‏خوش بولدۇم(ساتىرا)

ap~qilam

	‏خوش بولدۇم(ساتىرا) ‏ ‏ ‏بىلمەي تۇرۇپ چۈشۈشنى،باشلاپ كەتتىم ئۇچۇشنى، ‏شۇندىمۇ ساق-سالامەت چۈشكىنىمگە خوش بولدۇم ‏ئىشىنىپ ئۆز-ئۆزۈمگە،ئويلاپ شەرەپ قۇچۇشنى، ‏ئۇچۇپ كەلگەن ئامەتكە ئۈسكىنىمگە خوش بولدۇم. ‏ ‏يۆلىمەستىن بىر كىشى يىقىلسا چوڭ كوچىدا، ‏ئويۇن بىلىپ ھىجىيىپ تۇرغىنىمغا خوش بولدۇم. ‏زامان زورنىڭ دەپ بىلىپ نوچى بولۇش كويىدا، ‏يۇۋاشلارنى ئانى تېپ ئۇرغىنىمغا خوش بولدۇم. ‏ ‏پۇلى بارنى دوستۇم دەپ ئارقىسىدىن پايپاسلاپ، ‏كۈندە خوشال يەپ-ئىچىپ يۈرگىنىمگە خوش بولدۇم. ‏كۈن چۈشكەندە بېشىغا ئىزدەپ كەلسە قېشىمغا، ‏كىمۇ سەن دەپ قاپاقنى تۈرگىنىمگە خوش بولدۇم. ‏ ‏خەلقىم ماتەم كويىدا كۆيسە ئەلنىڭ ئىشقىدا، ‏ياشلىق بىلىپ قىزلارغا كۆيگىنىمگە خوش بولدۇم. ‏شەرەپ قۇچسا بىرەسى مىت قىلماستىن ئۇنىڭغا، ‏چەتئەللىكنى ئۆز بىلىپ سۆيگىنىمگە خوش بولدۇم. ‏ ‏دىبا قاۋاق ماكانىم ئاتام كەبى كانىم بار، ‏بۇ ھاياتنىڭ پەيزىنى سۈرگىنىمگە خوش بولدۇم. ‏ئۆلمىسەملا تاماشا بۇ ئۆزگەرمەس نىشانىم ، ‏كىچىك تۇرۇپ ھەممىنى كۆرگىنىمگە خوش بولدۇم. ‏ ‏ساراڭمىكىن دەپ قالدىم كىشىلەرگە نەزەر سېپ، ‏مەن سۆزلىسەم جار سېلىپ كۈلگىنىمگە خوش بولدۇم. ‏ئۇلار دەيدۇ خۇدايىم پاناھ بەرسۇن بۇلاردىن، ‏شۇنداق بولسا نۇمۇستىن ئۆلگىنىمگە خوش بولدۇم. ‏ ‏ ‏مەنبەسى:ئەپچىلەم

99sahrayi99

	بەك بەلەن چىقبپتۇ، قولىڭىز بەركەتلىك بولسۇن.

XAHZAD

	شىئىر تىلى ئىنتايىن ئۆتكۈر چىقىپتۇ .

arka1

	ياخشى يىزىپسىز،بەك ياقتۇدۇم ،

oylun

	ئىنتايىن ياخشى چىقىپتۇ،  چارمىغايسىز...