رازۋېدكا خاتىرىسى— سىرلىق ئۆيدىكى قاتىللىق دېلوسى (1)

xamal1124

	يىراقتىكى پېلانىتتىكى جەڭ ئوتلىرى توختىماي داۋام قىلىۋاتقىلى ئۇدا نەچچە كۈن بولدى. قۇرۇتلار قوشۇنى مۇتلەق ئۈستۈنلۈكنى ئىگەللىگەن بولۇپ، ئادەملەرنىڭ قۇرغان بازىلىرىنى بىر - بىرلەپ بۇزۇۋەتمەكتە ئىدى. بۇنداق بولۇشنىڭ ئاساسلىق سەۋەبى ئادەملەرنىڭ ئويۇن باشلىنىشىغىلا قۇرۇتلار قوشۇنىنىڭ باش بازىسىغا ھۇجۇم قوزغاپ، ئىقتىساد بۇزغۇنچىلىقى كەلتۈرۈپ چىقىرىپ، ئېغىر دەرىجىدە تەڭپۇڭسىزلىق پەيدا قىلىپ، ئاخىرى ئۆزلىرىنىڭ يېتىشەلمەسلىكىدىن بولدى. ئەمما ئادەملەر جەڭگىۋارلىقىنى بوشاشتۇرماستىن، يەنە قايتىدىن بىر - بىرلەپ يېڭى بازىلارنى قۇرۇپ، قۇرۇتلار قوشۇنىغا بولغان قۇتراتقۇلۇقىنى داۋام قىلدۇردى. قۇرۇتلار قوشۇنى بىلىدۇ. بۇنداق قۇتراتقۇلۇقنىڭ ھېچقانداق پايدىسى يوق. پەقەت ئازراق ئەسكىرىي كۈچىنى چىقىرىپ توسۇپ قويسىلا كۇپايە. لېكىن، ئادەملەر بىكاردىن ئۆزىنىڭ ئەسكىرىي كۈچى بىلەن ئىقتىسادىنى خورىتىپ نېمە قىلىدۇ؟ ئۇنچىلىك دۆت ئەمەستۇ؟ قۇرۇتلار قوشۇنى ئادەملەرنىڭ نەيزىلىك ئەسكەرلىرىدىن بىرقانچىنى سەل تەسرەك يوقۇتقاندىن كېيىن يەنە بىر نەچچە نەيزىلىك ئەسكەر  قۇتراتقۇلۇقىغا ئۇچۇردى .قىززىق، ئەجەبا ئادەملەر قەستەن ۋاقىتنى كەينىگە سۈرۈۋاتامدۇ؟ توغرا!  يادرو بومبىسى!  ئادەملەر يادرو بومبىسى تاشلىماقچى ئىكەن! لېكىن، بۇ بىر يادرو بومبىسى ھازىرقى ۋەزىيەتنى ئۆزگەرتەلەمدۇ؟ «گۈم! » يادرو بومبىسىنىڭ ۋەھىسى قۇرۇتلار قوشۇنىنى خېلى يىراق جايغىچە چېكىندۈردى. قۇرۇتلار  قوشۇنى ئادەملەرنىڭ ئىككىنچى يادرو بومبىسى پۈتۈش ئالدىدا ئادەملەرنى يوقۇتۇش ئۈچۈن بارلىق ئەسكىرىي كۈچىنى توپلاپ ئادەملەر قوشۇنىنىڭ باش بازىسىغا ھۇجۇم قوزغاپ تۇرۇشىغا، ھېچكىم ئويلىمىغان بىر ئىش يۈز بەردى، يەنى —  توك كەتتى. تورخانا ئىچى بىردىنلا چۇقان - سۈرەنگە توشۇپ كەتتى. مۇسابىقىمۇ  ئامالسىز مۇشۇ يەردە توختاپ قالدى. ئالاھىدە ئەھۋال چىراغلىرى ياندۇرۇلدى. قۇرۇتلار قوشۇنىنىڭ ئوينىغۇچىسى كۆپچىلىك ئالدىدىلا تىڭشىغۇچنى زەردە بىلەن ئۈستەلگە تاشلاپ، ئادەملەر قوشۇنىنىڭ ئوينىغۇچىسىغا قاراپ سۆزلەشكە باشلىدى: «فاسەي، سېنى يەڭگەندىمەن! بايا سېنىڭ ۋەزىيەتنى ئۆزگەرتكۈدەك ھالىڭ قالمىغان! » ئادەملەر قوشۇنىنىڭ ئوينىغۇچىسى بولسا پۈتۈنلەي بىپەرۋا ھالدا جايىدا ئولتۇرغان ھالدا تاماكىدىن بىرنى تۇتاشتۇرۇپ ئېيتتى :« مۇسابىقە قائىدىسىنىڭ 15- ماددىسىغا ئاساسەن، مۇسابىقە يېڭىش يېڭىلىش ئايرىلىش ئالدىدا بىنورماللىق كۆرۈلۈپ توختاپ قالسا، ئىككى تەرەپ تەڭلەشكەن ھېسابلىنىپ قايتا مۇسابىقىگە چۈشىدۇ. » «جۆيلۈمە! بايىقى ئۇخىل ئەھۋال ئاستىدا ئېنىقلا مەن يېڭەتتىم! ئىشەنمىسەڭ تاماشىبىنلار بىلەن مۇسابىقىگە قاتناشقانلاردىن سوراپ باق! » «كىم شۇنداق دەيدۇ، مەن تېخى يېڭىلگىنىمگە تەن بەرمىگەندىمەن، شۇڭا مۇسابىقە قائىدىسى بويىچە تەڭلەشكەن ھېسابلىنىمىز» . قائىدە دەرۋەقە شۇنداق، شۇڭا بۇنىڭغا ھېچكىم باھا بېرەلمىدى. فاسەي تاماكىسىنى قاتتىق بىرنى شوراپ، داۋاملىق سۆزلىدى: «ئۇنىڭ ئۈستىگە ۋارجېل (ئادەم ئىسمى)، سەن بۇ ئۆمرۈڭدە مېنى بىرمەيدان يېڭىپ باققانمۇ؟ » «سەن بوش پو ئات، مېنىڭ apm400 دىن يۇقىرى ئەسكەرلىرىم قانداقسىگە دائىم سېنىڭ apmرىڭ  230 گىمۇ يەتمەيدىغان ئەسكەرلىرىڭگە يېڭىلسۇن! » «مەن ساڭا سېنىڭ نېمىشقا ھەردائىم ماڭا يېڭىلىپ قالىدىغانلىقىڭنىڭ سەۋەبىنى ئېيتقان» «ئېسىمدە بار!—  دېدى ۋارجېل سەل ھاياجانلانغىنىچە—  بىراق بۇ مەيدان مەن ئاساسلىق ۋەزىيەتكە شۇنداق زەن قويدۇم، سېنىڭ ھەربىر قۇرغان قىلتاقلىرىڭغىمۇ ھەمدە ھەربىر ئىنچىكە نۇقتىلارغىمۇ دىققەت قىلدىم، ئۇنىڭ ئۈستىگە سېنىڭ يۈزسىزلىك بىلەن قىلغان تېز ھۇجۇملىرىڭنىمۇ توسۇۋالدىم ..» «شۇنداقمۇ؟ لېكىن  سەن بىر نۇقتىغا يەنىلا دىققەت قىلماپسەن. ئويلاپ باقە، مەن نېمىشقا ساڭا تېز ھۇجۇم قىلىمەن؟ »دېدى فاسەي ئۆتكۈر كۆزلىرىنى ۋارجېلغا تىكىپ تۇرۇپ. نېمىشقا تېز  ھۇجۇم قىلىدۇ؟ كىم بىلىدۇ، بۇمۇ بىر نەدىكى جەڭ تاكتىكىسىمۇ... فاسەي ئىككى پۇتىنى مىنگەشتۈرۈپ ئولتۇرۇپ داۋاملىق سۆزلىدى: «سەن تورخانىغا كىرگەن چېغىڭدا تامغا چاپلاپلىق تۇرغان ئۇقتۇرۇشنى كۆرمىدىڭمۇ؟ » «ئۇقتۇرۇش؟ »ۋارجېلنىڭ ئىچى سىقىلدى. نېمە ئۇقتۇرۇش؟ بۇ چاغدا تورخانا خوجايىنى كىرىپ كۆپچىلىكتىن ئەپۇ سورىدى: تورخانا سىرتىدىكى بىر جاينىڭ ئېلىكتىر سىمى تېخى ئوڭشىلىپ بولالمىغاچقا، مىڭخەي ئالىي مەكتىپى غەرب تەرەپ بۇ بۆلەكتە ھەر ھەپتە چارشەنبە كەچ سائەت 8 ئەتراپىدا تۇيۇقسىز توك توختاپ قالىدىكەن، بىر ئازدىن كېيىنلا توك ئەسلىگە كېلىدىكەن. ۋارجېل چۆچۈپ كەتتى. ئەجەبا ئۇقتۇرۇشتا سائەت 8 دە توك توختايدىغانلىقى ئۇقتۇرۇلغانمىدى؟ فاسەي شۇنى كۆرگەچكە قەستەن ۋاقىتنى كەينىگە سۈرۈپ توك توختىشىنى كۈتۈپ تۇرۇپتىكەندە! «مانا بۇ مېنىڭ تېز ھۇجۇم قوزغىشىمدىكى مەقسەت. »دېدى فاسەي. ھەممەيلەن چۈشەندى. ئەگەر فاسەي تېز ھۇجۇم قوزغىمىسا، توك توختاپ قالسىلا تەڭلەشكەن بوپ قالىدۇ. ئەگەر فاسەي قولنى قاتتىقراق سېلىپ، يېڭىۋالسا يەڭگەنگە ھېساب؛ ئەگەر قولنى قاتتىق سالالماي ئەھۋالدا مەسىلە كۆرۈلسە، ئامال قىلىپ ۋاقىتنى توك توختىغىچە سۈرسە يەنىلا تەڭلەشكەن بولىدۇ .ئىشقىلىپ ھامىنى يېڭەلمەيدۇ. «ھەقىقىي ماھىرلار، ھەرقانداق ئىنچىكە نۇقتىلارغا تولۇق دىققەت قىلىشى كېرەك. »دېدى فاسەي ئورنىدىن تۇرۇپ ۋارجېلنڭ مۈرىسىگە يېنىك شاپاللاپ «رازى بولمىساڭ بىز يەنە بىرمەيدان كېلەيلى. سەن مېنى ھامىنى يېڭەلمەيسەن. » ————مەزكۇر ھېكايىنىڭ ۋەقەلىكى پۈتۈنلەي توقۇلما، ئوخشاش ئەھۋال كۆرۈلۈش مۈمكىن ئەمەس———— بىرجۈپ قوشنا كەنت بار،يەنى—— راستچىللار كەنتى ۋە يالغانچىلار كەنتى. يالغانچىلار كەنتىدىكىلەر پەقەت يالغان گەپلا قىلىدۇ، راستچىللار كەنتىدىكىلەر بولسا پەقەت راست گەپلا قىلىدۇ. مەلۇم بىر كۈنى، بىر رازۋېچىك راستچىللار كەنتىگە ساياھەتكە بارماقچى بوپتۇ ۋە مېڭىپ بىر ئاچا يول ئېغىزىغا كەپتۇ.(ئۇ ئاچا يول ئېغىزىدا بىر ئادەم تۇرغانىكەن)، ئۇ ئۇنىڭدىن راستچىللار كەنتىگە قانداق ماڭىدىغانلىقىنى سوراپتۇ. ئۇكىشى كەلگەن كىشىنىڭ بىر رازۋېچىك ئىكەنلىكىنى كۆرۈپ دەررۇ مۇنداق جاۋاب بېرىپتۇ: «مەن يالغانچىلار كەنتىدىن. راستچىللار كەنتىگە بارماقچى بولسىڭىز سول تەرەپتىن مېڭىڭ» . رازۋېچىك بىر ئاڭلاپلا يولنى پەرق ئېتىپتۇ ۋە سول تەرەپتىن مېڭىپ دەرۋەقە راستچىللار كەنتىگە يېتىپ كەپتۇ. شۇڭا، قارشى تەرەپنىڭ رازۋېچىك ئىكەنلىكىنى كۆرۈپ قەستەن يالغان سۆزلىمەڭ. راستچىللىق نىقابىغا ئورالغان ساختا سۆز ھامىنى ئاسان چېنىپ قالىدۇ. Act.01 ئارىدىن ئون نەچچە مىنۇت ئۆتمەيلا، بۇجاينىڭ توكى ئەسلىگە كەلدى. ئەمما توك كېلىشى بىلەن بىرگە يەنە قاتتىق چىرقىراش ئاۋازىنىمۇ تەڭلا ئېلىپ كەلدى. بۇ چىرقىراق ئاۋازى بايىقى توك توختىغان چاغدىكى چۇرقىراشلارنىمۇ بېسىپ چۈشكەن بولۇپ،بۇ ئاۋاز  مىڭخەي ئالىي مەكتىپىنىڭ ئاساسىي ئوقۇتۇش بىناسى A نومۇرلۇق بىنانىڭ تۆتىنچى قەۋىتىدىكى بىر ئۇسۇل سىنىپىدىن  چىقىۋاتاتتى. سىنىپ ئىچىدە، بىرنەپەر ئۇسۇل كىيىمى كىيگەن قىزنىڭ سول كۆكسىگە  بىر ئۆتكۈر پىچاق سانجىقلىق بولۇپ، قان توختىماستىن ئاقماقتا ئىدى. بۇ ئەھۋالنى كۆرگەن ئوقۇغىچىلارنىڭ كۆپىنچىسى قورققىنىدىن تام تۈۋىگە يىغىلىۋېلىشقان بولۇپ، پەقەت بىرنەچچە قورقماسلىرى ئورنىدىن مىدرىماي تۇرىۋاتتى. بۇلارنىڭ بىردىنبىر يېتەكچى ئوقۇتقۇچىسىمۇ  تەمتىرەپ كەتكەنىدى. تېخى بايىلا بۇلارنىڭ ھەممىسى كوللىكتىپ ھالدا مۇزىكىغا كەلتۈرۈپ بىردانە خىيالىي تېمىدىكى ئۇسۇل مەشىق قىلىۋاتقان. تۇيۇقسىز توك كېتىپ خېلى ئاۋارىچىلىق سالغىنىنى ئاز دەپ، توك كەلگەندىن كېيىن يەنە تېخى بىرىنىڭ يارىلانغىنى نېمىسى ...   ئارىدىن بىر مەھەل ئۆتكەندىن كېيىن كۆپچىلىك ئېسىگە كېلىشكە باشلىدى—  بۇدېگەن ھەرگىزمۇ ئادەتتىكىچە يارىلىنىش ئەمەس، بۇ دېگەن قەست قىلىش!  قەست قىلغۇچى ھېلھەم سىنىپ ئىچىدە!   سىنىپ ئىچى ئەمدى تېخىمۇ قالايمىقانلىشىپ كەتتى .بىر قىز سىنىپتىن قېچىپ چىقىپ كەتمەكچى بولۇۋىدى، يەنە بىر قىز دەررۇ ئۇنى توسۇۋالدى. ئۇقىز  ئىشىك ئالدىدا تۇرۇۋېلىپ ئىشىكنى چىڭ توسۇپ سىرتقا قېچىپ چىقىپ كەتمەكچى بولغانلارنى توسۇۋالدى. «مىياۋزى، مېنى توسما! تېز قاچ! »دېدى ھېلىقى قېچىپ كەتمەكچى بولغان قىز .ئەمما ئىشىكنى توسۇۋالغان قىز ئۇنىڭغا يول قويماي بېشىنى كۈچەپ چايقىدى. چۈنكى ئۇ سوغۇققانلىق بىلەن سىنىپتىكى ھېچكىمنىڭ چىقىپ كەتسە بولمايدىغانلىقىنى يەكۈنلەپ چىققانىدى.   ئۇلارنىڭ ھەممىسى بىلىدۇ. توك كېتىشتىن ئىلگىرى ئۇسۇل ئۆيىنىڭ ئىشىكى تاقاقلىق بولۇپ ئېچىلىپ باقمىغان. شۇڭا ھازىر ئىشىكنى ئېچىپ قاتىلنى قاچتۇرىۋەتسە ھەرگىز بولمايدۇ!   «ساقچىغا مەلۇم قىلىڭلار! »دەپ ۋارقىرىدى مۇئەللىم يۇقىرى ئاۋازدا.   «ئىشىڭنى قىلە! تېزدىن جىددىي قۇتقۇزۇش ماشىنسى چاقىرىڭلار! »دېدى بىر ئوغۇل تىزلىنىپ ئولتۇرۇپ، يارىلانغان قىزنى يۆلىگەچ. ئۇ  شۇتاپ ئازاپلانغىنىچە تىنىقى توختاي دەپ قالغان قىزغا قاراپ، قىزنىڭ قوللىرىنى چىڭ سىقماقتا.ئەمما قىزنىڭ كۆزلىرى ئاستا ئاستا يۇقىرىغا تىكىلىپ، تورۇسقا تىكىلىپ قارىماقتا...   جىددىي قۇتقۇزۇش ماشىنىسى 15 مىنۇتقا قالمايلا مەكتەپكە يېتىپ كەلدى. دوختۇرلار بىرتەرەپتىن بۇقىزنى جىددىي قۇتقۇزغاچ، يەنە بىرتەرەپتىن يۆتكەپ ئەپ چىقىپ كەتتى. ساقچىلارمۇ شۇزامان يېتىپ كەلدى. بۇچاغدا 20 نەپەر ئوقۇغۇچى ۋە بىر نەپەر ئوقۇتقۇچى ھېلھەم سىنىپتا بولۇپ، ئارىلىقتا ھېچكىم ھەتتا ھاجەتخانىغا بېرىشكىمۇ جۈرئەت قىلالمىدى.   ئۇلار شۇتاپتا دېلو ئەھۋالىنى مۇلاھىزە قىلىشماقتا، كۆڭلىدە بولسا ئازراقمۇ ئارامچىلىق يوق، نېملا بولمىسۇن، قېشىدىلا بىر قاتىللىق دېلوسى يۈز بەردى ئەمەسمۇ. ئۇلاردىن پەقەتلا ھېلىقى ئوغۇل بالا قايغۇ باسقان چىرايى بىلەن ئۆزىنىڭمۇ دوختۇرخانىغا بارىدىغانلىقىنى دەپ توۋلىماقتا. لېكىن، ساقچىلار ئۇنى بارغۇزماي بۇ جايدىن ئايرىلغىلى قويمىدى.   «ئامال يوق، سىز سەۋر قىپ تۇرۇڭ، جىنايەت گۇماندارلىرىنى تۇتۇشتىن ئىلگىرى ھېچكىم بۇ جايدىن ئايرىلسا بولمايدۇ. »دېدى لىيۇۋ ساقچى باشلىقى بىر تەرەپتىن ئۇنىڭغا تەسەللى بەرگەچ، بىر تەرەپتىن ئادەم ئىزلىگەچ «بەي مۇئەللىم، يارىلانغۇچىنىڭ ئىسمى نېمە؟ » «لۈي يى شىن. »دېدى مەسئۇل مۇئەللىم بەي شىڭ چىيۇۋ.   «لۈي يى شىننىڭ يۈرىكى زەخمىلىنىپتۇ، ھايات قېلىش ئېھتىماللىقى بەك تۆۋەن. ئەگەر ئۇنىڭغا جىددىي قۇتقۇزۇش ئۈنۈم قىلماي ئۆلۈپ كەتسە، بۇ بىر قاتىللىق دېلوسى بولىدۇ» . لىيۇۋ ساقچى باشلىقىنىڭ تەجىربىسى مول، ئۇ ئالدىدىكى ئوقۇغۇچىلارغا قاراپ قاتتىق سۆزلىمەكتە: «ئەگەر توك توختاشتىن ئىلگىرى كېيىن سىنىپقا ھېچكىم كىرىپ چىقمىغان بولسا، ئۇنداقتا جىنايەتچى سىلەر 21 كىشىنىڭ ئارىسىدا بولىدۇ. قاتىل توك كەتكەن پۇرستتىن پايدىلىنىپ، لۈي يى شىنگە پىچاق تىقىۋېتىپتۇ. ئەمدى...ئەمدىمۇ ...شىياۋ جى؟ » جى لىڭ گې تېخىچە ساقچىلار بىلەن بىرگە نەق مەيداننى تەكشۈرىۋاتاتتى. سىنىپ ئىچىدە cdقويغۇچ ۋە ئوقۇغۇچىلارنىڭ قول سومكىلىرىدىن باشقا ھېچنەرسە بايقالمىغانىدى. ئۇ لىيۇۋ ساقچى باشلىقىنىڭ تۇيۇقسىز ئۆزىنى چاقىرغىنىنى ئاڭلاپ، قولىدىكى ئىشىنى تاشلاپ قايتىپ كېلىپ گەپ قايتۇردى: «نېمە ئىش؟ »   «قاتىل دەل مۇشۇ يەردە، بۇ سىز ئۇستا دېلو. بۈگۈنلا يېشىۋېتىڭ. قانداق؟ »   «بۈگۈن؟ »   جى لىڭ گې سائەتكە قارىدى، ھازىر ھېلىمۇ كەچ سائەت 8:40 ئۆتۈپتۇ، ئەتىگە يەنە ئۈچ سائەتتىن ئارتۇق ۋاقىت قاپتۇ.   «ماڭا قىيىن سوئال چىقارمىسىڭىزچۇ. مەن بايىلا يۇيۇنۇپ بولۇپ تۇرۇشۇمغا مېنى توۋلاپ ئەپ چىقىپ ئىسمىنە ئىشلەيدىغانلىقىمنى ئېيتتىڭىز، مېنىڭ كاللام ھازىر تېخىچە ئۇيقۇ ھالىتىدە. »   «بۇنىڭ تەس دېگۈدەك نېمىسى بار؟ ھەممىسى شۇ ئوقۇغۇچىلىغۇ؟ ئوقۇغۇچىلارنىڭ جىنايەت ئۆتكۈزگىنىنى سىزمۇ ئاز ئۇچراتمىغانغۇ—  دېدى لىيۇۋ ساقچى باشلىقى ئاددىيلا قىلىپ—  روھىڭىزنى كۆتۈرۈپ، ئادەتتە سوراق قىلىدىغان ھېلىقى ھۈنىرىڭىزنى ئىشقا سالسىڭىزلا نەچچە سائەتكە قالمايلا ھەقىقىي جىنايەتچىنى تۇتۇپ بولالايسىز. »   جى لىڭ گې ئۆي ئىچىدىكىلەرگە بىرقۇر كۆز يۈگۈرتۈپ چىقتى، ھەمدە يەنە ئىچىدە لىيۇۋ ساقچى باشلىقىنى ئۆرە تۇرۇپ گەپ قىلىۋېرىپ بېلى ئاغرىمايدىغان دەپ تىللاپمۇ چىقتى.چۈنكى ھەرقېتىم مۇشۇنداق سوراق قىلىشقا تېگىشلىك دېلولار بولسا ھەممىسىنى ئۆزىگىلا تاشلاپ قويغان. شۇتاپ ئۇنىڭ  ئالدىدا تۇرۇۋاتقان جىنايەت گۇماندارى تېخى 21 كىشى. بۇلارنى بىر - بىرلەپ سوراق قىلسا قانچە يىل قانچە ئايدا تۈگەيدۇ! «راستتىنلا بولمىسا، بۈگۈن كەچ جىنايەت گۇماندارىنى 5 ئەتراپىدا ئازلىتىڭ. يارىلانغۇچى بىلەن قاتىللىق قورالىنىڭ دوكىلاتىنى مەن سەل تۇرۇپ سىزگە ئەۋەتىپ بېرىمەن. ئۇنىڭدىن سىرت، يارىلانغۇچىنىڭ ئائىلە تاۋاباتى بىلەن كۆرۈشىدىغان ئىشقىمۇ  مەن ئۆزۈم مەسئۇل بولىمەن. مۇشۇنداق بولسۇن شىياۋ جى، ئىش تۈگىگەندىن كېيىن مائاشىڭىزنى ئۆستۈرىمەن. » لىيۇۋ ساقچى باشلىقى بۇلارنى دەپ بولۇپ، جى لىڭ گې غا ئازراقمۇ گەپ قىستۇرۇش پۇرسىتى بەرمەي، ئۇسۇل سىنىپىدىن ئايرىلدى.   جى لىڭ گې چۈشەندى. لىيۇۋ ساقچى باشلىقى دېلونى يەنە ئۆزىگە تاشلاپ قويۇپتۇ ھاراق ئىچكىلى كەتتى. قارىماققا ساقچىلار گۈلى جى لىڭ گې نىڭ ياردىمى بولغاندىن تارتىپ، ساقچى باشلىقىنىڭ خىزمىتى خېلىلا يېنىكلەپ قالغان چىراي.   جىنايەت گۇماندارىنى 5 كىچە ئازايتىش كېرەكمۇ؟ جى لىڭ گې نەق مەيداندىكى ئوقۇغۇچىلار سانى ۋە جىنسىنى سىتاتىستىكىلاپ چىقتى: 3ئوغۇل، 17 قىز.   «ئوغۇل قىز نىسبىتى نېمانچە چوڭ؟ »سورىدى جى لىڭ گې. بەي مۇئەللىمنىڭ چۈشەندۈرىشىچە، بۇ يەردىكى ئوقۇغۇچىلار بىر سىنىپنىڭ ئوقۇغۇچىلىرى بولماستىن، بەلكى ئۇلارنىڭ ئۇسۇل كۇرسىدىكى ئىككىنچى يىللىقنىڭ ئوقۇغۇچىلىرىدىن نومۇر قويۇشقا تاللانغانلار ئىكەن. ئۇلارنىڭ بۇ مەشىقى 3 ئوغۇل، 18 قىزدىن تەشكىل تاپقان ئىكەن. ئارىدىن بىر قىز يېتەكچى ئۇسۇل ئوينايدىكەن. يەنى—  يارىلانغۇچى لۈي يى شىن؛ ئۈچ ئوغۇل ئۇنى چۆرىدەپ، قېپ قالغان 17 قىز بۇ تۆتەيلەننى چۆرىدەپ ئۇسۇل ئوينايدىكەن.   جى لىڭ گې بەي مۇئەللىمدىن بايا توك توختاشتىن ئىلگىرىكى ئوقۇغۇچىلارنىڭ تۇرۇۋاتقان ئورنىنىڭ تەكشىلىك خەرىتىسىنى سىزدۇرغاچ، ئوقۇغۇچىلاردىن سورىدى: «توك توختىغان ۋاقىتتا ھەممىڭلار ئۆز ئورنۇڭلاردىمىدىڭلار؟ »   «مۈمكىن ئەمەستۇ!—  دېدى بىرەيلەن—  ئاللىبۇرۇن قالايمىقانلىشىپ كەتكەن!»   «مەن ئازراق مىدرىغان، تامغا يۆلىنىۋالغان ...»   «مەن ئۆز ئورنۇمدىن مىدرىماى ئولتۇرىۋالغان، باشقىلارنى سوقاپ قوياشتىن قوقاپچۇ. » ھەممەيلەننىڭ جاۋابى ئوخشىماس.ئەمما بىرەيلەننىڭ ئېيتىشىچە توك كەلگەندىن  كېيىن يەنە داۋاملىق مەشىق قىلىش توغرا كەلگەچكە، كۆپ ساندىكىلەر  ئانچە بەك مىدرىماپتۇدەك. ئۇلار پەقەت لۈي يۈ غەمنىڭ يارىلىنىپ، يەرنى بۇلاپ بىرنېمە قىپ بولغان قاننى كۆرۈپ، ئاندىن قالايمىقانلىشىپ كېتىپتۇدەك ...   قان؟   توغرا، قان ئىزى!   جى لىڭ گې ئۇلارغا يەنە بىر كۆز يۈگۈرتۈپ چىقتى. پەقەت بىر نەپەر ئوغۇل بالىنىڭ ئۇسۇل كىيىمى، پەلىيى  ۋە چاچلىرى قانغا بويىلىپ كەتكەننى ھېسابقا ئالمىغاندا، باشقا ھېچكىمنىڭ ئۈستىدە قان ئىزى كۆرۈلمەيتتى.   «سەن نېمانداق قانغا بويىلىپ كەتتىڭ؟ »دېدى جى لىڭ گې. ئەمما ئۇ ئوغۇل بالا جاۋاب قايتۇرمىدى.   بۇچاغدا ياندا تۇرغان بىرى گەپ قىستۇرۇپ، ئۇنىڭ لۈي يى شىننىڭ  ئوغۇل دوستى ئىكەنلىكىنى، ئىسمىنىڭ چىڭ جوۋ ئىكەنلىكىنى، بايا لۈي يى شىننىڭ  يارىلانغىنىنى كۆرۈپ يۈگىرەپ  بېرىپ ئۇنى قۇچاقلىغانلىقىنى، شۇڭا مۇشۇنداق قانغا بويىلىپ كەتكەنلىكىنى ئېيتتى.   ئوغۇل دوستى؟ بۇنچە ئېچىنىپ تۇرۇشى بىكار ئەمەسكەندە.   جى لىڭ گې چىڭ جوۋ نى ئانچە قاتىلغا ئوخشاتمىدى. چۈنكى ئۇنىڭ لۈي يى شىننىڭ يارىلانغىنىنى كۆرگەندىن كېيىنكى بىرىنچى ئىنكاسى جىددىي قۇتقۇزۇش ماشىنىسى توۋلاش ئىكەن. بۇ ھەرگىزمۇ قاتىلنىڭ قىياس يولى ئەمەس.   يەنە بىر ئەپسۇسلىنارلىق ئىش شۇكى، ئۇلارنىڭ ئۇسۇل كىيىمى ئىنتايىن قېلىن كەشتىلەنگەن بولۇپ، ئىككى - ئۈچ قەۋەت ھاۋا ئۆتكۈزمەس رەختتىن تىكىلگەن غەرپچە يوسۇندىكى ئۇسۇل كىيىمىكەن. بۇنداق ئەھۋالدا بىرسى پىچاقنى تىققان تەقدىرىمۇ قاننىڭ قاتىلغا چاچراپ چىقالىشى ناتايىن؛  بۇ ئۇسۇل كىيىمىنىڭ سول تەرىپىگە يەنە بىر دانە قانات ئورنىتىلغاندىن سرت ، ئۇسۇل ئوينىغۇچىلارنىڭ ھەممىسىنىڭ ئوڭ قولىدا بىردىن ئاق رەڭلىك پەلەي بار ئىكەن.   ئېنىقكى، قولىغا پەلەي تاقىغاندىكىن، ئۇنداقتا قاتىللىق قورالىدىنمۇ بارماق ئىزىنىڭ تېپىلىشى ناتايىن.   شۇنداق تۇرۇقلۇق بۈگۈن كەچ راستتىنلا جىنايەتچىنى تاپقىلى ياكى جىنايەت گۇماندارلىرى سانىنى ئازايتقىلى بولامدۇ؟ جى لىڭ گې ئىچىدە ئويلىدى، ھازىرچە ھېچقانداق يىپ ئۇچى تېپىلمىغاندىكىن، يەنىلا بىردىن - بىردىن سوراشقا توغرا كەلگۈدەك. جى لىڭ گې بىر كىچىكرەك سىنىپنى سوراق قىلىشقا ئېچىۋالغاندىن كېيىن، ساقچىلاردىن  سىرتتىكى ئويۇن كۆرگىلى توپلاشقان ئوقۇغۇچىلارنى تارقاقلاشتۇرغۇزپ، ئاندىن بۇ 21 كىشىنى بۇ كىچىك سىنىپ ئۇدۇلىدىكى سىنىپتا ساقلاپ ئولتۇرغۇزدى. ئاندىن ئۇ يان تېلفونىنى چىقىرىپ تېلفون ئۇردى.

bagbax009

	ياخشىمۇ ئۇكام .تەتىلگە چىققان ئوخشىمامسىز؟يانا بىر ياخشى ئەسىرڭىز بىلەن يۈز كۈرۈشتۈرگىنىڭىزگە  تەشەككۇر.ساقلىتىۋەتمەي يوللارسىز ھە.

xam12

	داۋامىنى ئوقۇپ بولۇپ ئىنكاس يازاي.

شرئەلى118

	ئۇقۇمايلا قوياي ، پۈتۈن بولغاندا ھايت دەسىز

qiqakkiz

	داۋامى قاچان چىقىدۇ ئۇكىجان .

xamal1124

	bagbax009 يوللىغان ۋاقتى  2014-6-25 04:38 PM ياخشىمۇ ئۇكام .تەتىلگە چىققان ئوخشىمامسىز؟يانا بىر يا ... ھەئە. تەتىل بولدى ھازىر. داۋامىنى ئاساسەن كۈندە بىر قىسىمدىن يوللايمەن

xamal1124

	شرئەلى118 يوللىغان ۋاقتى  2014-6-25 05:17 PM ئۇقۇمايلا قوياي ، پۈتۈن بولغاندا ھايت دەسىز ئوقۇمىسىڭىز مەنمۇ زورلىمايمەن

xamal1124

	qiqakkiz يوللىغان ۋاقتى  2014-6-25 05:19 PM داۋامى قاچان چىقىدۇ ئۇكىجان . كۈندە مۇشۇنداق بىر قىسىمدىن يوللايمەن. داۋامى ئەتە چىقىدۇ ئاللاھ خالىسا

natunux^kiz

	مۇھەببەت تالىشىشتىن كېلىپ چىققان پاجىئەدەك قىلامدۇ نىمە؟ ئاخىرىنى تېزراق يوللاسىز

musilina

	يەنە بىر  ئېسىل ئەسەر بىلەن ئۇچراشتۇرغانلىقىڭىزغا تەشەككۈر... كۆپ جاپا چەكتىڭىز.....