دەمسەن (غەزەل)

99sahrayi99

	دەمسەن (غەزەل) ئۆچۈشكە باشلىغان ئوتنى يېنىشلاپ كۆيدۈرەي دەمسەن، نىتاڭ مەھزۇن قەلبلەرنى مۇشۇنداق سۆيدۈرەي دەمسەن. سېنىڭ ئىشقى-پىراقىڭدا كېچە-كۈندۈز ئازاپلاندىم، خەۋەرسىز دەرت، پىغانىمدىن پىراقتا ئۆلتۈرەي دەمسەن. مۇھەببەتتىن سوئال تاشلاپ سىناپ كۆرمەكچى بولدۇڭمۇ، ۋە يا قىيناپ مېنى دائىم ئازاپقا كۆندۈرەي دەمسەن. ۋە يا بىر جاي بېرىپ قەلبىڭ ئاراسىدىن ماڭا مەخسۇس، سۇنۇپ بىر كەۋسەر سۆيگۈڭدىن بەخىتكە چۈمدۈرەي دەمسەن. ۋەيا سەرسان قىلىپ سۆيگۈ-مۇھەببەت دەشتىدە ھەرئان، قەلەندەرلىك كۇلاسىنى بېشىمغا كەيدۈرەي دەمسەن. ئەگەر چاڭقاپ يېتىپ قالسام بىگانە، تەشنەلەپ نىمجان، كۆزۈڭدىن ئاققۇزۇپ شەبنەم لېۋىمغا تامدۇراي دەمسەن!.. مەنبە:  ئۆز ئىجادىيىتىم

99sahrayi99

	ھۆكمىراننىڭ ئەمگىگىكە رەھمەت!.. ئەجىر قىپسىز ئەجرىڭىز يەردە قالمىغاي!..

rahiyma

	«نىتاڭ » دېگەن سۆزنى چۈشەندۈرۈپ قويسىڭىز بوپتىكەن.

قورغان

	شىئېرىڭىز مەزمۇن يىقىدىن بولسۇ ن بەدىئېلىك جەھەتتىن بولسۇن ياخشى چىقىپتۇ

musilina

	شېئىرىي تىلى ئوبرازلىق چىقىپتۇ... ياخشى يېزىلغان غەزەل....

تىمتاس123

	ئۇزۇن بولغان ئىدى بۇنچىلىك يۈرەكنى يايراتقۇدەك ئوقىمىغىنى... پىقىر تىمتاسنى يەنە دەتكە مۇپتىلا قىلدىڭىز..سىزگە رەھمەت... بۇنچە لەرزان لىرىك داستان مەتبۇئاتلاردىمۇ ئاز چىقىۋاتىدۇ.... قەلىمىڭىزگە كۈز تەگمىسۇن.

99sahrayi99

	ئۇنچە دەپ كەتكۈچىلىكىمۇ يوق، ماختىغىنىڭىزغا كۆپتىن -كۆپ رەھمەت!...

biligzar

	rahiyma يوللىغان ۋاقتى  2014-6-24 12:54 PM «نىتاڭ » دېگەن سۆزنى چۈشەندۈرۈپ قويسىڭىز بوپتىكەن. «نىتاڭ» دىگەن «بىلمىدىم، ئۇقمىدىم» دىگەن مەنىدە، ئېغىز تىلدىكى «ۋايتاڭ» دىگەن گەپنىڭ قىسقارتىپ ئاتىلىشى............

99sahrayi99

	سۇنۇپ بىر كەۋسەر ئەمەس بىر كاسا مەي دەپ دېسەك ، بىر قەدەھ دېگەن مەنىنى بىلدۈرىدۇ،  ئەرەپچە سۆز بولۇپ قاپىيەجەھتىدىن كەلتۈرگەن ئىدىم، توغرا چۈشۈنۈشىڭلارنى ئۈمىد قىلمەن!..

oylun

	پىچەت چىقىپتۇغۇ بۇ شېئىر....