ھەققانىي: دۈشمىنىم ( ساتىرا)

akkani

	دۈشمىنىم ئاپتۇرى:ئابدۇۋەلى راخمان ھەققانىي زۇكام بولسام ئۈچ-تۆت كۈن ‹‹ ئۆلدى›› دەپتۇ دۈشمىنىم، ‹‹ گاللىرىنى ئەزرائىل بوغدى ›› دەپتۇ دۈشمىنىم. * قايسى كۈنى شۇنچىكى مىت-كوت كەتسە سول پۇتۇم، گەپ تارقىتىپ: ‹‹ بىلى چورت سۇندى ›› دەپتۇ دۈشمىنىم. * دوستلار ئارا چاقچاقتىن ھۇزۇرلىنىپ شوخ كۈلسەم، ‹‹ جان چىققاندا غەزەپتىن كۈلدى›› دەپتۇ دۈشمىنىم. * بىر ھەپتىلىك ساياھەت مەنزىلىدە ئايلانسام، ‹‹ ئۈيى ماجرا،ئۆتەڭدە قوندى››دەپتۇ دۈشمىنىم. * ئوڭ چېكەمدە چىكىتتەك مەڭ كۆرۈنسە،شاتلىنىپ- ‹‹ دوختۇر راك دەپ دېئاگنوز قويدى›› دەپتۇ دۈشمىنىم. * شېئىر يازسام ئىللەتكە دەرھال خەقنى ئېچىتىپ- ‹‹ ھەجۋى قىلىپ سىنى دەل يازدى›› دەپتۇ دۈشمىنىم. * دۇتتار-تەمبۇر قولۇمدا ناخشا ئېيتسام-كۈي چالسام، ‹‹ سازنى تەتۈر پەدىگە چالدى››دەپتۇ دۈشمىنىم. * بىلمەپتىمەن سايەمدەك كۈندە ماڭا ئەگىشىپ، باش قاتتۇرۇپ‹‹غىمىمنى›› بەكمۇ يەپتۇ دۈشمىنىم. * دۈشمەننىڭمۇ تۆھپىسى باركەن دوستلار ئاز-تولا، بىخوتلۇقنىڭ مەزگىلى ئۆتتى دەپتۇ دۈشمىنىم. * بىلسەم غەمسىز-غۇبارسىز مۇشۇ ئاپپاق كۆڭلۈمنى، قارا يىپتا-يىڭنىدە كەشتىلەپتۇ،دۈشمىنىم. * ياندا دۈشمەن بولمىسا دوست دىگەننىڭ نە قەدرى؟ بۇ ھېكمەتنى بىلمەكنىڭ پەيتى كەپتۇ ،دۈشمىنىم. * مەخپى نەشتەر سانچىغان دوستتىن دۈشمەن ياخشىراق، ھۇشيار بولغىن ھەققانىي ئەمدى دەپتۇ ،دۈشمىنىم

99sahrayi99

	ۋاھ!.. كارامەت دەل جايىغا چۈشۈپتۇغۇ بۇ غەزەل! دۈشمەنلەرنىڭ يۈرىكى ئېتىلىپ كەتمىسۇن!... بۇنى كۆرۈپ. نىمەدېگەن قالتىس!... ھەققانى قەلەپ تۇلپارىڭىز ھارمىغاي!... سىزگە ئۇتۇق تىلەيمەن!...

زىننۇرى

	بولدى سوستۇم قاخشىما ،ئەرزىمەيدۇ دۈشمىنىڭ، يانار ھامان ئۆزىگە،بىلەر بۇنى  دۈشمىنىڭ. نىمە دىسە دەۋەرسۇن،كۈلۈپ قۇيغىن  يۈزىگە، ئاخىرىدا ئۇيۇلۇپ، يۈز كىلەلمىسۇن   ئۆزىگە.

99sahrayi99

	مەن بار ئىكەنمەن نەخ مەيداندا، توردا ھازىر، بەلكىم دېھقان ئاشلىق بىلەن ساڭدا ھازىر. تىجارەتچى، سودىگەرلەر پۇل غېمىدە، ئارام ئالماي خىزمەت بىلەن تاڭدا كادىر. شۇڭا ھېچ كىم كىرەلمەيدۇ مۇنبەرلەرگە، لېكىن مەن كۆپ كىتاپ ئوقۇپ بولدۇم تاقىر. چاقچاق..... جىما بۇ... تۇردا بىرەرسىنىڭ ئىنكاسىنى كۆرمىگەنلىكتىن شۇنداق دەپ قويدۇمغۇ....

fahri97

	ۋاخ ۋاخ..................  بۇمۇنبەر ئىككى ئۇچ كۇن بۇلۇپ قالدى  بەك قىزىپ كىتىپ بارىدۇ؟

قورغان

	كارامەت ئۇتۇقلۇق چىققان غەزەلكەن بۇ،  قەلىمىڭىز كۆكلەپ تۇرغاي...

rabbey

	ھاققانىي....قول قويىمەن جۇما ئىشقىلىپ سىزگە

akbar0997

	قەلەم قۇۋىتىڭىز ھارمىغان ئابدۇۋەلى ئاكا .

زەردار007

	بەك ياخشى يىزىپسىز.

TáwpéK0903

	بەك  ياخشى       بوپتۇ