رامىزان ئېيى تېخىمۇ ھىممەت قىلىش ئېيىدۇر

arbabbiz

	ئۇلۇغ رەببىمىز ئاللاھ سۇبھانەھۇ ۋە تەئالاغا ھەمدۇ سانا پەيغەمبىرىمىز مۇھەممەد سەللەللاھۇ ئەلەيھى ۋەسەللەمگە دۇرۇت ۋە سالاملار بولسۇن! رامىزان ئېيىدا موسۇلمانلارنىڭ ئەھۋالىغا قارىغان ھەرقانداق بىر كىشى،  رامىزاننىڭ ئىنسانلار قەلبىگە تەسىر قىلىدىغان  سىھرى كۈچىدىن ئەجەپلىنىدۇ. چۈنكى رامىزاندا ئىنسانلارنىڭ ناھايىتى ھىممەتلىك، تائەتكار، ۋاقىتلىرىنى داۋاملىق ياخشى ئەمەل ۋە ئىبادەت بىلەن ئۆتكۈزىۋاتقانلىقى ئىنساننى ھەيران قالدۇرىدۇ.  رامىزان كېلىشتىن بۇرۇن ئىنسانلار ئىككى تۈرلۈك بولىدۇ: بىرىنچى تۈردىكى ئىنسانلار، دۇنيانىڭ ھاۋايى- ھەۋەس ۋە لەززەتلىرى بىلەن غەرق بولغان، گۇناھكار، تائەت ئىبادەتتىن يېراق ۋە سالىھ ئەمەللەر ئۈچۈنمۇ ھىممەتسىز، كېچە - كۈندۈز دۇنياللىق بىلەن ئالدىراش بولۇپ، ئىماننىڭ لەززەتلىرىدىن، قەلىب ھۇزۇرى ۋە سۇكۇنەتتىن مەھرۇم ئىنسانلاردۇر.  ئەمما ئىككىنچى تۈرلۈك ئىنسانلار بولسا، يۈكسەك ھىممەت ئىگىسى، ئاللاھ قەلىبىلىرىگە نۇر ۋە ھىدايەت بەخىش قىلغان، تائەت ئىبادەتتە ناھايىتى تىرىشچان، ۋاقىتلىرىنى داۋاملىق ئىبادەت ۋە ياخشى ئەمەللەر بىلەن ئۆتكۈزىدىغان، كۈندىن – كۈنگە ئىمانى كۈچىيىپ تورىدىغان، ئىماننىڭ لەززىتىنى ھەقىقى تېتىيالايدىغان، ئاللاھ مەنپەئەتلىك ئىلىم ۋە پاك رىزق ئاتا قىلغان كىشىلەردۇر.  لېكىن، رەھمەت ۋە مەغپىرەت ئېيى بولغان رامىزان ئۆزىنىڭ بەركەتلىرى بىلەن يېتىپ كىلىپ، جەھەننەمنىڭ دەرۋازىلىرى تاقىلىپ، شەيتانلار باغلىنىپ، ئىنسانلارغا ھىلە قىلىش ۋە دۈشمەنلىك قىلىش كۈچى ئاجىزلىغان ھامان، غەپلەت ئۇيقۇسىدا ئۇخلاۋاتقان، گۇناھ مەئىيسەت ئىگىلىرى ئۇيقۇسىدىن دەرھال ئويغىنىپ ئاللاھغا يۈزلىنىپ تەۋبە قىلىشقا ۋە ياخشى ئەمەللەرنى قىلىشقا باشلايدۇ. ئۇلار غەپلەت ئۇيقۇسىدىن ئويغۇنۇپ ھىممىتى ئۆرلەپ ناماز ئۇقۇش ئۈچۈن مەسجىدلەرگە يۈزلىنىدۇ. رامزاندا مەسجىدلەر تۇشۇپ كىتىدۇ، ھەممە قۇرئان تىلاۋەت قىلىش، زىكرى تەسبىھ ئېيتىش بىلەن مەشغۇل بولىدۇ. ناھايىتى قىزغىن ۋە خوشاللىق ئىچىدە مەسجىلەردە تىراۋۋىھ نامىزى ئۇقۇش ئارقىلىق غەپلەت غۇبارلىرىدىن پاكلىنىدۇ. ئۇلارنىڭ رامىزاندىكى  روزا تۇتۇشلىرى، تىراۋۋىھ ۋە تەھەججۇد  نامىزى ئوقۇشلىرى، قۇرئان ئوقۇشلىرى، سەدىقە ئىھسان، سىلە رەھىم قىلىشلىرى، ياخشى ئىشلارغا ئالدىراشلىرىنى كۆرگەن كىشى ئۇلارنىڭ قەلبىدىكى رامىزاننىڭ سىرلىق كۈچىنى كۆرۈپ ئەجەپلەنمەي قالمايدۇ ۋە ئۇلار ئۈچۈن رامىزاننىڭ ھىممەت ئېيى ئىكەنلىكىنى بىلپ يىتەلەيدۇ. رامىزاندىن باشقا ۋاقىتلاردىمۇ ئالى ھىممەت ئىگىسى بولغان بىر تۈرلۈك كىشىلەر بولۇپ، ئۇلار رامىزان كەلگەن ھامان ھىممىتى تېخىمۇ يۇقىرى كۈتۈرۈلۈپ، تائەت ئىبادەتتە بۇرۇنقىدىن نەچچە ھەسسە تىرىشچانلىق كۆرسۈتۈدۇ. بۇرۇن قۇرئاننى ھەر ھەپتىدە بىر قېتىم تامام قىلغان بولسا، رامىزاندا ھەر ئىككى كۈندە ياكى ھەر كۈندە بىر قېتىم تامام قىلىدۇ. ئىمامى  شاپىئى رەھىمەھۇللاھنىڭمۇ رامىزان ئىيىدا قۇرئاننى ھەر كۈنى ئىككى قېتىم يەنى بىر ئاي رامىزاندا 60 قېتىم تامام قىلىدىغانلىقى رىۋايەت قىلىنىدۇ.   بۇ، ئايدا مۆمىنلەرنىڭ ھالى نىمە دېگەن ئەجەپلىنەرلىك ھە؟؟؟ چۈنكى، بۇ ئايدا مۆمىنلەرنىڭ ھىممىتى ئۆرلەيدۇ،  ئاسمانغا ھەتتا ئەرىشىگە قەدەر يىتىدۇ، ئەرشىنىڭ ئەتىراپىنى چۆرىدەيدۇ. بەزى مۆمىنلەر ھەر كىچىنى ناماز ئوقۇش بىلەن ئۆتكۈزسە، يەنە بەزى مۆمىنلەر رامىزاننىڭ ئاخىرقى 10 كۆنىنى قولدىن بەرمەي پۈتۈن كىچىلىرىنى تەھەججۇد ۋە قۇرئان تىلاۋەت قىلىش بىلەن ئۆتكۈزىدۇ. رامىزاندا باشقا ۋاقىتلاردا پەرز نامازلارنى جامائەت بىلەن ئوقۇيالماي قالسا پەرۋا قىلمايدىغان ئىنسانلارمۇ رامىزاننىڭ ئاخىرقى 10 كۈنىدە تەھەججۇدتىن قېلىپ قالسا قەلبى ناھايتى ئازاپ چىكىدۇ ھەتتا يېغلاپ كىتىدۇ. چۈنكى ئۇلارنىڭ ھىممىتى ئاشقان ۋە ھەقىقى ئىماننىڭ لەززىتىنى تېتىىغانلىقى ئۈچۈن بىر تەرەپتىن، بۇنىڭدىن كىيىن مۇنداق لەززەتنى ئىككىنجى قېتىم تېتىيالماسلىقتىن ئەنسىرسە، يەنە بىر تەرەپتىن ئاھ بۈگۈن كېچە شىبرى قەدىر ئۆتۈپ كەتكەندىمۇ؟ ئاھ بۇ ئولۇغ كېچىنىڭ پەزىلىتىدىن مەھرۇم قالغاندىمەنمۇ دەپ، تېخىمۇ ئازاپ چېكىدۇ. دېمەك سالىھ كىشىلەر رامىزان ئېيىنى ئاخىرەتلىك ئۈچۈن زادى راھىلە تەييارلايدىغان ئەڭ قىممەتلىك ۋاقىت دەپ بىلىدۇ.     رامىزان ئېيىى ھىممەتنىڭ يۈكسىلىش شەرتلىرى تۇلۇقلانغا ئايدۇر: رامىزان ئېيى ھىممەت تېخىمۇ يۈكسىلىدىغان ئايدۇر. چۈنكى بۇ ئايدا ھىممەتنىڭ يۈكسىلىش شەرتلىرى تۇلۇقلانغان بولۇپ ئۇلار تۈۋەندىكىلەردىن ئىبارەت. 1- بۇ ئايدا قىلغان ئەمەل ئىبادەتلەرنىڭ پەزىلەتلىرىنى بىلىش: ئىنسان پايدىلىق ئىلىم ئارقىلىق ئەمەللەرنىڭ پەزلىنى ۋە رامىزاندا قىلىنغان ياخشى ئەمەللەرگە بىرىلىدىغان ساۋاپنى بىلىپ يتىدۇ. مەسىلەن پەيغەمبەر ئەلەيھىسسالام كىمىكى رامىزان ئېيىدا ھەقىقى خالىس ئىمان بىلەن روزا تۇتىدىكەن ئۇنىڭ ئىلگىرىكى گۇناھلىرى ئەپۇ قىلىنىدۇ. دېگەن. بۇ ھەدىسنى ئاڭلىغان ئىنساننىڭ ھىممىتى يۈكسىلىپ، ئاللاھنىڭ گۇناھلىرىنى مەغپىرەت قىلىپ دوزاختىن ئازات بولۇشنى تەلەپ قىلىدۇ. 2- رامىزاندىكى ھەمكارلىق: رامىزاندىكى ياخشى ئەمەللەر، خەيرى ئىھسان، ياخشى مۇھىت، كىشىلەرنىڭ ياخشى ئەمەللەرگە ئالدىرىشى، تىراۋۋىھ نامىزى، تەھەججۇد، قۇرئاننى خەتمى قىلىشتا بەسلىشىش، نامازلاردىن كىيىن مەسجىدلەردە ئولتۇرۇپ زىكرى تەسبىھ ئېيتىش قاتارلىقلارمۇ ھىممەتنىڭ يۈكىسىلىشىگە ئالاھىدە ھەسسە قوشىدۇ. شۇنىڭدەك سالىھ ۋە ئالى ھىممەتلىك كىشىلەر بىلەن ھەم سۆھبەت بولۇشمۇ ياخشى ئىش قىلىش ۋە مۇنكەرنى تاشلاشقا بولغان ھىممەتنى ئاشۇرىدۇ. يەنە، رامىزاندا بەندىلەرنىڭ ئىمانى كۈچىيىپ، تەسىرى يۈزلىرىدە نامايەن بولىدۇ. بۇ ھەقتە ئىبنى ئابباس مۇنداق دېگەن: ياخشى ئەمەل يۈزنى يۇرۇتۇپ قەلىبنى نۇرلاندۇرىدۇ، رىزىقىنى كۈپەيتىپ كىشىلەرنىڭ قەلبىدىن مۇھەببەت ھاسىل قىلىدۇ ۋە بەدەنگە قۇۋۋەت ئاتا قىلىدۇ. بۇنداق يۈزلەرگە قاراش ۋە ئۇلارنىڭ ئەھۋالىنى كۈرۈش ۋە ئاڭلاشمۇ  ھىممەتنى ئاشۇرىدۇ.    3- رامىزان ئېيى دۇئا قىلىش ئېيى بولۇپ، مۇسۇلمانلار بۇ ئايدا كۆپلەپ دۇئا قىلىش ئارقىلىق ئاللاھ تائالاغا يېقىنلىشىدۇ. 4- ۋاقىتنىڭ قىممىتىنى بىلىش: چۈنكى ۋاقىت ئاللاھ ئىنسانغا ھەدىيە قىلغان ئەڭ قىممەتلىك نەرسە ۋە ئىنساننىڭ ئىلگىدە بولغان نەرسىنىڭمۇ ئەڭ قىممەتلىكىدۇر. شۇنىڭدە مۇسۇلمان كىشى رامىزان ئېيىنىڭ كىچىسى ۋە كۈندۈزى ھەتتا مىنۇت ۋە سىكۇتلىرىنىڭمۇ ئايرىم – ئايرىم پەزىلەتلىرى بارلىقىنى بىلىدۇ. 5- رامزان ئىېيدا ئاللاھنىڭ ساڭا قىلغان نىېئمەت ئىھسانلىرى بىلىش ۋە ئۇ ئىنئاملىرىغا شۈكرى قىلىشقا تىرىشىش.   ئاللاھ تائالا قۇرئان كەرىمدە مۇنداق دەيدۇ: ئۆز ۋاقتىدا پەرۋەردىگارىڭلار: «نېمىتىگە شۈكۈر قىلساڭلار، (ئۇنى) تېخىمۇ زىيادە قىلىمەن. ئەگەر(كۇفرانى نېمەت) قىلساڭلار، مېنىڭ ئازابىم، ئەلۋەتتە، بەكمۇ قاتتىق بولىدۇ» دەپ جاكالىدى. [7سۈرە ئىبراھىم 7-ئايەت] ئاللاھ يەنە مۇنداق دەيدۇ: اﷲ سىلەرگە سورىغان نەرسەڭلارنىڭ ھەممىسىنى بەردى، سىلەر اﷲ نىڭ نېمەتلىرىنى ساناپ تۈگىتەلمەيسىلەر، كاپىر ئادەم، شەك ـ شۈبھىسىزكى، زۇلۇم قىلغۇچىدۇر، (اﷲ نىڭ نېمەتلىرىگە) كۇفرىلىق قىلغۇچىدۇر  [سۈرە ئىبراھىم 34-ئايەت]. 6- ھىممەتنىڭ يۈكسىلىشىگە تۇسالغۇ بولىدىغان ئامىللارنىڭ يوق بولىشى: چۈنكى رامىزان ئېيىدا شەيتان باغلىنىپ مۆمىنلەرنى ئازدۇرۇش ۋە ھىيلە قىلىش كۈچى ئازىيىدۇ. كىشىلەر روزا تۇتۇش، قۇرئان ئوقۇش  ۋە ناماز ئوقۇش ئارقىلىق قەلپلىرى پاكلىنىپ ھاۋايى ھەۋەس ۋە غەپلەتتىن ئۇزاقلىشىپ ھىممىتى تېخىمۇ يۈكسىلىدۇ. تەرجىمىدە: ئابدۇلئەھەد(ئۇجات) مەنبە: ئۈنچىلەر

qoglukk

	ئاللاھ رەھمەت قىلسۇن قىرىندىدىم، بۇ ئۇلۇغ ئاينىڭ خىسلىتىنى ھەقىقەتەن تىل بىلەن تەسۋىرلەپ تۈگىتىش تەسكە چۈشىدۇ. ئۇلۇغ ئاللاھ بۇ ئۇلۇغ ئاي ئۇلۇغ كۈنلەردە ھەممىمىزگە ئىنساپ ھىدەيەت، يۇتلىرىمىزغا تىنىچ- ئامانلىق، مۇسۇلمان قىرىنداشلىرىمىزنىڭ ساقايمىغان كىسەللىرىگە دەۋا ھەم سالامەتلىك ئاتا قىلسۇن، ئامىن!

pexmet

	رامىزان ئۇلۇغ ئاي ،رامىزان تۈرلۈك ئەمەللەرگە ھەسسىلەپ ئەجىر بىرىلىدىغان ئاي،رامىزان دىن ئۈگىنىدىغان ئاي، ئۇيغۇر قىرىنداشلارنىڭ رامىزاندا تىلبۇزۇر كۆرۈپ،تورغا مەپتۇن بولۇپ ۋاقتىنى ئىسراپ قىلماسلىقىنى كۆپرەك ۋاقتىدا ئىسلام دىنىنى چۈشەندۈردىغان كىتاب ماتىرياللارنى ئوقۇشىنى،ئاڭلىشىنى ئۈمىد قىلىمەن، رامىزاندا قۇرئان ئوقۇشنى قەتئى ئۇنتۇپ قالماڭ！زوھۇردا ئاران  ئون بەت ،ئىفتاردا ئاران ئون بەت ئوقۇسىڭىز قۇرئاننى پۈتۈن تامام قىللايسىز، قۇرئان چۈشۈرۈش ئادىرسى： http://kitaphumar.com/?p=225

babur99

	pexmet يوللىغان ۋاقتى  2014-6-23 10:17 PM رامىزان ئۇلۇغ ئاي ،رامىزان تۈرلۈك ئەمەللەرگە ھەسسىلەپ ... بۇ بىر مۇسۇلماننىڭ يەنە بىر مۇسۇلمان قېرىندىشىغا قىلغان سەمىمىي نەسھىتى بوپتۇ .ئاللا رەھمەت قىلسۇن .

Uyghurbufet

	ئەبۇ ھۇرەيرە رەزىياللاھۇ ئەنھۇدىن رىۋايەت قىلىنۇدىكى ، پەيغەمبەر ئەلەيھىسسالام مۇنداق دىگەن：<سىلەردىن بىرەرسىڭلار روزا تۇتقان كۈندە، ناشايان سۆزلەرنى قىلمىسۇن.جىدەل-ماجىرا تۇغدۇرۇپ چوقان كۆتۈرمىسۇن، ئەگەر بىر كىشى ئۇنى تىللىسا ياكى ئۇرۇشسا، مەن روزىدارمەن دىسۇن.>___بۇخارى ۋە مۇسلىم رىۋايەت قىلغان . مەنبە： ياخشىلار باغچىسى

مېھرىما

	بەك ياخشى تىما يوللاپسىز ،سىزگە اللاھ كوپ-كوپ رەھمەتلەر قىلسۇن.يىلدا بىر كىلىدىغان رامىزان ئېيىدا كوپراق دىن ئۈگۈنىۋالساق ئۈزىمىزگە ياخشى ئىكەن.

نەزەر

	Uyghurbufet يوللىغان ۋاقتى  2014-6-23 11:56 PM ئەبۇ ھۇرەيرە رەزىياللاھۇ ئەنھۇدىن رىۋايەت قىلىنۇدىكى  ... ئىنشا ئاللاھ نادىر ئىنكاس بوپتۇ ...ئاللاھ خالىسا رامىزاندا ياخشى ئىش ھەركەتلەر بىلەن شۇغۇللانغىلى نىسىپ قىلسۇن ئامىن .

TáwpéK0903

	ياخشى   تىما  بوپتۇ     تەشەككۇر

OZLVK

	سىزگە ۋە ھەممىمىزگە ئاللاھ رەخمەت قىلسۇن قېرىندىشىم