تەشنا يۈرەك (تۆت شېئىر)

mamatablakumluk

	تەشنا يۈرەك مۇھەممەت ئابدۇللا زاكىر «قۇملۇق» تېلفۇنۇمغا قارايمەن تېنەپ، يارنى ئۇچۇر قىلارمىكىن دەپ. تاتلىق شىرىن سۆزلىرى بىلەن، يۈرۇگۈمنى تىلارمىكىن دەپ. … بىلەلمىدىم بولدى نە سەۋەپ. بىرەر ئۇچۇر قىلمىدى ئەجەپ. كۆزلىرىمدىن كەتمەي سىياقى. يۈرەك دىلىم تىنمىدى ئەسلەپ. … كۈندۈزدىمۇ يۈرىمەن ئەسنەپ، كېچىلىرى ئۇيقا يوق ئەسلەپ. قالماس ئېدىم بۇ كۈنگە بەلكىم، يولۇقمىسام ئۇنىڭغا دەسلەپ. … 2014-6-19 ... غېرىپ ئاشىق     مەھەللەڭدە يۈرىيمەن ئەجەپ، سېنى يەنە كېلەرمىكىن دەپ. كېتەلمەيمەن ئايلىنىپ يىراق، كۆيگىنىمنى بىلەرمىكىن دەپ. ئۈزەلمەيمەن سەندىن كۆزۇمنى، دىيەلمەستىن سۆيگۇ سۆزۇمنى. سۆيگۇ ئىزھار قىلالماي ساڭا، يۇشۇرۋالدىم سەندىن ئۆزۇمنى. تونىمايسەن كۆرسەڭمۇ مېنى. ئۈمۈت بىلەن كۈتىمەن سېنى. ئاشىق دېگەن مەندەك غېرىپمۇ؟ ئەي مۈھەببەت ئېيتقىنا قېنى. جامالىڭغا قانمايمەن قاراپ، لىكىن تىزلا كېتىسەن ئۇزاپ. ھەسرەت بىلەن ساقلايمەن يەنە. شاماللاردىن ھىدىڭنى پۇراپ. 2014-6-16 ئوغلۇمغا … ئۇغلۇم مېنىڭ ھاياتىمسەن كۆزلىرىمنىڭ قارىسى. بەختىم مېنىڭ بارلىغىم سەن يۈرۇگۈمنىڭ پارىسى. ئۆرلە داۋان داغدام راۋان دۇئارىم شۇ بول ئامان، ئەركەك بولۇپ يىتىلگەيسەن بولۇپ ئاتاڭ ۋارىسى … ئاتاڭ ئېدى ۋىجدان غۇرۇر ئىنساپ بىلەن ياشىغان، زوقۇم كېلىپ چىكىلەتتى يۈرۇگۈمنىڭ تارىسى. كەتتى ئاتاڭ ئۇ دۇنياغا قالدۇق مانا ئىككىمىز، ئامال يوقكەن كەلسە ئەجەل ساقلاپ قىلىش چارىسى. … ئەدەپ ئەخلاق پەزىلەتلىك غۇرۇرلۇق بىر يىگىت بول، بوپ قالمىسۇن ئەلنىڭ ساڭا ئۆچمەنلىگى نالىسى. سۆي ۋەتەننى ئەلگە چۆككىن ياشا مەغرۇر ئەل بىلەن، بولغىن ئۇلۇغ شان شەرەپلىك ئەجدادلارنىڭ ۋارىسى. … 2014-6-14 بىكار … چۈشمىسە كۆڭلى كۆڭۇلگە مەجبۇرى تاڭغان بىكار، سۆيمىسە سۆيگىن جېنىم دەپ كەينىدىن ماڭغان بىكار. … سۆيسە بىر ئوتلۇق يۈرەكتىن ئاشىغى جانانى، دىل سۆيەر قەلبى سۆيەرچىن  سۆزلىرى تانغان بىكار.… … قەلبى مۇز باغرى چاياننى  چىن بىلىپ سۆيدۇردى دەپ، يالقۇنى ئوتلۇق يۈرەكنى قەلبىگە ياققان بىكار. … كۆڭلىنى بەرمەس بىراۋغا باشقىغا چۈشسە كۆڭۇل. يىلىنىپ سۆيگىن مېنى دەپ ياشلىرى ئاققان بىكار. … جۈپتى بارھەربىر  كىشىنىڭ تاپسا گەر  سۆيگۇ  شىرىن، سۆيگۈنى بىلمەس كىشىگە كۈن بويى باققان بىكار. … رىسقىدىن  چۈشسە كۆڭۇللەر سۆيگۈدىن تاپقاي ۋىسال كۆڭلىنى  قوزۇق قىلىپلا  ئۆزگىگە قاققان بىكار. … 2014-6-25  «قۇملۇق» …

WOLKANII

	يېڭى ئىلھاملىرىڭىزغا ئاپىرىن ! ياخشى چىقىپتۇ !

TAXNAI2

	سىزنىڭ ھەممە شىئېرىڭىزنى ئوقۇپ كېلىۋاتىمەن .... بۇ قېتىم يازغان شىئېرىڭىزمۇ بەك ياخشى چىقىپتۇ.....قەلەم كۇچىڭىز ۋە تىل ئىپادىلەش جەھەتتە  قابىليىتىڭىز ھەقىقەتەن بار ئىكەن..... سىزگە ئاپرىن....

qaraxani

	تۆت شېئىردا قىرىق شېئىرنىڭ ۋەزنى بار ئىكەن....

99sahrayi99

	بارىكاللا! بۇ بىر شېئىرلار ئىنتايىن يېقىشلىق چىقىپتۇ قەلەم قۇۋۋىتىڭىزگە ئ........ئاپىرىن!...ا

تەسەللى

	ھەقىقەتەن مول مەزمۇنغا ئېگە شېئىر بوپتۇ.   بولۇپمۇ    ئوغلۇمغا    دىگەن شېئىر بەك يارىدى . خۇددى ماڭىلا يېزىلغاندەك. ياخشى ئىلھاملىرىڭىز ئۈزۈلمىگەي!!

XAHZAD

	قەلەم قۇۋۋىتىڭىز ئڭنتايىن ياخشىكەن .ئىلھامىڭىز ئۇرغۇپ تۇرىدىكەن .

ahgulum129213

	تەشنا يۈرەك،غېرىپ ئاشىق دىگەن شىئىرلاردىن يېزىدىكى ساپ مۇھەببەت كۆز ئالدىمغا كەلدى،بەك ياقتۇردۇم!

mamatablakumluk

	TAXNAI2 يوللىغان ۋاقتى  2014-6-25 12:52 PM سىزنىڭ ھەممە شىئېرىڭىزنى ئوقۇپ كېلىۋاتىمەن .... بۇ قېتى ... كۆپ رەھمەت.

mamatablakumluk

	TAXNAI2 يوللىغان ۋاقتى  2014-6-25 12:52 PM سىزنىڭ ھەممە شىئېرىڭىزنى ئوقۇپ كېلىۋاتىمەن .... بۇ قېتى ... كۆپ رەھمەت.