقالدى.داۋاملاشتۇرۇپ قالساڭلار سەپتىن چۈشۈپ قالماسمەن.

yasenm

	ئۇنتالىسام سىنى ناۋادا، كۆز ياشلىرىم ئاقمايتى. كىچىگە ئۇلاپ كۇندىزى، تاڭ ئىتىپمۇ كەتمەيتى.

rahiyma

	ئۇنتالىسام سېنى ناۋادا، بولماس ئىدى دىلىم شىكەستە. ئۆكسۈشلەرگە قالمايتتى ئورۇن، تولغانماستىم ئاچچىق ئەلەمدە. ئۇنتالىسام سېنى ناۋادا، ئايغا باقماس ئىدىم مۇڭلىنىپ. ھەرگىز سۆيگۈ تىلەپ يۈرمەيتتىم، سۈرىتىڭگە مىسكىن تەلمۈرۈپ. ئۇنتالىسام سېنى ناۋادا، خىياللاردا ئۈزۈپ يۈرمەستىم. خىيالىمدا يارىم سەن بىلەن، يىراقلارغا ئۇچۇپ كەتمەستىم. ئۇنتالىسام سېنى ناۋادا، باغرىم لەختە قان بولماس ئىدى. تىمتاس كېچە كۆڭلۈممۇ شۇ دەم، مۇڭلۇق كۈيگە جۆر بولماس ئىدى.

kaxtexijan

	ئۇنتالىسام سېنى ناۋادا، سېنى كۈتۈپ خىيال سۈرمەستىم. ھەركىملەرنى ئوخشىتىپ ساڭا، شۇمىدۇ دەپ تاتلىق كۈلمەستىم. ئۇنتالىسام سېنى ناۋادا، مەھەللەڭدە ئەگىپ يۈرمەستىم. تېلىفۇننى ئېلىپ نەچچە رەت، ئۇچۇرىڭنى ئەسلا كۈتمەستىم. ئۇنتالىسام سېنى ناۋادا، پەقەت سەندىن سۆيگۈ كۈتمەستىم. باشقا يارغا كۆڭۈل بېرەلمەي، ئىزلىرىڭدىن ئەگىپ يۈرمەستىم.