كۈلدۇق بىز

ablikim.karkax

	ئەجدات ماڭغان يوللارنى ، ھارماي داۋام قىلدۇق بىز، مۇشت تەڭلىسە نامەرتلەر ، يۈرەك-باغرى تىلدۇق بىز. يانماي جەبرى - زۇلۇمدىن ، ئۇرۇق ئۈزمەي تۇلۇمدىن، ئاپتاپ چۈشكەن باشلارنى ، مىھېر بىلەن سىلىدۇق بىز. كىملەر  ياخشى ، كىم  يامان ، ۋاپا  قىلمىغان  زامان، ئەگرى - توقاي يوللاردىن، ئەڭ ياخشىنى بىلدۇق بىز. ئەجدات بەرگەن مىراسلار ، ئەسكەرتىشلەر ھەق راسلار، ۋەزنى تەككەچ يۈرەككە ، پاك  نەزەرگە  ئىلدۇق  بىز. ئىزدىن  ئۈنگەن  مايسىلار ، ئىز باسار تاڭ قايسىلار، ئىزنى باسقان ئىزلاردىن ، كۆڭۈللەر خوش كۈلدۇق بىز.                گەپلىشىپتۇ كۆپ ئاڭلىدىم بەزىلەر سەت گەپلىشىپتۇ، بىر - بىرىنى ھېيىقماستىن چەكلىشىپتۇ. تولسا چۆنتەك شەيتانلارنىڭ تەڭگىسىگە، ھېچ كىشىنى ياراتماستىن سەكرىشىپتۇ. ئالىم ، دانىش يەڭلىرىنى تۈرگەن بىلەن، شاھلىرىمىز سۈرگىن قىلىپ سۈرگەن بىلەن، توختىماستىن تارتسا گۈللۈك يۈگەن بىلەن، ھەممە  بىلگەن  قانۇنلارنى  يەكلىشىپتۇ. ئەسكىلىككە قىيالماستىن يۈردى قانماي، ھەممە ئادەم ساراسىمدە يولدا ماڭماي، ئۇ ئالەمگە كەتسىمۇ ھەم پەيلى يانماي، تۇخۇم تۇرۇپ تاشقا تاياق تەڭلىشىپتۇ. ئاسماندىكى يۇلتۇزلىرىڭ يەردە بارمۇ؟ ئۆزگىلەرنىڭ ساڭا پۈتمەس قەرزى بارمۇ؟ يا بولمىسا بېشىڭلارنىڭ دەردى بارمۇ؟ ياخشى-يامان ئايرىماستىن جەڭلىشىپتۇ. ئۆزىڭىزچە شىرىن خىيال سۈرگەن بىلەن، ئىش ئاقمايدۇ قېچىپ قاقشاپ يۈرگەن بىلەن، نەچچە  ئاۋاق  يەڭلىرىنى  تۈرگەن  بىلەن، ئىشى پۈتمەي گالغا پىچاق كەپلىشىپتۇ. مەنبە-قاراقاش

TAXNAI2

	ئۆزگىچە    ،ياخشى تىما  تاللاپسىز ...يېڭىچە مەزمۇنلار ئىپادىلنىپتۇ..... سىزگە يەنىمۇ چوڭ نەتىجىلەر تىلەيمەن....

99sahrayi99

	تاش تۇخۇمنى چاقىدۇ ھامان، تۇخۇم ئۆلۈپ كۆز يۇمار شۇئان. پەلەك تەتۈر ئايلانغان كۈنى، بىراق تاشمۇ قالمايدۇ ئامان! قەلب خاتىرەمدىن: بەك ياخشى يېزىلغان شېئىرلار ئىكەن. قەلىمىڭىز توختاپ قالمىسۇن!

oylun

	ياخشى چىقىپتۇ...