ھايات ئەسلى بۈگۈنلا بىر كۈن .

KUMALTAGH

	ھايات ئەسلى بۈگۈنلا بىر كۈن ئەمەتجان زۇنۇن ئارتۇچ ئارمان بىلەن كەتتى تۈنۈگۈن  ، پەقەت دەرمان بۈگۈنلا بىر كۈن . غەپلەت سىڭگەن ھوقۇش باغرى تۈن ، ھايات ئەسلى بۈگۈنلا بىر كۈن . ئۆمۈر تامچە ياشتەك چۈشىدۇ ، نادان جاندىن ئۈمىت كۈتىدۇ ، يۇلتۇز بولۇپ بەندە ئۆچىدۇ ، ھايات ئەسلى بۈگۈنلا بىر كۈن . ۋاختىڭ كېتەر شېرىن خىيالدىن ، بەختىڭ گۈلى توزۇپ شامالدىن ، ئۆتمىكىڭ تەس  مەنزىل قامالدىن ، ھايات ئەسلى بۈگۈنلا بىر كۈن . مىڭبىر تىنەپ تاپقىنىڭ قالار ، دۇنيا كۆزلەپ ساتقىنىڭ قالار ، ئۇچۇم تۇپراق قوينىغا ئالار ، ھايات ئەسلى بۈگۈنلا بىر كۈن . مەنبە ؛ قەلىمىم .

KUMALTAGH

	كەتمىنىم ئەمەتجان زۇنۇن ئارتۇچ ئەلمىساقتىن ھەمرا بولۇپ ئەلنى باققان كەتمىنىم ، ۋاپا ئەيلەپ جىمى ئەھلى جانغا ياققان كەتمىنىم ، كائىناتتىن يەنە ئىزلەپ بىزنى تاپقان كەتمىنىم ، بارلىغىنى ئانا تۇپراق يەرگە ئاتقان كەتمىنىم ، شۇڭا ھەردەم بىسى يانماس چۆلنى چاپقان كەتمىنىم . دېھقىنىمنىڭ جۈپ قولىدا گويا قۇياش نۇرىسەن ، باياۋاندا ، تاغدا ئۈنگەن ھىدى خۇشبۇي گۈلىسەن ، سۈپسۈزۈك  ساپ ناھارىنىڭ جاسارەتلىك ئۈنىسەن ، پاك ئەجىرنىڭ ، مول- ھوسۇلنىڭ مەڭگۈ ياڭراق كۈيىسەن ، جىسمى تاڭلار ئىشقىدا ئوتىنى  چاچقان كەتمىنىم . نەدە سەنسىز نان - تائاملار نەدە ھوزۇر - ھالاۋەت ، ھەممە چاينايدۇ ناۋات - قەن نەدە سەنسىز پاراغەت ، نەدە سەنسىز ئاسايىشلىق نەدە بەخىت ،- سائادەت ، نەدە سەنسىز كۈلكە - شاتلىق  نەدە نۇسرەت كامالەت ، بەندىلەرنىڭ يولىنى ھەم  كەڭرى ئاچقان كەتمىنىم . ئوخشىتىمەن تۇغقا پۈتمەس چىن ئۆمۈرگە باغلىدى ، ۋەسلى مۈشكۈل گۈل ھاياتلىق سەيناسىدا تاۋلىدى ، بارچە دىللار يوپيۇرۇقتۇر تاپتى بەركەت  يايرىدى ، < خۇددى ھەممە بار ئېقىنلار تۇشمۇ - تۇشتىن سايرىدى > ، قۇت - ئىناقلىق سۆيگۈسى رىشتىنى چاتقان كەتمىنىم . مەنبە ؛  قەلىمىم .

hekmat110

	توغرا دەيسىز  ،ھايات پەقەت بىر كۈن ،،،،،

hekmat110

	كەتمەنگە مەدىھيە

arka1

d@tman

	رامىزانلىق شئېرىنى بەك  ياخشى يىزىپسىز ئاللا رەخمەت  قىلسۇن دوستۇم

99sahrayi99

	دېھقانلارغا مۇناسىۋەتلىك يازمىلارنى كۆرسەم، بۆلەكچىلا بولۇپ قالىمەن دەيمەن. چۈنكى قارادېھقان ئەمەسمۇ!... شۇڭا....

99sahrayi99

	دېھقان دېگەن ئەزەلدىن ئايرىلالماس كەتمەندىن، لېكىن ھېچكىم ھال سورماس دېھقان ئاتلىق دەرتمەندىن. مەنمۇ قارا دېھقان بولغاچقا شۇنداق دەپ ئەگىشىپ قويدۇمغۇ.......