سەنئەت مەكتەپنىڭ بوسۇغىسى

قانۇن

	سەنئەت مەكتەپكە كىرىش قانچىلىك تەس؟ نەسىردىن ئەپەندىمدىن بىرى سوراپتۇ:ئەپەندىم ،نىمىشقا كىشىلەر بىرى ئۇياققا، يەنە بىرى بۇايقا ماڭىدۇ؟ئەپەندىم تۇرۇپ كىتىپ:دۇنيا سۇ ئۈستىدىكى تەڭنىگە ئوخشايدۇ،ھەممىسى بىر تەرەپكە ماڭسا تەڭنە ئۆرۈلۈپ سۇغا چۆكۈپ كىتىدۇ.     ئىككى كۈندىن بىرى تورغا چىقىغان ۋاختىم بولماي قالدى،سەۋەبى بىر يېقىنىمىزنىڭ خىزمەت ئىشى توغرىلىق كاللام ئارامىدا ئەمەس.ئۇنىڭ ئۈستىگە تورمۇ بۇرۇنقىدەك جانلىق ئەمەستەك،تىما يازىدىغانلار بىلەن ئىنكاسچى كۆرۈرمەنلەر ئازلاپ قالغاندەك تۇيۇلدى.ھازىر دىمىسىمۇ ۋەزىيەت سەل جىددى بولۇۋاتىدۇ،بولۇپمۇ توردا قىلغان گەپ-سۆزلەرگە دىققەت قىلماي بولمايدۇ.باباھى بۈزرۈك ئەجداتلىرىمىز بىزگە تۈگىمەس بايلىقلارنى قالدۇرۇپ كەتكەن ئىكەن،ئۇيغۇر تىلىمۇ شۇ بايلىقلاردىن بىرى بولسا كىرەك.تىلىمىز ئۆزىنىڭ مەجنۇنتالدەك ئەۋرىشىم يۇمشاقلىغى、 ئازسۆز بىلەن چۇڭقۇر مەنانى ئىپادىلەيدىغانلىغى、ماقال-تەمسىل ئىستىلىستىكا ۋاستىلەر بايلىغى بىلەن دۇنيادا يەككە-يىگانە گۆھەردۇر.ئۇستا يازغۇچى- شائىرلار ئادەتتىكى “ئانا、 مۇھەببەت”دىگەندەك، مەڭگۈلۈق تىمىلار بىلەن نۇرغۇن گەپلەرنى قىلىۋىتەلەيدىغۇ؟يىتىلگەن ئالىم ئاز-ساز سۆزلەيدىغانلاردىندۇر،ئۇنىڭ ئادەتتىكى بىر جۇملە سۆزى كىيىنكىلەرنىڭ بىر كىتاپ يېزىشىغا يىتىپ ئاشىدۇ.ھەممە ئادەم ئالىم بولۇپ كىتەلمىسىمۇ،شۇ نىشانغا قاراپ ئالغا ئىلگىرلىگەننىڭ پايدىسى بار زىيىنى يوق! ماگنىت مەيدانىدا زەرەتلەنگەن ئاتۇم زەرىچىللىرى، ئوخشاش بىر يۈلىنىشتە ئېقىشتىن توك (ئىلىكتىر)پەيدا بولىدىكەن. بۇ قانۇنىيەتنى ئادەمگە تەدبىقلىساق،ئەگەر ھەممە ئادەم بىرنىيەت بىرمەقسەتتە بولۇپ كەتسە،كۆز بىلەن كۆرگىلى بولمايدىغان ئاتۇم زەرىچىللىرى غايەت زور ئىنىرگىيە ھاسىل قىلغاندەك،ئېرىقلار قوشۇلۇپ دەيا بولۇپ شىددەت بىلەن دولقۇنلاپ ئاققاندەك ،ناھايىتى كىشنى ھاياجانغا سالىدىغان مەنزىرە شەكىللەندۈرىدىغانغا ئىشەنمەي بولمايدۇ.شۇڭا “ئىتىپاقلىق كۈچ!”دەپ ھەردائىم جار سالىمىز! بۆرە قوي قوتىنىغا كىرسە ئاۋال ئاجىز –مېيىپلىرىدىن باشلاپ يىيىشكە باشلىسا،كۈندىن-كۈنگە بىر-بىرلەپ ھەممىنى جايلاپ تاشلايدىكەن.قوچقار بولغان ئەركەكلىرى ئاجىز-مېيىپلىرىنىڭ گېپىنى قىلمىسا ،ئاخىرى بىركۈن ئۇمۇ شۇ قاتارغا كىتىدۇ ئەلۋەتتە.ئابدىشۈكۈر مۇھەممەتىمىن ئەپەندى(ياتقان يېرى جەننەتتە بولغاي!)ھەسرەت بىلەن :“بىلىق كۆزلەر مىنى كۆرەلمەيدۇ،گۆھەر كۆزلەرنى مەن تاپالمايمەن”دەپ ئالەمدىن ئۆتكەن ئىكەن.رەھمەتلىك ئۆلۈپ كەتكەندىن كىيىن كىشىلەر :“50يىلغىچە ئۇيغۇر ئۇيغۇر بولۇپ تۇرالىسا ،ئۇنىڭ قەدرىگە شۇ جاغدا يىتىدۇ”دىيىشكەن ئىدى.بۇ 50نىڭ  يېرىمى تۈگە –تۈگىمەي  بولۇۋاتقان ئىشلار، بىزنى مۇددەتتىن بۇرۇن ئۇنى سېغىنىشقا مەجبۇرلاۋاتىدۇ.خەيرىيەت كەتكەنلەر كىتىدىكەن ،ياشىغانلار يەنىلا ياشىمىسا بولمايدىكەن.ئۇزۇن گەپنىڭ قىسىقىسى، ئەمدى مەقسەتكە كەلسەك ! بىر تۇققىنىمىزنىڭ بالىسى سەنئەت مەكتەپنى ئەلا نەتىجە بىلەن پۈتتۈرگەن بولۇپ، خىزمەت ئىشى ھەممىمىزنىڭ بېشنى قاتۇرغىلى تۇردى.بىزمۇ قىزىق خەقتە،مىڭتەستە بىر بالىنى قاتارغا قوشۇپ بولۇپ،يەنە ئۇنىڭ خىزمەت ئىشىغا كۆڭۈل بولمىسەك بولمىغان،تېخى ئۇنىڭغا ئۆي ئېلىپ بەرمىسەك بولمايدۇ،توينىڭ چىقىملىرىمۇ ئاز ئەمەس ئەلۋەتتە. ئۆزىمىزدىن قىلچە ئېشىنالماي قىلىۋاتىمىز،جەمىيەت–دۆلەت ئىشلىرى بىرياندا تۇرۇپ تۇرسۇن،خۇلۇم-خوشنا、 دوست-بۇرادەر 、ئۇرۇق تۇققان دىگەنلەرگە كۆڭۈل بۆلگىدەك ئارامىمىز يوق، ئادەملىرىمىزنىڭ ئۆمرى بالىسىنىڭ دەردى-پىراقىدا مۇشۇنداق ئەۋلاتمۇ-ئەۋلات داۋاملىشىپ كىتىۋىرەرمۇ-ئەمدى؟ كۆپلىگەن زىيالىلىرىمىز بىزدە ۋاقىت ئىسراپچىلىغى ئېغىر دىدى،يەنە بەزىللىرى يەنە بىرمۇنچە ئىسراپچىلىقنىڭ گېپىنى قىلىپ ئۆتتى.مەن دەيمەن، بۇ زىھنىن ئىسراپچىلىغى、 بىلىم ئىسراپچىلىغى 、قابىلىيەت ئىسراپچىلىغى! بىز ئادەتتە چەتئەلدىن ئۆرنەك ئېلىشقا ئامراق،ئەلۋەتتە باشقىلارنىڭ ياخشى تەرەپلىرىنى ئۈگەنمىسە ئارقىدا قېلىۋىرىدىغان گەپكەن.ئامىرىكىدا بالىلارنىڭ مۇستەقىللىق ئىددىيىسىنى تاۋلاش ئۈچۈن ،كىچىگىدىن گېزىت、 سۈت ساتقىلى سالىدىكەن.ئۇنىڭسىزمۇ ئۇلار ھەرگىز بىلىمسىز قالماپتۇ،ئەكسىچە بالىلار ئۆزى پۇل تېپىپ بىلىمنى ئۆز ئەمگىدىن كەلگەن ئىقتىسات بىلەن ئالىدىكەن،شۇڭلاشقىمۇ دۇنيادىكى ئەڭ ئالى بىلىم يۇرتلىرىنىڭ ھەممىسى ئامىرىكىدا دىگۈدەكلا ئىكەن.ياپۇنىيەدە يەسلى باللىرىنىڭ سومكىسىنىمۇ ئاتا-ئانىسى كۆتۈرىۋالماي،كىچىك باللىرىنىڭ  ئۆزىگە كۆتەرگىلى سالىدىكەن،يېقىلىپ چۈشسە بالىسىنىڭ ئۆرنىدىن تۇرۇشىغا مەدەت بىرىپ بىر چەتتە قاراپ تۇرىدىكەن ھەرگىز يۆلەپ قويمايدىكەن.گىرمانىيە شۇنچە تەرەققى قىلغان ئەل تۇرۇپ،تۇرمۇشتىكى ئۇششاق-چۈشەك رىمۇنىتچىلىق ئىشلىرىنى ئۆزى قىلىۋالىدىكەن،ئۇلار بۇنى ئادەمنىڭ مۇستەقىللىق ئىدىديىسىنى تاۋلايدىغان ئامىل دەپ قارايدىكەن.ئۆتكۈر ئەپەندىنىڭ قەلىمى ئاستىدىكى 《ئويغانغان زىمىن》رومانىدا،خۇجانىياز ھاجىنىڭ بالىلىق ۋاختىدىكى مۇنداق بىر سۆزى دائىم قۇلاق تۈۋۈمدا جاراڭلايدۇ:“ئوغۇل بالا ساقال-بۇرۇت خەت تارتىپ، بالاغەتكە قەدەم قويغاندا ئۆز كۈنىنى ئۆزى ئالغىنى ياخشى.”بۇ گەپتىن ئويلاپ قالدىم، ئۆتكۈر ئەپەندى ئامىرىكىلىقمىدۇ ياكى خۇجانىياز پەلگان ئامىرىكىلىقمۇ؟خۇجانىياز پەلگان شۇچاغدا شۇنداق دىگەننى كىم ئاڭلىغان بولغىتى،ياكى بۇ قەلەم ئىگىسىنىڭ توقۇلمىسىمىدۇ؟ بۇنى بىلگىلى بولمىدى.ئەپسۇس ئۆتكۈر ئەپەندى ھايات بولغان بولسا ،ئۆزىدىن سورىۋالغان بولارئىدىم. مۇشۇ بىر جۇملە سۆزنىڭ ۋەزنى ھازىرقى كۈنىمىزدە، بارلىق ھايات كارۋىنىمىزنىڭ ئېغىز تۇرۇقىنى يىتىلەپ ماڭىدىغان چۇلۋۇر بولغان ئىدى. بۇ ھەمشىرە تۇققۇنىمىز بىرتاللا يەككە-يىگانە ئوغلىنى ھەم دادىسى-ھەم ئانىسىدىن چارە كۆرۈپ،ھەم دادا -ھەم ئانا بولۇپ قاتارغا قوشقان ئىكەن.ئوغلى ئالى مەكتەپنى پۈتتۈرگەن پاكىز-كىلىشكەن يىگىت بولۇپ ھەممىنىڭ مەسلىگىنى كەلتۈرۈپ قاتارغا قوشۇلغاندا،ئەمدى ئۇنىڭ خىزمەت ئىشى نۆۋەتتە ھەل قىلمىسا بولمايدىغان مۇھىم ئىش بولۇپ قالغان.ئوغلى ناھايىتى ئەقىللىق بالا بولغان ئىكەن،ئۇ ئانىسىغا جاپا سالماسلىق ئۈچۈن تىجارەت قىلاي دىسە ،ئانىسى ئۇنى مۇقىم –جاپا تارتمايدىغان بىرەر خىزمەتكە ئورۇنلاشتۇرۇۋېتىپ ئارام تاپماقچى بولغان ئىدى.مەن:“شۇنداق ،بالىنىڭ ئارزۇسىغا يول قويۇڭ”دىسەم ،بىرمۇنچە ئورۇنلۇق رەت قىلغىلى بولمايدىغان سەۋەپلەرنى كۆرسىتىپ مىنى قايىل قىلغان بولدى.(بۇ يەردە شەخسى مەخپىيەتلىككە تاقىلىدىغان گەپلەر بولغاچقا،ھەممىنى ئاشكارىلاشقا مۇمكىن بولمىدى).شۇنداق قىلىپ ئوغۇل چوقۇم سەنئەت مەكتەپنىڭ توك ئىشلىرىنى باشقۇرىدىغان،نىسپەتەن تىنچ- غەۋغادىن خالى ئارقا سەپ بۆلىمىگە كىرمىسە بولمايدىغان بولدى.بۇ ئورۇن ئادەتتىكى ئورۇن بولۇپ،كۆپىنچە كىشىلەر بۇنداق ئورۇننى تالاشمايدۇ،شۇڭىمۇ ئۇزۇندىن بىرى بۇ ئورۇن بوش تۇرۇۋاتاتتى.لىكىن ھەرقانداق ئورۇنلۇق تەلەپمۇ،بولۇپمۇ باشقىلارنىڭ قولى ئارقىلىق پۈتىدىغان ئىش بولسىلا،ئاسان  ئىشمۇ تەسلىشىپ كىتىدىكەن. مانا بۇ ئىشقا بىر يىلدىن ئاشتى ،تېخىچە ھىچقانداق شەپە يوق ئىدى.شۇنچە ئىسىل مەكتەپلەرنى پۈتتۈرگەن مارجاندەك بالىلار، شۇ ئىككى-توكتوك مۇئاشلىق خىزمەتكە تەلمۈرۈپ، ھەممىنى بىكار قىلىۋاتقان ئىدى.بۇرۇن بىرنەرسىنى بىلسەم ،ئۆيلىرىمىزنى ئۆزىمىز سېلىۋالىدىغان،ھەرخىل ھۈنەرۋەن-كاسىپلىرىمىز بولىدىغان،ئۇلار ئىشنىڭ كۆپلىگىدە بېشىنى كۆتەرمەي ئىشلەيدىغان.سەل ئىلگىرى ئۈرۈمچىنىڭ بۇلاق بېشى كۆچىسىدا، مىسكەر、 قەلەيچى 、تۆمۈرچىلەر قاتار ئۆلتۇرۇشۇپ ھۆنەر قىلىدىغان.ھازىر ھۈنەرۋەنلەر نەگىدۇر يوقاپ كىتىپ،ئورنىنى ئۈششاق تىجارەتچىلەر ئىگەللەپتۇ.ئەتراپىمىزدىكىلەر ئۆيلىرىنى بىزەپ-زىننەتلەپ ھارمىدى،بۇ جەرياندىكى ئىشلارمۇ قۇلاققا كىرىپ تۇراتتى.قارىسام كۆپىنچىسى باشقىلارغا بىزەكچىلىك قىلغىلى بىرىدىكەن،شۇنىڭ بىلەن نىمىشقا ئۆز ئادەملىرىمىزگە قىلدۇرمايسىلەر دىسەم،ھەي ئۇلارنى پۇلنى ئېلىۋىلىپ ئىشتىك قىلىپ بەرمەيدۇ دەپ  بىرمۇنچە بانا سەۋەپ كۆرسىتىپ بىرىشتى.خەيرىيەت، بۇنىڭغىمۇ بولدى دىمەي بولمىدى!بۇنى ئازدەپ چوڭ-كىچىك ھۆكۈمەتكە مۇناسىۋەتلىك ئىشلانىمۇ خەن مىللىتىدىن ئادەم ئىزلەيدىغان بولدۇق،سەۋەبى مۇناسىۋىتى بار 、ئالدىمايدۇ、 ئىشتىك چىقىرىپ بىرىدۇ دىگەندەك بولدى.شۇنداق قىلىپ بۇ ئوغۇلنىڭ خىزمەت ئىشىنىمۇ بىر خەن كىشىسى يول مېڭىپ بىرىۋاتاتتى،مانا-ئەينا دەپ بىر يىلدىن ئاشتى.قارىسا گەپ سۆزلىرى ئورۇنلۇق ،قانداق قىلغۇلۇق ئەمدى؟ بۇنىڭغىمۇ سەۋرى-تاقەت قىلىپ تۇرماي بولمايتى. سەنئەت مەكتەپنىڭ بوسۇغۇسى شۇنچىلىك ئىگىزمىدۇ؟بىلىدىغانلار ئۇچۇر قىلىۋەتساڭلار بوپتىكەن!

ئانىجان

	ھەي،ھازىر بەزى ئاتا-ئانىلارنىڭ ئىدىيىسىنى دەرھال ئۆزگەرتمەك تەس، بالىلىرى چوقۇم ھۆكۈمەت ئۆرگىنىدىكى تۆمۈر تاۋاققا ئېرىشمىسە خىزمەت ھىساپلىمايدۇ، مانچە يىل ئوقۇتقانغا چۇشلۇق بىرەر مۇقىم خىزمەت تېپىپ مېنى خاتىرجەم قىل دەپ بالىلارنى ھۆكۈمەت ئورۇنلىرىدىن خىزمەت تېپىشقا ئۈندەيدۇ، بالىلارمۇ كىچىكىدىن مۇشۇنداق تەربىيە ئاستىدا چوڭ بولغاچقا، خۇددى مۇشۇ خىزمەتلەردىن باشقىسىدا جان باقالمايدىغاندەك ئۆلۈك ئىدىيە بىلەن، مەمۇرلۇق ئىمتىھانى،كەسپى شىتات دىگەندەك ئايىغى چىقماس ئىمتىھانلار بىلەن نەچچە يىلنى ئۆتكۈزىۋېتىدۇ، شۇڭا دەيمەن، نىمىشقا بىزدەك ھۆكۈمەت ئورنىدا ئىشلەۋاتقانلار كۈندە قاخشايمىزيۇ، لېكىن ھەر يىلى ھۆكۈمەت ئورۇنلىرىنىڭ تۈرلۈك ئىمتىھانلىرىدا بىر ئورۇنغا نەچچە يۈزلەپ بالىلار تىزىملىتىپ ئىمتىھان بېرىدۇ؟بىزمۇ قاخشايمىزيۇ، يەنە قويە بۇنداق خىزمەت دىگەننى دىيەلمەيمىز؟ بۇ توغرىسىدا سۆزلىسەم گەپ تولا.  يەنە بىر مەسىلە،ئىش بېجىرىشتە نورمال يول ئارقىلىق بېجىرمەسلىك ۋە ئۆز ئادەملىرىمىزنى ئىزدىمەسلىك. بۇنىڭ بىر سەۋەبىنى  جوڭگوچىلىق  دەپ چۈشىنىمەن،مەن تارىخى كىنولارنى كۆپ كۆرىمەن، شۇنى ھىس قىلدىمكى ھازىرقى خىزمەت ئۇسلۇب خەنلەرنىڭ قان قېنىغا سىڭىپ كەتكەن ئىكەن،شۇڭا  تارىختىن بۇيان پارىخور ئەمەلدارلار ئەزەلدىن چەكلىنىپ تۈگىگەن ئەمەسكەن،پۇقرامۇ توغرا يول بىلەن بېجىرسە بولىدىغان ئىشلارنى باشقا يوللار بىلەن بېجىرىپ ، شۇلارغا قىزىل چىراق يېقىپ بېرىدىكەن، مانا بۇ نىمىشقا جوڭگودا چارىخورلارنى چەكلەپمۇ تۈگىتىپ بولالماسلىقنىڭ سەۋەبى.بۇ ئادەت ھازىر بىرنىڭ ئادەملىرىمىزگە يۇقۇپ بولدى، يەنە بىر سەۋەبى ئۆز ئادەملىرىمىزگە ئىشەنمەسلىك دەپ چۈشەندىم، چۈنكى ئەتراپىمدىكى مۇشۇنداق ئادەملەرگە گەپ چۈشەندۈرۈپ بولالماي ئاچچىق يۇتۇۋالغان ۋاقىتلىرىم تالاي، خۇددى سىز ئېيتقاندەك ئەڭ ئاددىسى نەرسە كېرەك سېتىۋېلىشتىمۇ قارىسىڭىزلا چۈشىنىسىز، نەچچە يىلنىڭ ئالدىدا بىزنىڭ يۇرتتا تەڭ دىمەتلىكلەر ئارىسىدا تۇرۇپلا ئۆ سېتىۋېلىش  دولقۇنى كۆتىرىلدى،  سېتىۋالغان ئۆينى بېزەش كېرەكقۇ، بىز بىر ئۇيغۇر ئۇستامنى تاپتۇق، قالغان تونۇش بىلىشلەر ئاساسەن يولداشلارغا بېزەتكۈزدى، سەۋەبى ئۇلارنىڭ خىزمەت ئۈنۈمى يۇقىرى، سۈپىتى ياخشىمىش، مېنىڭ « ئۆز ئادەملىرىمىزگە پۇرسەت بەرمىسەك ئۇلار ياخشى قىلىشنى، سۈپەتلىك قىلىشنى قانداق ئۆگىنىدۇ» دىگەن سۆزۈمگە رەددىيە بېرىدىغانلار كۆپ چىقتى، ئاخىرى ئالدىن بەرگەن پۇلنى ئېلىپ قېچىپ كېتىدىغان ئۆي زىننەتلىگۈچىلەرگە ئۇچرىغانلارمۇ بولدى،شۇندىمۇ يەنىلا بۇرنىغا يىمەي،ئاخىرىنى يەنە شۇلارنىڭ «تۇققان»لىرىغا قىلدۇرۇپ تۈگەتتى ئادەمنى ھەيران قالدۇرۇپ.  ھەي، نىمە دەيمىز ئەمدى.

mihir

	مەن بىلمەيدىكەنمەن ، .................

tapammidim

tapammidim

	ئارقا ئئىشىككە كىچىك  كەپ قەپقاپسىز .

musilina

	سەنئەت مەكتەپتە ئوقۇپ خىزمەت تاپالمىغانلار نۇرغۇن.... مېنىڭ بىر تونۇشۇمنىڭ سەنئەت مەكتەپنى پۈتتۈرگەن قىزىمۇ دۇكان ئېچىپ  يۈرىيدۇ ....

bagbax009

	ئالدى ئىشىكتىن يىڭنە پاتمايدۇ،ئارقا ئىشىكتىن تۆگە قاترايدۇ.

nijatkurban

	musilina يوللىغان ۋاقتى  2014-6-23 04:10 PM سەنئەت مەكتەپتە ئوقۇپ خىزمەت تاپالمىغانلار نۇرغۇن.... ... مۇشۇ ياخشى

babur99

	مۇقىم خىزمەتنىڭ دەردى يوقمىش .... دەردىنى بىزدەك نەچچە يىل قىلىپ باققاندا بىلسىز. ئاتا -ئانامدىن مىڭدىن -مىڭ رازى ،بىراق مۇشۇ كىچكىمدىن كاللامغا «تۆمۈر دەپتەرگە ئۆت »دېگەن ئىديىنى قۇيۋەتكىنىگە تازا رازى بولالمىدىم . مۇقىم خزمەتكە ئرېشىپقۇ ماددىي جەھەتتە  زىيان تارتمىدىم ،بىراق دىيىكى سۇنۇپ كەتكەن ۋېلسىپىتنى تامغا يۆلەپ قويمىسا تۇرالمىغاندەك تايىنىۋېلىشچان خاركتىردىن   ،بىرخىل ئۆزۈمنى كەمسىتىش ،بۇرۇقتۇم كەيپىياتتىن  يىللاردىن بېرى پەقەت قۇتۇلالمىدىم . شۇنداق ئويلايمەن :ئىككى ئوغلۇمنى ئۆزنىڭ قىزقىشى بويىچە ئەڭ ياخشى مائارىپ تەربىيسىدىن تاكى ئۆزى ۋاي بولدى دىگۈچە بەھرىمەن قىلىمەن ،ئۆز كۈنىنى ئالغىدەك بولغاندا چوقۇم ئۆزىنىڭ تاللشنى ھۆرمەت قىلىمەن ، ماگىستىرلقىنى تۈگىتىپ قاسساپ بولامدۇ ياكى دوكتۇرلۇقنى تاماملاپ يايما ئاچامدۇ ئۆزىنىڭ ئىختىيارىغا قويىمەن . بىراق شۇ كۈنلەر كەلگۈچە  مېنىڭ ماۋۇ گرانىت كاللاممۇ چوڭ ئۆزگىرىش ياسسمىسا بولمايدىغاندەك تۇرىدۇ .

قانۇن

	babur99 يوللىغان ۋاقتى  2014-6-24 01:45 AM مۇقىم خىزمەتنىڭ دەردى يوقمىش .... دەردىنى بىزدەك نەچچە ي ... ھۆكۈمەتتە ئىشلەيدىغان سىزگە ئوخشاش پىكىر قىللىدىغان،ئەقلى ھۇشى جايىدا ئادەمنىڭ بولغىنى ھۆكۈمەت ئۈچۈنمۇ پۇقرا ئۈچۈنمۇ ،ھېلىقى ئۆزىنىڭ كىملىگىنى بىلەلمىگەن ئادەمنىڭ بولغىنىدىن مىڭ مەرتىۋە ياخشى ! خۇدا دىن مۇرات -مەقسىدىڭىزنى ھاسىل قىلىپ بىرىشىنى تىلەيمەن!