ئاتام كەتتى

bahwanbiz

	ئاتام كەتتى يۈرەكلەرنى داغلاپ قويۇپ ئاتام كەتتى ، يېرىلغاننى ياغلاپ قويۇپ ئاتام كەتتى ، باغقا ئۈمۈد باغلاپ قويۇپ ئاتام كەتتى ، شەجەرىنى ساقلاپ قويۇپ ئاتام كەتتى ، تىلەكلەرنى ئاقلاپ قويۇپ ئاتام كەتتى . يېلىنجار ئوت ئانام تۇتقان ئوچاقلاردا  ، تەببەسسۇم بار بۇغداي -قوناق ، پۇرچاقلاردا ، ھېكايەت بار لاي چاپلاشقان پۇچقاقلاردا ، تاڭلار ئېرەر ئاتام ئاچقان قۇچاقلاردا ، ئوتقا كاۋاپ قاقلاپ قويۇپ ئاتام كەتتى . كۈچىيىدۇ قېرىنداشلار ئانتىنىسى ، باشلىنىدۇ مەناسىدا سۆھبەت بېشى ، ھۆججىتىدە  ئالمىشىدۇ نەق يا نېسى ، بەرىكەتلىك بوپ كېتىدۇ سۆيگۈ ئېشى ، دات مېھىرنى چاقلاپ قويۇپ ئاتام كەتتى . قىشتا باھار بىخلىنىدۇ ئىخلاسىدا ، يېشىلىدۇ تۈگۈنلىرى سىرداشىدا ، بار ھارارەت ئۇ ساقلىغان قۇياشىدا ، روھى  كۆكلەر ئەل -ئاۋامنىڭ باھاسىدا ، شەيتانلارنى قوغلاپ قويۇپ ئاتام كەتتى . يارالمىشنىڭ ھېكمىتى مېھمان سىياق ، ھۆكۈم كەلمەس قۇرىمايدۇ بىر تال قىياق ، بۇ ھاياتلىق ئالمىشىدۇ پەسىل سىياق ، شەرھى ھۆكۈم قىيامەتتە باردۇر سوراق . ئېتىقادنى چوغلاپ قويۇپ  ئاتام كەتتى . بىر ئەسىرنى خامىنىغا يايغاندا ئۇ ، ۋايسىمىدى پۇچقاق تۈرۈپ تايغاندا ئۇ ، ھاسا بىلەن بىر ئىشىككە بارغاندا ئۇ ، بەكلا ئاددىي كۆزنى يۇمدى ھارغاندا ئۇ ، بىرەر كېچە ئۇخلاپ قويۇپ ئاتام كەتتى . ساقىلىغا ئاپئاق يىپلار ياماشقاندا ، چاچلىرىنى تاڭ تارغىقى تاراشقاندا ، تاڭ سەھەردە بۇلبۇل مۇڭلۇق سايراشقاندا ، بۆشۈكتىكى ئەللەي بارماق ساناشقاندا، باغرىمىزنى پۇراپ قويۇپ ئاتام كەتتى . يېزىلغاندا  بىر قەۋمنىڭ جەڭنامىسى ، رەڭ ئىچىدۇ ھەر بىر يۇرتنىڭ سالنامىسى ، ئۈزۈلگەندە  ئەركەك يىللار كۈي تارىسى ، ئۆزگىرىدۇ  دەقىقىنىڭ ھەر خانىسى ، جان بۇۋامنى دوراپ قويۇپ ئاتام كەتتى . ئانا يۇرتى ئالقىنىغا قويغاچ ئىمزا ، مەرىمەيدۇ قورسىقى توق يېتىم قوزا ، ئەل قەلبىدە يۈزى يورۇق تارتماس ئىززا، جىنازىغا ئەگىشىدۇ كەنت-يېزا ، سۆيگۈ زەم زەم ئوتلاپ قويۇپ ئاتام كەتتى . ئاپتۇرى : ئابلەت مۇھەممەت باغۋەن

qahqak

	مېنى   كەچ   بولغاندا    بىرمۇنچە  يىغلاتتىڭىز   قېرىندىشىم،دادامنى  ئەسلىتىپ  قويدىڭىز. رەھمەت ،  ياخشى  شئېىركەن  .

qayan0999

	”ئاتام كەتتى “     دادامنى سېغىندىم。。。。。   يۈرەككە تەگدى。。。。。

99sahrayi99

	نىمىدېگەن ياخشى تىزىلغان ئۈنچىلەر بۇ!.... ساقىلىغا ئاپئاق يىپلار ياماشقاندا، چاشلىرىنى تاڭ تارغىقى تاراشقاندا، تاڭ سەھەردە بۇلبۇل مۇڭلۇق سايراشقاندا، بۆشۈكتىكى ئەللەي بارماق ساناشقاندا، باغرىمىزنى پۇراپ قويۇپ ئاتام كەتتى!.. مۇشۇ يەرلىرى ماڭا بەك ياراپ كەتتى. باغۋەن ئەجرى ھەرگىز يەردە قالمىغاي!...

sayramkizi

	ھەممىمىز ئۇ دۇنياغا كېتىمىز ئالدى كەينى بولۇپ ، ئۆلۈمگە ئامال يوق ئىكەن، «ئاتام بارئېتىم باغلاغلىق ، ئانام بار چېيىم دەملەگلىك »دەپ  توغرا ئېيتىپتىكەن. قەلەم تۇتقان قوللىرىڭىزغا بەرىكەت ھەم ئۇتۇق تىلەيمەن.ئاپتۇرغا رەخمەت .

jim-jit

	مەرھۇم    ئاتىلارنىڭ    ياتقان    يىرى    جەننەتتە    بولسۇن    ...

ئەقىدە02

	ئەجەپ ياخشى يېزىپسىز.. ..

rahiyma

	بۇ دۇنيادىن كەتمىگەن كىم بار؟؟؟   بار ۋاقتىدا قەدرىگە يەتمەيدىكەنمىز، كەتكىنىدە سېغىنىپ ئەسلەيدىكەنمىز. .......... تولىمۇ ياخشى يېزىلغان شېئىركەن باغۋەنكا، ئاتىلىرىمىز ئامان بولسۇن، بەختىمىزدىن چېھرى كۈلسۇن!

نەزەر

	ئانام بار بىغىم بار ئاتام بار تىغىم بار .................. ئۇلار ھايات مىنىڭ بەختىم بار

gayur1

	مېنىڭمۇ كەتتى... ئاللاھ ھەممىمىزگە سەبىر بەرسۇن. نە ئىلاج، دەيدىغىنىم؛ ئىننە لىللاھى ۋە ئىننە ئىلەيھى راجىئۇن!